လံာ်စီၤၡမူၤအ့လးခံဘ့ၣ်တဘ့ၣ် 24:13 - Sgaw Karen Common Bible

¹³ စီၤကးလဲၤဆူစီၤဒၤဝံးအအိၣ်ဒီးတဲဘၣ်အီၤကယဲၢ်တၢ်လၢယွၤ စံးတ့ၢ်ဝဲတဖၣ်, ဒီးသံကွၢ်အီၤ, “နဃုထၢမနုၤတမံၤလဲၣ်. တၢ်သၣ်ဝံၤလီၤဒိသၢနံၣ်လၢနထံနကီၢ်အပူၤဧါ. မ့တမ့ၢ်, တၢ်ထွးထီၣ်ဃ့ၢ်လၢနဒုၣ်နဒါအမဲာ်ညါသၢလါဧါ. မ့တမၢ်တၢ်သံသတြိာ်လၢနကီၢ်ပူၤသၢသီဧါ. ခဲအံၤဆိကမိၣ်ထံ တၢ်ဂ့ၢ်အံၤတက့ၢ်. ဒီးတဲယၤယကဘၣ်က့ၤစိာ်တၢ်စံးဆၢမနုၤတမံၤဆူယွၤအအိၣ်လဲၣ်တက့ၢ်.”

လံာ်စီၤၡမူၤအ့လးခံဘ့ၣ်တဘ့ၣ် 24:13 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 21:1

ဖဲစီၤဒၤဝံးပၢတၢ်အမုၢ်နံၤတဖၣ်အပူၤန့ၣ် တၢ်သၣ်ဝံၤလီၤဒိ ဒိၣ်ဒိၣ်မုၢ်မုၢ်မၤသးယံာ်ဝဲသၢနံၣ်တီတီလီၤ. လၢတၢ်န့ၣ်အဃိစီၤဒၤဝံးသံကွၢ်တၢ်ဒီးယွၤဘၣ်ဃးတၢ်ဂ့ၢ်န့ၣ် ဒီးယွၤစံးဘၣ်အီၤ, “စီၤစီလူးဒီးအပှၤဟံၣ်ဖိဃီဖိတဖၣ်အတၢ်ကမၣ်အိၣ်လၢ အမၤသံမၤဝီတၢ်အဃိန့ၣ်လီၤ. အဝဲမၤသံတ့ၢ်ပှၤကံးဘိၣ်ဖိတဖၣ်လီၤ.”

လံာ်စီၤၡမူၤအ့လးခံဘ့ၣ်တဘ့ၣ် 24:12

“လဲၤဒီးတဲဘၣ်စီၤဒၤဝံးလၢယဟ့ၣ်အီၤတၢ်သၢမံၤလၢကဃုထၢဝဲအဂီၢ်လီၤ. တၢ်တမံၤဂ့ၤတမံၤဂ့ၤလၢအဃုထၢဝဲန့ၣ်ယကမၤ ယဲဒၣ်လီၤ.” မုၢ်ဆ့ၣ်ထီၣ်တနံၤဖဲစီၤဒၤဝံးမံဂဲၤဆၢထၢၣ်လၢအလီၢ်မံပူၤ အလီၢ်ခံန့ၣ်,

လံာ်စီၤပၤခံဘ့ၣ်တဘ့ၣ် 8:1

ဒီးခဲအံၤစီၤအလံၤၡါတဲဘၣ်ပိာ်မုၣ်လၢအအိၣ်ဆိးလၢဝ့ၢ်ၡူ န့ၣ်, လၢအဝဲမၤမူထီၣ်န့ၢ်က့ၤအဖိခွါလၢ, ယွၤကဒုးလီၤဘၣ်တၢ်သၣ် ဝံၤလီၤဒိတမံၤလၢကီၢ်န့ၣ်, လၢကယံာ်ဝဲနွံနံၣ်, ဒီးလၢအဝဲကဘၣ်ဟးထီၣ်ဃုာ်ဒီးအပှၤဟံၣ်ဖိဃီဖိ, ဒီးလဲၤဒီးအိၣ်ဆိးလၢတၢ်လီၢ်အဂၤတတီၤတီၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 21:12

တၢ်သၣ်ဝံၤလီၤဒိကအိၣ်ဝဲသၢနံၣ်ဧါ. မ့တမ့ၢ်နကဃ့ၢ်ကွံာ်လၢနဒုၣ်နဒါအသုးမုၢ်တဖၣ်အတၢ်လူၤနၤသၢလါ ဧါ. မ့တမ့ၢ်ယွၤကဘၣ်ထီဒါနၤသၢသီလၢအနးဒီးဒုးအိၣ်ထီၣ်တၢ်သံသ တြိာ်တမံၤကမၤအသးလၢကီၢ်ပူၤခီဖျိ သူအကလူးလၢကမၤသံတၢ်လၢကီၢ်အံၣ်စရ့လးသကုၤန့ၣ်ဧါ. ယကဘၣ်က့ၤဟ့ၣ်ယွၤတၢ်စံးဆၢမနုၤတမံၤလဲၣ်.”

စံးထီၣ်ပတြၢၤ 91:6

တၢ်သံသတြိာ်လၢအလဲၤတၢ်လၢတၢ်ခံးကျါမ့ၢ်ဂ့ၤ, ဒီးတၢ်အၢတၢ်သီတဖၣ်လၢ အမၤသံတၢ်လၢမုၢ်ဆါမ့ၢ်ဂ့ၤန့ၣ်ဘၣ်.

လံာ်တၢ်ဟးထီၣ်ကွံာ် 7:25

ဒီးနွံသီပူၤကွံာ်ဝဲဖဲယွၤတီၢ်ထံကျိဝံၤအလီၢ်ခံန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 26:20

ဒီးသုတၢ်မၤတၢ်လၢာ်ဂံၢ်လၢာ်ဘါကမ့ၢ်တၢ်ကလီကလီလီၤ. အဂ့ၢ်ဒ်အံၤ, သုဟီၣ်ခိၣ်တဟ့ၣ်ထီၣ်တၤသူတၤသၣ်နီတမံၤ ဘၣ်ဒီးသုသ့ၣ်အထံးတဖၣ်တသၣ်ထီၣ်ဝဲဒၣ်ဘၣ်.

လံာ်တၢ်ဘူၣ်ထီၣ်ဘါထီၣ် 26:25

ဒီးယကဟဲစိာ်တၢ်ဒုးတၢ်ယၤလၢအမ့ၢ်တၢ်စံၣ်ညီၣ်သုလၢသု လုၢ်သ့ၣ်ခါပတာ်ယတၢ်အၢၣ်လီၤအီလီၤအဃိန့ၣ်လီၤ. ဒီးသုမ့ၢ်ပာ်ဖှိၣ်ထီၣ်သုသးလၢသုဝ့ၢ်တဖၣ်အပူၤလၢ တၢ်ပူၤဖျဲးအဂီၢ်ဒီးယကဆှၢလီၤတၢ်ဆါသံသတြိာ်လၢသုကျါဒီး သုကဘၣ်တၢ်မၤဆူၣ်သုဒီးဟ့ၣ်လီၤကွံာ်သုဆူသုဒုၣ်သုဒါအစုပူၤန့ၣ်လီၤ.

လံာ်လူၤကၣ် 4:25

ဒိကနၣ်ယတၢ်ကတိၤတက့ၢ်. လၢဝံအ့ၤလံယၤအစိၤအဆၢ ကတီၢ်, ဖဲမူခိၣ်တစူၤလၢသၢနံၣ်ဃုလါအတီၢ်ပူၤ, ဒီးတၢ်သၣ်ဝံၤလီၤဒိနးမးအိၣ်ထီၣ်ဝဲဒၣ်သကုၤကီၢ်အံၣ်စရ့လး အပူၤန့ၣ်, မုၣ်ကမဲအိၣ်ဝဲအါဒံအါဂၤလၢထံကီၢ်အပူၤလီၤ.

လံာ်သိၣ်လီၤသီလီၤတၢ် 28:22

ယွၤကတီၢ်သုဒီးတၢ်ဆူးတၢ်ဆါတဖၣ်လၢအဘၣ်ကူဘၣ်ဂာ်တၢ်သ့, အိၣ်ဒီးတၢ်ညိးထီၣ်ဒီးတၢ်လိၤကိၢ်, အဝဲကဆှၢလီၤတၢ်ယီၤဃ့ဒီးကလံၤကိၢ်တဖၣ်လၢကမၤဟးဂီၤကွံာ် သုတၢ်မုၢ်တၢ်ဘိတဖၣ်န့ၣ်လီၤ. တၢ်တတၢးတနါတဖၣ်အံၤကအိၣ်ဒီးသုတုၤလီၤလၢသုသံတစုန့ၣ်လီၤ.

လံာ်သိၣ်လီၤသီလီၤတၢ် 28:25

ယွၤကဟ့ၣ်သုဒုၣ်သုဒါတဖၣ်အတၢ်မၤနၢၤလၢသုဖီခိၣ်လီၤ. သုကလဲၤထီၣ်ဒုးအဝဲသ့ၣ်လၢကျိၤကျဲတကျိၤ, ဘၣ်ဆၣ်သုကဘၣ်ဃ့ၢ်ကွံာ်လၢအဝဲသ့ၣ်အအိၣ်လၢကျိၤကျဲခဲလၢာ်အပူၤ, ဒီးကယဲၢ်ပှၤဂီၢ်မုၢ်ခဲလၢာ်လၢဟီၣ်ခိၣ်ချၢကပျံၤဘၣ်ဖုးဘၣ်တၢ် ဖဲအဝဲသ့ၣ်ထံၣ်တၢ်လၢအမၤအသးဒီးသုန့ၣ်လီၤ.

လံာ်သိၣ်လီၤသီလီၤတၢ် 28:27

ယွၤကဒုးလီၤဘၣ်တၢ်ဝ့တဖၣ်လၢသုလိၤ, ဒ်အမၤတ့ၢ်ဝဲလၢပှၤအဲၤကူပတူးဖိတဖၣ်အလိၤအသိးန့ၣ်လီၤ. အဝဲကမၤပှဲၤသုနီၢ်ခိဒီဂၤညါဒီးတၢ်ပူၤလီၢ်တဖၣ်လီၤ. သုကဘၣ်တၢ်လုၣ်ဘၢသုဒီးတၢ်သးဃ့တဖၣ်ဒီးတၢ်ကသးသု, ဘၣ်ဆၣ်တၢ်မၤဘျါက့ၤသုတအိၣ်ဘၣ်နီတမံၤဘၣ်.

လံာ်သိၣ်လီၤသီလီၤတၢ် 28:35

ယွၤကမၤပှဲၤသုခီၣ်တဖၣ်ဒီးတၢ်ပူၤလီၢ်လၢအဆါမးဒီးတၢ်မၤဘျါအီၤတန့ၢ်တဖၣ်လီၤ. သုကအိၣ်ပှဲၤဒီးတၢ်ဝ့တဖၣ်စးထီၣ်လၢသုခိၣ်တုၤလၢသုခီၣ်န့ၣ်လီၤ.

လံာ်သိၣ်လီၤသီလီၤတၢ် 28:52

အဝဲသ့ၣ်ကဟဲထီၣ်ဒုးဝ့ၢ်ကိးဖျၢၣ်ဒဲးလၢထံကီၢ်လၢယွၤ, သုကစၢ်ယွၤဟ့ၣ်လီၤသုအပူၤ, ဒီးတၢ်ဒူၣ်တဖၣ်လၢအထီ ဒီးအိၣ်ခၢၣ်သနၢၣ်လၢသုနာ်န့ၢ်အီၤန့ၣ်ကလီၤပှီၢ်ကွံာ်ဝဲလီၤ.

လံာ်စီၤၡမူၤအ့လးအခီၣ်ထံးတဘ့ၣ် 25:17

ဆိကမိၣ်ကွၢ်တၢ်အံၤဒီးစံၣ်ညီၣ်တဲာ်တၢ်လၢနကဘၣ်မၤအီၤတက့ၢ်. တၢ်အံၤကဲထီၣ်တၢ်တတၢးတနါလၢပကစၢ်အဂီၢ်ဒီးအဒူၣ်ဖိ ထၢဖိခဲလၢာ်အဂီၢ်သ့ဝဲလီၤ. အဝဲဒၣ်အခိၣ်ကိၤအၢသီတုၤဒၣ်လဲာ်တကနၣ်ဘၣ်ပှၤနီတဂၤဘၣ်န့ၣ်လီၤ.”