လံာ်စီၤၡမူၤအ့လးခံဘ့ၣ်တဘ့ၣ် 4:12 - Sgaw Karen Common Bible

¹² စီၤဒၤဝံးဟ့ၣ်လီၤအကလုၢ်ဒီးအဝဲအပှၤသုးဖိတဖၣ်မၤသံကွံာ် စီၤရ့ကးဒီးစီၤဘၤနါ, ဒီးဒီၣ်တဲာ်ကွံာ်အဝဲသ့ၣ်အစုတဖၣ်ဒီးအခိၣ်တဖၣ်ဒီးဘျးထီၣ် အဝဲသ့ၣ်အစိၣ်တဖၣ်လၢနိၣ်အိၣ်လၢဝ့ၢ်ဃ့ဘြိၣ်အပူၤအကပၤန့ၣ် လီၤ. အဝဲသ့ၣ်ဟံးထီၣ်စီၤအံၤၡဘိၡ့းအခိၣ်ဒီးဘျၢလီၤအီၤဖဲ စီၤအဘံန့ၢ်အသွၣ်ခိၣ်လၢဝ့ၢ်ဃ့ဘြိၣ်အပူၤန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 4:12 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 1:15

အန့ၣ်ဝံၤဒီး, စီၤဒၤဝံးကိးဃီၤအဝဲအပှၤအကျါတဂၤဒီးစံးဘၣ် အီၤ, “မၤသံကွံာ်အီၤတက့ၢ်.” ပှၤတဂၤန့ၣ်ကျီပှၤဧမၤလ့းဖိတဂၤ န့ၣ်ဒီးမၤသံကွံာ်အီၤန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 16:8

နဟံးန့ၢ်ကွံာ်စီၤစီလူးအဘီအမုၢ်, ဒီးခဲကနံၣ်အံၤယွၤစံၣ် ညီၣ်နၤ, လၢနမၤသံတ့ၢ်စီၤစီလူးအဟံၣ်ဖိဃီဖိအါအါဂီၢ်ဂီၢ်အဃိန့ၣ် လီၤ. ယွၤဟ့ၣ်လီၤလံဘီမုၢ်ဆူနဖိခွါစီၤအးဘၡါလိၣ်အစုပူၤ, ဒီးနဲဒၣ်ပှၤမၤသံမၤဝီတၢ်ဧၢ, နဟးဂီၤလံ.”

လံာ်စီၤၡမူၤအ့လးခံဘ့ၣ်တဘ့ၣ် 2:8

သုးခိၣ်ကျၢၢ်လၢစီၤစီလူးအသုးမုၢ်အပူၤ, စီၤန့ၢ်အဖိခွါစီၤအဘံန့ၢ်ဃ့ၢ်ပူၤဖျဲးကွံာ်ဒီးစီၤစီလူး အဖိခွါစီၤအံၤၡဘိၡ့းခီဂာ်ကွံာ်ထံကျိယၢ်ဒ့ၣ်ဆူဝ့ၢ်မၤ ဃန့ၤန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 21:9

စီၤဒၤဝံးဟ့ၣ်လီၤအဝဲသ့ၣ်ဆူကံးဘိၣ်အပှၤဂီၢ်မုၢ်အစုပူၤ, လၢအစၢသံကွံာ်အဝဲသ့ၣ်လၢကစၢၢ်ဒီခိၣ်လၢယွၤအမဲာ်ညါန့ၣ် လီၤ. ဒီးအဝဲသ့ၣ်နွံဂၤလိာ်သံဝဲတပူၤဃီန့ၣ်လီၤ. တၢ်န့ၣ်မ့ၢ်ဖဲတၢ်မဲထီၣ်သီအကတီၢ်ကလၢာ်အဆၢဒီးတၢ်စးထီၣ်ကူး ဘုမုယီၤအကတီၢ်, ဖဲအဝဲသ့ၣ်ဘၣ်တၢ်မၤသံအီၤအခါန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 3:32

စီၤအဘံန့ၢ်ဘၣ်တၢ်ခူၣ်လီၤအီၤဖဲဝ့ၢ်ဃ့ဘြိၣ်ဒီးစီၤပၤဟီၣ် လၢအကလုၢ်ဖးဒိၣ်ဖဲတၢ်သွၣ်ခိၣ်ဒီးပှၤကိးဂၤဒဲးစ့ၢ်ကီးဟီၣ် ဝဲဒ်န့ၣ်လီၤ.

စံးထီၣ်ပတြၢၤ 55:23

ဘၣ်ဆၣ်နဲဒၣ်ကစၢ်ယွၤဧၢ, နကဒုးလဲၤလီၤအဝဲသ့ၣ်ဆူ တၢ်ဟးဂီၤအတၢ်ပူၤလီၤ. ပှၤမၤသံတၢ်ဒီးပှၤလီတၢ်တဖၣ်န့ၣ်, တအိၣ်မူဘၣ် အမုၢ်နံၤမုၢ်သီတဝာ်ဒၣ်လဲာ်န့ၣ်ဘၣ်. မ့မ့ၢ်ယဲဒၣ်အံၤယကသန့ၤယသးလၢနၤလီၤ.

လံာ်မးသဲ 7:2

အဂ့ၢ်ဒ်အံၤ, ကစၢ်ယွၤကစံၣ်ညီၣ်သုလၢတၢ်စံၣ်ညီၣ်တမံၤဃီလၢသုစံၣ်ညီၣ် ပှၤဂၤဒီး အဝဲကဃီၣ်ဟ့ၣ်သုတၢ်လၢနီၣ်ဃီၣ်တခါဃီလၢသုဃီၣ်ဟ့ၣ်တၢ်န့ၣ် လီၤ.