လံာ်စီၤၡမူၤအ့လးခံဘ့ၣ်တဘ့ၣ် 3:1 - Sgaw Karen Common Bible

¹ တၢ်ဒုးတၢ်ယၤလၢသုးဖိတဖၣ်လၢအဆီၣ်ထွဲမၤစၢၤစီၤစီလူး အဒူၣ်ဖိထၢဖိဒီးသုးဖိတဖၣ်လၢအဆီၣ်ထွဲစီၤဒၤဝံးအဘၢၣ်စၢၤ န့ၣ်မၤအသးဆူညါဖးယံာ်န့ၣ်လီၤ. ဒ်စီၤဒၤဝံးအဂံၢ်အဘါဆူၣ်ထီၣ်ဆူၣ်ထီၣ်ဝဲဒၣ်အသိးန့ၣ်ပှၤလၢအထီဒါအီၤတဖၣ် အဂံၢ်အဘါစၢ်လီၤဝဲဒၣ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 3:1 Iomraidhean Croise

လံာ်တၢ်ကဲထီၣ်အခီၣ်ထံး 3:15

ယကမၤတုၤနၤဒီးပိာ်မုၣ်သးဟ့လိာ်သး, ဒီးအချံအသၣ်ဒီးနချံ နသၣ်န့ၣ်ကမ့ၢ်ဒုၣ်ဒါထီဘိန့ၣ်လီၤ. ပိာ်မုၣ်အချံအသၣ်ကမၤသဘှံးနခိၣ်ဒီးနချံနသၣ်ကဖျးအဝဲသ့ၣ် အခီၣ်နၢၣ်ခံလီၤ.”

လံာ်စီၤၡမူၤအ့လးခံဘ့ၣ်တဘ့ၣ် 2:17

အန့ၣ်ဝံၤဒီး, တၢ်ဒုးဆူၣ်ဆူၣ်ကလဲာ်တဘျီကဲထီၣ်ဝဲဒၣ်, ဒီးစီၤအဘံန့ၢ်ဒီးပှၤအံၣ်စရ့လးဖိတဖၣ်ဘၣ်တၢ်မၤနၢၤကွံာ်အီၤလၢ စီၤဒၤဝံးအပှၤတဖၣ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 2:28

အန့ၣ်ဝံၤဒီးစီၤယိၤအာ်အူထီၣ်ကွဲၤဒ်တၢ်ပနီၣ်တမံၤ အသိးလၢအပှၤတဖၣ်ကဆိကတီၢ် တၢ်လူၤထွဲပှၤအံၣ်စရ့လးဖိတဖၣ်အဂီၢ်န့ၣ်လီၤ. မၤသးဒ်န့ၣ်ဒီးတၢ်ဒုးတၢ်ယၤဆိကတီၢ်အသးလီၤ.

လံာ်စီၤၡမူၤအ့လးခံဘ့ၣ်တဘ့ၣ် 22:44

နအုၣ်က့ၤခီၣ်က့ၤယၤလၢယပှၤဂီၢ်မုၢ်လၢအပူထီၣ် ထီဒါယၤတဖၣ်အစုပူၤ, ဒီးဟံးဃာ်ဂၢၢ်ကျၢၤယတၢ်ပၢလၢပှၤကလုာ်တဖၣ် အဖီခိၣ်န့ၣ်လီၤ. ပှၤဂီၢ်မုၢ်လၢယတသ့ၣ်ညါတ့ၢ်အီၤတဖၣ်ခဲအံၤကဲထီၣ်ပှၤလၢယပၢ ဘၣ်အီၤတဖၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 3:6

ဒ်တၢ်ဒုးတၢ်ယၤလၢစီၤဒၤဝံးအသုးဖိတဖၣ်ဒီးသုးဖိတဖၣ်လၢ အသးတီဒီးစီၤစီလူးအဒူၣ်ဖိထၢဖိအဘၢၣ်စၢၤမၤအသးဆူညါ အသိးန့ၣ်, စီၤအဘံန့ၢ်ကဲထီၣ်ပှၤလၢအစိကမီၤဆူၣ်ထီၣ်အါထီၣ် လၢပှၤလၢအပိာ်စီၤစီလူးအခံတဖၣ်အကျါန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 5:10

အဝဲအဂံၢ်အဘါဆူၣ်ထီၣ်အါထီၣ်တဘိယူၢ်ဃီန့ၣ်လီၤ. အဂ့ၢ်ဒ်အံၤ, ယွၤ, သ့တၢ်လၢာ်ကစၢ်ယွၤအိၣ်ဒီးအီၤအဃိလီၤ.

လံာ်စီၤပၤအခီၣ်ထံးတဘ့ၣ် 14:30

လၢတၢ်ဆၢကတီၢ်ခဲလၢာ်အံၤအပူၤ, တၢ်ဒုးတၢ်ယၤအိၣ်ဝဲ တလီၢ်လီၢ်လၢစီၤရဃၤဘၣ်ဒီးစီၤယၤရၤဘၣ်အဘၢၣ်စၢၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 15:16

ဖဲအဝဲသ့ၣ်အိၣ်ဒီးတၢ်စိတၢ်ကမီၤအကတီၢ်န့ၣ်ကီၢ်ယူဒၤအစီၤပၤ အၤစါဒီးကီၢ်အံၣ်စရ့လးအစီၤပၤဘါၡၤဒုးလိာ်အသးတလီၢ်လီၢ် တဂၤဒီးတဂၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 15:32

ဖဲအဝဲသ့ၣ်အိၣ်ဒီးတၢ်စိတၢ်ကမီၤအကတီၢ်န့ၣ်, ကီၢ်ယူဒၤအစီၤပၤအၤစါဒီးကီၢ်အံၣ်စရ့လးအစီၤပၤဘါၡၤ, ဒုးလိာ်အသးတလီၢ်လီၢ်, တဂၤဒီးတဂၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 11:9

စီၤဒၤဝံးအဂံၢ်အဘါဒံးယံာ်ဒံးဆူၣ်ထီၣ်မ့ၢ်လၢယွၤသ့တၢ်လၢာ် အိၣ်ဒီးအီၤအဃိန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 3:1

အအံၤမ့ၢ်စီၤဒၤဝံးအဖိတဖၣ်ဒ်အသးအနံၣ်အလါဒၣ်ဝဲ အဒိၣ်တုၤလၢအဆံးလၢအအိၣ်ဖျဲၣ်ထီၣ်ဝဲဖဲအဝဲဒၣ်အိၣ်လၢဝ့ၢ်ဃ့ ဘြိၣ်အပူၤအခါန့ၣ်လီၤ. စီၤအၤမနိၣ်လၢအမိၢ်မ့ၢ်ပှၤယံးစရ့လးဖိနီၢ်အဃံနိၣ်, စီၤဒၤနံးယ့လးလၢအမိၢ်မ့ၢ်ပှၤကၢ်မ့ၤလးဖိနီၢ်အဘံၤကါယံးလး,

လံာ်နီၢ်အ့ၤစတၢ် 6:13

အဝဲတဲဘၣ်အမါနီၢ်စ့ရ့ၣ်ဒီးအသကိးခဲလၢာ်လၢတၢ် ကိးမံၤဒဲးလၢအမၤအသးဒီးအီၤန့ၣ်လီၤ. အန့ၣ်တစု, အမါဒီးအတံၤသကိးလၢအကူၣ်တၢ်သ့တဖၣ်စံးဘၣ်အီၤ, “နတၢ်စိတၢ်ကမီၤစးထီၣ်လီၤမၢ်ကွံာ်ဆူစီၤမၢ်ဒကဲၤအအိၣ်လံ. အဝဲမ့ၢ်ပှၤယူဒၤဖိတဂၤဒီးနမၤနၢၤအီၤတသ့ဘၣ်. အဝဲကမၤနၢၤကွံာ်နၤသပှၢ်ကတၢၢ်န့ၣ်လီၤ.”

လံာ်နီၢ်အ့ၤစတၢ် 9:4

ဒီးစီၤမၢ်ဒကဲၤဘၣ်တၢ်သ့ၣ်ညါအီၤလၢဘီမုၢ်သကုၤဆးဒး အပူၤဂ့ၤဂ့ၤကလဲာ်ဒ်အမ့ၢ်ပှၤဒိၣ်စိဒိၣ်ကမီၤတဂၤလၢနီပူၤဒီး အစိကမီၤဒံးယံာ်ဒံးအါထီၣ်န့ၣ်လီၤ.

လံာ်စီၤယိၤဘး 17:9

အန့ၣ်ဒၣ်လဲာ်ပှၤအတီအလိၤကဟံးဃာ်အကျဲ, ဒီးပှၤလၢအစု ကဆှီန့ၣ်အဂံၢ်အဘါဒံးယံာ်ကဒံးဆူၣ်ထီၣ်လီၤ.

လံာ်စီၤယိၤဘး 8:7

တၢ်ထူးတၢ်တီၤခဲလၢာ်လၢအလီၤမၢ်ကွံာ်ဒီးနၤတဖၣ်န့ၣ်တမ့ၢ် လၢၤတၢ်နီတမံၤဘၣ်, ဖဲနထိၣ်သတြီၤအီၤဒီးတၢ်လၢကစၢ် ယွၤကဟ့ၣ်နၤလၢခံန့ၣ်လီၤ.

စံးထီၣ်ပတြၢၤ 18:43

နမၤပူၤဖျဲးယၤလၢပှၤဂီၢ်မုၢ်လၢအပူထီၣ်တၢ်, ဒီးဒုးကဲထီၣ်ယၤပှၤပၢတၢ် လၢပှၤကလုာ်တဖၣ်အဖီခိၣ် ဒီးပှၤဂီၢ်မုၢ်လၢယတသ့ၣ်ညါတ့ၢ်ဘၣ်အီၤန့ၣ် မၤယတၢ်လီၤ.

စံးထီၣ်ပတြၢၤ 46:9

အဝဲဆိကတီၢ်တၢ်ဒုးတၢ်ယၤသ့ၣ်တဖၣ်လၢ ဟီၣ်ခိၣ်ချၢ, ဘိးကၢ်ကွံာ်ပျၢ်သ့ၣ်တဖၣ်, မၤဟးဂီၤကွံာ်ဘီသ့ၣ်တဖၣ်ဒီးဒွဲၣ်အူထီၣ်ကွံာ် လ့ၣ်ကဟၣ်သ့ၣ်တဖၣ်လၢမ့ၣ်အူန့ၣ်လီၤ.

စံးထီၣ်ပတြၢၤ 84:7

အဝဲသ့ၣ်တဖၣ်န့ၣ်ဒံးလဲၤတၢ်, အဂံၢ်အဘါဒံးဆူၣ်ထီၣ် ဒီးအဝဲသ့ၣ်ကထံၣ်ဘၣ်ကစၢ်တဖၣ် အကစၢ်ယွၤ လၢစံယိၣ်န့ၣ်လီၤ.

ကလၤတံ 5:17

အဂ့ၢ်ဒ်အံၤ, ပဖံးပညၣ်အတၢ်သူၣ်လီသးကွံန့ၣ် ထီဒါလိာ်အသးဒီးယွၤအသးအတၢ်အဲၣ်ဒိး, ဒီးယွၤအသးအတၢ်အဲၣ်ဒိးန့ၣ်ထီဒါလိာ်အသးဒီးပဖံးပညၣ် အတၢ်သူၣ်လီသးကွံန့ၣ်လီၤ. တၢ်ခံမံၤအံၤထီဒုၣ်ထီဒါလိာ် အသးအဃိ, တၢ်လၢသုဆၢမၤန့ၣ်သုမၤသုဝဲတသ့ဘၣ်.

အ့းဖ့းစူး 6:12

အဂ့ၢ်ဒ်အံၤ, ပတဒုးလိာ်ပသးဒီးပှၤကညီဘၣ်. မ့မ့ၢ်ပဒုးလိာ်ပသးဒီးသးအၢလၢအအိၣ်ဒီးအစိအကမီၤ လၢမူခိၣ်, ပှၤပၢထံပၢကီၢ်တဖၣ်, ပဒိၣ်ပပှၢ်တဖၣ်ဒီးဟီၣ်ခိၣ်အစိကမီၤလၢအဒုးအိၣ်ထီၣ်တၢ်ခံးတၢ် နၤတစိၤအံၤတဖၣ်န့ၣ်လီၤ.

လံာ်လီၣ်ဖျါ 6:2

ယကွၢ်ဒီးကသ့ၣ်ဝါအိၣ်ဝဲတဒုလီၤ. ပှၤလၢအဒိးအီၤတဂၤစိာ်ဃာ်ချံၣ် တဆိဒီးအဝဲဘၣ်တၢ်ဟ့ၣ်အီၤလၢခိၣ်သလုးတဖျၢၣ်လီၤ. အဝဲဒၣ်ဒိးထီၣ်ကသ့ၣ်ဒ်ပှၤဒုးန့ၢ်ထံဧိၤကီၢ်ဧိၤတဂၤလၢ အသါကလဲၤဒုးန့ၢ်ထံဧိၤကီၢ်ဧိၤအသိးန့ၣ်လီၤ.