လံာ်စီၤၡမူၤအ့လးခံဘ့ၣ်တဘ့ၣ် 3:38 - Sgaw Karen Common Bible

³⁸ စီၤပၤစံးဘၣ်အပဒိၣ်ပပှၢ်တဖၣ်, “မ့ၢ်သုတသ့ၣ်ညါဘၣ်လၢတနံၤ အံၤန့ၣ်ပှၤခိၣ်ပှၤနၢ်ဖးဒိၣ်တဂၤလၢကီၢ်အံၣ်စရ့လးအပူၤသံဝဲဒၣ်လံန့ၣ်ဘၣ်ဧါ.

လံာ်စီၤၡမူၤအ့လးခံဘ့ၣ်တဘ့ၣ် 3:38 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 2:8

သုးခိၣ်ကျၢၢ်လၢစီၤစီလူးအသုးမုၢ်အပူၤ, စီၤန့ၢ်အဖိခွါစီၤအဘံန့ၢ်ဃ့ၢ်ပူၤဖျဲးကွံာ်ဒီးစီၤစီလူး အဖိခွါစီၤအံၤၡဘိၡ့းခီဂာ်ကွံာ်ထံကျိယၢ်ဒ့ၣ်ဆူဝ့ၢ်မၤ ဃန့ၤန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 3:12

စီၤအဘံန့ၢ်ဆှၢလီၤပှၤစိာ်တၢ်ကစီၣ်တဖၣ်ဆူစီၤဒၤဝံးအအိၣ်ဖဲ အအိၣ်ဒံးဝဲလၢဝ့ၢ်ဃ့ဘြိၣ်အပူၤ, ဒ်သိးကစံးဘၣ်အီၤ, “မတၤကပၢကီၢ်အံၤလဲၣ်. မၤတၢ်အၢၣ်လီၤအီလီၤဒီးယၤ. ဒီးယကမၤစၢၤနၤဒ်သိးနကမၤန့ၢ်ပှၤအံၣ်စရ့လးဖိခဲလၢာ်ဆူ နအိၣ်တခီလီၤ.”

လံာ်စီၤၡမူၤအ့လးခံဘ့ၣ်တဘ့ၣ် 3:37

စီၤဒၤဝံးအပှၤဂီၢ်မုၢ်ခဲလၢာ်ဒီးကယဲၢ်ကီၢ်အံၣ်စရ့လးအပှၤဂီၢ်မုၢ်ခဲလၢာ် နၢ်ပၢၢ်ဝဲဒၣ်လၢတၢ်မၤသံစီၤအဘံန့ၢ်တဘၣ်ဃး ဒီးစီၤပၤနီတမံၤဘၣ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 3:39

ယမ့ၢ်စီၤပၤတဂၤလၢကစၢ်ယွၤဃုထၢတ့ၢ်ဒၣ်လဲာ်န့ၣ်တနံၤအံၤ ယဂံၢ်ယဘါစၢ်လီၤ. နီၢ်စရူယၤအဖိခွါတဖၣ်အံၤဆူၣ်စိးအၢသီကဲၣ်ဆိးလၢယဂီၢ်လီၤ. မ်ယွၤစံၣ်ညီၣ်ပှၤအအၢအသီတဖၣ်အံၤဒ်အဝဲသ့ၣ်ကြၢးဒိးဘၣ်ဝဲ အသိးန့ၣ်တက့ၢ်.”

လံာ်စီၤယိၤဘး 32:9

တမ့ၢ်ထဲပှၤသးပှၢ်တဖၣ်မ့ၢ်ပှၤအကူၣ်တၢ်သ့ဒီးပှၤအနံၣ်အါ လါအါတဖၣ်ဧိၤနၢ်ပၢၢ်တၢ်အဘၣ်န့ၣ်ဘၣ်.

လံာ်စီၤၡမူၤအ့လးအခီၣ်ထံးတဘ့ၣ် 26:15

စီၤဒၤဝံးစံးဆၢဝဲ, “စီၤအဘံန့ၢ်ဧၢ, နတမ့ၢ်ဘၣ်ပှၤအဒိၣ်ကတၢၢ်လၢကီၢ်အံၣ်စရ့လးအပူၤဘၣ်ဧါ. မ့မ့ၢ်ဒ်န့ၣ်ဒီးဘၣ်မနုၤလၢနတဒီဒၣ်အိၣ်ပှိၤနကစၢ်စီၤပၤန့ၣ်လဲၣ်. ပှၤတဂၤလဲၤနုာ်တ့ၢ်ဆူဒဲပူၤခဲအံၤဖိဒ်သိးအကမၤသံနကစၢ်လီၤ.