လံာ်စီၤၡမူၤအ့လးခံဘ့ၣ်တဘ့ၣ် 24:21 - Sgaw Karen Common Bible

²¹ ဒီးသံကွၢ်အီၤ, “နဲဒၣ်တၢ်ဒိၣ်ကစၢ်စီၤပၤဧၢ, ဘၣ်မနုၤနဟဲ ဖဲအံၤလဲၣ်.” စီၤဒၤဝံးစံးဆၢအီၤ, “မ့ၢ်ဒ်သိးယကပှ့ၤနကြဲၢ်ဒီးမၤထီၣ်တၢ်လုၢ်လီၢ်တခါလၢယွၤအဂီၢ်, ဒ်သိးတၢ်သံသတြိာ်ကဘၣ်တၢ်ဆိကတီၢ်ကွံာ်အီၤအဂီၢ်န့ၣ်လီၤ.”

လံာ်စီၤၡမူၤအ့လးခံဘ့ၣ်တဘ့ၣ် 24:21 Iomraidhean Croise

လံာ်တၢ်ကဲထီၣ်အခီၣ်ထံး 50:10

ဖဲအဝဲသ့ၣ်လဲၤတုၤဆူအၤတၤအကြဲၢ်လၢအအိၣ်လၢထံကျိ ယၢ်ဒ့ၣ်အမုၢ်ထီၣ်န့ၣ်, အဝဲသ့ၣ်ဟီၣ်ဝဲယၢၤဝဲဒိၣ်ဒိၣ်မုၢ်မုၢ်, ယံာ်ယံာ်ထၢထၢ, ဒီးစီၤယိၤသးမၤတၢ်ဟီၣ်တၢ်ယၢၤအမူးတဖၣ်နွံ သီန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 24:18

မုၢ်တနံၤဃီန့ၣ်, စီၤကးလဲၤဝဲဆူစီၤဒၤဝံးအအိၣ်ဒီးစံးဘၣ်အီၤ, “လဲၤထီၣ်ဆူစီၤအၤရနၤအကြဲၢ်, ဒီးမၤထီၣ်တၢ်လုၢ်လီၢ်တခါ လၢယွၤအဂီၢ်တက့ၢ်.”

လံာ်စီၤၡမူၤအ့လးခံဘ့ၣ်တဘ့ၣ် 24:20

စီၤအၤရနၤကွၢ်လီၤတၢ်ဒီးထံၣ်ဘၣ် စီၤပၤဒီးအပဒိၣ်ပပှၢ်တဖၣ်ဟဲထီၣ်ဝဲဆူအဝဲအအိၣ်န့ၣ်လီၤ. အဝဲထိၣ်လီၤပှီၤအသးဆူဟီၣ်ခိၣ်လိၤလၢစီၤဒၤဝံးအမဲာ်ညါ,

လံာ်စီၤၡမူၤအ့လးခံဘ့ၣ်တဘ့ၣ် 24:3

ဘၣ်ဆၣ်ဒီးစီၤယိၤအာ်စံးဆၢစီၤပၤ, “နဲဒၣ်, တၢ်ဒိၣ်ကစၢ်စီၤပၤဧၢ, မ်ယွၤနကစၢ်ယွၤမၤအါထီၣ်ကီၢ်အံၣ်စရ့လးအပှၤဂီၢ်မုၢ်အစးတကယၤ, အါန့ၢ်ဒံးအဝဲသ့ၣ်အနီၣ်ဂံၢ်အိၣ်ခဲအံၤ, ဒီးမ်နကအိၣ်မူထံၣ်ဘၣ်အဝဲမၤတၢ်အံၤန့ၣ်တက့ၢ်. ဘၣ်ဆၣ်ဒီးဘၣ်မနုၤအဃိလၢနဲဒၣ်တၢ်ဒိၣ်ကစၢ်စီၤပၤသးအိၣ်မၤ တၢ်တမံၤအံၤန့ၣ်လဲၣ်.”

လံာ်ကွဲးနီၣ်တၢ်အခီၣ်ထံးတဘ့ၣ် 21:22

စီၤဒၤဝံးစံးဘၣ်အီၤ, “ဆါန့ၢ်ယၤနကြဲၢ်တၢ်အလီၢ်ဒ်သိး ယကသူၣ်ထီၣ်တၢ်လုၢ်လီၢ်တခါလၢယွၤအဂီၢ်ကသ့ဝဲဒ်သိးကဆိကတီၢ်တၢ် သံသတြိာ်အဂီၢ်န့ၣ်တက့ၢ်. ယကဟ့ၣ်နၤလၢအပှ့ၤအလၢအပှဲၤန့ၣ်လီၤ.”

စံးထီၣ်ပတြၢၤ 106:30

ဘၣ်ဆၣ် စီၤဖံၤနဃၣ်ဆၢထၢၣ် ဒီးစံၣ်ညီၣ်ပှၤမၤကမၣ်တၢ်န့ၣ်, ဒီးတၢ်သံသတြိာ်ဆိကတီၢ်အသးလီၤ.

လံာ်တၢ်ဂံၢ် 25:8

လဲၤပိာ်ထွဲပှၤတဂၤန့ၣ်ဒီးပိာ်မုၣ်တဂၤန့ၣ်အခံဆူဒဲပူၤဒီး ဆဲးဖျိကွံာ်ပှၤခံဂၤလိာ်န့ၣ်လၢဘီန့ၣ်လီၤ. လၢကျဲဒ်သိးအံၤန့ၣ်တၢ်သံသတြိာ်လၢအမၤဟးဂီၤကီၢ်အံၣ်စရ့လး န့ၣ်ဆိကတီၢ်အသး