လံာ်စီၤၡမူၤအ့လးခံဘ့ၣ်တဘ့ၣ် 4:4 - Sgaw Karen Common Bible

⁴ စီၤစီလူးအစၢၤအသွဲၣ်အဂၤတဂၤမ့ၢ်ဝဲ စီၤယိနၤသၣ်အဖိခွါ စီၤမဖံဘိၡ့းလၢအသးအိၣ်ဝဲယဲၢ်နံၣ်, ဖဲစီၤစီလူးဒီးစီၤယိနၤသၣ်ဘၣ်တၢ်မၤသံအီၤအခါန့ၣ်လီၤ. ဖဲတၢ်ကစီၣ်လၢအဝဲသ့ၣ်သံအဂ့ၢ်ဟဲတုၤဝဲဆူဝ့ၢ်ယံးစရ့လးန့ၣ်, ပှၤပိာ်မုၣ်လၢအအံးထွဲကွၢ်ထွဲအီၤစိာ်ထီၣ်အီၤဒီးထွးထီၣ်ဃ့ၢ်ဝဲ, ဘၣ်ဆၣ်မ့ၢ်လၢအမၤအသးချ့ဒံးချ့ဒူးကဲာ်ဆိးအဃိ, ဖိသၣ်န့ၣ်လီၤတဲာ်ဒီးအခီၣ်ဟးဂီၤကွံာ်ဝဲဒၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 4:4 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 21:7

ဘၣ်ဆၣ်ဒီးမ့ၢ်လၢတၢ်အၢၣ်လီၤစီဆှံလၢအဝဲဒီးစီၤယိနၤသၣ် မၤတ့ၢ်ဝဲလၢတဂၤဒီးတဂၤအဘၢၣ်စၢၤအဃိ, စီၤဒၤဝံးပျဲပူၤဖျဲးစီၤမဖံၤဘိၤၡ့း, လၢအမ့ၢ်စီၤစီလူးအလံၤခွါစီၤယိနၤသၣ်အဖိခွါန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 9:13

မၤသးဒ်န့ၣ်ဒီး, စီၤမဖံဘိၤၡ့းလၢအခီၣ်ဟးဂီၤခံခီလိာ်န့ၣ်, အိၣ်ဝဲဆိးဝဲလၢဝ့ၢ်ယရူၤၡလ့ၣ်အပူၤ ဒီးအီၣ်အတၢ်အီၣ်ကိးဘျီဒဲးလၢစီၤပၤအစီၢ်နီၤခိၣ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 9:3

စီၤပၤသံကွၢ်အီၤ, “မ့ၢ်ပှၤအိၣ်လီၤတဲာ်ဒံးဝဲတဂၤဂၤလၢ စီၤစီလူးအဟံၣ်ဖိဃီဖိအကျါလၢယဒုးနဲၣ်အီၤယတၢ်သူၣ်တီသး ရၤဒီးတၢ်သူၣ်ကညီၤသးကညီၤကသ့ဝဲဒ်ယအၢၣ်လီၤတ့ၢ်ကစၢ်ယွၤလၢ ယကမၤအီၤအသိးန့ၣ်ဧါ.” စီၤစံဘၤစံးဆၢဝဲဒၣ်, “ပှၤအိၣ်ဒံးဝဲတဂၤလၢစီၤယိနၤသၣ် အဖိခွါတဖၣ်အကျါန့ၣ်လီၤ. အဝဲဒၣ်အခီၣ်ဟးဂီၤလီၤ.”

လံာ်စီၤၡမူၤအ့လးခံဘ့ၣ်တဘ့ၣ် 9:6

ဖဲစီၤစီလူးအလံၤခွါ, စီၤယိနၤသၣ်အဖိခွါ, စီၤမဖံဘိၤၡ့းဟဲတုၤဝဲန့ၣ်, အဝဲတီၤလီၤလၢစီၤဒၤဝံး အမဲာ်ညါလၢတၢ်ယူးယီၣ်အပူၤလီၤ. စီၤဒၤဝံးစံးဝဲဒၣ်, “စီၤမဖံဘိၤၡ့းဧၢ,” ဒီးအဝဲဒၣ်စံးဆၢဝဲဒၣ်, “ကစၢ်ဧၢ, နကုၢ်နပှၤလီၤ.”

လံာ်စီၤပၤအခီၣ်ထံးတဘ့ၣ် 11:17

အိၣ်လီၤတဲာ်တ့ၢ်ထဲစီၤဟၤဒးဒီးအပၢ်အခ့အပှၤ, ပှၤအဒိၣ်ဖိတနီၤလၢအဃ့ၢ်ထူၣ်ဖျဲးကွံာ်ဆူကီၢ်အဲၤကူပတူးန့ၣ် လီၤ. (အခါဖဲန့ၣ်စီၤဟၤဒးမ့ၢ်ဒံးဒၣ်ဖိသၣ်ဆံးတဂၤန့ၣ်လီၤ.)

လံာ်ကွဲးနီၣ်တၢ်အခီၣ်ထံးတဘ့ၣ် 8:34

စီၤယိနၤသၣ်မ့ၢ်စီၤမရံးဘဧၤလးလၢအထီၣ်ဖိစီၤမံၤကါအပၢ် န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 9:40

စီၤယိနၤသၣ်အဖိခွါန့ၣ်မ့ၢ်စီၤမရံးဘဧၤလး, ဒီးစီၤမရံးဘဧၤလးထီၣ်ဖိစီၤမံၤကါန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 29:1

ပှၤဖလ့ၡသးဖိတဖၣ်ဟဲပာ်ဖှိၣ်ထီၣ်အသုးမုၢ်သံၣ်ဘိခဲလၢာ်ဖဲ ဝ့ၢ်အဖ့းဖဲပှၤအံၣ်စရ့လးဖိတဖၣ်သူၣ်အဒဲဖဲတၢ်တြီၤယံးစရ့ လးအထံထီၣ်ပၢၢ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 29:11

မၤသးဒ်န့ၣ်ဒီး, လၢခံတနံၤမုၢ်ဆ့ၣ်ထီၣ်ဂီၤဂီၤန့ၣ် စီၤဒၤဝံးဒီးအပှၤတဖၣ်က့ၤကဒါက့ၤဆူကီၢ်ဖလ့ၡသးဒီးပှၤဖလ့ၡသးဖိ တဖၣ်လဲၤဆူညါဆူတၢ်တြီၤယံးစရ့လးန့ၣ်လီၤ.