လံာ်စီၤၡမူၤအ့လးခံဘ့ၣ်တဘ့ၣ် 24:22 - Sgaw Karen Common Bible

²² စီၤအၤရနၤစံးဝဲဒၣ်, “ဟံးန့ၢ်အီၤတက့ၢ်, တၢ်ဒိၣ်ကစၢ်စီၤပၤဧၢ. ဒီးဒ်နအဲၣ်ဒိးအသိးန့ၣ်, လုၢ်ထီၣ်တၢ်ဆူယွၤအအိၣ်တက့ၢ်. အအံၤဂီၤဖံးဖါတဖၣ်အိၣ်ဝဲလၢတၢ်ကဆူးကဲၤထီၣ်အီၤ ဒ်တၢ်လုၢ်တမံၤအသိးလၢတၢ်လုၢ်လီၢ်ဖီခိၣ်န့ၣ်လီၤ. အအံၤမ့ၢ်အနီၣ်ယိးဘိတဖၣ်ဒီးအနီၣ်တီၢ်ဘုတဖၣ် လၢတၢ်ကသူအီၤဒ်သ့ၣ်မုၢ်အသိးအဂီၢ်န့ၣ်လီၤ.”

လံာ်စီၤၡမူၤအ့လးခံဘ့ၣ်တဘ့ၣ် 24:22 Iomraidhean Croise

လံာ်တၢ်ကဲထီၣ်အခီၣ်ထံး 23:11

“တၢ်ဒိၣ်ဧၢ, ဒိကနၣ်တက့ၢ်. ယကဟ့ၣ်နၤပျီဒီဘ့ၣ်ညါန့ၣ်, ဒီးလၢၢ်ကအိလၢအအိၣ်ဝဲလၢအပူၤန့ၣ်လီၤ. ဖဲအံၤ, လၢယပှၤဂီၢ်မုၢ်ဒၣ်ယဲအမဲာ်ညါန့ၣ်, ယကဟ့ၣ်လီၤနၤတၢ်အံၤဒ်သိးနခူၣ်လီၤဘျၢလီၤနမါကသ့ အဂီၢ်န့ၣ်လီၤ.”

လံာ်စီၤပၤအခီၣ်ထံးတဘ့ၣ် 19:21

အန့ၣ်ဝံၤဒီး, စီၤအလံၤၡါလဲၤဆူအဂီၤဖံးဖါတဖုအအိၣ်, မၤသံကွံာ်ဝဲဒီးဖီထီၣ်တၢ်ညၣ်, သူနီၣ်ယိးဘိဒ်သ့ၣ်မုၣ်အသိး လၢမ့ၣ်အူအဂီၢ်န့ၣ်လီၤ. အဝဲဒုးအီၣ်ပှၤဂီၢ်မုၢ်လၢတၢ်ညၣ်ဒီးအဝဲသ့ၣ်အီၣ်ဝဲလီၤ. ဝံၤဒီးအဝဲလဲၤဒီးပိာ်ထီၣ်စီၤအ့ၤလံယၤအခံဒ်အဝဲအပှၤမၤ စၢၤအီၤအသိးန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 21:22

စီၤဒၤဝံးစံးဘၣ်အီၤ, “ဆါန့ၢ်ယၤနကြဲၢ်တၢ်အလီၢ်ဒ်သိး ယကသူၣ်ထီၣ်တၢ်လုၢ်လီၢ်တခါလၢယွၤအဂီၢ်ကသ့ဝဲဒ်သိးကဆိကတီၢ်တၢ် သံသတြိာ်အဂီၢ်န့ၣ်တက့ၢ်. ယကဟ့ၣ်နၤလၢအပှ့ၤအလၢအပှဲၤန့ၣ်လီၤ.”

လံာ်ပှၤစံၣ်ညီၣ်ကွီၢ် 6:26

ဘှီထီၣ်တၢ်လုၢ်လီၢ်ဂ့ၤဂ့ၤတခါလၢ ယွၤနကစၢ်ယွၤအဂီၢ်လၢတၢ်လီၤပှီၢ်အံၤအဖီခိၣ်တက့ၢ်. အန့ၣ်ဝံၤဒီးဟံးန့ၢ်ကျီၢ်ဖါခံဒုတဒုန့ၣ်ဒီးဆိၣ်ကဲၤထီၣ်အီၤဒီဒု ဒ်တၢ်လုၢ်မၤဘူၣ်တမံၤအသိး, သူကစၢ်မုၣ်အၡ့ရၤအပနီၣ်လၢနကျီတဲာ်ကွံာ်အီၤန့ၣ်ဒ်သ့ၣ်မုၣ်အသိးတက့ၢ်.”

လံာ်စီၤၡမူၤအ့လးအခီၣ်ထံးတဘ့ၣ် 6:14

လ့ၣ်ကဟၣ်န့ၣ်ဟဲတုၤဆူပျီတပျီလၢအဘၣ်ဃးဒီးပှၤတဂၤလၢအမံၤ မ့ၢ်စီၤယိၤၡူလၢအအိၣ်လၢဝ့ၢ်ဘ့ၤသၡ့မ့ၣ်န့ၣ်, ဒီးလ့ၣ်န့ၣ်အိၣ်ကတီၢ်ဝဲဖဲလ့ဖးဒိၣ်တဖျၢၣ်အဃၢၤန့ၣ်လီၤ. ပှၤဂီၢ်မုၢ်ကျီလီၤကလဲကွံာ်လ့ၣ်လၢတၢ်ဘှီအီၤဒီးသ့ၣ်ဒီးမၤသံ ဂီၤဖံးမိၢ်တဖၣ်ဒီးဆူးကဲၤထီၣ်အီၤဒ်တၢ်လုၢ်မ့ၣ်အူတမံၤ ဆူယွၤအအိၣ်န့ၣ်လီၤ.