လံာ်စီၤၡမူၤအ့လးခံဘ့ၣ်တဘ့ၣ် 5:22 - Sgaw Karen Common Bible

²² အန့ၣ်ဝံၤဒီးပှၤဖလ့ၡသးဖိတဖၣ်လဲၤဆူရၤဖၤအတၢ်တြီၤပူၤဒီး မၤန့ၢ်ကွံာ်ကဒီးတၢ်လီၢ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 5:22 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 21:15

တၢ်ဒုးတၢ်ယၤအဂၤတခါလၢပှၤဖလ့ၡသးဖိဒီးပှၤအံၣ်စရ့လးဖိ အဘၢၣ်စၢၤအိၣ်ထီၣ်ဝဲ, ဒီးစီၤဒၤဝံးဒီးအပှၤတဖၣ်လဲၤဒီးဒုးပှၤဖလ့ၡသးဖိတဖၣ်န့ၣ်လီၤ. ဖဲတၢ်ဒုးတၢ်ယၤတဖၣ်အကျါတဘျီန့ၣ်, စီၤဒၤဝံးတၢ်ဘှံးအသးလီၤ.

လံာ်စီၤၡမူၤအ့လးခံဘ့ၣ်တဘ့ၣ် 23:13

ဖဲအခါဘူးထီၣ်လၢကူးဘုအကတီၢ်ကစးထီၣ်န့ၣ်, ပှၤသၢဂၤလၢ ‘ပှၤအခိၣ်အဂၤသၢဆံ’ အကျါလဲၤလီၤဝဲဆူ ဧဒူးလၣ်အလ့ကအိ, လၢစီၤဒၤဝံးအိၣ်ဝဲ, ဖဲပှၤဖလ့ၡသးဖိတဖုသူၣ်ထီၣ်အဒဲ, ဖဲရၤဖၤကစၢၢ်ကဆူးအခါ န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 5:18

ပှၤဖလ့ၡသးဖိတဖၣ်ဟဲတုၤဝဲဆူရၤဖၤအတၢ်တြီၤပူၤဒီးမၤန့ၢ် အီၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 20:22

အန့ၣ်ဝံၤဒီး, ဝံန့ၣ်, လဲၤဆူစီၤပၤအၤဃာ်အအိၣ်ဒီးစံးဝဲ, “က့ၤကဒါက့ၤဒီးဒုးဆူၣ်ထီၣ်နသုးမုၢ်အဂံၢ်အဘါ, ဒီးမၤထီၣ်တၢ်ကူၣ်ကျဲၤအဂ့ၤတဖၣ်တက့ၢ်. အဂ့ၢ်ဒ်အံၤ, တၢ်မဲထီၣ်အကတီၢ်ခဲကိာ်တဘျီန့ၣ်, ကီၢ်စူၤရံအစီၤပၤကဟဲထီၣ်ဒုးကဒီးတၢ်န့ၣ်လီၤ.”

လံာ်ကွဲးနီၣ်တၢ်အခီၣ်ထံးတဘ့ၣ် 14:13

တယံာ်ဘၣ်န့ၣ်ပှၤဖလ့ၡသးဖိတဖၣ်ဟဲက့ၤကဒါက့ၤကဒီးဝဲဆူကစၢၢ် ကဆူးလၢကစးထီၣ်ဂုာ်ဆူၣ်ပျီဆူၣ်တၢ်ကဒီးအဂီၢ်န့ၣ်လီၤ.

လံာ်ယၡါယၤ 17:5

ကီၢ်အံၣ်စရ့လးကလီၤဂာ်ဒ်စံာ်ပျီတပျီဖဲဘုချံဘၣ်တၢ်ကူးကွံာ် ဒီးပာ်ဖှိၣ်တ့ၢ်အီၤအသိးဒီးကလီၤဃီဒ်စံာ်ပျီလၢကစၢၢ်ရၤဖၤ အတြီၤပူၤလၢတၢ်ကူးကွံာ်အီၤလၢကလၤတၤကူၤအသိးလီၤ.

လံာ်စီၤယိၤၡူ 15:8

ဝံၤဒီးကီၢ်ဆၢန့ၣ်လဲၤထီၣ်ဝဲဆူ ဟံၣ်နိၣ်ကစၢၢ်ကဆူးလၢကစၢၢ်ကလံၤထံးတကပၤဖဲပှၤယဘူၣ်ဖိအဝ့ၢ်လၢအမ့ၢ်ဝဲဝ့ၢ်ယရူၤၡလ့ၣ် အိၣ်တၢ်အလီၢ်န့ၣ်လီၤ. ကီၢ်ဆၢလဲၤထီၣ်ဆူကစၢၢ်အဒီခိၣ်လၢဟံၣ်နိၣ်ကစၢၢ်ကဆူးအမုၢ် နုာ်တကပၤဖဲပှၤနီၢ်ဒိၣ်ဖိအကစၢၢ်ကဆူးအကလံၤစိး ကတၢၢ်န့ၣ်လီၤ.