လံာ်စီၤၡမူၤအ့လးခံဘ့ၣ်တဘ့ၣ် 3:12 - Sgaw Karen Common Bible

¹² စီၤအဘံန့ၢ်ဆှၢလီၤပှၤစိာ်တၢ်ကစီၣ်တဖၣ်ဆူစီၤဒၤဝံးအအိၣ်ဖဲ အအိၣ်ဒံးဝဲလၢဝ့ၢ်ဃ့ဘြိၣ်အပူၤ, ဒ်သိးကစံးဘၣ်အီၤ, “မတၤကပၢကီၢ်အံၤလဲၣ်. မၤတၢ်အၢၣ်လီၤအီလီၤဒီးယၤ. ဒီးယကမၤစၢၤနၤဒ်သိးနကမၤန့ၢ်ပှၤအံၣ်စရ့လးဖိခဲလၢာ်ဆူ နအိၣ်တခီလီၤ.”

လံာ်စီၤၡမူၤအ့လးခံဘ့ၣ်တဘ့ၣ် 3:12 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 19:14

စီၤဒၤဝံးအတၢ်ကတိၤတဖၣ်မၤန့ၢ်ကယဲၢ်ပှၤလၢကီၢ်ယူဒၤခဲလၢာ် အတၢ်သူၣ်တီသးရၤလၢာ်လၢာ်ဆ့ဆ့ဒီးအဝဲသ့ၣ်ဆှၢလီၤတၢ်ကစီၣ်လၢ, စီၤဒၤဝံးကဟဲက့ၤကဒါက့ၤဃုာ်ဒီးအပဒိၣ်ပပှၢ်ခဲလၢာ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 19:41

တုၤနုၤတစုပှၤကီၢ်အံၣ်စရ့လးဖိခဲလၢာ်လဲၤဆူစီၤပၤအအိၣ် ဒီးစံးဘၣ်အီၤ, “နဲဒၣ်တၢ်ဒိၣ်ကစၢ်စီၤပၤဧၢ, ဘၣ်မနုၤအဃိပဒီပုၢ်ဝဲၢ်ပှၤယူဒၤဖိတဖၣ်ဆိကမိၣ်ဝဲလၢ အဝဲသ့ၣ်အိၣ်ဒီးတၢ်ခွဲးတၢ်ယာ်လၢကကိးထီၣ်ကွံာ်နၤမ့ၢ်ဂ့ၤကွၢ်ထွဲဒီးဆှၢက့ၤနၤ, နဒူၣ်ဖိထၢဖိဒီးနပှၤတဖၣ်မ့ၢ်ဂ့ၤလၢတၢ်ခီဂာ်ထံကျိယၢ်ဒ့ၣ်န့ၣ်လဲၣ်.”

လံာ်စီၤၡမူၤအ့လးခံဘ့ၣ်တဘ့ၣ် 19:6

နထီဒါပှၤတဖၣ်လၢအအဲၣ်နၤ ဒီးနမၤစၢၤဆီၣ်ထွဲပှၤတဖၣ်လၢအသးဟ့နၤန့ၣ်လီၤ. နပာ်ဖျါထီၣ်လီၤတံၢ်လီၤဆဲးလၢနသုးခိၣ်သုးနၢ်တဖၣ်ဒီးနပှၤတဖၣ် တမ့ၢ်တၢ်နီတမံၤလၢနဂီၢ်ဘၣ်န့ၣ်လီၤ. ယနၢ်ပၢၢ်သ့လၢတနံၤအံၤစီၤအးဘၡါလိၣ် မ့ၢ်အိၣ်မူဒီးပဝဲခဲလၢာ်မ့ၢ်သံန့ၣ်နကသးခုနဲဒိၣ်မးလီၤ.

လံာ်စီၤၡမူၤအ့လးခံဘ့ၣ်တဘ့ၣ် 3:11

စီၤအံၤၡဘိၡ့းပျံၤစီၤအဘံန့ၢ်ဒိၣ်မးတုၤဒၣ်လဲာ်အဝဲကတိၤ ထီၣ်တၢ်တသ့နီတထံၣ်ဒၣ်လဲာ်ဘၣ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 3:13

စီၤဒၤဝံးစံးဆၢဝဲ, “ဂ့ၤလံ. ယကမၤတၢ်အၢၣ်လီၤအီလီၤဒီး နၤသန့ၤထီၣ်အသးလၢတၢ်ဂ့ၢ်တမံၤအဖီခိၣ်န့ၣ်လီၤ. နကဘၣ်ဟဲကိးဃုာ်စီၤစီလူးအဖိမုၣ်နီၢ်မံၤကၤလးဆူယအိၣ်ဖဲ နဟဲထံၣ်လိာ်နသးဒီးယၤန့ၣ်လီၤ.”

လံာ်စီၤၡမူၤအ့လးခံဘ့ၣ်တဘ့ၣ် 3:21

စီၤအဘံန့ၢ်စံးဘၣ်စီၤဒၤဝံး, “ယကလဲၤခဲအံၤဒီးမၤန့ၢ် ကီၢ်အံၣ်စရ့လးဒီဘ့ၣ်လၢတၢ်ဒိၣ်ကစၢ်စီၤပၤအဂီၢ်လီၤ. အဝဲသ့ၣ်ကတူၢ်လိာ်နၤဒ်စီၤပၤအသိး, ဒီးနကဒိးန့ၢ်တၢ်လၢနသးလီတ့ၢ်အီၤဒီးနကပၢဘၣ်ကီၢ်ဒီဘ့ၣ်ညါန့ၣ်လီၤ.” စီၤဒၤဝံးဟ့ၣ်ဝဲစီၤအဘံန့ၢ်တၢ်အုၣ်ခီၣ်သးတမံၤလၢအတၢ်ပူၤ ဖျဲးအဂီၢ်ဒီးပျဲအက့ၤဆူအကျဲဒၣ်ဝဲန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 3:27

ဖဲစီၤအဘံန့ၢ်ဟဲတုၤလၢဝ့ၢ်ဃ့ဘြိၣ်န့ၣ်စီၤယိၤအာ်ကိးအီၤ ဆူကျဲစၢၤအကပၤမၤသးဒ်အအဲၣ်ဒိးကတိၤတၢ်ဒီးအီၤထဲခံဂၤဧိၤ န့ၣ်လီၤ. ဒီးဖဲန့ၣ်အဝဲဆဲးအီၤလၢအဟၢဖၢန့ၣ်လီၤ. အဂ့ၢ်ဒ်အံၤ, အဝဲမၤသံတ့ၢ်စီၤယိၤအာ်အဒီပုၢ်ဝဲၢ်ခွါစီၤဧစၤအ့လးအဃိလီၤ.

လံာ်စီၤၡမူၤအ့လးခံဘ့ၣ်တဘ့ၣ် 3:38

စီၤပၤစံးဘၣ်အပဒိၣ်ပပှၢ်တဖၣ်, “မ့ၢ်သုတသ့ၣ်ညါဘၣ်လၢတနံၤ အံၤန့ၣ်ပှၤခိၣ်ပှၤနၢ်ဖးဒိၣ်တဂၤလၢကီၢ်အံၣ်စရ့လးအပူၤသံဝဲဒၣ်လံန့ၣ်ဘၣ်ဧါ.

စံးထီၣ်ပတြၢၤ 62:9

ပှၤကညီခဲလၢာ်လီၤဂာ်ဒၣ်ဒီးတၢ်သါထီၣ်တဘီဖိ န့ၣ်လီၤ. ပှၤအဒိၣ်မ့ၢ်ဂ့ၤအဆံးမ့ၢ်ဂ့ၤ မ့ၢ်တၢ်ကလီကလီဒ်သိးသိးလီၤ. တၢ်မ့ၢ်စီၤကွၢ်အီၤလၢစီၤပီၢ်ပူၤဒီး, တဃၢဘၣ်နီတစဲးဘၣ်. တၢ်မ့ၢ်ပာ်အီၤလၢစီၤပီၢ်အပူၤဒီး, အဝဲသ့ၣ်ဖှံဒိၣ်န့ၢ်ဒံးတၢ်သါတဘီဖိတက့ၢ်န့ၣ်လီၤ.