လံာ်စီၤၡမူၤအ့လးခံဘ့ၣ်တဘ့ၣ် 3:16 - Sgaw Karen Common Bible

¹⁶ စီၤဖးလတံၤလးလဲၤပိာ်ထွဲပိာ်မုၣ်န့ၣ်အခံလၢကျဲဒီဘိညါ ဆူဝ့ၢ်ဘၤဃူရံၣ်, ဟီၣ်ဝဲယၢၤဝဲဖဲအလဲၤတၢ်အဖၢမုၢ်န့ၣ်လီၤ. ဘၣ်ဆၣ်ဒီးဖဲစီၤအဘံန့ၢ်စံးဘၣ်အီၤ, “က့ၤကဒါက့ၤဆူဟံၣ်တက့ၢ်,” န့ၣ်, အဝဲက့ၤက့ၤဝဲလီၤ.

လံာ်စီၤၡမူၤအ့လးခံဘ့ၣ်တဘ့ၣ် 3:16 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 16:5

ဖဲစီၤပၤစီၤဒၤဝံးဟဲတုၤဝဲလၢဝ့ၢ်ဘၤဃူရံၣ်န့ၣ်, ပှၤလၢစီၤစီလူးအဘူးအတံၢ်အကျါတဂၤ, လၢအမ့ၢ်စီၤကရၤအဖိခွါ စီၤၡံမံၤဟဲထီၣ်လၢသဂၢၢ်အီၤအဂီၢ်ဒီးဆိၣ်အၢအီၤဖဲအဟဲ ထီၣ်ဝဲအခါန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 17:18

ဘၣ်ဆၣ်ဒီးဘၣ်တနံၤန့ၣ်တၢ်မၤအသးလၢဖိသၣ်ပိာ်ခွါတဂၤထံၣ်အဝဲ သ့ၣ်ဒီးအဝဲတဲဘၣ်စီၤအးဘၡါလိၣ်န့ၣ်လီၤ. လၢတၢ်န့ၣ်အဃိအဝဲသ့ၣ်ဟးထီၣ်ကွံာ်ချ့ချ့ဒ်သိးကအိၣ်ခူသူၣ်လၢ, ပှၤတဂၤလၢဝ့ၢ်ဘဃူရံၣ်အဟံၣ်ပူၤအဂီၢ်လီၤ. အဝဲအိၣ်ဒီးထံပူၤတပူၤလၢအဟံၣ်ကပၤဒီးအဝဲသ့ၣ်ဃ့ၢ်နုာ်လီၤ ဆူထံပူၤန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 19:16

တကတီၢ်ဃီန့ၣ်, ပှၤဘံၣ်ယၤမံၣ်အဒူၣ်ဖိစီၤက့ရၤအဖိခွါစီၤၡံမံၤ လၢဝ့ၢ်ဘၤဃူရံၣ်ဟဲချ့ချ့ဆူထံကျိယၢ်ဒ့ၣ်ဒ်သိးကသဂၢၢ် စီၤပၤဒၤဝံးအဂီၢ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 19:17

ပှၤအဂၤတကထိလၢပှၤဘံၣ်ယၤမံၣ်အဒူၣ်ဟဲဃုာ်ဒီးအီၤစ့ၢ်ကီးလီၤ. ဒီးစီၤစီလူးအပှၤဟံၣ်ဖိဃီဖိအခ့အပှၤစီၤစံဘၤဟဲဃုာ်စ့ၢ်ကီး ဝဲဒီးအဖိခွါတဆံယဲၢ်ဂၤဒီးအခ့အပှၤအဂၤခံဆံ, ဒီးအဝဲသ့ၣ်ဟဲတုၤဝဲဖဲထံကျိယၢ်ဒ့ၣ်, တချုးလၢစီၤပၤဟဲတုၤဒံးဘၣ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 23:31

ပှၤဝ့ၢ်ဧၤရဘၤဖိစီၤအဘံဧၤလဘိၣ်, ပှၤဝ့ၢ်ဘၤဃူၣ်ဖိစီၤဧၤစမၤဝ့း,

လံာ်စီၤၡမူၤအ့လးခံဘ့ၣ်တဘ့ၣ် 3:15

မၤသးဒ်န့ၣ်ဒီး, စီၤအံၤၡဘိၡ့းမၢပှၤဟံးန့ၢ်က့ၤအီၤလၢအဝၤ, စီၤဖးလတံၤလးလၢအမ့ၢ်စီၤလ့ၡ့ၣ်အဖိခွါအအိၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 2:8

လၢပှၤဘံၣ်ယၤမံၣ်အဒူၣ်အပူၤန့ၣ်ပှၤအိၣ်ဒံးဝဲတဂၤလၢအမ့ၢ်စီၤ က့ရၤအဖိခွါစီၤၡံမံၤလၢဝ့ၢ်ဘၤဃူရံၣ်န့ၣ်လီၤ. ဘၣ်တနံၤဖဲယလဲၤဆူဝ့ၢ်မၤဃန့ၤန့ၣ်အဝဲဆိၣ်အၢယၤဆါဆါကလဲာ် န့ၣ်လီၤ. ဘၣ်ဆၣ်ဖဲယထံၣ်လိာ်ယသးဒီးအီၤဖဲ ထံကျိယၢ်ဒ့ၣ်န့ၣ်ယဟ့ၣ်လီၤအီၤယတၢ်အၢၣ်လီၤသမှံၤသပှၢ်လၢယွၤ အမံၤအပူၤလၢယတပျဲတၢ်မၤသံကွံာ်အီၤဘၣ်.

လံာ်ယံးရမံယၤ 41:6

လၢတၢ်န့ၣ်အဃိ, စီၤယံးၡမၤအ့လး ဟးထီၣ်ကွံာ်လၢဝ့ၢ်မံးစပၤ လၢကလဲၤသဂၢၢ်အဝဲသ့ၣ်အဂီၢ်, အိၣ်ဒီးတၢ်ဟီၣ်တၢ်ယၢၤဖဲ အလဲၤတၢ်အခါန့ၣ်လီၤ. ဖဲအဝဲလဲၤတုၤဆူ အဝဲသ့ၣ်အအိၣ်ဒီး, အဝဲစံးဝဲ, “ဝံသးစူၤ ဟဲနုာ်လၢ သုကကွၢ်စီၤကဒါလယၤအဂီၢ် တက့ၢ်.”