လံာ်စီၤၡမူၤအ့လးခံဘ့ၣ်တဘ့ၣ် 6:15 - Sgaw Karen Common Bible

¹⁵ မၤသးဒ်န့ၣ်ဒီးအဝဲဒီးကယဲၢ်ပှၤအံၣ်စရ့လးဖိခဲလၢာ် က့ၤစိာ်ထီၣ်ယွၤအတၢ်အၢၣ်လီၤအီလီၤအတလါစီဆှံဆူဝ့ၢ်ယရူၤရှလ့ၣ်အိၣ် ဒီးတၢ်သူၣ်ခုသးခုအတၢ်ကိးပသူထီၣ်ဒီးကွဲၤတဖၣ်အသီၣ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 6:15 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 6:14

စီၤဒၤဝံးကူဒၣ်ထဲတၢ်ကံးယာ်လုၣ်ဖီဝါကဆှၣ်ဖိတဘ့ၣ်လၢအယီၢ် ဒ့လိၤဒီးဂဲၤကလံာ်လၢာ်သူၣ်လၢာ်သးလၢတၢ်မၤလၤကပီၤယွၤအဂီၢ် န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 6:16

တုၤတလါစီဆှံန့ၣ်ဘၣ်တၢ်က့ၤစိာ်နုာ်အီၤဆူဝ့ၢ်ပူၤဒီး, စီၤစီလူးအဖိမုၣ်နီၢ်မံၤကၤလးကွၢ်ဃီၤတၢ်လၢပဲတြီဖိဒီး ထံၣ်ဘၣ်စီၤပၤစီၤဒၤဝံးဂဲၤကလံာ်ဒီးစံၣ်ဝ့ၤစံၣ်ဝီၤလၢယွၤ အမဲာ်ညါသတးဒီးပိာ်မုၣ်န့ၣ်အသးဘၣ်အၢအီၤလၢအသးကံၢ်ပူၤန့ၣ် လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 15:16

စီၤဒၤဝံးမၤလိာ်ပှၤလ့ၤဝံဖိအခိၣ်အနၢ်တဖၣ်လၢကဟ့ၣ်မူဟ့ၣ် ဒါပှၤလ့ၤဝံဖိတဖၣ်ဒ်သိးကသးဝံၣ်တၢ်အိၣ်ဒီးတၢ်ဒ့တၢ်အူ အပီးအလီ အကလုာ်ကလုာ်လၢအမ့ၢ်သီတူၢ်တဖၣ်တနၢ်တဖၣ်ဒီးစှၢၢ်စှံး တဖၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 15:25

လၢတၢ်န့ၣ်အဃိစီၤပၤဒၤဝံး, ပှၤအံၣ်စရ့လးဖိအခိၣ်အနၢ်တဖၣ် ဒီးပှၤသုးဖိအခိၣ်တဖၣ်လဲၤဝဲဆူစီၤဧိၤဘ့းအ့ဒိၣ်အဟံၣ်လၢ တၢ်ဟံးန့ၢ်က့ၤတၢ်အၢၣ်လီၤအီလီၤအတလါအဂီၢ်ဒီးအဝဲသ့ၣ်အိၣ် ဒီးတၢ်သူၣ်ဖှံသးညီအမူးဖးဒိၣ်တမူးလီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 15:28

အန့ၣ်ဒီးကယဲၢ်ပှၤအံၣ်စရ့လးဖိခဲလၢာ်ပိာ်ထီၣ်တၢ်အၢၣ်လီၤအီ လီၤတလါစီဆှံအခံဆူဝ့ၢ်ယရူၤၡလ့ၣ်အိၣ်ဃုာ်ဒီးတၢ်သူၣ်ခု သးခုအကိးပသူအသီၣ်တဖၣ်, ကွဲၤတဖၣ်, တနွဲတဖၣ်, ဒီးစှၢၢ်စှံးတဖၣ်အသီၣ်ဒီးသီတူၢ်တဖၣ်အတၢ်သးဝံၣ်အသီၣ်န့ၣ်လီၤ.

စံးထီၣ်ပတြၢၤ 132:18

ယကလုၣ်ဘၢအဒုၣ်အဒါတဖၣ်ဒီး တၢ်မဲာ်ဆှးလီၤ. မ့မ့ၢ်ကဘီၣ်ထီၣ်ညီထီၣ်ဒီး ဂုၤထီၣ်ပသီထီၣ်န့ၣ်လီၤ.

စံးထီၣ်ပတြၢၤ 149:5

မ်ကစၢ်ယွၤအပှၤဂီၢ်မုၢ်သူၣ်ဖှံသးညီ လၢအတၢ်မၤနၢၤအပူၤ, ဒီးသးဝံၣ်တၢ်လၢ တၢ်သးခုဒီနၤညါတက့ၢ်.

စံးထီၣ်ပတြၢၤ 150:3

စံးထီၣ်ပတြၢၤအီၤလၢကွဲၤအသီၣ်န့ၣ်တက့ၢ်. စံးထီၣ်ပတြၢၤအီၤလၢသီတူၢ်ဒီးတနၢ်တက့ၢ်.

စံးထီၣ်ပတြၢၤ 47:1

ပှၤဂီၢ်မုၢ်ခဲလၢာ်သ့ၣ်ဧၢ, ဒဲသုစု, ကိးပသူထီၣ်ဆူကစၢ်ယွၤလၢတၢ်သူၣ်ဖှံသးညီ အတၢ်သးဝံၣ်တဖၣ်န့ၣ်တက့ၢ်.

လံာ်ယဃ့းစက့လး 46:10

စီၤပၤဖိခွါကဘၣ်ဟဲနုာ်ဝဲဖဲပှၤဂီၢ်မုၢ်ဟဲနုာ်ဝဲ, ဒီးကဘၣ်ဟးထီၣ်ဝဲဖဲအဝဲသ့ၣ်ဟးထီၣ်န့ၣ်လီၤ.

လံာ်ဃဘးကူာ် 3:18

ယကအိၣ်ဒံးဒီးတၢ်သူၣ်ခုသးခုဒီးတၢ်သူၣ်ဖှံသးညီလီၤ. အဂ့ၢ်ဒ်အံၤယွၤ, ကစၢ်ယွၤမ့ၢ်ယပှၤအုၣ်က့ၤခီၣ်က့ၤယၤလီၤ.