လံာ်စီၤၡမူၤအ့လးခံဘ့ၣ်တဘ့ၣ် 3:29 - Sgaw Karen Common Bible

²⁹ မ်တၢ်စံၣ်ညီၣ်လၢတၢ်ဂ့ၢ်န့ၣ်ကလီၤဘၣ်ဝဲလၢစီၤယိၤအာ်ဒီး အဒူၣ်ဖိထၢဖိခဲလၢာ်အလိၤတက့ၢ်. လၢအစိၤကိးစိၤဒဲးန့ၣ်မ်ပှၤပိာ်ခွါတနီၤလၢအဒူၣ်ဖိထၢဖိ အကျါကအိၣ်ဒီးဃဲအတၢ်ဆါမ့ၢ်ဂ့ၤ, ပှၤဘၣ်တၢ်ဆါအၢမ့ၢ်ဂ့ၤ, ပှၤလၢကြၢးဒၣ်လၢအမၤပှၤပိာ်မုၣ်အတၢ်မၤမ့ၢ်ဂ့ၤ, ဘၣ်သံလၢတၢ်ဒုးတၢ်ယၤအပူၤမ့ၢ်ဂ့ၤ, ပှၤလၢအီၣ်တလၢအီတလၢမ့ၢ် ဂ့ၤန့ၣ်တက့ၢ်.”

လံာ်စီၤၡမူၤအ့လးခံဘ့ၣ်တဘ့ၣ် 3:29 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 1:16

အဂ့ၢ်ဒ်အံၤ, စီၤဒၤဝံးစံးဘၣ်တ့ၢ်ပှၤဧမၤလ့းဖိလၢ, “နဒုးလီၤဘၣ်တၢ်အံၤလၢနလိၤဒၣ်နဲလီၤ. နစံၣ်ညီၣ်ဃၣ်လီၤနသးဖဲနအၢၣ်လီၤတ့ၢ်လၢနမၤသံကွံာ်ပှၤတဂၤလၢ ယွၤဃုထၢအီၤလၢအကကဲထီၣ်စီၤပၤန့ၣ်လီၤ.”

လံာ်စီၤၡမူၤအ့လးခံဘ့ၣ်တဘ့ၣ် 16:8

နဟံးန့ၢ်ကွံာ်စီၤစီလူးအဘီအမုၢ်, ဒီးခဲကနံၣ်အံၤယွၤစံၣ် ညီၣ်နၤ, လၢနမၤသံတ့ၢ်စီၤစီလူးအဟံၣ်ဖိဃီဖိအါအါဂီၢ်ဂီၢ်အဃိန့ၣ် လီၤ. ယွၤဟ့ၣ်လီၤလံဘီမုၢ်ဆူနဖိခွါစီၤအးဘၡါလိၣ်အစုပူၤ, ဒီးနဲဒၣ်ပှၤမၤသံမၤဝီတၢ်ဧၢ, နဟးဂီၤလံ.”

လံာ်စီၤၡမူၤအ့လးခံဘ့ၣ်တဘ့ၣ် 3:28

ဖဲစီၤဒၤဝံးနၢ်ဟူတၢ်ကစီၣ်န့ၣ်အဝဲစံးဝဲဒၣ်, “ယွၤသ့ၣ်ညါလၢယထံဖိကီၢ်ဖိဒီးယၤန့ၣ်အတၢ်ကမၣ်တအိၣ်လ့ၤတက့ၤဘၣ်လၢ တၢ်မၤသံစီၤအဘံန့ၢ်အဂ့ၢ်န့ၣ်ဘၣ်လီၤ.

လံာ်စီၤပၤခံဘ့ၣ်တဘ့ၣ် 5:1

ပှၤစူၤရံဖိအသုးမုၢ်, အသုးခိၣ်ကျၢၢ်စီၤနဧၤမၣ်, ဘၣ်တၢ်ပာ်ကဲအီၤဒိၣ်ဒိၣ်မုၢ်မုၢ်, ဒီးပာ်လုၢ်ဒိၣ်ပှ့ၤဒိၣ်အီၤ လၢကီၢ်စူၤရံအစီၤပၤ, မ့ၢ်လၢခီဖျိစီၤနဧၤမၣ်အဃိန့ၣ်, ယွၤဟ့ၣ်ကီၢ်စူၤရံအသုးမုၢ်တဖၣ်လၢတၢ်မၤနၢၤအဃိန့ၣ်လီၤ. အဝဲမ့ၢ်ပှၤသုးဖိလၢအဂံၢ်ဆူၣ်ဘါဆူၣ်တဂၤ, ဘၣ်ဆၣ်အဝဲဘၣ်တၢ်ဆါအၢလၢအလီၤပျံၤလီၤဖုးတမံၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 5:27

ခဲကနံၣ်အံၤစီၤနဧၤမၣ်အတၢ်ဆါကလီၤဘၣ်လၢနလိၤဒီး, နၤဒီးနစၢၤနသွဲၣ်တဖၣ်ကအိၣ်ဒီးတၢ်ဆါအံၤလီၤစိၤလီၤထီန့ၣ် လီၤ.” တုၤစီၤက့ၤဃစံဟးထီၣ်ကွံာ်န့ၣ်အဝဲမၤန့ၢ်တၢ်ဆါဒီးအဖံးဝါ ဝဲဒ်မူခိၣ်ဖီအသိးန့ၣ်လီၤ.

စံးထီၣ်ပတြၢၤ 7:17

ယကစံးထီၣ်ပတြၢၤယွၤဒ်အတၢ်တီတၢ်လိၤအသိး ဒီးယကသးဝံၣ်စံးထီၣ်ပတြၢၤ တၢ်ထီကတၢၢ်ယွၤအမံၤန့ၣ်လီၤ.

လံာ်တၢ်ဟးထီၣ်ကွံာ် 21:19

ဘၣ်ဆၣ်ဒီး, လၢခံဂဲၤဆၢထၢၣ်ဒီးဟးလၢနီၣ်ထိးဘိမ့ၢ်ကဲန့ၣ်, ပှၤတဂၤလၢအမၤဘၣ်ဒိအီၤအံၤဘၣ်လိးက့ၤစ့လၢပှၤဘၣ်ဒိတဂၤဘၣ် ဆိကတီၢ်တၢ်မၤအဃိဒီးအံးထွဲကွၢ်ထွဲအီၤတုၤအအိၣ်ဆူၣ်အိၣ် ချ့ထီၣ်က့ၤတစုန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 15:2

လၢပှၤအံၣ်စရ့လးဖိတဖၣ်အဂီၢ်န့ၣ်လီၤ. တုၤပှၤတဂၤဂၤအိၣ်ဒီး တၢ်ယွၤလီၤလၢအဆံၣ်ကျိၤ,

လံာ်တၢ်ဂံၢ် 35:33

သုမ့ၢ်ပျဲတၢ်အံၤဒီး, သုကမၤဘၣ်အၢကီၢ်လၢသုအိၣ်ဝဲန့ၣ် လီၤ. တၢ်မၤသံတၢ်န့ၣ်မၤဘၣ်အၢကီၢ်ဒီးမ့တမ့ၢ်ဘၣ်လၢပှၤမၤသံတၢ်, သံဝဲဘၣ်ဒီးကျဲတအိၣ်နီတဘိလၢကီၢ်တဘ့ၣ်န့ၣ်အဂီၢ်, ဖဲပှၤတဂၤဘၣ်တၢ်မၤသံအီၤလၢတၢ်ကမၤကဆှီထီၣ်က့ၤအီၤဒ်တၢ် ဘူၣ်တၢ်ဘါအလုၢ်အလၢ်အိၣ်ဝဲအသိးန့ၣ်ဘၣ်.

မၤတၢ် 28:4

ပှၤကီးဖိဖဲန့ၣ်တဖၣ်ထံၣ်ဂုၢ်သ့ၣ်အိၣ်ဘျးလီၤအသးလၢ စီၤပီလူးအစုလိၤဒီးစံးလိာ်အသးတဂၤဒီးတဂၤ, “ပှၤတဂၤအံၤကမ့ၢ်ပှၤမၤသံပှၤကညီလီၤ. အဝဲပူၤဖျဲးကွံာ်လၢပီၣ်လဲၣ်အပူၤသနာ်က့, ဘူၣ်တီၢ် ကစၢ်တပျဲမူအီၤလၢၤဘၣ်.”

လံာ်သိၣ်လီၤသီလီၤတၢ် 21:6

ဝံၤဒီး, ကယဲၢ်ပှၤခိၣ်ပှၤနၢ်ခဲလၢာ်လၢဝ့ၢ်အိၣ်ဘူးကတၢၢ်ဒီးတၢ် လီၢ်ဖဲပှၤလၢတၢ်မၤသံအီၤအစိၣ်ဘၣ်တၢ်ထံၣ်န့ၢ်အီၤ, ကဘၣ်သ့ကွံာ်အစုတဖၣ်လၢဂီၤဖံးမိၢ်အလိၤ,

လံာ်လီၣ်ဖျါ 16:6

အဝဲသ့ၣ်လူလီၤဂၢ်လီၤကစၢ်ယွၤအပှၤစီဆှံဒီးအဝံတဖၣ် အသွံၣ်, ဒီးလၢတၢ်န့ၣ်အဃိနဟ့ၣ်တ့ၢ်အဝဲသ့ၣ်တၢ်သွံၣ်လၢ အကအီဝဲအဂီၢ်လီၤ. အဝဲသ့ၣ်ဒိးန့ၢ်ဘၣ်တၢ်လၢအကြၢးဝဲဒီး အီၤလီၤ.”

လံာ်ပှၤစံၣ်ညီၣ်ကွီၢ် 9:24

တၢ်အံၤမၤအသးဒ်သိးစီၤအဘံၤမ့လ့းဒီးပှၤၡက့ၣ်ဖိလၢအဟ့ၣ်ဂံၢ်ဟ့ၣ်ဘါအီၤဒ်သိးအကမၤသံကွံာ် စီၤကံးဒဧိၣ်အဖိခွါအဂၤနွံဆံန့ၣ်, ကဒိးဘၣ်တၢ်ဒ်အတၢ်ကမၣ်အသိးအဂီၢ်န့ၣ်လီၤ.