လံာ်စီၤၡမူၤအ့လးခံဘ့ၣ်တဘ့ၣ် 5:7 - Sgaw Karen Common Bible

⁷ (ဘၣ်ဆၣ်ဒီးစီၤဒၤဝံးမၤန့ၢ်ကွံာ်အဝဲသ့ၣ်အဝ့ၢ်စံယိၣ်အတိာ် ဒီးတၢ်န့ၣ်ဘၣ်တၢ်သ့ၣ်ညါအီၤဒ်စီၤဒၤဝံးအဝ့ၢ်န့ၣ်လီၤ.)

လံာ်စီၤၡမူၤအ့လးခံဘ့ၣ်တဘ့ၣ် 5:7 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 5:8

လၢမုၢ်နံၤအဝဲန့ၣ်စီၤဒၤဝံးစံးဘၣ်အပှၤတဖၣ်, “မ့ၢ်ပှၤဖဲအံၤတဂၤဂၤလၢအသးဟ့ပှၤယဘူၣ်ဖိထဲသိးယၤန့ၣ် အိၣ်ဧါ. မ့ၢ်အမ့ၢ်တၢ်သးဟ့တုၤလၢတၢ်အဲၣ်ဒီးမၤသံအဝဲသ့ၣ်န့ၣ်ဧါ. မ့မ့ၢ်ဒ်န့ၣ်အဃိဒီး, လဲၤထီၣ်ခီဖျိထံအကျိၤဒီးဒုးပှၤမဲာ်ဘျီၣ်, ခီၣ်ဟးဂီၤအဖှီၣ်တဖၣ်တက့ၢ်.” (လၢတၢ်န့ၣ်အဃိတၢ်စံးဝဲလၢ, “ပှၤမဲာ်ဘျီၣ်ဒီးပှၤခီၣ်ဟးဂီၤတဖၣ်န့ၣ်လဲၤနုာ်ဆူယွၤအဟံၣ် တသ့ဘၣ်” န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 5:9

ဖဲအမၤန့ၢ်တိာ်န့ၣ်ဝံၤဒီး, စီၤဒၤဝံးအိၣ်ဆိးဝဲလၢအပူၤ ဒီးယုၢ်န့ၢ်အမံၤလၢ, “စီၤဒၤဝံးအဝ့ၢ်” န့ၣ်လီၤ. အဝဲသူၣ်ထီၣ်ဝ့ၢ်ဝးတရံးတၢ်လီၢ်န့ၣ်, စးထီၣ်လၢတၢ်လီၢ်လၢဟီၣ်ခိၣ်ဘၣ်တၢ်မၤပှဲၤအီၤ, လၢအအိၣ်ဝဲဖဲတၢ်လူၢ်အမုၢ်ထီၣ်တခီန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 6:10

လၢတၢ်န့ၣ်အဃိ, အဝဲပာ်လီၤတ့ၢ်အသးလၢတက့ၤစိာ်လၢၤယွၤအတၢ် အၢၣ်လီၤအီလီၤအတလါစီဆှံန့ၣ်ဒီးအီၤဆူဝ့ၢ်ယရူၤရှလ့ၣ်ဘၣ်န့ၣ်လီၤ. အခိၣ်တလိာ်အဝဲဃၣ်ကွံာ်အသးလၢကျဲဒီးလဲၤစိာ်အီၤဆူ ပှၤအိၣ်ဆိးဖဲဝ့ၢ်ကးအပူၤစီၤဧိၤဘ့းအ့ဒိၣ်အဟံၣ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 6:12

စီၤပၤစီၤဒၤဝံးနၢ်ဟူဘၣ်ဝဲလၢ, မ့ၢ်လၢယွၤအတၢ်အၢၣ်လီၤအီ လီၤအတလါစီဆှံအဃိ, ယွၤဆိၣ်ဂ့ၤစီၤဧိၤဘ့းအ့ဒိၣ်အဟံၣ်ဖိဃီဖိဒီး ကယဲၢ်တၢ်အိၣ်ဒီးအီၤခဲလၢာ်န့ၣ်လီၤ. လၢတၢ်န့ၣ်အဃိအဝဲစိာ်ထီၣ်ယွၤအတၢ်အၢၣ်လီၤအီလီၤအတလါစီဆှံ လၢစီၤဧိၤဘ့းအ့ဒိၣ်အဟံၣ်ဒီးက့ၤစိာ်အီၤဆူ ဝ့ၢ်ယရူၤရှလ့ၣ်အိၣ်ဒီးတၢ်မၤမူးဖးဒိၣ်တမူးန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 6:16

တုၤတလါစီဆှံန့ၣ်ဘၣ်တၢ်က့ၤစိာ်နုာ်အီၤဆူဝ့ၢ်ပူၤဒီး, စီၤစီလူးအဖိမုၣ်နီၢ်မံၤကၤလးကွၢ်ဃီၤတၢ်လၢပဲတြီဖိဒီး ထံၣ်ဘၣ်စီၤပၤစီၤဒၤဝံးဂဲၤကလံာ်ဒီးစံၣ်ဝ့ၤစံၣ်ဝီၤလၢယွၤ အမဲာ်ညါသတးဒီးပိာ်မုၣ်န့ၣ်အသးဘၣ်အၢအီၤလၢအသးကံၢ်ပူၤန့ၣ် လီၤ.

လံာ်စီၤပၤအခီၣ်ထံးတဘ့ၣ် 2:10

စီၤဒၤဝံးသံဝဲ, ဒီးဘၣ်တၢ်ခူၣ်လီၤကွံာ်အီၤလၢစီၤဒၤဝံး အဝ့ၢ်ပူၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 3:1

စီၤၡလိၤမိၤမၤတၢ်ဒီသိၣ်ဒီမှံၤဒီးကီၢ်အဲၤကူပတူးအစီၤ ပၤခီဖျိအဝဲအတၢ်ဒိးတ့ဒိးဖျီအသးဒီးကီၢ်အဲၤကူပတူးအစီၤပၤအဖိ မုၣ်န့ၣ်လီၤ. အဝဲဟဲက့ၤကိးအီၤလၢကအိၣ်ဝဲဆိးဝဲလၢစီၤဒၤဝံးအဝ့ၢ်ပူၤ တုၤလီၤလၢအဝဲသူၣ်ထီၣ်အနီ, ယွၤအတၢ်လုၢ်ဟံၣ်ဒီးဝ့ၢ်ခိၣ်ဒူဝးတရံးဝ့ၢ်ယရူၤၡလ့ၣ်ဝံၤဝဲ တစုန့ၣ်လီၤ.

လံာ်စီၤပၤအခီၣ်ထံးတဘ့ၣ် 8:1

ဒီးစီၤပၤၡလိၤမိၤဒုးအိၣ်ဖှိၣ်ရိဖှိၣ်ကယဲၢ်ပှၤအံၣ်စရ့လး ဖိအဒူၣ်တဖၣ်ဒီးအဒူၣ်ထၢတဖၣ်, အခိၣ်အနၢ်တဖၣ်ဒ်သိးကဟဲဆူအဝဲအအိၣ်လၢဝ့ၢ်ယရူၤၡလ့ၣ်အပူၤ, လၢကဟဲစိာ်ယွၤအတၢ်အၢၣ်လီၤအီလီၤအတလါလၢဝ့ၢ်စံယိၣ်, စီၤဒၤဝံးအဝ့ၢ်ဆူယွၤအတၢ်လုၢ်ဟံၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 9:24

ဖဲအဝဲအမါလၢအမ့ၢ်ကီၢ်အဲၤကူပတူးအစီၤပၤအဖိမုၣ်, သုးအသးလၢစီၤဒၤဝံးအဝ့ၢ်ဆူနီလၢစီၤၡလိၤမိၤဘှီထီၣ်န့ၢ် လၢအဂီၢ်ဝံၤအလီၢ်ခံန့ၣ်, စီၤၡလိၤမိၤမၤပှဲၤထီၣ်ဟီၣ်ခိၣ်လၢတၢ်လီၢ်လၢအအိၣ်လၢဝ့ၢ် အမုၢ်ထီၣ်တကပၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 11:7

မ့ၢ်လၢစီၤဒၤဝံးလဲၤအိၣ်ဝဲဆိးဝဲဖဲတိာ်န့ၣ်အပူၤအဃိဘၣ် တၢ်ကိးလၢ “စီၤဒၤဝံးအဝ့ၢ်” န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 24:16

အဝဲသ့ၣ်ခူၣ်လီၤကွံာ်အီၤလၢစီၤပၤအတၢ်သွၣ်ခိၣ်တဖၣ်အပူၤလၢ အအိၣ်လၢစီၤဒၤဝံးအဝ့ၢ်ပူၤ, လၢတၢ်သ့ၣ်ညါနီၣ်တၢ်မၤလၢအဝဲမၤဝဲတ့ၢ်လၢကီၢ်အံၣ်စရ့လး အပှၤဂီၢ်မုၢ်တဖၣ်အဂီၢ်, လၢကစၢ်ယွၤအဂီၢ်ဒီးလၢယွၤအတၢ်လုၢ်ဟံၣ်အဂီၢ်အဃိန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 5:2

အန့ၣ်ဝံၤဒီး, စီၤပၤၡလိၤမိၤကိးဖှိၣ်ကယဲၢ်ပှၤခိၣ်ပှၤနၢ်တဖၣ် လၢအံၣ်စရ့လးအဒူၣ်တဖၣ်ဒီးဒူၣ်ထၢတဖၣ်အပူၤလၢကဟဲပာ်ဖှိၣ်ထီၣ်အသးလၢဝ့ၢ်ယရူၤၡလ့ၣ်အပူၤ, ဒ်သိးကလဲၤဟံးန့ၢ်ယွၤအတၢ်အၢၣ်လီၤအီလီၤအတလါလၢစံယိၣ်, စီၤဒၤဝံးအဝ့ၢ်, ဒီးဟဲက့ၤစိာ်အီၤဆူယွၤအတၢ်လုၢ်ဟံၣ်ပူၤ အဂီၢ်န့ၣ်လီၤ.

လံာ်စီၤနဃ့မယၤ 3:15

ဒီးစီၤကိးလဃိစ့ၤအဖိခွါစီၤၡၤလူၣ်လၢအမ့ၢ်ပှၤပၢၤမံး စပၤကီၢ်ဆၣ်ဘှီက့ၤဝဲပဲတရီထံထီၣ်ပၢၢ်န့ၣ်လီၤ. အဝဲမၤထီၣ်တၢ်ခိၣ်ဒုးလၢပဲတြီအကျဲအဂီၢ်ဒီးပာ်ဝဲတြဲၤ တဖၣ်, အနီၣ်ဝံာ်စဲတဖၣ်ဒီးအနီၣ်ဘိတဖၣ်လၢအလီၢ်ဒၣ်ဝဲန့ၣ်လီၤ. ဒီးဖဲနိၣ်ၡံလိၤန့ၣ်ဘှီထီၣ်ဝဲတၢ်ဒူၣ်လၢစီၤပၤအတၤသၣ် လီၢ်အဃၢၤတုၤလီၤလၢဃီလၢအလဲၤလီၤဆူစီၤဒၤဝံးအဝ့ၢ်ပူၤ န့ၣ်လီၤ.

စံးထီၣ်ပတြၢၤ 132:13

ယွၤဃုထၢတ့ၢ်လံစံယိၣ်, ဒီးအဝဲ အဲၣ်ဒိးဒုးကဲထီၣ်အီၤလၢ အဟံၣ်န့ၣ်လီၤ.

စံးထီၣ်ပတြၢၤ 2:6

အဝဲစံးဝဲ, “ယပာ်ထီၣ်ယစီၤပၤလၢ ယကစၢၢ်စီဆှံစံယိၣ်အလိၤလံ.”

စံးထီၣ်ပတြၢၤ 48:12

ကစၢ်ယွၤအပှၤဂီၢ်မုၢ်တဖၣ်ဟးတရံးစံယိၣ် ဒီးဂံၢ်တၢးထီခၢၣ်သနၢၣ်တဖၣ်,

စံးထီၣ်ပတြၢၤ 48:3

ကစၢ်ယွၤပာ်ဖျါတ့ၢ်ဝဲလၢတၢ်ပူၤဖျဲးအလီၢ်အိၣ်ဒီးအီၤလၢ ဝ့ၢ်အတိာ်ဧိၤတာ်ဧိၤအပူၤန့ၣ်လီၤ.

စံးထီၣ်ပတြၢၤ 51:18

ကစၢ်ယွၤဧၢ, သူၣ်ကညီၤသးကညီၤစံယိၣ် ဒီးမၤစၢၤအီၤတက့ၢ်. သူၣ်ထီၣ်က့ၤယရူၤၡလ့ၣ်အဝ့ၢ်ခိၣ်ဒူတက့ၢ်.

စံးထီၣ်ပတြၢၤ 87:2

ကစၢ်ယွၤအဲၣ်ဝဲဝ့ၢ်ယရူၤၡလ့ၣ်အါန့ၢ်တၢ်လီၢ်အဂၤ လၢအအိၣ်လၢအံၣ်စရ့လးအပူၤတက့ၢ်လီၤ.

စံးထီၣ်ပတြၢၤ 9:11

သးဝံၣ်ထီၣ်ယွၤလၢအပၢတၢ်လၢစံယိၣ်, စံးဘၣ်တဲဘၣ်ပှၤကလုာ်ခဲလၢာ် တၢ်လၢအမၤတ့ၢ်ဝဲန့ၣ်တက့ၢ်.

လံာ်ယၡါယၤ 12:6

မ်ပှၤကိးဂၤဒဲးလၢအအိၣ်လၢဝ့ၢ်စံ ယိၣ်ကိးထီၣ်ဒီးသးဝံၣ်တၢ်တက့ၢ်. အံၣ်စရ့လးအကစၢ်ယွၤစီဆှံအံၤဒိၣ်နီၢ်မးလီၤ. ဒီးအဝဲဒၣ်အိၣ်ဝဲလၢအပှၤဂီၢ်မုၢ်အကျါလီၤ.”

လံာ်ယၡါယၤ 59:20

ယွၤစံးဘၣ်အပှၤဂီၢ်မုၢ်, “ယကဟဲဆူဝ့ၢ်ယရူၤၡလ့ၣ်လၢယကက ဟုကယာ်သုဒီးအုၣ်က့ၤခီၣ်က့ၤသုဝဲခဲလၢာ်လၢ အဃၣ်ကွံာ်အသးလၢအတၢ်ဒဲးဘးတဖၣ်န့ၣ်လီၤ.

လံာ်ယံးရမံယၤ 21:13

နဲဒၣ်, ဝ့ၢ်ယရူၤၡလ့ၣ်ဧၢ, နဆ့ၣ်နီၤနဲလၢတၢ်လီၢ်ထီၣ်ထီလၢ တၢ်လူၢ်တၢ်တြီၤအဖီခိၣ်, လီၤဂာ်ဒ်လၢၢ်တဖျၢၣ်လၢအအိၣ်ထီၣ် ထီလၢပျီတဘ့ၣ်အဖီခိၣ်အသိးန့ၣ်လီၤ. ဘၣ်ဆၣ်ဒီးယကဒုးတၢ်ထီဒါ နၤလီၤ. နစံးလၢပှၤဟဲထီၣ်ဒုးနၤမ့ၢ်ဂ့ၤ, ပှၤဟဲနုာ်ခီဖျိနတၢ်ပၢၢ် ဆၢအလီၢ်တဖၣ်မ့ၢ်ဂ့ၤ, တသ့နီတဂၤဘၣ်.

လံာ်မံကၤ 4:2

ဒီးအပှၤဂီၢ်မုၢ်ကစံးဝဲ, “မ်ပလဲၤထီၣ်သကိးဆူယွၤအကစၢၢ်အဒီခိၣ်, ဆူအံၣ်စရ့လးအကစၢ်ယွၤအတၢ်လုၢ်လီၢ်တက့ၢ်. အဂ့ၢ်ဒ်အံၤ, ကသိၣ်လိပှၤလၢတၢ်လၢအအဲၣ်ဒိး ပကမၤအီၤတဖၣ်, ပကလဲၤတၢ်လၢကျဲတဖၣ်လၢအဃုထၢန့ၢ်ပှၤလီၤ. အဂ့ၢ်ဒ်အံၤ, ယွၤအတၢ်သိၣ်လိဟဲလၢဝ့ၢ်ယရူၤၡလ့ၣ်, ဒီးကတိၤတၢ်လၢစံယိၣ်ဆူအပှၤဂီၢ်မုၢ်အအိၣ်လီၤ”.

ရိမ့ၤ 9:33

လၢတၢ်ကွဲးအသးစံးလၢအဂ့ၢ်, “ကွၢ်တက့ၢ်, ယပာ်လီၤလၢၢ်တဖျၢၣ်လၢစံယိၣ်အပူၤ, လၢပှၤအခီၣ်ကဘၣ်တိၢ်ဝဲအဂီၢ်, လၢၢ်တဖျၢၣ်လၢကမၤလီၤဃံၤအဝဲသ့ၣ်လီၤ. ဒီးကယဲၢ်ပှၤလၢအစူၢ်က့ၤနာ်က့ၤအီၤတဂၤလၢ်လၢ်န့ၣ် အမဲာ်တဆှးဘၣ်ဝဲဘၣ်” (ၡါ ၈:၁၄; ၂၈:၁၆).

ဧ့ၤဘြံၤ 12:22

မ့မ့ၢ်သုဝဲသုဟဲဆူကစၢၢ်စံယိၣ်, ဒီးဆူကစၢ်ယွၤလၢအမူဝဲတဂၤ အဝ့ၢ်, ယရူၤၡလ့ၣ်လၢအဘၣ်ဃးဒီးမူခိၣ်, အိၣ်ဃုာ်ဒီးကလူးလၢပှၤဂံၢ်အီၤတလၢာ်ဘၣ်အအိၣ်,

လံာ်လီၣ်ဖျါ 14:1

တုၤနုၤတစု, ယကွၢ်တၢ်, ဒီးသိဖိန့ၣ်အိၣ်ဆၢထၢၣ်လၢ ကစၢၢ်စံယိၣ်အလိၤ, ပှၤအိၣ်ဒီးအီၤအဂၤ ၁၄၄,ဝ၀၀ လၢ အအိၣ်ဒီးအဝဲအမံၤ, ဒီးအဝဲအပၢ်အမံၤအိၣ်ကွဲးအသးလၢအခိၣ်တိသၣ်တဖၣ် အလိၤန့ၣ်လီၤ.