လံာ်စီၤၡမူၤအ့လးခံဘ့ၣ်တဘ့ၣ် 24:24 - Sgaw Karen Common Bible

²⁴ ဘၣ်ဆၣ်ဒီးစီၤပၤစံးဆၢဝဲဒၣ်, “တမ့ၢ်ဘၣ်. ယကဟ့ၣ်နၤတၢ်အပှ့ၤလၢတၢ်န့ၣ်အဂီၢ်လီၤ. တၢ်လုၢ်တၢ်ပာ်တဖၣ်လၢ ယတဟ့ၣ်ဘၣ်အပှ့ၤနီတမံၤန့ၣ်ယတလုၢ်ထီၣ်ဘၣ်အီၤဆူယွၤ, ယကစၢ်ယွၤအအိၣ်ဘၣ်.” ဒီးအဝဲပှ့ၤန့ၢ်ကြဲၢ်ဒီးဂီၤဖံးဖါတဖၣ်န့ၣ် လၢစ့ညၣ်အဘ့ၣ်ယဲၢ်ဆံလီၤ.

လံာ်စီၤၡမူၤအ့လးခံဘ့ၣ်တဘ့ၣ် 24:24 Iomraidhean Croise

လံာ်တၢ်ကဲထီၣ်အခီၣ်ထံး 23:11

“တၢ်ဒိၣ်ဧၢ, ဒိကနၣ်တက့ၢ်. ယကဟ့ၣ်နၤပျီဒီဘ့ၣ်ညါန့ၣ်, ဒီးလၢၢ်ကအိလၢအအိၣ်ဝဲလၢအပူၤန့ၣ်လီၤ. ဖဲအံၤ, လၢယပှၤဂီၢ်မုၢ်ဒၣ်ယဲအမဲာ်ညါန့ၣ်, ယကဟ့ၣ်လီၤနၤတၢ်အံၤဒ်သိးနခူၣ်လီၤဘျၢလီၤနမါကသ့ အဂီၢ်န့ၣ်လီၤ.”

လံာ်တၢ်ကဲထီၣ်အခီၣ်ထံး 23:13

ဒီးဒ်သိးပှၤကိးဂၤနၢ်ဟူဝဲကသ့အဂီၢ်န့ၣ်, စံးဘၣ်စီၤဧ့ၤဖရိၣ်, “ပျဲယဃ့ကညးနၤ, ဝံသးစူၤဒိကနၣ်တ က့ၢ်. ယကပှ့ၤပျီဒီတဘ့ၣ်လီၤ. တူၢ်လိာ်ယတၢ်ဟ့ၣ်တၢ်အပှ့ၤဒီးယကခူၣ်လီၤ ဘျၢလီၤယမါဖဲန့ၣ်လီၤ.”

လံာ်တၢ်ကဲထီၣ်အခီၣ်ထံး 23:16

စီၤအၤဘြၤဟၣ်ဘၣ်သူၣ်ဘၣ်သးဒီးစီၤဝဲစ့ညၣ်အတယၢၢ်လၢစီၤဧ့ၤဖရိၣ် ယၢၤထီၣ်တ့ၢ်ဝဲဒ်ပှၤဂီၢ်မုၢ်နၢ်ဟူတ့ၢ်, စ့ညၣ်နီၢ်နီၢ်လွံၢ်ကယၤဒ်ပှၤကူၣ်တၢ်ကၤတၢ်တဖၣ်ပာ်ဝဲနီၣ်ထိၣ် နီၣ်တယၢၢ်အတီၤလၢအဝဲသ့ၣ်သူဝဲဒၣ်အသိးန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 21:1

မုၣ်ကီၤလံၢ်အဲၣ်ဒိးဒုးလီၤဘၣ်တၢ်ကိၢ်တၢ်ဂီၤတမံၤလၢအံၣ်စရ့ လးအပှၤဂီၢ်မုၢ်အလိၤအဃိအဝဲထိၣ်ဂဲၤစီၤဒၤဝံးအသးလၢကထၢပှၤ ထံဖိကီၢ်ဖိအနီၣ်ဂံၢ်ဒီးမၤတၢ်ဆဲးလီၤမံၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 22:1

လၢတၢ်န့ၣ်အဃိစီၤဒၤဝံးစံးဝဲ, “တၢ်အံၤမ့ၢ်တၢ်လီၢ်ဖဲယွၤ, ကစၢ်ယွၤအတၢ်လုၢ်ဟံၣ်ကအိၣ်ဝဲန့ၣ်လီၤ. အအံၤမ့ၢ်တၢ်လုၢ်လီၢ်ဖဲအံၣ်စရ့လးအပှၤဂီၢ်မုၢ်ကဆူး ကဲၤထီၣ်တၢ်လုၢ်မ့ၣ်အူတဖၣ်န့ၣ်လီၤ.”

ရိမ့ၤ 12:17

ပှၤတဂၤဂၤမ့ၢ်မၤအၢသုဒီး, တဘၣ်မၤဆၢအီၤလၢတၢ်အၢတ ဂ့ၤ. ကျဲးစၢးမၤတၢ်လၢပှၤခဲလၢာ်ဆိကမိၣ်ဝဲလၢအမ့ၢ်တၢ်ဂ့ၤ န့ၣ်တက့ၢ်.