လံာ်စီၤၡမူၤအ့လးခံဘ့ၣ်တဘ့ၣ် 6:11 - Sgaw Karen Common Bible

¹¹ ယွၤအတၢ်အၢၣ်လီၤအီလီၤအတလါစီဆှံအိၣ်ဖဲန့ၣ်သၢလါဒီး ယွၤဆိၣ်ဂ့ၤစီၤဧိၤဘ့းအ့ဒိၣ်ဒီးအဟံၣ်ဖိဃီဖိန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 6:11 Iomraidhean Croise

လံာ်တၢ်ကဲထီၣ်အခီၣ်ထံး 30:27

စီၤလၤဘၣ်စံးဘၣ်အီၤ, “ပျဲယစံးတၢ်အံၤတက့ၢ်. ယမၤလိန့ၢ်တၢ်ခီဖျိတၢ်ဖးပှၤကညီအဘူၣ်အတီၤဒီးယနၢ်ပၢၢ်လၢ ယွၤဆိၣ်ဂ့ၤတ့ၢ်ယၤလၢနဃိလီၤ.

လံာ်တၢ်ကဲထီၣ်အခီၣ်ထံး 39:23

တၢ်လၢစီၤယိၤသးအိၣ်မူအိၣ်ဒါဝဲတမံၤလၢ်လၢ်အဂီၢ်န့ၣ်, ဃိာ်ဒိၣ်ကွၢ်ထွဲအလီၢ်တအိၣ်လၢၤဘၣ်, မ့ၢ်လၢယွၤအိၣ်ဒီးစီၤယိၤ သးဒီးဒုးကဲထီၣ်လိၣ်ထီၣ်တၢ်လၢအမၤဝဲကိးမံၤဒဲးအဃိလီၤ.

လံာ်တၢ်ကဲထီၣ်အခီၣ်ထံး 39:5

စးထီၣ်ဖဲန့ၣ်, ယွၤဆိၣ်ဂ့ၤပှၤအဲၤကူပတူးဖိအပှၤဟံၣ်ဖိဃီ ဖိဒီးကယဲၢ်တၢ်အိၣ်လၢအဟံၣ်အဃီပူၤဒီးအစံာ်ပူၤပျီပူၤခဲ လၢာ်လၢစီၤယိၤသးအဃိလီၤ.

လံာ်စီၤၡမူၤအ့လးခံဘ့ၣ်တဘ့ၣ် 6:10

လၢတၢ်န့ၣ်အဃိ, အဝဲပာ်လီၤတ့ၢ်အသးလၢတက့ၤစိာ်လၢၤယွၤအတၢ် အၢၣ်လီၤအီလီၤအတလါစီဆှံန့ၣ်ဒီးအီၤဆူဝ့ၢ်ယရူၤရှလ့ၣ်ဘၣ်န့ၣ်လီၤ. အခိၣ်တလိာ်အဝဲဃၣ်ကွံာ်အသးလၢကျဲဒီးလဲၤစိာ်အီၤဆူ ပှၤအိၣ်ဆိးဖဲဝ့ၢ်ကးအပူၤစီၤဧိၤဘ့းအ့ဒိၣ်အဟံၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 26:4

စီၤဧိၤဘ့းအ့ဒိၣ်လၢကစၢ်ယွၤဆိၣ်ဂ့ၤအီၤခီဖျိဟ့ၣ်လီၤအီၤ လၢအဖိခွါဃိးဂၤအိၣ်စ့ၢ်ကီးဝဲန့ၣ်လီၤ. အဖိခွါတဖၣ်ဒ်အသးအနံၣ်အလါအပှၢ်အစၢ်အသိးမ့ၢ်ဝဲ စီၤၡမါယၤ, စီၤယဟိစဘး, စီၤယိအၤ, စီၤစၤကၢ်, စီၤနၤသန့လး,

လံာ်မၤလကံ 3:10

ဟဲစိာ်သုတၢ်ဆံဆဲၣ်ပူတပူပှဲၤထီၣ်ပှဲၤထီဆူတၢ်လုၢ်ဟံၣ်, ဒ်သိးတၢ်အီၣ်တၢ်အီကအိၣ်အါအါဂီၢ်ဂီၢ်ဖဲန့ၣ်တက့ၢ်. မၤကွၢ်ယၤဒီးသုကထံၣ်ဘၣ်လၢယကအိးထီၣ်မူခိၣ်အပဲတြီ တဖၣ်ဒီးလူလီၤကယဲၢ်တၢ်ဂ့ၤခဲလၢာ်လၢသုဖီခိၣ်တုၤအပှဲၤ လုၣ်ကွံာ်ဒၣ်လဲာ်န့ၣ်လီၤ.