လံာ်စီၤၡမူၤအ့လးခံဘ့ၣ်တဘ့ၣ် 3:18 - Sgaw Karen Common Bible

¹⁸ ခဲကနံၣ်အံၤမ့ၢ်တၢ်အခွဲးအယာ်လၢသုဂီၢ်လီၤ. သ့ၣ်နီၣ်ထီၣ်လၢယွၤစံးတ့ၢ်ဝဲ, “ယကသူယခ့ယပှၤစီၤဒၤဝံးဒ် သိးကအုၣ်က့ၤခီၣ်က့ၤယပှၤဂီၢ်မုၢ်အံၣ်စရ့လးလၢပှၤဖလ့ ၡသးဖိတဖၣ်အစုပူၤဒီးလၢကယဲၢ်အဒုၣ်အဒါအဂၤခဲလၢာ်အစုပူၤလီၤ.”

လံာ်စီၤၡမူၤအ့လးခံဘ့ၣ်တဘ့ၣ် 3:18 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 3:9

ယွၤအၢၣ်လီၤတ့ၢ်စီၤဒၤဝံးလၢအဝဲကဟံးထီၣ်ကွံာ်ဘီမုၢ်လၢ စီၤစီလူးဒီးအစၢၤအသွဲၣ်တဖၣ်အစုပူၤဒီးကဒုးကဲထီၣ်စီၤဒၤ ဝံးလၢစီၤပၤလၢကီၢ်အံၣ်စရ့လးဒီးကီၢ်ယူဒၤခံဘ့ၣ်လိာ်အဖီ ခိၣ်စးထီၣ်လၢကီၢ်ဆၢအကတၢၢ်တခီတုၤဆူကီၢ်ဆၢအဂၤတခီ အကတၢၢ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 8:6

အန့ၣ်ဝံၤဒီး, အဝဲဆီလီၤသုးမုၢ်အသူၣ်ဒဲလီၢ်တဖၣ်လၢအဝဲသ့ၣ် အလီၢ်ကဝီၤပူၤဒီးအဝဲသ့ၣ်ကဲထီၣ်ပှၤတဖၣ်လၢအဝဲ ပၢဘၣ်အီၤဒီးဘၣ်ဟ့ၣ်အီၤလၢတၢ်အခိအသွဲတဖၣ်န့ၣ်လီၤ. ယွၤဒုးမၤနၢၤစီၤဒၤဝံးအတၢ်လၢတၢ်လီၢ်ကိးပူၤဒဲးန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 13:14

မ့မ့ၢ်ခဲကနံၣ်အံၤနတၢ်ပၢတၢ်ပြးတလဲၤဆူညါတပယူာ်ဃီဘၣ်. အဂ့ၢ်ဒ်အံၤနတစူၢ်အီၤဘၣ်အဃိလီၤ. ယွၤကဃုန့ၢ်ပှၤတဂၤလၢအဝဲသးလီဝဲဒီးဒုးကဲထီၣ်အီၤလၢပှၤပၢဘၣ်အပှၤဂီၢ်မုၢ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 15:28

စီၤၡမူၤအ့လးစံးဘၣ်အီၤ, “ယွၤဖှီယာ်ကွံာ်ကီၢ်အံၣ်စရ့လး အဘီအမုၢ်ယံၤဒီးနၤလၢတနံၤအံၤဒီးဟ့ၣ်လီၤအီၤဆူပှၤအဂ့ၤ ဒိၣ်န့ၢ်အါန့ၢ်နၤတဂၤအအိၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 16:1

ယွၤစံးဘၣ်စီၤၡမူၤအ့လး, “မ့ၢ်နကသးအုးလၢစီၤစီလူးအဃိ ဆူညါဆံးယံာ်လဲၣ်. ယညိကွံာ်တ့ၢ်အီၤဒ်ကီၢ်အံၣ်စရ့လး အစီၤပၤတဂၤအသိးလံ. မ့မ့ၢ်ခဲကနံၣ်အံၤဟံးန့ၢ်သ့ၣ်စၤယံးအသိတနီၤဒီးလဲၤဆူ ဝ့ၢ်ဘ့ၤသလ့ဃ့ၣ်ဆူပှၤတဂၤလၢအမံၤမ့ၢ် စီၤယံးၡဲအအိၣ်တက့ၢ်. အဂ့ၢ်ဒ်အံၤ, ယဃုထၢတ့ၢ်အဖိခွါတဖၣ်အကျါတဂၤလၢအကကဲထီၣ်စီၤပၤလီၤ.”

လံာ်စီၤၡမူၤအ့လးအခီၣ်ထံးတဘ့ၣ် 9:16

“ခဲမုၢ်ဆ့ၣ်လၢအဆၢကတီၢ်ဒ်အံၤန့ၣ်, ယကဆှၢလီၤပှၤတဂၤလၢစီၤ ဘံၣ်ယၤမံၣ်အဒူၣ်ဆူနအိၣ်လီၤ. ဖှူအီၤဒ်ယပှၤဂီၢ်မုၢ်အံၣ်စရ့လးအပှၤပၢတၢ်တက့ၢ်. ဒီးအဝဲဒၣ်ကအုၣ်က့ၤခီၣ်က့ၤအဝဲသ့ၣ်လၢပှၤဖလ့ၡသးဖိတဖၣ်အစု ပူၤလီၤ. ယထံၣ်ဘၣ်တ့ၢ်ယပှၤဂီၢ်မုၢ်အတၢ်နးတၢ်ဖှီၣ်ဒီးနၢ်ဟူ တ့ၢ်အဝဲသ့ၣ်အတၢ်ကိးထီၣ်လၢတၢ်မၤစၢၤအဂီၢ်လီၤ.”