လံာ်စီၤၡမူၤအ့လးခံဘ့ၣ်တဘ့ၣ် 24:25 - Sgaw Karen Common Bible

²⁵ အန့ၣ်ဝံၤဒီးအဝဲမၤထီၣ်တၢ်လုၢ်ထီၣ်တခါလၢယွၤအဂီၢ် ဒီးလုၢ်ထီၣ်တၢ်လုၢ်မ့ၣ်အူတဖၣ်ဒီး တၢ်လုၢ်မၤဃူမၤဖိးတဖၣ်န့ၣ်လီၤ. ယွၤစံးဆၢအဝဲအတၢ်ထုကဖၣ်ဒီးတၢ်သံသတြိာ် လၢကီၢ်အံၣ်စရ့လးအပူၤန့ၣ်ဆိကတီၢ်ဝဲဒၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 24:25 Iomraidhean Croise

လံာ်တၢ်ကဲထီၣ်အခီၣ်ထံး 12:7

ယွၤလီၣ်ဖျါထီၣ်အသးလၢစီၤအၤဘြၣ်ဒီးစံးဘၣ်အီၤ, “အဝဲအံၤမ့ၢ်ထံကီၢ်တဘ့ၣ်လၢယကဟ့ၣ်လီၤနစၢၤနသွဲၣ်တဖၣ်န့ၣ် လီၤ.” တုၤနုၤတစုစီၤအၤဘြၣ်မၤထီၣ်တၢ်လုၢ်လီၢ်ဖဲန့ၣ်ဆူယွၤလၢ အလီၣ်ဖျါထီၣ်အသးလၢအီၤအဂီၢ်န့ၣ်လီၤ.

လံာ်တၢ်ကဲထီၣ်အခီၣ်ထံး 22:9

အကတီၢ်ဖဲန့ၣ်အဝဲသ့ၣ်ဟဲတုၤတၢ်လီၢ်လၢကစၢ်ယွၤစံးဘၣ်တ့ၢ်အီၤ လၢအဂ့ၢ်န့ၣ်, စီၤအၤဘြၤဟၣ်မၤထီၣ်ဝဲတၢ်လုၢ်တခါဒီးကျဲၤလီၤသ့ၣ်မုၣ်လၢ အဖီခိၣ်န့ၣ်လီၤ. အဝဲစၢဃာ်အဖိခွါဒီးပာ်ထီၣ်ဝဲလၢတၢ်လုၢ်လီၢ်အဖီခိၣ်လၢသ့ၣ် မုၣ်အဖီခိၣ်လီၤ.

လံာ်တၢ်ကဲထီၣ်အခီၣ်ထံး 8:20

ဒီးစီၤနိအၤမၤတၢ်လုၢ်လီၢ်တခါလၢယွၤအဂီၢ်လီၤ. အဝဲဟံးန့ၢ်တၢ်လၢကယဲၢ်ဆၣ်ဖိကီၢ်ဖိလၢအကဆှီဒီးကယဲၢ်ထိၣ်ဖိ လံာ်ဖိလၢအကဆှီအကျါတဒုဒီးတဘ့ၣ်စုာ်စုာ်ဒီးဆူးကဲၤထီၣ် အီၤခဲလၢာ်ဒ်တၢ်လုၢ်တၢ်ပာ်တမံၤအသိးလၢတၢ်လုၢ်လီၢ်န့ၣ်အဖီ ခိၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 21:14

အန့ၣ်ဝံၤဒီးအဝဲသ့ၣ်ခူၣ်လီၤကွံာ်စီၤစီလူးဒီးစီၤယိၤနၤ သၣ်အဃံတဖၣ်လၢစီၤစီလူးအပၢ်စီၤကံၣ်အသွၣ်ခိၣ်အပူၤလၢဝ့ၢ်စ့လၤ, လၢဘံၣ်ယၤမံၣ်အလီၢ်ကဝီၤအပူၤ ဒီးမၤတၢ်ခဲလၢာ်လၢစီၤပၤမၤလိာ်တ့ၢ်ဝဲန့ၣ်လီၤ. ဒီးတၢ်န့ၣ်ဝံၤအလီၢ်ခံ, ကစၢ်ယွၤဒိကနၣ်အဝဲသ့ၣ်အတၢ်ထုကဖၣ် တဖၣ်လၢထံကီၢ်အဂီၢ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 24:14

စီၤဒၤဝံးစံးဆၢဝဲဒၣ်, “ယအိၣ်လၢတၢ်စုကတၢၢ်ခီၣ်ကတၢၢ်အပူၤလီၤ. ဘၣ်ဆၣ်ဒီးယတအဲၣ်ဒိးလၢပှၤကညီကစံၣ်ညီၣ်ယၤဘၣ်. မ်ယွၤအကစၢ်ဒၣ်ဝဲမ့ၢ်ပှၤတဂၤလၢအစံၣ်ညီၣ်ပှၤတက့ၢ်. အဂ့ၢ်ဒ်အံၤ, အဝဲပှဲၤဒီးတၢ်သူၣ်ကညီၤသးကညီၤန့ၣ်လီၤ.”

လံာ်စီၤပၤအခီၣ်ထံးတဘ့ၣ် 1:1

ခဲအံၤစီၤပၤစီၤဒၤဝံးမ့ၢ်ပှၤတဂၤလၢအသးပှၢ်ဒိၣ်မး, ဒီးအခ့အပှၤတဖၣ်လုးဘၢအီၤလၢယၣ်လုးတဖၣ်ဒၣ်လဲာ်တလၢၤဘၣ်အီၤ လၢၤဘၣ်.

လံာ်ယဃ့းစက့လး 16:42

အန့ၣ်ဒီး, ယတၢ်သးထီၣ်ကပူၤကွံာ်, ဒီးယကအိၣ်ဃိကလာ်န့ၣ်လီၤ. ယတသးထီၣ်လၢၤမ့ၢ်ဂ့ၤသူၣ်က့ၣ်သးကါလၢၤမ့ၢ်ဂ့ၤနီတစုဘၣ်.

လံာ်တၢ်ဂံၢ် 17:13

ပှၤတဂၤဂ့ၤတဂၤဂ့ၤမ့ၢ်လဲၤဘူးဘၣ်ထဲဒဲစီဆှံဧိၤဒီးကဘၣ်သံဝဲဒီး, ဂ့ၤလၢပသံခဲလၢာ်န့ၣ်လီၤ.

လံာ်ပှၤစံၣ်ညီၣ်ကွီၢ် 21:4

မုၢ်ဆ့ၣ်ထီၣ်တနံၤဂီၤဂီၤန့ၣ်, ပှၤဂီၢ်မုၢ်သူၣ်ထီၣ်တၢ်လုၢ်လီၢ်တခါဖဲန့ၣ်ဒီး လုၢ်တၢ်လုၢ်မၤဃူမၤဖိးဒီးတၢ်လုၢ်မ့ၣ်အူန့ၣ်လီၤ.

လံာ်ပှၤစံၣ်ညီၣ်ကွီၢ် 6:24

စီၤကံးဒဧိၣ်ဘှီထီၣ်တၢ်လုၢ်လီၢ်တဖျၢၣ်ဖဲန့ၣ်လၢယွၤအဂီၢ်, ဒီးကိးဝဲအမံၤလၢ, “ယွၤၡၤလိၣ်” အခီပညီ, “ယွၤမ့ၢ်တၢ်ဃူတၢ်ဖိး” န့ၣ်လီၤ. (တၢ်လုၢ်လီၢ်န့ၣ်အိၣ်ဒံးဝဲဖဲဧိးဖြၤလၢအဘၣ်ဃး ဒီးအဘံၤဧ့စ့ၢ်အဒူၣ်အထၢန့ၣ်လီၤ.)

လံာ်စီၤၡမူၤအ့လးအခီၣ်ထံးတဘ့ၣ် 13:9

မၤသးဒ်န့ၣ်ဒီး, စီၤစီလူးစံးဘၣ်အဝဲသ့ၣ်, “ဟဲစိာ်န့ၢ်ယၤတၢ်လုၢ်မ့ၣ်အူတဖၣ်ဒီးတၢ်လုၢ်မၤဃူမၤဖိး တဖၣ်တက့ၢ်.” အဝဲလုၢ်ထီၣ်တၢ်လုၢ်မ့ၣ်အူတခါ,

လံာ်စီၤၡမူၤအ့လးအခီၣ်ထံးတဘ့ၣ် 14:35

စီၤစီလူးဘှီထီၣ်တၢ်လုၢ်လီၢ်တခါဆူယွၤအအိၣ်ဒီးတၢ်န့ၣ်မ့ၢ် တၢ်လုၢ်လီၢ်အခီၣ်ထံးကတၢၢ်တခါလၢအဘှီထီၣ်ဝဲဒၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 7:17

အန့ၣ်ဝံၤဒီးအဝဲက့ၤကဒါက့ၤဝဲဆူအဟံၣ်လၢဝ့ၢ်ရၤမါအပူၤ, ဖဲအဝဲမၤစ့ၢ်ကီးတၢ်ဒ်ပှၤစံၣ်ညီၣ်ကွီၢ်အသိးန့ၣ်လီၤ. လၢဝ့ၢ်ရၤမါအပူၤန့ၣ်အဝဲသူၣ်ထီၣ်တၢ်လုၢ်လီၢ်တခါဆူယွၤအအိၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 7:9

စီၤၡမူၤအ့လးမၤသံသိဖိတဒုဒီးဆူးကဲၤထီၣ်အီၤဒီဒု ဒ်တၢ်လုၢ်တၢ်ပာ်တမံၤဆူယွၤအအိၣ်လီၤ. အန့ၣ်ဝံၤဒီးအဝဲဘါထုကဖၣ်တၢ်ဆူယွၤအအိၣ်ဒ်သိးအကမၤစၢၤကီၢ်အံၣ်စရ့လး, ဒီးယွၤစံးဆၢအဝဲအတၢ်ထုကဖၣ်လီၤ.