လံာ်စီၤၡမူၤအ့လးခံဘ့ၣ်တဘ့ၣ် 3:25 - Sgaw Karen Common Bible

²⁵ အဝဲဟဲဖဲအံၤလၢကလီန့ၢ်နၤဒီးဃုသ့ၣ်ညါကယဲၢ်တၢ်လၢနမၤအီၤ ကိးမံၤဒဲးဒီးတၢ်လီၢ်လၢနလဲၤကိးပူၤဒဲးန့ၣ်လီၤ. နသ့ၣ်ညါတၢ်န့ၣ်သပှၢ်ကတၢၢ်လီၤ.”

လံာ်စီၤၡမူၤအ့လးခံဘ့ၣ်တဘ့ၣ် 3:25 Iomraidhean Croise

လံာ်တၢ်ကဲထီၣ်အခီၣ်ထံး 42:12

စီၤယိၤသးစံးဘၣ်အဝဲသ့ၣ်, “တမ့ၢ်ဘၣ်. သုဟဲဒ်သိးသုကထံၣ်သ့ၣ်ညါပထံပကီၢ်အတၢ်ဂံၢ်စၢ်ဘါစၢ်အိၣ်ဖဲ လဲၣ်န့ၣ်လီၤ.”

လံာ်တၢ်ကဲထီၣ်အခီၣ်ထံး 42:16

ပှၤလၢသုကျါတဂၤကဘၣ်က့ၤဒီးဟဲကိးအီၤန့ၣ်လီၤ. သုဝဲလၢအအိၣ်တ့ၢ်တဖၣ်သုကဘၣ်တၢ်ပၢၤဃာ်သုတုၤလၢတၢ်လၢသု စံးအတၢ်မ့ၢ်တၢ်တီ, ဘၣ်တၢ်မၤကွၢ်အီၤန့ၣ်လီၤ. မ့တမ့ၢ်ဘၣ်ဒ်န့ၣ်ဘၣ်န့ၣ်, ဒ်စီၤပၤမူဝဲအသိးန့ၣ်, သုမ့ၢ်ပှၤကွၢ်ဟုၣ်ကွၢ်စုးတၢ်တဖၣ်လီၤ.”

လံာ်တၢ်ကဲထီၣ်အခီၣ်ထံး 42:9

အဝဲသ့ၣ်နီၣ်ထီၣ်က့ၤတၢ်မံမီၢ်လၢအမံမီၢ်တ့ၢ်ဝဲဘၣ်ဃး ဒီးအဝဲသ့ၣ်ဒီးစံးဝဲဒၣ်, “သုမ့ၢ်ပှၤကွၢ်ဟုၣ်ကွၢ်စုးတၢ်တဖၣ်လီၤ. သုဟဲဒ်သိးသုကထံၣ်သ့ၣ်ညါပထံပကီၢ်အတၢ်ဂံၢ်စၢ်ဘါစၢ်အိၣ်ဖဲ လဲၣ်န့ၣ်လီၤ.”

လံာ်စီၤၡမူၤအ့လးခံဘ့ၣ်တဘ့ၣ် 10:3

ပှၤဧၣ်မိၣ်ဖိအခိၣ်အနၢ်တဖၣ်စံးဘၣ်စီၤပၤ, “မ့ၢ်နဆိကမိၣ်လၢစီၤဒၤဝံးဆှၢလီၤပှၤတဖၣ်အံၤလၢကဒုးနဲၣ်ဖျါထီၣ် တၢ်သူၣ်အုးသးအုးဃုာ်ဒီးနၤန့ၣ်မ့ၢ်လၢတၢ်မၤလၤကပီၤနပၢ်အပူၤန့ၣ်ဧါ. တမ့ၢ်ဒ်န့ၣ်ဘၣ်. အဝဲဆှၢလီၤပှၤတဖၣ်န့ၣ်ဖဲအံၤဒ်ပှၤကွၢ်ဟုၣ်ကွၢ်စုးတၢ်တဖၣ်အသိး လၢကဃုသ့ၣ်ညါဝ့ၢ်အဂ့ၢ်ဒ်သိးအဝဲမၤနၢၤ ပှၤကသ့အဂီၢ်န့ၣ်လီၤ.”

လံာ်စီၤၡမူၤအ့လးခံဘ့ၣ်တဘ့ၣ် 3:24

မၤသးဒ်န့ၣ်ဒီး, စီၤယိၤအာ်လဲၤဆူစီၤပၤအအိၣ်ဒီးစံးဘၣ် အီၤ, “နမၤတ့ၢ်တၢ်မနုၤလဲၣ်. စီၤအဘံန့ၢ်ဟဲဆူနအိၣ်, ဒီးဘၣ်မနုၤနပျဲလဲၤကွံာ်အီၤဒ်န့ၣ်လဲၣ်.

လံာ်စီၤၡမူၤအ့လးခံဘ့ၣ်တဘ့ၣ် 3:26

ဖဲဟးထီၣ်ကွံာ်လၢစီၤဒၤဝံးအအိၣ်ဝံၤအလီၢ်ခံန့ၣ်စီၤယိၤအာ် ဆှၢလီၤပှၤစိာ်တၢ်ကစီၣ်တဖၣ်ဒ်သိးကမၤန့ၢ်စီၤအဘံန့ၢ်ဒီးအဝဲ သ့ၣ်ဟဲက့ၤစိာ်ကဒါက့ၤအီၤဆူထံပူၤစံရၤလီၤ. ဘၣ်ဆၣ်ဒီးစီၤဒၤဝံးတသ့ၣ်ညါတၢ်ဂ့ၢ်န့ၣ်နီတမံၤဘၣ်.

လံာ်စီၤၡမူၤအ့လးခံဘ့ၣ်တဘ့ၣ် 3:27

ဖဲစီၤအဘံန့ၢ်ဟဲတုၤလၢဝ့ၢ်ဃ့ဘြိၣ်န့ၣ်စီၤယိၤအာ်ကိးအီၤ ဆူကျဲစၢၤအကပၤမၤသးဒ်အအဲၣ်ဒိးကတိၤတၢ်ဒီးအီၤထဲခံဂၤဧိၤ န့ၣ်လီၤ. ဒီးဖဲန့ၣ်အဝဲဆဲးအီၤလၢအဟၢဖၢန့ၣ်လီၤ. အဂ့ၢ်ဒ်အံၤ, အဝဲမၤသံတ့ၢ်စီၤယိၤအာ်အဒီပုၢ်ဝဲၢ်ခွါစီၤဧစၤအ့လးအဃိလီၤ.

လံာ်စီၤပၤခံဘ့ၣ်တဘ့ၣ် 18:32

တုၤတၢ်ဆၢကတီၢ်လၢစီၤပၤဖးဒိၣ်သူၣ်လီၤကဒါက့ၤန့ၢ်သုအိၣ် သုဆိးအလီၢ်လၢထံကီၢ်တဘ့ၣ်လၢအလီၤဂာ်ဒီးသုကီၢ်ဒၣ်သု ဝဲအပူၤ, တၢ်လီၢ်ဖဲစပံးလီၢ်တဖၣ်ဟ့ၣ်ထီၣ်စပံးထံ, ဒီးဖဲန့ၣ်ဘုဧိၤဟုဧိၤအိၣ်ဝဲလၢတၢ်ကမၤကိၣ်အဂီၢ်န့ၣ်လီၤ. မ့ၢ်ကီၢ်တဘ့ၣ်လၢအပှဲၤဒီး, သ့ၣ်စၤယံး, သ့ၣ်စၤယံးအသိဒီးကနဲ စီန့ၣ်လီၤ. သုမ့ၢ်မၤတၢ်ဒ်အဝဲမၤလိာ်ဝဲန့ၣ်, သုတသံဘၣ်ဒီးသုကမူလီၤ. ပျဲစီၤဃံးစကံယၤမၤပျုၢ်သုဒီးဒုးဆိကမိၣ်သုလၢယွၤကမၤ ပူၤဖျဲးသုန့ၣ်တဂ့ၤ.

စံးထီၣ်ပတြၢၤ 121:8

နဟးထီၣ်တၢ်, ဒီးနဟဲက့ၤတၢ်န့ၣ် တုၤအံၤဆူညါ ယွၤကအံးက့ၤကွၢ်က့ၤဝဲလီၤထူလီၤယိာ်လီၤ.

လံာ်ယၡါယၤ 37:28

ဘၣ်ဆၣ်ဒီးယသ့ၣ်ညါတၢ်ဘၣ်ဃးဒီးနၤခဲလၢာ်, နမၤတၢ်မနုၤလဲၣ်ဒီးနလဲၤဖဲလဲၣ်န့ၣ်လီၤ.

လံာ်တၢ်ဂံၢ် 27:17

ဒီးကဘၣ်မ့ၢ်ဝဲပှၤလၢအပၢဆှၢအဝဲသ့ၣ်လၢတၢ်ဒုးတၢ်ယၤ အပူၤဒ်သိးနပှၤဂီၢ်မုၢ်အသုတကဲထီၣ်ဒ်သိတဖၣ်လၢအပှၤကွၢ်သိ တအိၣ်ဘၣ်ဝဲအသိးန့ၣ်တဂ့ၤ.”

လံာ်ယိၤဟၣ် 7:12

လၢပှၤဂီၢ်မုၢ်အကျါ, ပှၤကတိၤကသွံကသွါတၢ်လၢ ယ့ၣ်ၡူးအဂ့ၢ်အကျိၤအါမးလီၤ. လၢအကျါတနီၤစံးဝဲ, “အဝဲမ့ၢ်ပှၤအဂ့ၤတဂၤလီၤ.” အဂၤတနီၤတခီစံးဝဲ, “တမ့ၢ်ဘၣ်, အဝဲမ့ၢ်ပှၤလၢအဆှၢကမၣ်ပှၤဂီၢ်မုၢ်လီၤ.”

လံာ်ယိၤဟၣ် 7:47

အန့ၣ်ဒီး ပှၤဖၤရံၤၡဲတဖၣ်သံကွၢ်အဝဲသ့ၣ်, “မ့ၢ်အဝဲဆှၢကမၣ် သုစ့ၢ်ကီးလံဧါ.

ရိမ့ၤ 2:1

နမ့ၢ်မတၤဂ့ၤမတၤဂ့ၤ, နမ့ၢ်စံၣ်ညီၣ်ပှၤဂၤတဖၣ်ဒီးမၤတၢ်လၢ အဝဲသ့ၣ်မၤဝဲန့ၣ်, နကတိၤပူၤဖျဲးနသးအလီၢ်တအိၣ်ဘၣ်. မ့ၢ်နစံၣ်ညီၣ်လီၤက့ၤနသးဒၣ်နဲန့ၣ်လီၤ.

လံာ်သိၣ်လီၤသီလီၤတၢ် 28:6

ယွၤကဆိၣ်ဂ့ၤတၢ်ကိးမံၤဒဲးလၢသုမၤအီၤန့ၣ်လီၤ.