လံာ်စီၤၡမူၤအ့လးခံဘ့ၣ်တဘ့ၣ် 6:13 - Sgaw Karen Common Bible

¹³ ဖဲပှၤတဖၣ်လၢအစိာ်ထီၣ်ယွၤအတၢ်အၢၣ်လီၤအီလီၤအတလါစီဆှံ ခါထီၣ်အခီၣ်ကါဃုကါဝံၤအလီၢ်ခံန့ၣ်, စီၤဒၤဝံးမၢအအိၣ်ကတီၢ်ဖဲအဝဲလုၢ်ထီၣ်ပာ်ထီၣ်ကျီၢ်ဖါတဒု ဒီးဂီၤဖံးဖိအဘီၣ်တဒုဆူယွၤအအိၣ်အခါန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 6:13 Iomraidhean Croise

လံာ်စီၤပၤအခီၣ်ထံးတဘ့ၣ် 8:5

စီၤပၤၡလိၤမိၤဒီးကယဲၢ်ကီၢ်အံၣ်စရ့လးအပှၤဂီၢ်မုၢ်ခဲလၢာ် အိၣ်ဖှိၣ်ရိဖှိၣ်ဝဲလၢယွၤအတၢ်အၢၣ်လီၤအီလီၤအတလါအမဲာ်ညါ, ဒီးလုၢ်ထီၣ်ပာ်ထီၣ်သိ, ဒီးဂီၤဖံးအါအါကလဲာ်, အါတုၤဒၣ်လဲာ်တၢ်ဂံၢ်အီၤတသ့ဘၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 15:15

ပှၤလ့ၤဝံဖိတဖၣ်ယိးတလါန့ၣ်လၢနီၣ်ယိးဘိအလိၤလၢအဖံဘၣ် ခိၣ်ဒ်ယွၤမၤလိာ်တ့ၢ်ဝဲခီဖျိစီၤမိၤၡ့အသိးန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 15:2

အန့ၣ်ဒီးအဝဲစံးဝဲဒၣ်, “ထဲပှၤလ့ၤဝံဖိတဖၣ်ဧိၤ, ကြၢးစိာ်တၢ်အၢၣ်လီၤအီလီၤအတလါမ့ၢ်လၢ, အဝဲသ့ၣ်, မ့ၢ်ပှၤတဖုလၢယွၤဃုထၢတ့ၢ်အီၤလၢကစိာ်တလါအဂီၢ်ဒီးမၤအတၢ် မၤလီၤစိၤလီၤဃၣ်န့ၣ်လီၤ.”

လံာ်ကွဲးနီၣ်တၢ်ခံဘ့ၣ်တဘ့ၣ် 5:6

စီၤပၤၡလိၤမိၤဒီးကယဲၢ်အံၣ်စရ့လးအပှၤဂီၢ်မုၢ်အိၣ်ဖှိၣ်ရိ ဖှိၣ်ဖဲယွၤအတၢ်အၢၣ်လီၤအီလီၤအတလါအမဲာ်ညါဒီးလုၢ်ထီၣ်ပာ်ထီၣ်သိ ဒီးဂီၤဖံးအါအါဂီၢ်ဂီၢ်တုၤဒၣ်လဲာ်တၢ်ဂံၢ်အီၤတသ့ဘၣ်န့ၣ်လီၤ.

လံာ်တၢ်ဂံၢ် 4:15

တုၤတၢ်အဆၢကတီၢ်ဘၣ်လၢတၢ်ရူၢ်လီၤပှီၢ်သူၣ်ဒဲတဖၣ်ဒီးစီၤကဃး အဒူၣ်ထၢကစိာ်ထီၣ်တၢ်စီဆှံအပီးအလီတဖၣ်ဖဲဒၣ်စီၤအၤဟရိၣ် ဒီးအဖိခွါတဖၣ်ကျၢၢ်ဘၢတၢ်ခဲလၢာ်ဒီးအတၢ်ပီးတၢ်လီတဖၣ်ဝံၤ ဝဲအခါန့ၣ်လီၤ. စီၤကဃးအဒူၣ်ထၢတဘၣ်ထိးဘၣ်တၢ်စီဆှံအပီးအလီတဖၣ်အံၤဘၣ်. မ့ၢ်ထိးဘၣ်ဒီးအဝဲသ့ၣ်ကသံဝဲလီၤ. တၢ်တဖၣ်အံၤမ့ၢ်စီၤကဃးအဒူၣ်ထၢအမူအဒါတဖၣ်တဘျီ လၢ်လၢ်ဖဲဒဲစီဆှံဘၣ်တၢ်သုးအီၤန့ၣ်လီၤ.

လံာ်တၢ်ဂံၢ် 7:9

ဘၣ်ဆၣ်ဒီးစီၤမိၤၡ့တဟ့ၣ်လ့ၣ်နီတခိၣ်, ကျီၢ်ဖါနီတဒုဆူ ပှၤကဃးဖိတဖၣ်အအိၣ်ဘၣ်. အဂ့ၢ်ဒ်အံၤ, တၢ်အပီးအလီစီဆှံလၢအဝဲသ့ၣ်ကဘၣ်အံးထွဲကွၢ် ထွဲဝဲတဖၣ်န့ၣ်ကဘၣ်ယိးဒၣ်ဝဲလၢအဖံဘၣ်ခိၣ်အလိၤန့ၣ်လီၤ.

လံာ်မးသဲ 22:4

မၤကဒီးတစု, အဝဲဆှၢလီၤအခ့အပှၤအဂၤတဖၣ်ဒီးစံးဝဲ, ‘လဲၤဒီးစံးဘၣ်တဲဘၣ်ပှၤလၢအဘၣ်တၢ်ကွဲမုာ်အီၤတဖၣ် လၢယကတဲာ်ကတီၤမူးအတၢ်အီၣ်တၢ်အီဝံၤလံ. ယဂီၤဖံးဖါဒီးဂီၤဖံးဖိလၢအဘီၣ်တဖၣ်ဘၣ်တၢ်မၤသံအီၤလံ. ဒီးတၢ်ခဲလၢာ်အိၣ်ကတဲာ်ကတီၤအသးလံ. ဟဲဆူတၢ်ဖျီအမူးတက့ၢ်.’

လံာ်စီၤယိၤၡူ 3:3

ဒီးစံးဘၣ်ပှၤဂီၢ်မုၢ်, “ဖဲသုထံၣ်ဘၣ်ပှၤလ့ၤဝံဖိအပှၤလုၢ်တၢ်အခိၣ်တဖၣ်စိာ်ယွၤသု ကစၢ်ယွၤအတၢ်အၢၣ်လီၤအီလီၤအတလါဒီးသုဘၣ်ဟးထီၣ်လၢသုလီၢ် ဒီးလဲၤပိာ်အဝဲသ့ၣ်အခံန့ၣ်လီၤ.