လံာ်စီၤၡမူၤအ့လးခံဘ့ၣ်တဘ့ၣ် 5:19 - Sgaw Karen Common Bible

¹⁹ စီၤဒၤဝံးသံကွၢ်ယွၤ, “မ့ၢ်ယကဘၣ်ဒုးပှၤဖလ့ၡသးဖိတဖၣ်န့ၣ်ဧါ. မ့ၢ်နကဟ့ၣ်ယၤလၢတၢ်မၤနၢၤန့ၣ်ဧါ.” ယွၤစံးဆၢဝဲဒၣ်, “မ့ၢ်, လဲၤဒုးတက့ၢ်. ယကဟ့ၣ်နၤလၢတၢ်မၤနၢၤန့ၣ်လီၤ.”

လံာ်စီၤၡမူၤအ့လးခံဘ့ၣ်တဘ့ၣ် 5:19 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 2:1

တၢ်အံၤဝံၤအလီၢ်ခံ, စီၤဒၤဝံးသံကွၢ်ယွၤ, “ယဘၣ်လဲၤမၤန့ၢ်ဒီးပၢၤဃာ်ကီၢ်ယူဒၤအဝ့ၢ်တဖျၢၣ်ဖျၢၣ်ဧါ.” ယွၤစံးဆၢဝဲဒၣ်, “မ့ၢ်လီၤ.” စီၤဒၤဝံးသံကွၢ်ဝဲ, “ဝ့ၢ်လၢလဲၣ်တဝ့ၢ်လဲၣ်.” ယွၤစံးဝဲဒၣ်, “ဝ့ၢ်ဃ့ဘြိၣ်” လီၤ.

လံာ်စီၤၡမူၤအ့လးခံဘ့ၣ်တဘ့ၣ် 5:23

မၤကဒီးတစု, စီၤဒၤဝံးသံကွၢ်တၢ်လၢယွၤဒီးယွၤစံးဆၢ အီၤ, “လဲၤဒုးအဝဲသ့ၣ်ဖဲအံၤတဂ့ၤ. မ့မ့ၢ်လဲၤတရံးဒီးကတဲာ်ကတီၤသုသးဒ်သိးသုကလဲၤဒုးအီၤလၢ အဂၤတကပၤဖဲအဘူးဒီးပံၢ်သလီအထူၣ်တဖၣ်န့ၣ်တက့ၢ်.

လံာ်စီၤပၤအခီၣ်ထံးတဘ့ၣ် 22:6

လၢတၢ်န့ၣ်အဃိစီၤအၤဃာ်ကိးနုာ်ဝံတဖၣ်ခဲလၢာ်ပှၤအဂၤလွံၢ် ကယၤဃၣ်ဃၣ်ဒီးသံကွၢ်အဝဲသ့ၣ်, “မ့ၢ်ယကဘၣ်လဲၤထီၣ်ဒုးဝ့ၢ်ရၤမိး, မ့တမ့ၢ်ယတဘၣ်လဲၤဘၣ်ဧါ.” အဝဲသ့ၣ်စံးဆၢဝဲ, “လဲၤထီၣ်ဒုးအီၤတက့ၢ်. ယွၤကဟ့ၣ်နၤတၢ်မၤနၢၤလီၤ.”

တၢ်ကတိၤဒိ. 3:6

သ့ၣ်ညါအၢၣ်လီၤယွၤလၢနကျဲခဲလၢာ်အပူၤတက့ၢ်. ဒီးအဝဲဒၣ်ကဒုးနဲၣ်နၤကျဲအဘၣ်လီၤ.

ယၤကိာ် 4:15

တၢ်လၢသုကြၢးစံးမ့ၢ်အအံၤ, “ကစၢ်မ့ၢ်ဘၣ်အသးဒီးပကအိၣ်မူ ဒီးမၤတၢ်ဒ်အံၤမ့တမ့ၢ်မၤတၢ်ဒ်နုၤန့ၣ်လီၤ.”

လံာ်ပှၤစံၣ်ညီၣ်ကွီၢ် 20:28

ပှၤဂီၢ်မုၢ်သံကွၢ်ယွၤ, “ဂ့ၤပလဲၤထီၣ်ဒုးကဒီးပဒီပုၢ်ဝဲၢ် ပှၤဘံၣ်ယၤမံၣ်ဖိတဖၣ်ဧါ. မ့တမ့ၢ်ပကဘၣ်ဆိကတီၢ်လဲၣ်.” ဒီးယွၤစံးဆၢဝဲဒၣ်, “ဒုးတက့ၢ်. ခဲမုၢ်ဆ့ၣ်တနံၤန့ၣ်ယကဟ့ၣ်သုလၢတၢ်မၤနၢၤလၢအဝဲသ့ၣ် အဖီခိၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 22:15

မ့ၢ်လီၤ. ယသံကွၢ်တၢ်ဒီးကစၢ်ယွၤလၢအဝဲအဂီၢ်, ဒီးတၢ်န့ၣ်တမ့ၢ်အဆိကတၢၢ်တဘျီဘၣ်. လၢတၢ်ကူၣ်ထီၣ်ဖးလီၤထီဒါနၤ အဂ့ၢ်န့ၣ်, တၢ်ဒိၣ်စီၤပၤဖးဒိၣ်တကြၢးဆှိးကမၣ်ယၤမ့ၢ်ဂ့ၤ, ပှၤအဂၤလၢယဟံၣ်ဖိဃီဖိအပူၤမ့ၢ်ဂ့ၤနီတဂၤဘၣ်. ဘၣ်ဃးဒီးတၢ်ဂ့ၢ်အံၤန့ၣ်ယတသ့ၣ်ညါတ့ၢ်တၢ်နီတမံၤဘၣ်.”

လံာ်စီၤၡမူၤအ့လးအခီၣ်ထံးတဘ့ၣ် 23:2

မၤသးဒ်န့ၣ်ဒီးအဝဲသံကွၢ်တၢ်လၢယွၤ, “မ့ၢ်ယကဘၣ်လဲၤဒုး ပှၤဖလ့ၡသးဖိတဖၣ်န့ၣ်ဧါ.” ယွၤစံးဆၢအီၤ, “မ့ၢ်လီၤ, လဲၤဒုးအဝဲသ့ၣ်ဒီးမၤပူၤမၤဖျဲးက့ၤဝ့ၢ်ကံလၤ တက့ၢ်.”

လံာ်စီၤၡမူၤအ့လးအခီၣ်ထံးတဘ့ၣ် 23:4

မၤသးဒ်န့ၣ်ဒီး, စီၤဒၤဝံးသံကွၢ်ကဒီးတၢ်လၢကစၢ်ယွၤဒီးယွၤ စံးဘၣ်အီၤ, “လဲၤဒီးဒုးဝ့ၢ်ကံလၤတက့ၢ်. အဂ့ၢ်ဒ်အံၤ, ယဟ့ၣ်လီၤသုတၢ်မၤနၢၤလၢပှၤဖလ့ၡသးဖိတဖၣ်အဖီ ခိၣ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 28:6

မၤသးဒ်န့ၣ်ဒီး, အဝဲသံကွၢ်ယွၤလၢကဘၣ်မၤတၢ်မနုၤလဲၣ်န့ၣ်လီၤ. ဘၣ်ဆၣ်ဒီးလၢတၢ်မံမီၢ်မ့ၢ်ဂ့ၤ, လၢအူရံၣ်ဒီးတူမံၢ်မ့ၢ်ဂ့ၤ, ခီဖျိဝံတဖၣ်မ့ၢ်ဂ့ၤန့ၣ်, ယွၤတစံးဆၢအီၤနီတမံၤဘၣ်.