လံာ်စီၤၡမူၤအ့လးခံဘ့ၣ်တဘ့ၣ် 24:7 - Sgaw Karen Common Bible

⁷ အန့ၣ်ဝံၤဒီးအဝဲသ့ၣ်လဲၤဆူကလံၤထံးဆူဝ့ၢ်ထါယၢၣ်လၢအအိၣ် ဒီးအတိာ်ခၢၣ်သနၢၣ်, လဲၤကဒီးဆူညါတုၤဆူ ကယဲၢ်ပှၤဃံၤဝံဖိဒီးပှၤကနၤဧၣ်ဖိအဝ့ၢ်ခဲလၢာ်, ဒီးလၢခံကတၢၢ်န့ၣ်တုၤဆူ ဝ့ၢ်ဘ့ၢ်ၡဘၤအိၣ်လၢကီၢ်ယူဒၤကလံၤထံးတခီန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 24:7 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 24:2

လၢတၢ်န့ၣ်အဃိ, စီၤဒၤဝံးဟ့ၣ်လီၤအကလုၢ်ဆူအသုးမုၢ်အသုး ခိၣ်ကျၢၢ်စီၤယိၤအာ်အအိၣ်ဒီးစံးဝဲဒၣ်, “လဲၤဃုာ်ဒီးနသုးခိၣ်သုးနၢ်တဖၣ်သကုၤကီၢ်အံၣ်စရ့လးအဒူၣ် တဖၣ်အကျါစးထီၣ်လၢကီၢ်လၢအအံၤတခီတုၤဆူအဂၤတခီဒီးဂံၢ်ပှၤ ဂီၢ်မုၢ်တဖၣ်တက့ၢ်. ယအဲၣ်ဒိးသ့ၣ်ညါမ့ၢ်အဝဲသ့ၣ်အိၣ်ဆံးအါလဲၣ်န့ၣ်လီၤ.”

လံာ်စီၤၡမူၤအ့လးခံဘ့ၣ်တဘ့ၣ် 24:8

လၢတၢ်န့ၣ်အဃိ, ဖဲခွံလါဒီးအသီခံဆံပှဲၤထီၣ်ဝံၤအလီၢ်ခံန့ၣ်, အဝဲသ့ၣ်က့ၤကဒါက့ၤဆူဝ့ၢ်ယရူၤၡလ့ၣ်ဖဲအလဲၤတၢ်ဝးဝဲ ကီၢ်ဒီဘ့ၣ်ညါဝံၤန့ၣ်လီၤ.

လံာ်စကၤရယၤ 9:3

ဝ့ၢ်ထါယၢၣ်ဘှီထီၣ်တိာ်တဖၣ်လၢအဂီၢ်ဒၣ်ဝဲဒီးပာ်ပူၣ်ထီၣ်စ့ဒီး ထူအါမးတလီၤဆီဘၣ်ဒီးတၢ်ကမူၣ်ကဖ့ဘၣ်လီၤ.

လံာ်စီၤယိၤၡူ 11:3

အဝဲဆှၢလီၤစ့ၢ်ကီးတၢ်ကစီၣ်ဆူပှၤကနၤဧၣ်ဖိလၢထံကျိယၢ်ဒ့ၣ် ခံကပၤလိာ်, ပှၤအမိၢ်ဖိ, ပှၤဃ့ၤသးဖိ, ပှၤပရးစၤဖိဒီးပှၤယဘူၣ်ဖိလၢကစၢၢ်ကလိအလိၤ, ဒီးဆူပှၤဃံၤဝံဖိလၢအအိၣ်လၢကစၢၢ်ဃ့ရမိၣ်အခီၣ်ထံးလၢကီၢ် မံးစပၤအပူၤအအိၣ်န့ၣ်လီၤ.

လံာ်စီၤယိၤၡူ 19:28

ဒီးဃ့ဘြိၣ်, ရဃိၣ်, ဃမိၤ, ကါနၤ, ပၢၢ်လၢစံဒိၣ်ဖးဒိၣ်လီၤ.

လံာ်စီၤယိၤၡူ 19:29

ဝံၤဒီးကီၢ်ဆၢန့ၣ်တရံးအသးဆူရၤမါဒီးလဲၤတုၤလၢဝ့ၢ်ခၢၣ် သနၢၢ်ထါယၢၣ်န့ၣ်လီၤ. ဝံၤဒီးကီၢ်ဆၢန့ၣ်တရံးအသးဆူ ဃိစၤဒီးကတၢၢ်ဝဲဖဲပီၣ်လဲၣ်ဖးဒိၣ်မဲးဒံးထၢၣ်ရ့နယၢၣ်န့ၣ်လီၤ. တၢ်န့ၣ်ပၣ်ဃုာ်ဒီးမၤဃလၤ, အၤကစံာ်,

လံာ်စီၤယိၤၡူ 9:1

အံၣ်စရ့လးအတၢ်မၤနၢၤအံၤဘၣ်တၢ်သ့ၣ်ညါအီၤလၢစီၤပၤတဖၣ်လၢ ထံကျိယၢ်ဒ့ၣ်အမုၢ်နုာ်လၢကစၢၢ်ကလိတဖၣ်, လၢကစၢၢ်ခီၣ်ထံးတဖၣ်, ဒီးလၢပီၣ်လဲၣ်ဖးဒိၣ်မဲးဒံးထၢၣ်ရ့နယၢၣ်အဃၢၤ, ဒီးလၢကလံၤစိးန့ၣ်ယံၤဝဲတုၤလၢလဘၤနိၣ်, လၢအမ့ၢ်ပှၤဃ့ၤသးဖိ, ပှၤအမိၢ်ဖိ, ပှၤကနၤဧၣ်ဖိ, ပှၤပရးစၤဖိ, ပှၤဃံၤဝံဖိ, ဒီးပှၤယဘူၣ်ဖိ အစီၤပၤတဖၣ်အအိၣ်န့ၣ်လီၤ.

လံာ်စီၤယိၤၡူ 9:7

ဘၣ်ဆၣ်ဒီးပှၤအံၣ်စရ့လးဖိတဖၣ်စံးဘၣ်ပှၤဃ့ၤဝံဖိတဖၣ်, “ဘၣ်တဘၣ်သုအိၣ်သုဆိးလၢပကျါအဃိဒီး, ပမၤတၢ်အၢၣ်လီၤအီ လီၤဒီးသုကသ့ဒ်လဲၣ်.”

လံာ်ပှၤစံၣ်ညီၣ်ကွီၢ် 3:3

ပှၤတဖၣ်လၢအအိၣ်လီၤတဲာ်လၢကီၢ်ပူၤမ့ၢ်ဝဲ, ပှၤဖလ့ၡသးဖိ အပဒိၣ်ယဲၢ်ဂၤ, ပှၤကနၤဧၣ်ဖိခဲလၢာ်, ပှၤစံဒိၣ်ဖိတဖၣ်, ဒီးပှၤဃံၤဝံဖိတဖၣ်လၢအအိၣ်ဆိးလၢလဘၤနိၣ်အကစၢၢ်ကလိအကျါ စးထီၣ်လၢကစၢၢ်ဘဧၤလးဃ့ရမိၣ်တုၤလၢဝ့ၢ်ဃမါသးအတၢ်ဟဲနုာ်ဟးထီၣ်အကျဲန့ၣ်လီၤ.