လံာ်စီၤၡမူၤအ့လးခံဘ့ၣ်တဘ့ၣ် 24:17 - Sgaw Karen Common Bible

¹⁷ စီၤဒၤဝံးထံၣ်ကလူးလၢအမၤသံပှၤဂီၢ်မုၢ်န့ၣ်ဒီးစံးဘၣ်ယွၤ, “ယမ့ၢ်ပှၤတဂၤလၢအတၢ်ကမၣ်အိၣ်လီၤ. ယမ့ၢ်ပှၤတဂၤလၢအမၤကမၣ်တၢ်လီၤ. ပှၤလၢအလီၤသးကညီၤတဖၣ်အံၤ မၤတ့ၢ်တၢ်မနုၤတမံၤလဲၣ်. နကြၢးစံၣ်ညီၣ်ယၤဒီးယပှၤဟံၣ်ဖိန့ၣ်လီၤ.”

လံာ်စီၤၡမူၤအ့လးခံဘ့ၣ်တဘ့ၣ် 24:17 Iomraidhean Croise

လံာ်တၢ်ကဲထီၣ်အခီၣ်ထံး 18:23

ဒီးစီၤအၤဘြၤဟၣ်သုးဘူးအသးဆူယွၤအအိၣ်ဒီးသံကွၢ်ဝဲ, “မ့ၢ်နကမၤဟးဂီၤကွံာ်ပှၤလၢအတၢ်ကမၣ်တအိၣ်ဃုာ်ဒီးပှၤလၢအတၢ် ကမၣ်အိၣ်န့ၣ်သပှၢ်တၢၢ်ဧါ.

လံာ်တၢ်ကဲထီၣ်အခီၣ်ထံး 44:33

ဒီးကစၢ်ဧၢ, ခဲကနံၣ်အံၤ, ယကအိၣ်ဖဲအံၤဒ်နကုၢ်နပှၤအသိးလၢပိာ် ခွါဖိသၣ်န့ၣ်အလီၢ်, ဒီးပျဲအဝဲက့ၤကဒါက့ၤဃုာ်ဒီးအဒီပုၢ်ဝဲၢ်ခွါအဂၤတဖၣ်တက့ၢ်.

လံာ်စီၤၡမူၤအ့လးခံဘ့ၣ်တဘ့ၣ် 12:13

စီၤဒၤဝံးစံးဝဲဒၣ်, “ယမၤဘၣ်တ့ၢ်တၢ်ဒဲးဘးထီဒါယွၤလံ.” စီၤနၤသၣ်စံးဆၢဝဲ, “ယွၤပျၢ်နၤလၢနတၢ်ဒဲးဘးလီၤ. နတသံဘၣ်ဘၣ်.

လံာ်စီၤၡမူၤအ့လးခံဘ့ၣ်တဘ့ၣ် 24:10

ဘၣ်ဆၣ်ဒီးဖဲစီၤဒၤဝံး မၤတၢ်ဂံၢ်ဒီးတၢ်ကွဲးနီၣ်ကွဲးဃါအံၤဝံၤအလီၢ်ခံန့ၣ်, အဝဲအသးလၢအသ့ၣ်ညါဒၣ်တၢ်, စးထီၣ်ဘၣ်ဒိဘၣ်ထံးဝဲ, ဒီးအဝဲစံးဘၣ်ယွၤ, “ယမၤတ့ၢ်တၢ်ဒဲးဘးလီၤပျံၤလီၤဖုးတမံၤလၢယမၤတၢ်အံၤအဃိန့ၣ်လီၤ. ဝံသးစူၤပျၢ်ယတၢ်ကမၣ်တက့ၢ်. ယမၤယသးဒ်ပှၤအမၢးတဂၤအသိးန့ၣ်လီၤ.”

လံာ်စီၤၡမူၤအ့လးခံဘ့ၣ်တဘ့ၣ် 7:8

လၢတၢ်န့ၣ်အဃိတဲဘၣ်ယခ့ယပှၤစီၤဒၤဝံလၢယၤ, ယွၤသ့တၢ်လၢာ်စံးဘၣ်အီၤဒ်အံၤ, ယဟံးထီၣ်နၤလၢတၢ်ကွၢ်ထွဲသိဖိတဖၣ် လၢပျီတဖၣ်အပူၤဒီးဒုးကဲထီၣ်နၤလၢပှၤပၢဘၣ်ယပှၤ ဂီၢ်မုၢ်အံၣ်စရ့လးန့ၣ်လီၤ.

လံာ်စီၤပၤအခီၣ်ထံးတဘ့ၣ် 22:17

စီၤမံၤကါယၤစံးဆၢဝဲ, “ယထံၣ်ဘၣ်ကီၢ်အံၣ်စရ့လးအသုးမုၢ် လီၤပြံလီၤပြါလၢကစၢၢ်ကလိအလိၤဒ်သိးလၢအပှၤကွၢ်သိ တအိၣ်ဘၣ်အသိန့ၣ်လီၤ. ဒီးယွၤစံးဝဲ, ပှၤတဖၣ်အံၤအခိၣ်အနၢ်တအိၣ်နီတဂၤဘၣ်. မ်အဝဲသ့ၣ်က့ၤကဒါက့ၤမုာ်မုာ်ဆူအဟံၣ်တက့ၢ်.”

လံာ်စီၤယိၤဘး 42:6

မၤသးဒ်န့ၣ်, ဒီးယမဲာ်ဆှးလၢကယဲၢ်တၢ်လၢယစံးတ့ၢ်ယဲ ဒီးပီၢ်ယၢ်လီၤက့ၤယသးလၢဟီၣ်ခိၣ်ကမူၣ်ဒီးဖၣ်ဆါအကျါလီၤ.

လံာ်စီၤယိၤဘး 7:20

ပှၤကွၢ်ထွဲပှၤကညီတဖၣ်တဂၤဧၢ, မ့ၢ်ယမၤဆါတ့ၢ်နၤလၢ ယတၢ်ဒဲးဘးအဃိဧါ. ဘၣ်မနုၤလၢနပာ်ယၤလၢနခးတၢ် အပနီၣ်န့ၣ်လဲၣ်. မ့ၢ်ယကဲထီၣ်တၢ်ဝံဃၢလၢနဂီၢ်ဖးဒိၣ်ဧါ.

စံးထီၣ်ပတြၢၤ 32:5

အန့ၣ်ဒီးယအၢၣ်လီၤအီလီၤယတၢ်ဒဲးဘးတဖၣ်လၢနၤ, ယတပာ်တဒၢယတၢ်မၤကမၣ်တၢ်တဖၣ်န့ၣ်ဘၣ်. ယပာ်လီၤယသးလၢယကအၢၣ်လီၤအီလီၤ ယတၢ်ဒဲးဘးလၢနၤ ဒီးနပျၢ်ကွံာ်ယတၢ်ဒဲးဘးခဲလၢာ်လီၤ. စ့လၤ

စံးထီၣ်ပတြၢၤ 44:11

နပျဲတၢ်မၤသံအီၣ်ပှၤဒ်သိတဖၣ်အသိး, ဒီးမၤလီၤပြံလီၤပြါတ့ၢ်ပှၤလၢ ပှၤကလုာ်သ့ၣ်တဖၣ်အကျါန့ၣ်လီၤ.

စံးထီၣ်ပတြၢၤ 74:1

ကစၢ်ယွၤဧၢ, ဘၣ်မနုၤလၢနညိကွံာ်ပှၤ လီၤထူလီၤယိာ်န့ၣ်လဲၣ်. ဘၣ်မနုၤလၢနတၢ်သးထီၣ်အမ့ၣ်အူခုၣ်ထီၣ်ထီဒါ နတၢ်အီၣ်ဆၣ်အလီၢ်အသိတဖုန့ၣ်လဲၣ်.

စံးထီၣ်ပတြၢၤ 78:71

ဖဲအကွၢ်ထွဲအသိအဖုအဂီၢ်တဖၣ် ဒီးဒုးကဲထီၣ်အီၤလၢ အံၣ်စရ့လးအစီၤပၤ, ကစၢ်ယွၤအပှၤဂီၢ်မုၢ်အပှၤကွၢ်သိန့ၣ်လီၤ.

လံာ်တၢ်ဟးထီၣ်ကွံာ် 10:16

ဒီးစီၤပၤကိးန့ၢ်စီၤမိၤၡ့ဒီးစီၤအၤဟရိၣ်ချ့ချ့ကလဲာ်ဒီးစံးဝဲဒၣ်, “ယမၤဒဲးဘးဘၣ်ယွၤ, သုကစၢ်ယွၤ, ဒီးသုဝဲသ့ၣ်လံ.

လံာ်ယၡါယၤ 6:5

ဒီးယစံး, “လၢယဂီၢ်တၢ်မုၢ်လၢ်တအိၣ်ဘၣ်. ယဘၣ်တၢ်စံၣ်ညီၣ်ဃါမနၤလီၤ. အဂ့ၢ်ဒ်အံၤ, တၢ်ကတိၤကိးထံၣ်ဒဲးလၢအဟဲထီၣ်လၢ ယထးခိၣ်န့ၣ်ပှဲၤဒီးတၢ်ဒဲးဘးလီၤ. ဒီးယအိၣ်ယဆိးလၢပှၤတကလုာ်လၢအတၢ်ကတိၤကိးထံၣ်ဒဲး ပှဲၤဒီးတၢ်ဒဲးဘးအကျါန့ၣ်လီၤ. ဒီးခဲကနံၣ်အံၤတခီ, ယထံၣ်ဘၣ်လံစီၤပၤ တဂၤ, ယွၤသ့တၢ်လၢာ်ကစၢ်လၢယမဲာ်ချံ ဒၣ်ယဲလီၤ.”

လံာ်ယိၤနါ 1:12

ဒီးအဝဲစံးဘၣ်ပှၤတဖၣ်န့ၣ်, “ဟံးထီၣ်ယၤဒီးတ့ၢ်လီၤကွံာ်ယၤဆူပီၣ်လဲၣ်ပူၤတက့ၢ်. ဒီးပီၣ်လဲၣ်ကအိၣ်ဂၢၢ်တပၢၢ်လၢသုဂီၢ်လီၤ. အဂ့ၢ်ဒ်အံၤ, ယသ့ၣ်ညါလၢကလံၤမုၢ်ဖးဒိၣ်အံၤဘၣ်သုလၢယတၢ်ကမၣ်အဃိန့ၣ် လီၤ.”

လံာ်စကၤရယၤ 13:7

သ့တၢ်လၢာ်အယွၤစံးဝဲဒၣ်, “ဖုးသံနီၣ်ထီၣ်နးဧၢ, ဒီးဒုးတၢ်ထီဒါပှၤကွၢ်သိလၢအမၤတၢ်လၢယဂီၢ်တက့ၢ်. မၤသံအီၤတက့ၢ်. ဒီးသိတဖၣ်ကလီၤပြံလီၤပြါကွံာ်လီၤ.

လံာ်တၢ်ဂံၢ် 16:22

ဘၣ်ဆၣ်ဒီးစီၤမိၤၡ့ဒီးစီၤအၤဟရိၣ်တီၤလီၤအိၣ်ဒီးအမဲာ်သၣ် ဆူဟီၣ်ခိၣ်လိၤဒီးစံး, “အိ, ကစၢ်ယွၤဧၢ, နမ့ၢ်သးသမူခဲလၢာ်အဂံၢ်ခီၣ်ထံးလီၤ. ဖဲပှၤတဂၤမၤတၢ်ဒဲးဘးန့ၣ်မ့ၢ်နသးဒိၣ်ထီၣ်ကမျၢၢ်ဒီဒူၣ်ဒီထၢဧါ.”