လံာ်စီၤၡမူၤအ့လးခံဘ့ၣ်တဘ့ၣ် 4:5 - Sgaw Karen Common Bible

⁵ စီၤရ့ကးဒီးစီၤဘၤနါဟးထီၣ်လဲၤဆူစီၤအံၤၡဘိၡ့းအဟံၣ် ဒီးလဲၤတုၤဝဲဖဲန့ၣ်ဖဲမုၢ်ထူၣ်ဃၣ်ဃၣ်, ဖဲစီၤအံၤၡဘိၡ့းမံလီၤဟံးန့ၢ်မုၢ်ထူၣ်အတၢ်အိၣ်ဘှံးအိၣ် သါအခါန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 4:5 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 11:2

ဘၣ်မုၢ်တနံၤ, ဖဲမုၢ်ဃ့ၢ်လီၤလၢဟါခီအကတီၢ်န့ၣ်, စီၤဒၤဝံးဂဲၤဆၢထၢၣ်ဝဲလၢအတၢ်မံတရ့ဝံၤဒီးလဲၤထီၣ်ဝဲဆူ အနူၢ်အစီၤအခိၣ်ဒုးလီၤ. ဖဲအဝဲဟးဝ့ၤဝီၤဖဲတၢ်ဖီခိၣ်အ ခါ, အဝဲထံၣ်ဘၣ်ပိာ်မုၣ်တဂၤလုၣ်ထံလၢအဟံၣ်ပူၤန့ၣ်လီၤ. ပိာ်မုၣ်န့ၣ်ဒိၣ်တၢ်ဃံလၤဒိၣ်မးလီၤ.

လံာ်စီၤၡမူၤအ့လးခံဘ့ၣ်တဘ့ၣ် 2:8

သုးခိၣ်ကျၢၢ်လၢစီၤစီလူးအသုးမုၢ်အပူၤ, စီၤန့ၢ်အဖိခွါစီၤအဘံန့ၢ်ဃ့ၢ်ပူၤဖျဲးကွံာ်ဒီးစီၤစီလူး အဖိခွါစီၤအံၤၡဘိၡ့းခီဂာ်ကွံာ်ထံကျိယၢ်ဒ့ၣ်ဆူဝ့ၢ်မၤ ဃန့ၤန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 4:2

စီၤအံၤၡဘိၡ့းအိၣ်ဒီးအသုးခိၣ်ခံဂၤလၢအမ့ၢ်သုးဖိခံဖု အခိၣ်, ပှၤဘအ့ရိးဖိလၢဘံၣ်ယၤမံၣ်အဒူၣ်ပူၤ, စီၤရံးမိၣ်အဖိခွါ, စီၤဘၤနါဒီးစီၤရ့ကးတဖၣ်လီၤ. (ပှၤဘအ့ရိးဘၣ်တၢ်ဂံၢ်ဃုာ်အီၤလၢဘံၣ်ယၤမံၣ်အဒူၣ်အကျါလီၤ.

လံာ်စီၤပၤအခီၣ်ထံးတဘ့ၣ် 16:9

စီၤစံၣ်ရံၤ, ပှၤကွၢ်ထွဲစီၤပၤအလ့ၣ်ကဟၣ်တဖၣ်ခံပူတပူ, လၢအမ့ၢ်စီၤပၤအသုးခိၣ်တဖၣ်အကျါတဂၤကူၣ်တၢ်အၢထီဒါစီၤပၤ န့ၣ်လီၤ. ဘၣ်မုၢ်တနံၤလၢဝ့ၢ်တံးရစၢ်အပူၤန့ၣ်, စီၤအ့လၤအီမူၤသံးဖဲစီၤအၢ်စၤလၢအမ့ၢ်ပှၤကွၢ်ထွဲနီတဂၤ အဟံၣ်ပူၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 24:25

အဝဲဘၣ်ဒိဆါဆါကလဲာ်ဒီးဖဲအဒုၣ်အဒါဂုၤက့ၤဆူအလီၢ်ခံန့ၣ်, အပဒိၣ်တဖၣ်အကျါခံဂၤကူၣ်ထီၣ်တၢ်အၢထီဒါအီၤဒီးမၤသံကွံာ် အီၤလၢအလီၢ်မံပူၤလၢတၢ်ဟ့ၣ်ကၣ်က့ၤအဝဲအတၢ်မၤသံ ပှၤလုၢ်တၢ်အခိၣ်စီၤယဟိယဒါအဖိခွါအဂီၢ်န့ၣ်လီၤ. အဝဲဘၣ်တၢ်ခူၣ်လီၤကွံာ်အီၤလၢစီၤဒၤဝံးအဝ့ၢ်ပူၤဘၣ်ဆၣ်, တမ့ၢ်ဘၣ်လၢစီၤပၤအတၢ်သွၣ်ခိၣ်တဖၣ်အပူၤန့ၣ်ဘၣ်.

လံာ်ကွဲးနီၣ်တၢ်ခံဘ့ၣ်တဘ့ၣ် 25:27

စးထီၣ်လၢအဝဲပူထီၣ်တၢ်ထီဒါယွၤလံၤလံၤန့ၣ်, တၢ်ပူထီၣ်ထီဒါအီၤအိၣ်ဝဲဒၣ်လၢဝ့ၢ်ယရူၤၡလ့ၣ်အပူၤန့ၣ်လီၤ. လၢခံကတၢၢ်အဝဲထွးထီၣ်ဃ့ၢ်ဝဲဆူဝ့ၢ်လၤကံၣ်, ဘၣ်ဆၣ်ဒီးအဒုၣ်အဒါတဖၣ်လူၤထွဲအီၤဖဲန့ၣ်ဒီးမၤသံကွံာ်အီၤ န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 33:24

စီၤအၤမိၣ်အပဒိၣ်ပပှၢ်တဖၣ်ကူၣ်ထီၣ်တၢ်အၢထီဒါအီၤဒီးမၤသံ ကွံာ်အီၤလၢနီအပူၤန့ၣ်လီၤ.