လံာ်စီၤၡမူၤအ့လးခံဘ့ၣ်တဘ့ၣ် 3:13 - Sgaw Karen Common Bible

¹³ စီၤဒၤဝံးစံးဆၢဝဲ, “ဂ့ၤလံ. ယကမၤတၢ်အၢၣ်လီၤအီလီၤဒီး နၤသန့ၤထီၣ်အသးလၢတၢ်ဂ့ၢ်တမံၤအဖီခိၣ်န့ၣ်လီၤ. နကဘၣ်ဟဲကိးဃုာ်စီၤစီလူးအဖိမုၣ်နီၢ်မံၤကၤလးဆူယအိၣ်ဖဲ နဟဲထံၣ်လိာ်နသးဒီးယၤန့ၣ်လီၤ.”

လံာ်စီၤၡမူၤအ့လးခံဘ့ၣ်တဘ့ၣ် 3:13 Iomraidhean Croise

လံာ်တၢ်ကဲထီၣ်အခီၣ်ထံး 43:3

စီၤယူဒၤစံးဘၣ်အီၤ, “ပှၤတဂၤန့ၣ်ဟ့ၣ်ပလီၢ်တ့ၢ်ပှၤဆူၣ်ဆူၣ် လၢမ့တမ့ၢ်ဘၣ်လၢပဒီပုၢ်ဝဲၢ်ခွါလဲၤဃုာ်တၢ်ဒီးပှၤန့ၣ်, တမ့ၢ်ပကဘၣ်တၢ်ပျဲနုာ်ပှၤဆူအမဲာ်ညါန့ၣ်ဘၣ်.

လံာ်တၢ်ကဲထီၣ်အခီၣ်ထံး 44:23

ဒီးနစံး, ပမ့ၢ်တဟဲကိးဘၣ်ပဒီပုၢ်ဝဲၢ်ခွါအဆံးကတၢၢ်ဒီးပှၤ ဘၣ်န့ၣ်, နတပျဲပကအိၣ်ဖျါလၢနမဲာ်ညါဘၣ်လီၤ.

လံာ်တၢ်ကဲထီၣ်အခီၣ်ထံး 44:26

ဒီးပစံးဆၢအီၤလၢ, ပလဲၤကဒါက့ၤတသ့ဘၣ်. မ့တမ့ၢ်လၢပဒီပုၢ်ဝဲၢ်ခွါအဆံးကတၢၢ်လဲၤဃုာ်ဒီးပှၤဘၣ်န့ၣ်, ပတဘၣ်တၢ်ပျဲနုာ်ပှၤဆူပှၤတဂၤန့ၣ်အမဲာ်ညါဘၣ်. ပလဲၤကသ့ဒၣ်ဖဲပဒီပုၢ်ဝဲၢ်ခွါအဆံးကတၢၢ်တဂၤလဲၤဃုာ်တၢ်ဒီး ပှၤဧိၤန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 3:12

စီၤအဘံန့ၢ်ဆှၢလီၤပှၤစိာ်တၢ်ကစီၣ်တဖၣ်ဆူစီၤဒၤဝံးအအိၣ်ဖဲ အအိၣ်ဒံးဝဲလၢဝ့ၢ်ဃ့ဘြိၣ်အပူၤ, ဒ်သိးကစံးဘၣ်အီၤ, “မတၤကပၢကီၢ်အံၤလဲၣ်. မၤတၢ်အၢၣ်လီၤအီလီၤဒီးယၤ. ဒီးယကမၤစၢၤနၤဒ်သိးနကမၤန့ၢ်ပှၤအံၣ်စရ့လးဖိခဲလၢာ်ဆူ နအိၣ်တခီလီၤ.”

လံာ်ကွဲးနီၣ်တၢ်အခီၣ်ထံးတဘ့ၣ် 15:29

ဖဲတလါစီဆှံဘၣ်တၢ်ဟဲစိာ်အီၤဆူဝ့ၢ်ပူၤန့ၣ်, စီၤစီလူးအဖိမုၣ်နီၢ်မံကၤလးကွၢ်လီၤတၢ်လၢပဲတြီဖိအပူၤ ဒီးထံၣ်ဘၣ်စီၤဒၤဝံးဂဲၤကလံာ်ပၢ်ကဝ့ၤလၢတၢ်သူၣ်ခုသးခု ပူၤအဃိ, အဝဲတပာ်လုၢ်ပာ်ပှ့ၤလၢၤအီၤလၢအသးကံၢ်ပူၤဘၣ်န့ၣ်လီၤ.