လံာ်စီၤၡမူၤအ့လးခံဘ့ၣ်တဘ့ၣ် 5:6 - Sgaw Karen Common Bible

⁶ အဆၢကတီၢ်တုၤဃီၤဝဲလၢစီၤပၤဒၤဝံးဒီးအပှၤတဖၣ်ကလဲၤထီၣ် ဒုးဝ့ၢ်ယရူၤၡလ့ၣ်လီၤ. ပှၤယဘူၣ်ဖိတဖၣ်လၢအအိၣ်ဖဲန့ၣ်ဆိကမိၣ်ဝဲလၢစီၤဒၤဝံး မၤနၢၤဝ့ၢ်အံၤတမ့ၢ်ကသ့ဘၣ်အဃိ, အဝဲသ့ၣ်စံးဘၣ်အီၤ, “နဟဲနုာ်ဖဲအံၤတန့ၢ်နီတစုဘၣ်. ပှၤမဲာ်ဘျီၣ်တဖၣ်ဒီးပှၤခီၣ်ဟးဂီၤတဖၣ်ဒၣ်လဲာ်, တြီဆၢကွံာ်နၤသ့ဝဲလီၤ.”

လံာ်စီၤၡမူၤအ့လးခံဘ့ၣ်တဘ့ၣ် 5:6 Iomraidhean Croise

လံာ်တၢ်ကဲထီၣ်အခီၣ်ထံး 14:18

ဒီးစီၤမးလကံစဒ့းလၢအမ့ၢ်ဝ့ၢ်ၡၤလ့ၣ်စီၤပၤဒီးတၢ်ထီကတၢၢ် ကစၢ်ယွၤအပှၤလုၢ်တၢ်အခိၣ်ဟဲစိာ်န့ၢ်ကိၣ်ဒီးစပံးထံဆူ စီၤအၤဘြၣ်အအိၣ်,

လံာ်စီၤၡမူၤအ့လးခံဘ့ၣ်တဘ့ၣ် 22:30

နဟ့ၣ်ယၤတၢ်ဂံၢ်တၢ်ဘါလၢယကဒုးယဒုၣ်ယဒါတဖၣ်အဂီၢ်, ဒီးတၢ်စိကမီၤလၢယကမၤနၢၤကွံာ်အဝဲသ့ၣ်အတၢ်တြီဆၢတၢ်အလီၢ် တဖၣ်န့ၣ်လီၤ.

တၢ်ကတိၤဒိ. 21:22

သုးခိၣ်ကျၢၢ်လၢအမ့ၢ်ပှၤအဘူအသးဒူတဂၤန့ၣ်, ဒုးန့ၢ်ဝ့ၢ်တဖျၢၣ်လၢအဘၣ်တၢ်ပၢၤဃာ်အီၤလၢပှၤအဂံၢ်ဆူၣ်အဘါ ဆူၣ်တဖၣ်ဒီးမၤဟးဂီၤကွံာ်ဝ့ၢ်အခိၣ်ဒူတဖၣ်လၢအဝဲသ့ၣ်သန့ၤ ထီၣ်အသးန့ၣ်, သ့ဝဲလီၤ.

လံာ်ယံးရမံယၤ 21:13

နဲဒၣ်, ဝ့ၢ်ယရူၤၡလ့ၣ်ဧၢ, နဆ့ၣ်နီၤနဲလၢတၢ်လီၢ်ထီၣ်ထီလၢ တၢ်လူၢ်တၢ်တြီၤအဖီခိၣ်, လီၤဂာ်ဒ်လၢၢ်တဖျၢၣ်လၢအအိၣ်ထီၣ် ထီလၢပျီတဘ့ၣ်အဖီခိၣ်အသိးန့ၣ်လီၤ. ဘၣ်ဆၣ်ဒီးယကဒုးတၢ်ထီဒါ နၤလီၤ. နစံးလၢပှၤဟဲထီၣ်ဒုးနၤမ့ၢ်ဂ့ၤ, ပှၤဟဲနုာ်ခီဖျိနတၢ်ပၢၢ် ဆၢအလီၢ်တဖၣ်မ့ၢ်ဂ့ၤ, တသ့နီတဂၤဘၣ်.

လံာ်ယံးရမံယၤ 37:10

သုမ့ၢ်မၤနၢၤကွံာ်ပှၤဘၤဘူၤလိၣ်အသုးမုၢ်ဒီဖုညါတုၤလၢ အဝဲသ့ၣ်အဒဲတဖၣ်အပူၤအိၣ်မံလီၤတ့ၢ်ဒၣ်ထဲ ပှၤလၢအဘၣ်ဒိ ဘၣ်ထံးတဖၣ်ဧိၤဒၣ်လဲာ်န့ၣ်, ပှၤတဖၣ်န့ၣ်ကဂဲၤဆၢထၢၣ်ဒံးဝဲ ဒီးဒွဲၣ်အူထီၣ်ဝ့ၢ်အံၤလၢ မ့ၣ်အူလၢာ်လၢာ်ဆ့ဆ့န့ၣ်လီၤ.”

ဧ့ၤဘြံၤ 7:1

စီၤမၤလကံစဒ့းအံၤမ့ၢ်ၡၤလ့ၣ်အစီၤပၤ, တၢ်ဒိၣ်ကတၢၢ်ထီကတၢၢ်ကစၢ်ယွၤအပှၤလုၢ်တၢ်အခိၣ် တဂၤလၢအလဲၤသဂၢၢ်ဒီးဆိၣ်ဂ့ၤစီၤအၤဘြၤဟၣ်ဖဲအဟဲ က့ၤလၢတၢ်မၤနၢၤဒီးမၤသံကွံာ်စီၤပၤတဖၣ်ဝံၤအလီၢ်ခံ န့ၣ်လီၤ.

လံာ်စီၤယိၤၡူ 10:3

အန့ၣ်ဒီး, ဝ့ၢ်ယရူၤၡလ့ၣ်အစီၤပၤအဒိၤနံၤစ့ဒ့းဆှၢလီၤတၢ်ကစီၣ်ဆူဝ့ၢ်ဃ့ဘြိၣ်အစီၤပၤဟိဟၣ်, ဝ့ၢ်ယၢ်မူသးအစီၤပၤပံးရၣ်, ဝ့ၢ်လၤကံၣ်အစီၤပၤယၤဖံ, ဒီးဝ့ၢ်ဧ့းကလိၣ်အစီၤပၤဒဘံၢ်အအိၣ်ဒီးစံးဝဲ,

လံာ်စီၤယိၤၡူ 15:63

ဘၣ်ဆၣ်ဒီးပှၤယူၤဒၤဖိတဖၣ်ဟီထီၣ်ကွံာ် ပှၤယဘူၣ်ဖိလၢအအိၣ်လၢဝ့ၢ်ယရူၤၡလ့ၣ်အပူၤတဖၣ်တသ့ဘၣ်လီၤ. ပှၤယဘူၣ်ဖိတဖၣ်အိၣ်ဒံးဒၣ်ဝဲဖဲန့ၣ်ဃုာ်ဒီးပှၤယူဒၤဖိတဖၣ် တုၤမုၢ်မဆါတနံၤအံၤန့ၣ်လီၤ.

လံာ်စီၤယိၤၡူ 18:28

စ့လၤ, အ့လ့ာ်, ယဘူၣ် (မ့တမ့ၢ်ယရူၤၡလ့ၣ်) က့ဘဧး, ဒီးကံးရယးန့ၣ်လီၤ. မ့ၢ်ဝ့ၢ်တဆံလွံၢ်ဝ့ၢ်ဃုာ်ဒီးဝ့ၢ်ဖိလၢအအိၣ်ဝးတရံးအီၤတဖၣ်န့ၣ်လီၤ. အအံၤမ့ၢ်ဘံၣ်ယၤမံၣ်အဒူၣ်အတၢ်န့ၢ်သါဒ်အဒူၣ်အထၢအိၣ်ဝဲအသိးန့ၣ်လီၤ.

လံာ်ပှၤစံၣ်ညီၣ်ကွီၢ် 1:21

မ့မ့ၢ်ဘံၣ်ယၤမံၣ်အဒူၣ်အပှၤဂီၢ်မုၢ်န့ၣ်တနီၣ်ထီၣ်ကွံာ်ပှၤယဘူၣ် ဖိတဖၣ်လၢအအိၣ်လၢဝ့ၢ်ယရူၤၡလ့ၣ်အပူၤန့ၣ်ဘၣ်. ဒီးပှၤယဘူၣ်ဖိတဖၣ်အိၣ်ဆိးဃုာ်ဒီးပှၤဘံၣ်ယၤမံၣ်ဖိတဖၣ်စး ထီၣ်လၢန့ၣ်လံၤလံၤန့ၣ်လီၤ.

လံာ်ပှၤစံၣ်ညီၣ်ကွီၢ် 1:8

ဒီးယူဒၤအပှၤပိာ်ခွါတဖၣ်ဒုးဝ့ၢ်ယရူၤၡလ့ၣ်ဒီးမၤန့ၢ်အီၤ လီၤ. ဒီးအဝဲသ့ၣ်မၤသံကွံာ်ပှၤဂီၢ်မုၢ်အိၣ်လၢဝ့ၢ်ပူၤတဖၣ်ဒီး ဒွဲၣ်ထီၣ်ဝ့ၢ်လၢမ့ၣ်အူန့ၣ်လီၤ.