လံာ်စီၤၡမူၤအ့လးခံဘ့ၣ်တဘ့ၣ် 3:35 - Sgaw Karen Common Bible

³⁵ ဒီတနံၤညါန့ၣ်ပှၤဂီၢ်မုၢ်ကျဲးစၢးဝဲဒ်သိးစီၤဒၤဝံးကအီၣ် တၢ်တမံၤမံၤဘၣ်ဆၣ်အဝဲမၤတၢ်ဆိၣ်သညူးသပှၢ်တမံၤ, “ယမ့ၢ်အီၣ်တၢ်တမံၤမံၤတချုးမုၢ်လီၤနုာ်န့ၣ်မ်ကစၢ်ယွၤ မၤသံယၤတက့ၢ်.”

လံာ်စီၤၡမူၤအ့လးခံဘ့ၣ်တဘ့ၣ် 3:35 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 1:12

အဝဲသ့ၣ်သူၣ်အုးသးအုးဝဲဒီးဟီၣ်တၢ်ယၢၤတၢ် ဒီးဒုၣ်တၢ်အီၣ်တၢ်အီတုၤလၢမုၢ်ဟါလီၤအကတီၢ်လၢစီၤစီလူးဒီးစီၤယိနၤသၣ် ဒီးကီၢ်အံၣ်စရ့လး, ယွၤအပှၤဂီၢ်မုၢ်အဂီၢ်န့ၣ်လီၤ. အဂ့ၢ်ဒ်အံၤ, ပှၤဘၣ်တၢ်မၤသံကွံာ်အီၤအါအါကလဲာ်လၢတၢ်ဒုးတၢ် ယၤအပူၤအဃိလီၤ.

လံာ်စီၤၡမူၤအ့လးခံဘ့ၣ်တဘ့ၣ် 12:17

အဝဲအကွီၢ်ဘျီၣ်အပဒိၣ်ပပှၢ်တဖၣ်လဲၤဆူအအိၣ် ဒီးကျဲးစၢးဒုးဂဲၤထၢၣ်အီၤ ဘၣ်ဆၣ်ဒီးအဝဲဂ့ၢ်လိာ်ဝဲဒီးတအီၣ်ဃုာ်တၢ်နီတမံၤဒီးအဝဲသ့ၣ်ဘၣ်.

လံာ်စီၤၡမူၤအ့လးခံဘ့ၣ်တဘ့ၣ် 3:34

အစုတဖၣ်တဘၣ်တၢ်စၢဃာ်အီၤဘၣ်, ဒီးအခီၣ်တဖၣ်တဘၣ်တၢ်စၢတံၢ်အီၤဘၣ်, အဝဲသံလီၤဂာ်ဒ်ပှၤတဂၤလၢအဘၣ်တၢ်မၤသံ အီၤလၢပှၤအၢပှၤသီတဖၣ်အသိးန့ၣ်လီၤ.” ဒီးပှၤဂီၢ်မုၢ်ဟီၣ်တၢ်ယၢၤတၢ်ကဒီးလၢအဂီၢ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 3:36

အဝဲသ့ၣ်ပာ်သူၣ်ပာ်သးလၢတၢ်အံၤဒီးဘၣ်သူၣ်ဘၣ်သးဝဲဒၣ်လီၤ. ကယဲၢ်တၢ်လၢစီၤပၤမၤကိးမံၤဒဲးန့ၣ်မၤမုာ်မၤမံပှၤဂီၢ်မုၢ် အသးသပှၢ်ကတၢၢ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 3:9

ယွၤအၢၣ်လီၤတ့ၢ်စီၤဒၤဝံးလၢအဝဲကဟံးထီၣ်ကွံာ်ဘီမုၢ်လၢ စီၤစီလူးဒီးအစၢၤအသွဲၣ်တဖၣ်အစုပူၤဒီးကဒုးကဲထီၣ်စီၤဒၤ ဝံးလၢစီၤပၤလၢကီၢ်အံၣ်စရ့လးဒီးကီၢ်ယူဒၤခံဘ့ၣ်လိာ်အဖီ ခိၣ်စးထီၣ်လၢကီၢ်ဆၢအကတၢၢ်တခီတုၤဆူကီၢ်ဆၢအဂၤတခီ အကတၢၢ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 10:12

ပှၤကညီအဒူကတၢၢ်တဖၣ်လဲၤဒီးဟံးန့ၢ်စီၤစီလူးဒီးအဖိခွါ တဖၣ်အစိၣ်, ဒီးဟဲက့ၤစိာ်ဝဲဆူဝ့ၢ်ယၤဘ့ၣ်န့ၣ်လီၤ. ဒီးခူၣ်လီၤကွံာ်အဝဲသ့ၣ်ဖဲသ့ထိးဖၣ်တထံးအဖီလာ်ဒီးဒုၣ်တၢ် အီၣ်နွံနံၤန့ၣ်လီၤ.

လံာ်ယံးရမံယၤ 16:7

ပှၤတအီၣ်ဃုာ်တၢ်မ့ၢ်ဂ့ၤ, အီဃုာ်တၢ်မ့ၢ်ဂ့ၤနီတဂၤဒီးပှၤတဂၤ ဂၤလၢတၢ်မၤမုာ်ထီၣ်က့ၤအဂီၢ်ဖဲပှၤလၢအအဲၣ်ဝဲတဂၤသံန့ၣ်ဘၣ်. လၢပှၤတဂၤလၢအပၢ်သံအဃိမ့ၢ်ဂ့ၤ, အမိၢ်သံအဃိမ့ၢ်ဂ့ၤအဂီၢ်ဒၣ် လဲာ်, ပှၤတဒုးနဲၣ်အတၢ်သူၣ်ဘၣ်ဒိသးဘၣ်ထံးနီတဂၤဘၣ်.

လံာ်ယဃ့းစက့လး 24:17

ပျဲနတၢ်ဟီၣ်သါသကူးဘၣ်တၢ်နၢ်ဟူအီၤတဂ့ၤ. လဲၤတၢ်လၢတၢ်တဖၢၣ်ဘၣ်နခိၣ်မ့ၢ်ဂ့ၤ, တၢ်တဒိးဘၣ်ခီၣ်ဖံးမ့ၢ် ဂ့ၤဒ်အမ့ၢ်တၢ်သးအုးအပနီၣ်တမံၤအသိးတဂ့ၤ. ကျၢၢ်ဘၢနမဲာ်မ့ၢ်ဂ့ၤ, အီၣ်တၢ်အီၣ်လၢပှၤဘၣ်မိၣ်ဘၣ်မးတဖၣ်အီၣ်ဝဲမ့ၢ်ဂ့ၤန့ၣ်တဂ့ၤ.”

လံာ်ယဃ့းစက့လး 24:22

အန့ၣ်တစု, သုကမၤတၢ်လၢယမၤတ့ၢ်အီၤန့ၣ်လီၤ. သုတဘၣ်ကျၢၢ်ဘၢသုမဲာ်တဖၣ်မ့ၢ်ဂ့ၤ, အီၣ်တၢ်အီၣ်လၢပှၤဘၣ်မိၣ် ဘၣ်မးတဖၣ်အီၣ်ဝဲမ့ၢ်ဂ့ၤန့ၣ်တဂ့ၤ.

လံာ်ပှၤစံၣ်ညီၣ်ကွီၢ် 20:23

လၢတၢ်န့ၣ်အဃိ, အံၣ်စရ့လးအသုးမုၢ်အသးဆူၣ်ထီၣ်ဒီးပာ်လီၤ ကဒီးအသုးမုၢ်အလီၢ်ဒ်လၢအပူၤကွံာ်တနံၤအသိးန့ၣ်လီၤ.

လံာ်ပှၤစံၣ်ညီၣ်ကွီၢ် 20:26

တုၤနုၤတစု, ပှၤအံၣ်စရ့လးဖိခဲလၢာ်လဲၤထီၣ်ဆူဘ့ၤသ့လးဒီး ဟီၣ်ဝဲယၢၤဝဲလီၤ. အဝဲသ့ၣ်ဆ့ၣ်နီၤဖဲန့ၣ်လၢယွၤအမဲာ်ညါဒီးတၢ်အီၣ်တုၤမုၢ်ဟါလီၤတစုန့ၣ်လီၤ. အဝဲသ့ၣ်ဒုၣ်တၢ်အီၣ်ဒီးလုၢ်တၢ်လုၢ်မၤဃူမၤဖိး ဒီးတၢ်လုၢ်မ့ၣ်အူလၢကစၢ်ယွၤအမဲာ်ညါလီၤ.

လံာ်နီၢ်ရူၤသး 1:17

ဖဲနသံတပူၤလၢ်လၢ်ယကသံယဲ, ဒီးယကဘၣ်တၢ်ခူၣ်လီၤကွံာ်ယၤဖဲ န့ၣ်လီၤ. ယမ့ၢ်လဲၤသဒၣ်နၤ, မ့တမ့ၢ်ဘၣ်လၢတၢ်သံမၤလီၤဖးယၤဒီးနၤန့ၣ် မ်ယွၤအတၢ်စံၣ်ညီၣ်လီၤဘၣ်ယၤ, ဒီးအါန့ၢ်အန့ၣ်တက့ၢ်.”

လံာ်စီၤၡမူၤအ့လးအခီၣ်ထံးတဘ့ၣ် 3:17

ဒီးစီၤဧ့လံၤသံကွၢ်ဝဲ, “ယွၤတဲနၤတၢ်မနုၤလဲၣ်. ပာ်ခူသူၣ်တၢ်လၢယၤနီတမံၤတဂ့ၤ. တၢ်လၢအဝဲစံးတ့ၢ်ဝဲန့ၣ် နမ့ၢ်တတဲယၤကိးမံၤဒဲးဒီးကစၢ်ယွၤကစံၣ်ညီၣ်နၤဆါဆါလီၤ.”