လံာ်စီၤၡမူၤအ့လးခံဘ့ၣ်တဘ့ၣ် 3:9 - Sgaw Karen Common Bible

⁹ ယွၤအၢၣ်လီၤတ့ၢ်စီၤဒၤဝံးလၢအဝဲကဟံးထီၣ်ကွံာ်ဘီမုၢ်လၢ စီၤစီလူးဒီးအစၢၤအသွဲၣ်တဖၣ်အစုပူၤဒီးကဒုးကဲထီၣ်စီၤဒၤ ဝံးလၢစီၤပၤလၢကီၢ်အံၣ်စရ့လးဒီးကီၢ်ယူဒၤခံဘ့ၣ်လိာ်အဖီ ခိၣ်စးထီၣ်လၢကီၢ်ဆၢအကတၢၢ်တခီတုၤဆူကီၢ်ဆၢအဂၤတခီ အကတၢၢ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 3:9 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 19:13

စီၤဒၤဝံးတဲဘၣ်စ့ၢ်ကီးအဝဲသ့ၣ်လၢကစံးဘၣ်စီၤဧမါစၤဒ် အံၤ, “နမ့ၢ်ယဘူးယတံၢ်လီၤ. စးထီၣ်ခဲအံၤဒီးဆူညါန့ၣ်ယပာ်ထီၣ် နၤဒ်သုးခိၣ်ကျၢၢ်လၢသုးမုၢ်အဖီခိၣ်လၢစီၤယိၤအာ်အလီၢ်လီၤ. ယမ့ၢ်တမၤဒ်န့ၣ်ဘၣ်ဒီး, မ်ကစၢ်ယွၤမၤသံတက့ၢ်.”

လံာ်စီၤၡမူၤအ့လးခံဘ့ၣ်တဘ့ၣ် 19:14

စီၤဒၤဝံးအတၢ်ကတိၤတဖၣ်မၤန့ၢ်ကယဲၢ်ပှၤလၢကီၢ်ယူဒၤခဲလၢာ် အတၢ်သူၣ်တီသးရၤလၢာ်လၢာ်ဆ့ဆ့ဒီးအဝဲသ့ၣ်ဆှၢလီၤတၢ်ကစီၣ်လၢ, စီၤဒၤဝံးကဟဲက့ၤကဒါက့ၤဃုာ်ဒီးအပဒိၣ်ပပှၢ်ခဲလၢာ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 3:35

ဒီတနံၤညါန့ၣ်ပှၤဂီၢ်မုၢ်ကျဲးစၢးဝဲဒ်သိးစီၤဒၤဝံးကအီၣ် တၢ်တမံၤမံၤဘၣ်ဆၣ်အဝဲမၤတၢ်ဆိၣ်သညူးသပှၢ်တမံၤ, “ယမ့ၢ်အီၣ်တၢ်တမံၤမံၤတချုးမုၢ်လီၤနုာ်န့ၣ်မ်ကစၢ်ယွၤ မၤသံယၤတက့ၢ်.”

လံာ်စီၤပၤအခီၣ်ထံးတဘ့ၣ် 19:2

နီၢ်အံၤစ့ဘ့ၤလးဆှၢဃီၤတၢ်ကစီၣ်တမံၤဆူစီၤအ့ၤလံယၤအအိၣ် ဒီးစံးဝဲ, “ယမ့ၢ်တမၤဘၣ်တၢ်တမံၤဃီဆူနၤဒ်နမၤတ့ၢ်ဘဧၤလးအဝံတဖၣ်အသိး န့ၣ်ဘၣ်ဒီးခဲမုၢ်ဆ့ၣ်တုၤတၢ်ဆၢကတီၢ်ဒ်အံၤန့ၣ်မ်ကစၢ်တဖၣ်မၤ သံကွံာ်ယၤန့ၣ်တက့ၢ်.”

လံာ်စီၤပၤအခီၣ်ထံးတဘ့ၣ် 2:23

အန့ၣ်ဒီး, စီၤၡလိၤမိၤမၤတၢ်အၢၣ်လီၤသမှံၤသပှၢ်တမံၤလၢယွၤ အမံၤအပူၤစံးဝဲ, “ယမ့ၢ်တမၢဘၣ်စီၤအဒိနံၤယၤလၢအက ဟ့ၣ်အသးသမူဒ်တၢ်အပှ့ၤလၢအဃ့ဝဲတမံၤအဃိဘၣ်ဒီး, မ်ကစၢ်ယွၤမၤသံယၤတက့ၢ်.

လံာ်ကွဲးနီၣ်တၢ်အခီၣ်ထံးတဘ့ၣ် 12:23

ဖဲစီၤဒၤဝံးအိၣ်ဝဲဖဲဝ့ၢ်ဃ့ဘြိၣ်န့ၣ်, ပှၤသုးဖိလၢအသ့ အဘၣ်အါဂၤဟဲပာ်ဖှိၣ်အသးဒီးအဝဲအသုးမုၢ်လၢကမၤစၢၤတၢ်လၢအ ဝဲကကဲထီၣ်စီၤပၤလၢစီၤပၤစီၤစီလူးအလီၢ်အဂီၢ်ဒ်ယွၤအၢၣ်လီၤ တ့ၢ်ဝဲအသိးန့ၣ်လီၤ. အဝဲသ့ၣ်အတၢ်ဂံၢ်တဖၣ်မ့ၢ်ဒ်လၢလာ်အံၤအသိးလီၤ.

လံာ်နီၢ်ရူၤသး 1:17

ဖဲနသံတပူၤလၢ်လၢ်ယကသံယဲ, ဒီးယကဘၣ်တၢ်ခူၣ်လီၤကွံာ်ယၤဖဲ န့ၣ်လီၤ. ယမ့ၢ်လဲၤသဒၣ်နၤ, မ့တမ့ၢ်ဘၣ်လၢတၢ်သံမၤလီၤဖးယၤဒီးနၤန့ၣ် မ်ယွၤအတၢ်စံၣ်ညီၣ်လီၤဘၣ်ယၤ, ဒီးအါန့ၢ်အန့ၣ်တက့ၢ်.”

လံာ်စီၤၡမူၤအ့လးအခီၣ်ထံးတဘ့ၣ် 14:44

စီၤစီလူးစံးဘၣ်အီၤ, “နမ့ၢ်တဘၣ်တၢ်မၤသံနၤဒီးမ်ကစၢ် ယွၤတီၢ်ယၤတုၤယသံတက့ၢ်.”

လံာ်စီၤၡမူၤအ့လးအခီၣ်ထံးတဘ့ၣ် 15:28

စီၤၡမူၤအ့လးစံးဘၣ်အီၤ, “ယွၤဖှီယာ်ကွံာ်ကီၢ်အံၣ်စရ့လး အဘီအမုၢ်ယံၤဒီးနၤလၢတနံၤအံၤဒီးဟ့ၣ်လီၤအီၤဆူပှၤအဂ့ၤ ဒိၣ်န့ၢ်အါန့ၢ်နၤတဂၤအအိၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 25:22

တချုးမုၢ်ဆ့ၣ်ထီၣ်အံၤန့ၣ်ယမ့ၢ်တမၤသံဘၣ်ပှၤပိာ်ခွါတဖၣ်အံၤ တုၤလၢအလီၢ်ခံကတၢၢ်တဂၤဘၣ်ဒီး မ်ကစၢ်ယွၤတီၢ်ယၤတုၤယသံတက့ၢ်.”

လံာ်စီၤၡမူၤအ့လးအခီၣ်ထံးတဘ့ၣ် 28:17

ယွၤမၤဘၣ်တ့ၢ်နၤဒ်အစံးတ့ၢ်ဝဲခီဖျိယၤအသိးန့ၣ်လီၤ. အဝဲဟံးထီၣ်ကွံာ်ဘီမုၢ်လၢနစုပူၤဒီးလၢနလီၢ်န့ၣ်ဟ့ၣ်လီၤ ဝဲဆူစီၤဒၤဝံးအအိၣ်လၢနလီၢ်လံ.

လံာ်စီၤၡမူၤအ့လးအခီၣ်ထံးတဘ့ၣ် 3:17

ဒီးစီၤဧ့လံၤသံကွၢ်ဝဲ, “ယွၤတဲနၤတၢ်မနုၤလဲၣ်. ပာ်ခူသူၣ်တၢ်လၢယၤနီတမံၤတဂ့ၤ. တၢ်လၢအဝဲစံးတ့ၢ်ဝဲန့ၣ် နမ့ၢ်တတဲယၤကိးမံၤဒဲးဒီးကစၢ်ယွၤကစံၣ်ညီၣ်နၤဆါဆါလီၤ.”