လံာ်စီၤၡမူၤအ့လးခံဘ့ၣ်တဘ့ၣ် 3:6 - Sgaw Karen Common Bible

⁶ ဒ်တၢ်ဒုးတၢ်ယၤလၢစီၤဒၤဝံးအသုးဖိတဖၣ်ဒီးသုးဖိတဖၣ်လၢ အသးတီဒီးစီၤစီလူးအဒူၣ်ဖိထၢဖိအဘၢၣ်စၢၤမၤအသးဆူညါ အသိးန့ၣ်, စီၤအဘံန့ၢ်ကဲထီၣ်ပှၤလၢအစိကမီၤဆူၣ်ထီၣ်အါထီၣ် လၢပှၤလၢအပိာ်စီၤစီလူးအခံတဖၣ်အကျါန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 3:6 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 3:1

တၢ်ဒုးတၢ်ယၤလၢသုးဖိတဖၣ်လၢအဆီၣ်ထွဲမၤစၢၤစီၤစီလူး အဒူၣ်ဖိထၢဖိဒီးသုးဖိတဖၣ်လၢအဆီၣ်ထွဲစီၤဒၤဝံးအဘၢၣ်စၢၤ န့ၣ်မၤအသးဆူညါဖးယံာ်န့ၣ်လီၤ. ဒ်စီၤဒၤဝံးအဂံၢ်အဘါဆူၣ်ထီၣ်ဆူၣ်ထီၣ်ဝဲဒၣ်အသိးန့ၣ်ပှၤလၢအထီဒါအီၤတဖၣ် အဂံၢ်အဘါစၢ်လီၤဝဲဒၣ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 3:5

စီၤအဒိနံယၤလၢအမိၢ်မ့ၢ်ဝဲနီၢ်ဃးကံၤ, စီၤၡဖးတယၤလၢအမိၢ် မ့ၢ်ဝဲနီၢ်အဘံတလး, ဒီးစီၤယံးသြၣ်လၢအမိၢ်မ့ၢ်ဝဲနီၢ်ဧကလၤ န့ၣ်လီၤ. ကယဲၢ်အဖိခွါတဖၣ်အံၤအိၣ်ဖျဲၣ်ထီၣ်ဝဲဖဲ ဝ့ၢ်ဃ့ဘြိၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 10:23

အန့ၣ်ဝံၤဒီး, စီၤယ့ၤဟူအနီၢ်ကစၢ်ဒၣ်ဝဲလဲၤနုာ်ဆူတၢ်လုၢ် ဟံၣ်အပူၤဃုာ်ဒီးစီၤရ့ကာ်အဖိခွါစီၤယိၤနဒာ်, ဒီးစံးဘၣ်ပှၤဂီၢ်မုၢ်ဖဲန့ၣ်, “မၤလီၤတံၢ်လၢထဲဒၣ်ပှၤဘူၣ်ထီၣ်ဘါထီၣ်ဘဧၤလးဧိၤ, ကအိၣ်ဖဲအံၤတက့ၢ်. ဒီးပှၤဘူၣ်ထီၣ်ဘါထီၣ်ယွၤအသုတဟဲနုာ်နီ တဂၤတဂ့ၤ.”

လံာ်ကွဲးနီၣ်တၢ်ခံဘ့ၣ်တဘ့ၣ် 25:8

နကဆိကမိၣ်လၢအဝဲသ့ၣ်ကမၤဂံၢ်ဆူၣ်ဘါဆူၣ်အါထီၣ်နၤလၢတၢ်ဒုး အပူၤ, ဘၣ်ဆၣ်ပှၤလၢအအိၣ်ဒီးတၢ်စိတၢ်ကမီၤလၢကဟ့ၣ်တၢ်မၤနၢၤမ့ၢ် ဂ့ၤ, တၢ်ဃၣ်ကွံာ်မ့ၢ်ဂ့ၤန့ၣ်မ့ၢ်ဒၣ်ကစၢ်ယွၤဒီးအဝဲကပျဲနဒုၣ်နဒါ တဖၣ်မၤနၢၤနၤန့ၣ်လီၤ.”

တၢ်ကတိၤဒိ. 21:30

ယွၤမ့ၢ်ထီဒါနၤဒီး, ပှၤကညီအတၢ်ကူၣ်သ့, အတၢ်သ့တုာ်, အတၢ်ထံၣ်တၢ်လၢသးတဖၣ်ကဲထီၣ်တၢ်မၤစၢၤတသ့ဘၣ်နီ တမံၤဘၣ်.

လံာ်မးသဲ 12:30

ပှၤတဂၤလၢ်လၢ်လၢအတအိၣ်ဒီးယၤဘၣ်န့ၣ်, မ့ၢ်ပှၤလၢအထီဒါယၤလီၤ. ပှၤလၢအတမၤစၢၤယၤလၢတၢ်ထၢဖှိၣ်က့ၤတၢ်အပူၤန့ၣ်, မ့ၢ်ပှၤလၢအမၤလီၤပြံလီၤပြါတၢ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 14:50

အဝဲအမါမ့ၢ်ဝဲ, စီၤအဃံမဧးအဖိမုၣ်နီၢ်အဃံနိၣ်လီၤ. အဝဲအသုးမုၢ်အသုးခိၣ်ကျၢၢ်မ့ၢ်ဝဲအတခွါလၢအမ့ၢ်ဝဲ အဖါတံၢ်စီၤန့ၢ်အဖိခွါစီၤအဘံန့ၢ်လီၤ.