လံာ်စီၤၡမူၤအ့လးခံဘ့ၣ်တဘ့ၣ် 5:9 - Sgaw Karen Common Bible

⁹ ဖဲအမၤန့ၢ်တိာ်န့ၣ်ဝံၤဒီး, စီၤဒၤဝံးအိၣ်ဆိးဝဲလၢအပူၤ ဒီးယုၢ်န့ၢ်အမံၤလၢ, “စီၤဒၤဝံးအဝ့ၢ်” န့ၣ်လီၤ. အဝဲသူၣ်ထီၣ်ဝ့ၢ်ဝးတရံးတၢ်လီၢ်န့ၣ်, စးထီၣ်လၢတၢ်လီၢ်လၢဟီၣ်ခိၣ်ဘၣ်တၢ်မၤပှဲၤအီၤ, လၢအအိၣ်ဝဲဖဲတၢ်လူၢ်အမုၢ်ထီၣ်တခီန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 5:9 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 5:7

(ဘၣ်ဆၣ်ဒီးစီၤဒၤဝံးမၤန့ၢ်ကွံာ်အဝဲသ့ၣ်အဝ့ၢ်စံယိၣ်အတိာ် ဒီးတၢ်န့ၣ်ဘၣ်တၢ်သ့ၣ်ညါအီၤဒ်စီၤဒၤဝံးအဝ့ၢ်န့ၣ်လီၤ.)

လံာ်စီၤၡမူၤအ့လးခံဘ့ၣ်တဘ့ၣ် 5:8

လၢမုၢ်နံၤအဝဲန့ၣ်စီၤဒၤဝံးစံးဘၣ်အပှၤတဖၣ်, “မ့ၢ်ပှၤဖဲအံၤတဂၤဂၤလၢအသးဟ့ပှၤယဘူၣ်ဖိထဲသိးယၤန့ၣ် အိၣ်ဧါ. မ့ၢ်အမ့ၢ်တၢ်သးဟ့တုၤလၢတၢ်အဲၣ်ဒီးမၤသံအဝဲသ့ၣ်န့ၣ်ဧါ. မ့မ့ၢ်ဒ်န့ၣ်အဃိဒီး, လဲၤထီၣ်ခီဖျိထံအကျိၤဒီးဒုးပှၤမဲာ်ဘျီၣ်, ခီၣ်ဟးဂီၤအဖှီၣ်တဖၣ်တက့ၢ်.” (လၢတၢ်န့ၣ်အဃိတၢ်စံးဝဲလၢ, “ပှၤမဲာ်ဘျီၣ်ဒီးပှၤခီၣ်ဟးဂီၤတဖၣ်န့ၣ်လဲၤနုာ်ဆူယွၤအဟံၣ် တသ့ဘၣ်” န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 6:10

လၢတၢ်န့ၣ်အဃိ, အဝဲပာ်လီၤတ့ၢ်အသးလၢတက့ၤစိာ်လၢၤယွၤအတၢ် အၢၣ်လီၤအီလီၤအတလါစီဆှံန့ၣ်ဒီးအီၤဆူဝ့ၢ်ယရူၤရှလ့ၣ်ဘၣ်န့ၣ်လီၤ. အခိၣ်တလိာ်အဝဲဃၣ်ကွံာ်အသးလၢကျဲဒီးလဲၤစိာ်အီၤဆူ ပှၤအိၣ်ဆိးဖဲဝ့ၢ်ကးအပူၤစီၤဧိၤဘ့းအ့ဒိၣ်အဟံၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 11:27

အအံၤမ့ၢ်တၢ်တဲဘၣ်ဃးဒီးတၢ်ပူထီၣ်အဂ့ၢ်န့ၣ်လီၤ. စီၤၡလိၤမိၤမၤပှဲၤက့ၤဟီၣ်ခိၣ်လၢဝ့ၢ်ယရူၤရှလ့ၣ်အမုၢ်ထီၣ် တကပၤဒီးဘှီဂ့ၤထီၣ်က့ၤဝ့ၢ်ခိၣ်ဒူတဖၣ်, န့ၣ်လီၤ.

လံာ်စီၤပၤအခီၣ်ထံးတဘ့ၣ် 2:10

စီၤဒၤဝံးသံဝဲ, ဒီးဘၣ်တၢ်ခူၣ်လီၤကွံာ်အီၤလၢစီၤဒၤဝံး အဝ့ၢ်ပူၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 9:15

စီၤပၤၡလိၤမိၤသူတၢ်မၢဆူၣ်မၢနၢၤအတၢ်မၤလၢတၢ်သူၣ်ထီၣ်ယွၤ အတၢ်လုၢ်ဟံၣ်, ဒီးနီအဂီၢ်, လၢတၢ်မၤပှဲၤထီၣ်ဟီၣ်ခိၣ်လၢတၢ်လီၢ်ဖဲဝ့ၢ်အမုၢ်ထီၣ်တကပၤအဂီၢ်, ဒီးလၢတၢ်သူၣ်ထီၣ်ဝ့ၢ်ခိၣ်ဒူအဂီၢ်န့ၣ်လီၤ. အဝဲမၢဆူၣ်စ့ၢ်ကီးတၢ်လၢတၢ်သူၣ်ထီၣ်ကဒါက့ၤဝ့ၢ်တဖၣ်လၢအမ့ၢ် ဃါစိၢ်, မကံးဒိၤဒီးက့စ့ၢ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 9:24

ဖဲအဝဲအမါလၢအမ့ၢ်ကီၢ်အဲၤကူပတူးအစီၤပၤအဖိမုၣ်, သုးအသးလၢစီၤဒၤဝံးအဝ့ၢ်ဆူနီလၢစီၤၡလိၤမိၤဘှီထီၣ်န့ၢ် လၢအဂီၢ်ဝံၤအလီၢ်ခံန့ၣ်, စီၤၡလိၤမိၤမၤပှဲၤထီၣ်ဟီၣ်ခိၣ်လၢတၢ်လီၢ်လၢအအိၣ်လၢဝ့ၢ် အမုၢ်ထီၣ်တကပၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 12:20

စီၤပၤယိၤအၣ်အသုးခိၣ်သုးနၢ်တဖၣ်ကူၣ်ထီၣ်ထီဒါအီၤ, ဒီးလၢအကျါခံဂၤလၢအမ့ၢ်နီၢ်ၡံမဧးအဖိခွါစီၤယိၤစၤကၢ် ဒီးနီၢ်ၡိမ့ၢ်အဖိခွါစီၤယဟိစဘးန့ၣ်, မၤသံကွံာ်အီၤဖဲဟံၣ်တဖျၢၣ်လၢအဘၣ်တၢ်ဘှီထီၣ်အီၤလၢဟီၣ်ခိၣ် လၢအဘၣ်တၢ်မၤပှဲၤအီၤအဖီခိၣ်လၢအအိၣ်ဖဲဝ့ၢ်ယရူၤၡလ့ၣ်အမုၢ် ထီၣ်, ကျဲလဲၤလီၤဆူဝ့ၢ်စံးလၤအဖီခိၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 12:21

စီၤယိၤအၣ်ဘၣ်တၢ်ခူၣ်လီၤကွံာ်အီၤဖဲစီၤပၤအတၢ်သွၣ်ခိၣ်လၢ စီၤဒၤဝံးအဝ့ၢ်ပူၤဒီးအဖိခွါစီၤအမၤစယါကဲထီၣ်စီၤပၤလၢ အလီၢ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 11:8

အဝဲသူၣ်ထီၣ်ဝ့ၢ်အခိၣ်ဒူဝးတရံး, စးထီၣ်လၢကစၢၢ်ကလိ အမုၢ်ထီၣ်မံးလိၤ, ဖဲစီၤယိၤအာ်တခီဘှီဂ့ၤက့ၤတၢ်အိၣ်လီၤ တဲာ်လၢဝ့ၢ်ပူၤအဂၤတဖၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 32:5

စီၤပၤမၤခၢၣ်သနၢၣ်ထီၣ်က့ၤဝ့ၢ်အတၢ်တြီဆၢဒုၣ်ဒါအလီၢ်တဖၣ်, ခီဖျိတၢ်ဘှီဂ့ၤက့ၤဝ့ၢ်ခိၣ်ဒူ, ဘှီထီၣ်ပှၤခိးတၢ်အလီၢ်တဖၣ်လၢအဖီခိၣ်, ဒီးဘှီထီၣ်ကဒီးတၢ်ဒူၣ်လၢတၢ်ချၢတဒူၣ်န့ၣ်လီၤ. တကးဒံးဘၣ်, အဝဲဘှီဂ့ၤက့ၤတၢ်တြီဆၢဒုၣ်ဒါအလီၢ်တဖၣ်လၢအဘၣ် တၢ်ဘှီထီၣ်တ့ၢ်အီၤဖဲဝ့ၢ်ယရူၤၡလ့ၣ်အတၢ်လီၢ်လၢအလီၢ်လံၤတကပၤ အမုၢ်ထီၣ်, တၢ်လီၢ်လၢတၢ်မၤဃူမၤပှဲၤက့ၤအီၤအပူၤန့ၣ်လီၤ. အဝဲမၢပှၤမၤစ့ၢ်ကီးဘီတဖၣ်ဒီးကတီၤတဖၣ်အါအါဂီၢ်ဂီၢ်န့ၣ်လီၤ.

လံာ်စီၤနဃ့မယၤ 3:15

ဒီးစီၤကိးလဃိစ့ၤအဖိခွါစီၤၡၤလူၣ်လၢအမ့ၢ်ပှၤပၢၤမံး စပၤကီၢ်ဆၣ်ဘှီက့ၤဝဲပဲတရီထံထီၣ်ပၢၢ်န့ၣ်လီၤ. အဝဲမၤထီၣ်တၢ်ခိၣ်ဒုးလၢပဲတြီအကျဲအဂီၢ်ဒီးပာ်ဝဲတြဲၤ တဖၣ်, အနီၣ်ဝံာ်စဲတဖၣ်ဒီးအနီၣ်ဘိတဖၣ်လၢအလီၢ်ဒၣ်ဝဲန့ၣ်လီၤ. ဒီးဖဲနိၣ်ၡံလိၤန့ၣ်ဘှီထီၣ်ဝဲတၢ်ဒူၣ်လၢစီၤပၤအတၤသၣ် လီၢ်အဃၢၤတုၤလီၤလၢဃီလၢအလဲၤလီၤဆူစီၤဒၤဝံးအဝ့ၢ်ပူၤ န့ၣ်လီၤ.

စံးထီၣ်ပတြၢၤ 122:3

ယရူၤၡလ့ၣ်န့ၣ်ဘၣ်တၢ်တ့အီၤ ဒ်ဝ့ၢ်လၢအဆီလီၤတံၢ်လိာ်အသးအသိးန့ၣ်လီၤ.

လံာ်ယၡါယၤ 29:1

ကစၢ်ယွၤအတၢ်လုၢ်လီၢ်, ဝ့ၢ်ယရူၤၡလ့ၣ်အကစၢ်ဒၣ်ဝဲအံၤ, ဘၣ်တၢ်စံၣ်ညီၣ်အီၤဃါမနၤလီၤ. ဝ့ၢ်ဖဲစီၤဒၤဝံးသူၣ်တ့ၢ်အဒဲအလီၢ်န့ၣ်ဘၣ်တၢ်စံၣ်ညီၣ်ဃါမနၤလီၤ. ပျဲအတၢ်အီၣ်အမူးတဖၣ်ဒီးအဘူၣ်တဖၣ်မၤအသး လၢနံၣ်ကဟဲကဒီးတနံၣ်မ့တမ့ၢ်ခံနံၣ်အတီၢ်ပူၤန့ၣ်တက့ၢ်.

လံာ်ပှၤစံၣ်ညီၣ်ကွီၢ် 9:20

မ့တမ့ၢ်ဘၣ်ဒ်န့ၣ်ဒီး, မ်မ့ၣ်အူကဲၤကပျီၤထီၣ်လၢစီၤအဘံၤမ့လ့းအပူၤ ဒီးအီၣ်ကွံာ်ၡက့ၣ်ဒီးမံးလိၤအပှၤပိာ်ခွါတဖၣ်တက့ၢ်. ဒီးမ်မ့ၣ်အူကဲၤကပျီၤထီၣ်လၢၡက့ၣ်ဒီးမံးလိၤအပှၤပိာ်ခွါတဖၣ်အပူၤ ဒီးအီၣ်ကွံာ်စီၤအဘံၤမ့လ့းန့ၣ်တက့ၢ်.”

လံာ်ပှၤစံၣ်ညီၣ်ကွီၢ် 9:6

တုၤနုၤတစု, ပှၤၡက့ၣ်ဖိဒီးပှၤမံးလိၤဖိအပိာ်ခွါတဖၣ် ပာ်ဖှိၣ်ထီၣ်အသးဒီးလဲၤဆူသ့ၣ်သ့ထိးဖၣ်စီဆှံဖဲဝ့ၢ်ၡက့ၣ်ဒီး ပာ်ထီၣ်စီၤအဘံၤမ့လ့းလၢစီၤပၤဖဲန့ၣ်လီၤ.