လံာ်စီၤၡမူၤအ့လးခံဘ့ၣ်တဘ့ၣ် 3:27 - Sgaw Karen Common Bible

²⁷ ဖဲစီၤအဘံန့ၢ်ဟဲတုၤလၢဝ့ၢ်ဃ့ဘြိၣ်န့ၣ်စီၤယိၤအာ်ကိးအီၤ ဆူကျဲစၢၤအကပၤမၤသးဒ်အအဲၣ်ဒိးကတိၤတၢ်ဒီးအီၤထဲခံဂၤဧိၤ န့ၣ်လီၤ. ဒီးဖဲန့ၣ်အဝဲဆဲးအီၤလၢအဟၢဖၢန့ၣ်လီၤ. အဂ့ၢ်ဒ်အံၤ, အဝဲမၤသံတ့ၢ်စီၤယိၤအာ်အဒီပုၢ်ဝဲၢ်ခွါစီၤဧစၤအ့လးအဃိလီၤ.

လံာ်စီၤၡမူၤအ့လးခံဘ့ၣ်တဘ့ၣ် 3:27 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 13:26

ဘၣ်ဆၣ်, စီၤအးဘၡါလိၣ်စံးအီၤ, “ဂ့ၤလံ. မ့မ့ၢ်ဒ်န့ၣ်ဒီး, အစှၤကတၢၢ်မ်နကပျဲယဒီပုၢ်ဝဲၢ်ခွါစီၤအၤမနိၣ်ဟဲတက့ၢ်.” စီၤပၤသံကွၢ်အီၤ, “ဘၣ်မနုၤလၢအဝဲကဘၣ်လဲၤဝဲန့ၣ်လဲၣ်.”

လံာ်စီၤၡမူၤအ့လးခံဘ့ၣ်တဘ့ၣ် 19:13

စီၤဒၤဝံးတဲဘၣ်စ့ၢ်ကီးအဝဲသ့ၣ်လၢကစံးဘၣ်စီၤဧမါစၤဒ် အံၤ, “နမ့ၢ်ယဘူးယတံၢ်လီၤ. စးထီၣ်ခဲအံၤဒီးဆူညါန့ၣ်ယပာ်ထီၣ် နၤဒ်သုးခိၣ်ကျၢၢ်လၢသုးမုၢ်အဖီခိၣ်လၢစီၤယိၤအာ်အလီၢ်လီၤ. ယမ့ၢ်တမၤဒ်န့ၣ်ဘၣ်ဒီး, မ်ကစၢ်ယွၤမၤသံတက့ၢ်.”

လံာ်စီၤၡမူၤအ့လးခံဘ့ၣ်တဘ့ၣ် 3:26

ဖဲဟးထီၣ်ကွံာ်လၢစီၤဒၤဝံးအအိၣ်ဝံၤအလီၢ်ခံန့ၣ်စီၤယိၤအာ် ဆှၢလီၤပှၤစိာ်တၢ်ကစီၣ်တဖၣ်ဒ်သိးကမၤန့ၢ်စီၤအဘံန့ၢ်ဒီးအဝဲ သ့ၣ်ဟဲက့ၤစိာ်ကဒါက့ၤအီၤဆူထံပူၤစံရၤလီၤ. ဘၣ်ဆၣ်ဒီးစီၤဒၤဝံးတသ့ၣ်ညါတၢ်ဂ့ၢ်န့ၣ်နီတမံၤဘၣ်.

လံာ်စီၤၡမူၤအ့လးခံဘ့ၣ်တဘ့ၣ် 3:28

ဖဲစီၤဒၤဝံးနၢ်ဟူတၢ်ကစီၣ်န့ၣ်အဝဲစံးဝဲဒၣ်, “ယွၤသ့ၣ်ညါလၢယထံဖိကီၢ်ဖိဒီးယၤန့ၣ်အတၢ်ကမၣ်တအိၣ်လ့ၤတက့ၤဘၣ်လၢ တၢ်မၤသံစီၤအဘံန့ၢ်အဂ့ၢ်န့ၣ်ဘၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 4:1

ဖဲစီၤစီလူးအဖိခွါစီၤအံၤၡဘိၡ့းနၢ်ဟူလၢစီၤအဘံန့ၢ် ဘၣ်တၢ်မၤသံကွံာ်အီၤလၢဝ့ၢ်ဃ့ဘြိၣ်န့ၣ်အဝဲပျံၤတၢ်, ဒီးကယဲၢ်ကီၢ်အံၣ်စရ့လးအပှၤဂီၢ်မုၢ်ဖုးသံပျီၢ်သံဘၣ်မးအသးလီၤ.

လံာ်စီၤပၤအခီၣ်ထံးတဘ့ၣ် 2:32

ယွၤကစံၣ်ညီၣ်စီၤယိၤအာ်လၢတၢ်မၤသံတဖၣ်လၢအဝဲမၤတ့ၢ်ဝဲ, တအိၣ်ဘၣ်ဒီးယပၢ်စီၤဒၤဝံးအတၢ်သ့ၣ်ညါထွဲဘၣ်အဃိန့ၣ်လီၤ. စီၤယိၤအာ်မၤသံကွံာ်ပှၤခံဂၤလၢအတၢ်ကမၣ်တအိၣ်ဘၣ်ဒီးမ့ၢ် တ့ၢ်ပှၤလၢအဂ့ၤန့ၢ်အီၤ, အံၣ်စရ့းလးအသုးမုၢ်သုးခိၣ်ကျၢၢ်စီၤအဘံန့ၢ်ဒီးယူဒၤအသုး မုၢ်အသုးခိၣ်ကျၢၢ်စီၤဧမါစၤတဖၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 2:5

တၢ်အိၣ်ဒံးအဂၤတမံၤန့ၣ်လီၤ. နသ့ၣ်နီၣ်ထီၣ်တၢ်လၢစီၤယိၤအာ် မၤဘၣ်တ့ၢ်ယၤခီဖျိမၤသံသုးခိၣ်ဖးဒိၣ်ခံဂၤလၢအံၣ်စရ့လး အသုးမုၢ်အပူၤလၢအမ့ၢ်ဝဲ, စီၤန့ၢ်အဖိခွါစီၤအဘံန့ၢ်, ဒီးစီၤယ့သ့ၢ်အဖိခွါစီၤဧမါစၤလီၤ. နသ့ၣ်နီၣ်ထီၣ်လၢအဝဲမၤသံတ့ၢ်အဝဲသ့ၣ်လၢတၢ်မုာ်တၢ်ခုၣ်အကတီၢ် ဒ်လဲၣ်, ဒ်တၢ်ဟ့ၣ်ကၣ်အသိးလၢတၢ်သံတဖၣ်လၢအဝဲသ့ၣ်မၤဘၣ်တ့ၢ်ဝဲဖဲတၢ် ဒုးတၢ်ယၤအကတီၢ်အဃိန့ၣ်လီၤ. အဝဲမၤသံကွံာ်ပှၤလၢအတၢ်ကမၣ်တအိၣ်တဖၣ်, ဒီးယဟံးန့ၢ်မူဒါလၢတၢ်လၢအဝဲအမၤတ့ၢ်ဝဲအဂီၢ်အဃိ, ခဲကနံၣ်အံၤယတူၢ်ဘၣ်က့ၤယဲတၢ်မၤအသးတဖၣ်လၢအပိာ်ထွဲထီၣ်အခံ န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 27:21

စီၤစကၤရယၤအဖိခွါစီၤဧံးဒိၤ, လၢမုၢ်ထီၣ်မနၤၡ့ၣ်ဖိအဒူၣ်အဖီခိၣ်, လၢကီၢ်ကံးလဧးအပူၤ, စီၤအဘံန့ၢ်အဖိခွါစီၤယၤစံအ့လး, လၢပှၤဘံၣ်ယၤမံၣ်ဖိအဒူၣ်အဖီခိၣ်,

တၢ်ကတိၤဒိ. 26:26

အဝဲကပျိာ်လီၤဆီအတၢ်သးဟ့, ဘၣ်ဆၣ်ပှၤကိးဂၤဒဲးကထံၣ်တၢ်အၢ တၢ်သီတဖၣ်လၢအမၤဝဲန့ၣ်လီၤ.

လံာ်ယံးရမံယၤ 41:2

စီၤယံးၡမၤအ့လးဒီး ပှၤအဂၤတဆံ ထုးထီၣ်အနးတဖၣ် ဒီးမၤသံကွံာ်စီၤကဒါလယၤန့ၣ်လီၤ.

လံာ်တၢ်ဂံၢ် 35:19

ပှၤသံတဂၤအဘူးအတံၢ်အဘူးကတၢၢ်အမူအဒါအိၣ်လၢကမၤသံကွံာ်ပှၤ လၢအမၤသံတၢ်တဂၤန့ၣ်လီၤ. ဖဲအဝဲထံၣ်ပှၤတဂၤန့ၣ်ဒီးအဝဲကဘၣ်မၤသံကွံာ်အီၤန့ၣ်လီၤ.

လံာ်တၢ်ဂံၢ် 35:20

ပှၤတဂၤမ့ၢ်သးဟ့ပှၤအဂၤတဂၤဂၤဒီးမၤသံကွံာ်အီၤခီဖျိတၢ် ဆီၣ်လီၤတဲာ်အီၤမ့ၢ်ဂ့ၤ, ကွံာ်အီၤလၢတၢ်တမံၤမံၤမ့ၢ်ဂ့ၤ,

လံာ်သိၣ်လီၤသီလီၤတၢ် 27:24

“ကစၢ်ယွၤအတၢ်ဆိၣ်အၢအိၣ်ဝဲလၢပှၤတဂၤလၢ်လၢ်အလိၤ, ပှၤလၢအမၤသံတၢ်လၢတၢ်ခူသူၣ်အပူၤန့ၣ်လီၤ.” ဒီးကယဲၢ်ပှၤဂီၢ်မုၢ်ခဲလၢာ်ကစံးဆၢဝဲ, “မ်အလၢထီၣ်ပှဲၤထီၣ် တက့ၢ်.”