လံာ်စီၤၡမူၤအ့လးခံဘ့ၣ်တဘ့ၣ် 24:16 - Sgaw Karen Common Bible

¹⁶ ဖဲယွၤအကလူးသါကမၤဟးဂီၤကွံာ်ဝ့ၢ်ယရူၤၡလ့ၣ်အခါန့ၣ်, ယွၤဆီတလဲကွံာ်အတၢ်ပာ်သးဘၣ်ဃးဒီးတၢ်စံၣ်ညီၣ်အပှၤဂီၢ်မုၢ် န့ၣ်, ဒီးစံးဘၣ်ကလူးလၢအမၤသံအဝဲသ့ၣ်ဒ်အံၤ, “ဆိကတီၢ်တက့ၢ်.” ကလူးန့ၣ်အိၣ်ဝဲဖဲပှၤယဘူၣ်ဖိစီၤအၤရနၤ အကြဲၢ်အကပၤန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 24:16 Iomraidhean Croise

လံာ်တၢ်ကဲထီၣ်အခီၣ်ထံး 10:16

စီၤကနၤဧၣ်မ့ၢ်စ့ၢ်ကီးပှၤယဘူၣ်ဖိ, ပှၤအမိၢ်ဖိဒီးပှၤကံၢ်ကၣ်ဖိ,

လံာ်တၢ်ကဲထီၣ်အခီၣ်ထံး 6:6

အဝဲသးအုးလၢအတ့လီၤတ့ၢ်ဘၣ်အဝဲသ့ၣ်ဒီးပာ်အီၤလၢဟီၣ်ခိၣ် ချၢအဃိန့ၣ်လီၤ. အသးပှဲၤလုာ်ကွံာ်ဒီးတၢ်သးဘၣ်ဒိ ဘၣ်ထံးဖးဒိၣ်,

လံာ်စီၤၡမူၤအ့လးခံဘ့ၣ်တဘ့ၣ် 24:18

မုၢ်တနံၤဃီန့ၣ်, စီၤကးလဲၤဝဲဆူစီၤဒၤဝံးအအိၣ်ဒီးစံးဘၣ်အီၤ, “လဲၤထီၣ်ဆူစီၤအၤရနၤအကြဲၢ်, ဒီးမၤထီၣ်တၢ်လုၢ်လီၢ်တခါ လၢယွၤအဂီၢ်တက့ၢ်.”

လံာ်စီၤၡမူၤအ့လးခံဘ့ၣ်တဘ့ၣ် 5:8

လၢမုၢ်နံၤအဝဲန့ၣ်စီၤဒၤဝံးစံးဘၣ်အပှၤတဖၣ်, “မ့ၢ်ပှၤဖဲအံၤတဂၤဂၤလၢအသးဟ့ပှၤယဘူၣ်ဖိထဲသိးယၤန့ၣ် အိၣ်ဧါ. မ့ၢ်အမ့ၢ်တၢ်သးဟ့တုၤလၢတၢ်အဲၣ်ဒီးမၤသံအဝဲသ့ၣ်န့ၣ်ဧါ. မ့မ့ၢ်ဒ်န့ၣ်အဃိဒီး, လဲၤထီၣ်ခီဖျိထံအကျိၤဒီးဒုးပှၤမဲာ်ဘျီၣ်, ခီၣ်ဟးဂီၤအဖှီၣ်တဖၣ်တက့ၢ်.” (လၢတၢ်န့ၣ်အဃိတၢ်စံးဝဲလၢ, “ပှၤမဲာ်ဘျီၣ်ဒီးပှၤခီၣ်ဟးဂီၤတဖၣ်န့ၣ်လဲၤနုာ်ဆူယွၤအဟံၣ် တသ့ဘၣ်” န့ၣ်လီၤ.

လံာ်စီၤပၤအခီၣ်ထံးတဘ့ၣ် 19:4

ဒီးစီၤအ့ၤလံယၤလဲၤတၢ်သ့တနံၤကျၢၤဆူပှၢ်လၢ်ကျါန့ၣ်လီၤ. အဝဲအိၣ်ကတီၢ်ဒီးဆ့ၣ်နီၤဝဲလၢသ့ၣ်တထံးအကဒုအဖီလာ်ဒီးဆၢ ဝဲလၢကသံန့ၣ်လီၤ. အဝဲဘါထုကဖၣ်စံးဝဲ, “ယွၤဧၢ, တၢ်အံၤနးဒိၣ်မးလီၤ. ဟံးထီၣ်ကွံာ်ယသးသမူတက့ၢ်. အဂ့ၢ်ဒ်အံၤ, ယတဂ့ၤအါန့ၢ်စ့ၢ်ကီးယမိၢ်ပၢ်ဖံဖုလၢပျၢၤတဖၣ်ဘၣ်.”

လံာ်စီၤပၤခံဘ့ၣ်တဘ့ၣ် 19:35

လၢမုၢ်တနၤန့ၣ်, ယွၤအကလူးတဂၤလဲၤဆူပှၤအၤၡူၢ်ဖိအသူၣ်ဒဲ အလီၢ်ဒီးမၤသံကွံာ်ပှၤသုးဖိအဂၤတကလီၢ်ဃိးကလးဒီးယဲၢ်ကထိန့ၣ်လီၤ. လၢမုၢ်ဆ့ၣ်ထီၣ်တနံၤဂီၤဂီၤန့ၣ်, ဖဲန့ၣ်အိၣ်ထဲပှၤသံစိၣ်တဖၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 1:14

စီၤကနၤဧၣ်အစၢၤအသွဲၣ်တဖၣ်န့ၣ်မ့ၢ်ဝဲပှၤယဘူၣ်ဖိ, ပှၤအမိၢ်ဖိဒီးပှၤကံၢ်ကၣ်ဖိ,

လံာ်ကွဲးနီၣ်တၢ်ခံဘ့ၣ်တဘ့ၣ် 3:1

စီၤၡလိၤမိၤအပၢ်စီၤဒၤဝံးကတဲာ်ကတီၤပာ်တ့ၢ်လံတၢ်လီၢ်တတီၤ လၢယွၤအတၢ်လုၢ်ဟံၣ်အဂီၢ်န့ၣ်လီၤ. တၢ်လီၢ်န့ၣ်အိၣ်ဝဲလၢဝ့ၢ်ယရူၤၡလ့ၣ်အပူၤ, လၢကစၢၢ်မိၤရံယၤအဒီခိၣ်တၢ်လီၢ်ဖဲပှၤယဘူၣ်ဖိစီၤအၤရနၤသူ တ့ၢ်ဝဲဒ်ကြဲၢ်တၢ်အလီၢ်တပူၤန့ၣ်လီၤ. စီၤပၤၡလိၤမိၤစးထီၣ်တၢ်သူၣ်ထီၣ်ဘှီထီၣ်,

လံာ်ကွဲးနီၣ်တၢ်ခံဘ့ၣ်တဘ့ၣ် 32:21

ယွၤဆှၢလီၤအကလူးတဂၤလၢအမၤသံကွံာ်ကီၢ်အၤၡူၢ်အသုးဖိ တဖၣ်ဒီးအသုးခိၣ်သုးနၢ်တဖၣ်န့ၣ်လီၤ. လၢတၢ်န့ၣ်အဃိကီၢ်အၤၡူၢ်အစီၤပၤဖးဒိၣ်က့ၤကဒါက့ၤဆူ ကီၢ်အၤၡူၢ်လၢတၢ်မဲာ်ဆှးအပူၤန့ၣ်လီၤ. ဘၣ်မုၢ်တနံၤဖဲ အဝဲအိၣ်လၢအကစၢ်အတၢ်လုၢ်ဟံၣ်အပူၤအခါန့ၣ်, အဝဲအဖိခွါတနီၤမၤသံကွံာ်အီၤလၢအဝဲသ့ၣ်အနးတဖၣ်န့ၣ်လီၤ.

စံးထီၣ်ပတြၢၤ 135:14

အဂ့ၢ်ဒ်အံၤ, ယွၤကစံၣ်ညီၣ်အိၣ်ပှိၤ အပှၤဂီၢ်မုၢ်လၢအတၢ်ကမၣ်တအိၣ်, ဒီးအိၣ်ဒီးတၢ်သးကညီၤအခ့အပှၤတဖၣ်န့ၣ်လီၤ.

စံးထီၣ်ပတြၢၤ 35:6

မ်အကျဲခံး ဒီးဒုးလီၤတလံာ်တၢ်, ဒီးမ်ယွၤအကလူးလူၤအီၤတက့ၢ်.

စံးထီၣ်ပတြၢၤ 78:38

ဘၣ်ဆၣ်ကစၢ်ယွၤသူၣ်ကညီၤသးကညီၤအပှၤဂီၢ်မုၢ်လီၤ. အဝဲပျၢ်ကွံာ်အဝဲသ့ၣ်အတၢ်ဒဲးဘး ဒီးအဝဲဘိးဃၣ်ကွံာ်အတၢ်သးထီၣ်အါစုအါဘျီ ဒီးဘိးဃၣ်ကွံာ်အတၢ်သးဒိၣ်လီၤ. ဒီးတထိၣ်ဂဲၤထီၣ်အတၢ်သးကဲၤထီၣ်ဘၣ်.

စံးထီၣ်ပတြၢၤ 90:13

နတၢ်သးထီၣ်ကယံာ်ဒံးဝဲဆံးယံာ်လဲၣ်. ယွၤဧၢ, သူၣ်ကညီၤသးကညီၤလၢ် နခ့နပှၤတဖၣ်န့ၣ်တက့ၢ်.

လံာ်တၢ်ဟးထီၣ်ကွံာ် 12:13

တၢ်သွံၣ်လၢတြဲၤအထူၣ်တဖၣ်အလိၤန့ၣ်ကမ့ၢ်တၢ်ပနီၣ်တမံၤလၢဟံၣ် လၢသုအိၣ်လၢအပူၤအဂီၢ်န့ၣ်လီၤ. တုၤယထံၣ်တၢ်သွံၣ်န့ၣ်ဒီးယကလဲၤကပာ်ကွံာ်သု, ဒီးတုၤယစံၣ်ညီၣ်ပှၤအဲၤကူပတူးဖိတဖၣ်န့ၣ်ဒီးယတမၤဆါသုဘၣ်န့ၣ်လီၤ.

လံာ်တၢ်ဟးထီၣ်ကွံာ် 12:23

ဖဲယွၤလဲၤခီဂာ်ကီၢ်အဲၤကူပတူးဒ်သိးကမၤသံပှၤအဲၤကူပတူး ဖိတဖၣ်အခါန့ၣ်ကထံၣ်ဝဲတၢ်သွံၣ်အိၣ်လၢကျိၤတဖၣ်အလိၤဒီးတြဲၤ အထူၣ်တဖၣ်အလိၤဒီးတပျဲဘၣ်အတၢ်သံ အကလူးနုာ်လီၤဆူသုဟံၣ်တဖၣ်အပူၤဒီးမၤသံသုဘၣ်န့ၣ်လီၤ.

လံာ်တၢ်ဟးထီၣ်ကွံာ် 32:14

မၤသးဒ်န့ၣ်ဒီးယွၤလဲလိာ်ကွံာ်အတၢ်ပာ်လီၤသးဒီးတဒုးလီၤဘၣ် တၢ်တတၢးတနါလၢအပှၤဂီၢ်မုၢ်အလိၤလၢကမၤပျံၤမၤဖုးအဝဲ သ့ၣ်လၢၤဘၣ်.

လံာ်တၢ်ဟးထီၣ်ကွံာ် 9:28

ဒီးဃ့ကညးယွၤတက့ၢ်. အဂ့ၢ်ဒ်အံၤလီသီၣ်ဒီးသူၣ်လီၤန့ၣ်အါ လံလၢပဂီၢ်လံ. ဒီးယအၢၣ်လီၤလၢယကပျၢ်သုဒီးသုတအိၣ်တဆိးဘၣ် ဖဲအံၤလၢၤဘၣ်.”

လံာ်ယၡါယၤ 27:8

ယွၤစံၣ်ညီၣ်တ့ၢ်အပှၤဂီၢ်မုၢ်ခီဖျိတၢ်ဆှၢအီၤဆူတၢ်စိာ်မၢကဲကုၢ် အလီၢ်လီၤ. အဝဲစိာ်ကွံာ်အဝဲသ့ၣ်ခီဖျိကလံၤအအၢနးမးတခါ လၢအဟဲလၢမုၢ်ထီၣ်တခီန့ၣ်လီၤ.

လံာ်ယၡါယၤ 57:16

ယဟ့ၣ်တ့ၢ်ယပှၤဂီၢ်မုၢ်လၢတၢ်မူ, ဒီးယတပာ်တၢ်ကမၣ် လၢအဝဲသ့ၣ်အလိၤဒီးသူၣ်ဒိၣ်သးဖျိးအဝဲသ့ၣ်လီၤစိၤလီၤ ထီလၢၤဘၣ်.

လံာ်ယံးရမံယၤ 26:19

စီၤပၤဃံးစကံယၤဒီး ကီၢ်ယူဒအပှၤဂီၢ်မုၢ်တမၤသံကွံာ်ဝံမံကၤဘၣ်. အခိၣ်တလိာ်စီၤဃံးစကံယၤ ယူးယီၣ်မၤလၤကပီၤတ့ၢ်ယွၤဒီး ကျဲးစၢးမၤန့ၢ် ယွၤအတၢ်ကွၢ်မဲာ်န့ၣ်လီၤ. ဒီးယွၤလဲလိာ်တၢ်ပာ်လီၤအသး ဘၣ်ဃးတၢ်တတၢး တနါလၢ အစံးတ့ၢ်ဝဲလၢ အကဒုးဘၣ်လီၤက့ၤ ပသးလၢ တၢ်တတၢးတနါလၢ အလီၤပျံၤလီၤဖုးဒိၣ်မးတမံၤန့ၣ်လီၤ.”

လံာ်ယံးရမံယၤ 42:10

‘သုသးမ့ၢ်အိၣ်လၢ သုကအိၣ်ဆိးဘၣ်ဒံးလၢ ကီၢ်အံၤ အပူၤဒီး, ယကမၤထီၣ်သု, ဒီးတမၤလီၤပှီၢ်သုဘၣ်. ယကသူၣ်လီၤဒီး ယတထဲးလီၤကွံာ်ဘၣ်သုဘၣ်. တၢ်ဟးဂီၤလၢ ယဒုးဘၣ်သုန့ၣ် ဒုးသးအုးတ့ၢ်ယၤဒိၣ်မးလီၤ.

လံာ်ဧၤမိၣ် 7:3

ယွၤလဲလိာ်က့ၤအသးဒီးစံးဝဲ, တၢ်လၢနထံၣ်တ့ၢ်န့ၣ်တမၤအသးဘၣ်.

လံာ်ဧၤမိၣ် 7:6

ယွၤလဲလိာ်က့ၤကဒီးအသးဒီးစံးဝဲ, တၢ်အံၤတမၤအသးစ့ၢ်ကီး ဘၣ်.

လံာ်ဃဘးကူာ် 3:2

ယွၤဧၢ, ယနၢ်ဟူတ့ၢ်လံတၢ်လၢနမၤတ့ၢ်ဝဲ, ဒီးယသးပှဲၤဒီးတၢ်ကမၢကမၣ်ဖးဒိၣ်လၢတၢ်ယူးယီၣ်ပာ်ကဲ အပူၤန့ၣ်လီၤ. ခဲကနံၣ်အံၤ, တၢ်မၤဖးဒိၣ်တဖၣ်လၢနညီနုၢ်မၤအီၤန့ၣ်, မၤကဒီးလၢပစိၤပကတီၢ်တဖၣ်အပူၤတက့ၢ်. ဖဲနသးဒိၣ်အခါဒၣ်လဲာ်, သူၣ်ကညီၤသးကညီၤဒံးတၢ်တက့ၢ်.

လံာ်စကၤရယၤ 9:7

အဝဲသ့ၣ်တအီၣ်လၢၤဘၣ်တၢ်ညၣ်လၢအအိၣ်ဒီးတၢ်သွံၣ်လၢအပူၤ မ့ၢ်ဂ့ၤ, တၢ်အီၣ်အဂၤလၢအဘၣ်တၢ်တြီၤအီၤမ့ၢ်ဂ့ၤန့ၣ်ဘၣ်. ကယဲၢ်ပှၤလၢအအိၣ်လီၤတဲာ်တ့ၢ်န့ၣ်ကကဲထီၣ်ပှၤတနီၤလၢ ယပှၤဂီၢ်မုၢ်အကျါဒီးကမ့ၢ်ဒ်ပှၤအဒူၣ်တဒူၣ်လၢကီၢ်ယူဒၤအပူၤ အသိးန့ၣ်လီၤ. ဒီးပှၤဧ့ကြိၣ်ဖိကကဲထီၣ်ပှၤတနီၤလၢယ ပှၤဂီၢ်မုၢ်အကျါဒ်ပှၤယဘူၣ်ဖိအသိးန့ၣ်လီၤ.

လံာ်မၢ်ကူး 14:41

တုၤအဟဲက့ၤသၢဘျီတဘျီဒီး, အဝဲဒၣ်စံးဘၣ်အဝဲသ့ၣ်, “သုမံဘၣ်ဒံးသုသးဒီးအိၣ်ဘှံးအိၣ်သါဒံးဒၣ်အဖၢမုၢ်လီၤ ဧါ. ထဲန့ၣ်ဘၣ်လံ. တၢ်အကတီၢ်နၣ်ရံၣ်တုၤဃီၤဝဲလံ. ကွၢ်ကွၢ်ခဲအံၤပှၤကညီဖိခွါအံၤဘၣ်တၢ် ဟ့ၣ်လီၤအီၤဆူပှၤတၢ်ဒဲးဘးဖိတဖၣ်အစုပူၤလံ.

မၤတၢ် 12:23

သတူၢ်ကလာ်, ကစၢ်အကလူးတဂၤတီၢ်စီၤဟ့ၤရိာ်, အဂ့ၢ်မ့ၢ်လၢအဝဲတဟ့ၣ်တၢ်လၤကပီၤဆူကစၢ်ယွၤအအိၣ်အဃိန့ၣ်လီၤ. ဒီးထိးကလဲာ်လၢအပူၤအီၣ်ကွံာ်အီၤဒီးအဝဲဒၣ်သံဝဲန့ၣ်လီၤ.

1 ကရံၣ်သူး 10:10

ပတဘၣ်ကအုကစွါဒ်အဝဲသ့ၣ်တနီၤမၤဝဲအသိးဘၣ်. ဒီးအဝဲသ့ၣ်ဘၣ်တၢ်မၤဒၢၣ်ကွံာ်အီၤလၢတၢ်သံ အကလူးန့ၣ်လီၤ.

၂ ကရံၣ်သူး 2:6

သုဝဲအါဒၣ်တၢ်တက့ၢ် သုတၢ်စံၣ်ညီၣ်ပှၤတဂၤအံၤန့ၣ်, ဘၣ်တ့ၢ်မးလံ.

လံာ်စီၤယိၤၡူ 15:63

ဘၣ်ဆၣ်ဒီးပှၤယူၤဒၤဖိတဖၣ်ဟီထီၣ်ကွံာ် ပှၤယဘူၣ်ဖိလၢအအိၣ်လၢဝ့ၢ်ယရူၤၡလ့ၣ်အပူၤတဖၣ်တသ့ဘၣ်လီၤ. ပှၤယဘူၣ်ဖိတဖၣ်အိၣ်ဒံးဒၣ်ဝဲဖဲန့ၣ်ဃုာ်ဒီးပှၤယူဒၤဖိတဖၣ် တုၤမုၢ်မဆါတနံၤအံၤန့ၣ်လီၤ.

လံာ်ပှၤစံၣ်ညီၣ်ကွီၢ် 1:21

မ့မ့ၢ်ဘံၣ်ယၤမံၣ်အဒူၣ်အပှၤဂီၢ်မုၢ်န့ၣ်တနီၣ်ထီၣ်ကွံာ်ပှၤယဘူၣ် ဖိတဖၣ်လၢအအိၣ်လၢဝ့ၢ်ယရူၤၡလ့ၣ်အပူၤန့ၣ်ဘၣ်. ဒီးပှၤယဘူၣ်ဖိတဖၣ်အိၣ်ဆိးဃုာ်ဒီးပှၤဘံၣ်ယၤမံၣ်ဖိတဖၣ်စး ထီၣ်လၢန့ၣ်လံၤလံၤန့ၣ်လီၤ.

လံာ်ပှၤစံၣ်ညီၣ်ကွီၢ် 19:11

ဖဲအဝဲသ့ၣ်တုၤလၢဝ့ၢ်ယဘူၣ် (ဒ်ပစံးတၢ်အသိး, ဝ့ၢ်ယရူၤၡလ့ၣ်) န့ၣ်တၢ်လီၤကညီၣ်လံန့ၣ်လီၤ. ဒီးအခ့အပှၤန့ၣ်စံးဘၣ်အကစၢ်, “တကြၢးလၢပအိၣ်ကတီၢ်ဒီးမံဖဲအံၤလၢပှၤယဘူၣ်ဖိအဝ့ၢ်ဘၣ်ဧါ.”

လံာ်စီၤၡမူၤအ့လးအခီၣ်ထံးတဘ့ၣ် 15:11

“ယသးအုးလၢယဒုးကဲထီၣ်ဘၣ်စီၤစီလူးလၢစီၤပၤတဂၤအဃိ န့ၣ်လီၤ. အဝဲဃၣ်ကွံာ်အသးလၢယအိၣ်ဒီးတစူၢ်ဘၣ်ယတၢ်မၤလိာ်တဖၣ်ဘၣ်.” စီၤၡမူၤအ့လးအသးဒိၣ်ဝဲဒီးသီတနၤကျၢၤန့ၣ်ဃ့ကညးတၢ်လၢ ယွၤန့ၣ်လီၤ.