လံာ်စီၤၡမူၤအ့လးခံဘ့ၣ်တဘ့ၣ် 5:12 - Sgaw Karen Common Bible

¹² လၢတၢ်န့ၣ်အဃိ, စီၤဒၤဝံးသ့ၣ်ညါဝဲလၢယွၤပာ်ထီၣ်အီၤဂၢၢ်ဂၢၢ်ကျၢၤကျၢၤ ဒ်ကီၢ်အံၣ်စရ့လးအစီၤပၤအသိးဒီးမၤဘီၣ်ထီၣ် ညီထီၣ်အဘီအမုၢ်လၢအပှၤဂီၢ်မုၢ်အဃိန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 5:12 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 5:11

ဝ့ၢ်ထါယၢၣ်အစီၤပၤစီၤဃံရၣ်ဆှၢလီၤတၢ်မၤကူၣ်မၤကၤအခၢၣ်စး တဖုဆူစီၤဒၤဝံးအအိၣ်လီၤ. အဝဲဆှၢလီၤန့ၢ်အီၤလၢသ့ၣ်ဆှိးအ့ရ့းအကျီၣ်တဖၣ်ဃုာ်ဒီး ပှၤစုသ့ဖိတဖၣ်လၢအမၤတၢ်လၢသ့ၣ်သ့ဒီးပှၤလၢအမၤတၢ်လၢလၢၢ်သ့တဖၣ် ဒ်သိးကဘှီထီၣ်စီၤပၤအနီတဖျၢၣ်အဂီၢ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 5:13

တုၤအသုးအလီၢ်လၢဝ့ၢ်ဃ့ဘြိၣ်ဆူဝ့ၢ်ယရူၤၡလ့ၣ်ဝံၤအလီၢ်ခံန့ၣ်, စီၤဒၤဝံးဟံးန့ၢ်အါထီၣ်အသံမါတဖၣ်ဒီးအမါတဖၣ်ဒီးအိၣ်အါထီၣ်ဒီး အဖိခွါတဖၣ်ဒီးအဖိမုၣ်တဖၣ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 7:16

နကအိၣ်ဒီးနစၢၤနသွဲၣ်တဖၣ်ထီဘိ, ဒီးယကဒုးအိၣ်ဂၢၢ်ဆိးကျၢၤ နဘီနမုၢ်လီၤထူလီၤယိာ်လီၤ. နစၢၤနသွဲၣ်အတၢ်ပၢတၢ်ပြးန့ၣ်အကတၢၢ်တအိၣ်ဘၣ်နီတစု ဘၣ်.”

လံာ်စီၤပၤအခီၣ်ထံးတဘ့ၣ် 10:9

စံးထီၣ်ပတြၢၤယွၤ, နကစၢ်ယွၤတက့ၢ်. အဝဲဒုးနဲၣ်တ့ၢ်လၢအဘၣ်သူၣ်ဘၣ်သးနၤထဲလဲၣ်ခီဖျိဒုးကဲနၤ လၢကီၢ်အံၣ်စရ့လးအစီၤပၤန့ၣ်လီၤ. မ့ၢ်လၢအဝဲအတၢ်အဲၣ်ကီၢ်အံၣ်စရ့လးမ့ၢ်တၢ်အထူအယိာ်အဃိ, အဝဲဒုးကဲထီၣ်နၤလၢအဝဲသ့ၣ်အစီၤပၤဒ်သိးနပၢၤဃာ်တၢ်သိၣ်တၢ် သီဒီးတၢ်စံၣ်ညီၣ်တီကသ့ဝဲအဂီၢ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 14:2

ဒီးလၢတၢ်န့ၣ်အဃိစီၤဒၤဝံးသ့ၣ်ညါဘၣ်ဝဲလၢယွၤပာ်ဂၢၢ်ပာ် ကျၢၤအီၤဒ်လၢကီၢ်အံၣ်စရ့လးအစီၤပၤအသိးဒီးဒုးဘီၣ်ထီၣ်ညီ ထီၣ်အဘီအမုၢ်, လၢအပှၤဂီၢ်မုၢ်အဂီၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 2:11

စီၤပၤဃံရၣ်ဆှၢလီၤကဒါလံာ်ပရၢစံးဆၢတၢ်တဘ့ၣ်ဆူ စီၤၡလိၤမိၤအအိၣ်န့ၣ်လီၤ. အဝဲကွဲးတၢ်စံးဝဲ, “မ့ၢ်လၢယွၤအဲၣ်အပှၤဂီၢ်မုၢ်အဃိ အဝဲပာ်ထီၣ်လံနၤလၢအဝဲသ့ၣ်အစီၤပၤအလီၢ်န့ၣ်လီၤ.

လံာ်နီၢ်အ့ၤစတၢ် 4:14

နမ့ၢ်အိၣ်ဘှီၣ်ကလာ်လၢတၢ်ဆၢကတီၢ်ဒ်သိးအံၤန့ၣ်, တၢ်မၤစၢၤကဟဲလီၤလၢမူခိၣ်လၢပှၤယူဒၤဖိတဖၣ်အဂီၢ်, ဒီးအဝဲသ့ၣ်ကပူၤဖျဲးလီၤ. မ့မ့ၢ်နဲဒၣ်နကသံဒီးနပၢ်အပှၤဟံၣ်ဖိကတုၤလၢတၢ်ဟးဂီၤလီၤ. ဒီးဘၣ်သ့ၣ်သ့ၣ်, ကမ့ၢ်နကဲထီၣ်ဘၣ်နီၢ်ပၤမုၣ်လၢတၢ်ဆၢကတီၢ်ဒ်သိးအံၤ အဂီၢ်ဧါ, န့ၣ်မတၤသ့ၣ်ညါတဂၤလဲၣ်.

လံာ်ဒၤနံးယ့လး 2:30

ခဲအံၤ, တၢ်ခူသူၣ်အဒိၣ်အယိာ်အံၤန့ၣ်ဘၣ်တၢ်လီၣ်ဖျါထီၣ် န့ၢ်တ့ၢ်ဆူယအိၣ်လီၤ. တမ့ၢ်ဘၣ်လၢယကူၣ်တၢ်သ့ဒိၣ်န့ၢ် ပှၤအဂၤအဃိဘၣ်. မ့မ့ၢ်ဒ်သိး, နဲဒၣ်စီၤပၤကမၤလိနတၢ်မံ မီၢ်အခီပညီ, ဒီးနၢ်ပၢၢ်တၢ်ဆိကမိၣ်တဖၣ်လၢအဟဲပၢၢ်ထီၣ် လၢနသးပူၤန့ၣ်လီၤ.

လံာ်တၢ်ဂံၢ် 24:7

အဝဲသ့ၣ်ကဒိးန့ၢ်မူခိၣ်စူၤလၢလၢပှဲၤပှဲၤဒီးသူၣ်လီၤ အတၢ်ချံလၢဟီၣ်ခိၣ်စုၣ်စီၣ်ဝဲဂ့ၤဂ့ၤအပျီတဖၣ် အပူၤန့ၣ်လီၤ. အဝဲသ့ၣ်အစီၤပၤကဒိၣ်န့ၢ်ဒံးစီၤအၤကးဒီးအတၢ်ပၢကသလၣ်လီၤ အသးဖးယံၤဖးလဲၢ်န့ၣ်လီၤ.