လံာ်စီၤၡမူၤအ့လးခံဘ့ၣ်တဘ့ၣ် 24:10 - Sgaw Karen Common Bible

¹⁰ ဘၣ်ဆၣ်ဒီးဖဲစီၤဒၤဝံး မၤတၢ်ဂံၢ်ဒီးတၢ်ကွဲးနီၣ်ကွဲးဃါအံၤဝံၤအလီၢ်ခံန့ၣ်, အဝဲအသးလၢအသ့ၣ်ညါဒၣ်တၢ်, စးထီၣ်ဘၣ်ဒိဘၣ်ထံးဝဲ, ဒီးအဝဲစံးဘၣ်ယွၤ, “ယမၤတ့ၢ်တၢ်ဒဲးဘးလီၤပျံၤလီၤဖုးတမံၤလၢယမၤတၢ်အံၤအဃိန့ၣ်လီၤ. ဝံသးစူၤပျၢ်ယတၢ်ကမၣ်တက့ၢ်. ယမၤယသးဒ်ပှၤအမၢးတဂၤအသိးန့ၣ်လီၤ.”

လံာ်စီၤၡမူၤအ့လးခံဘ့ၣ်တဘ့ၣ် 24:10 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 12:13

စီၤဒၤဝံးစံးဝဲဒၣ်, “ယမၤဘၣ်တ့ၢ်တၢ်ဒဲးဘးထီဒါယွၤလံ.” စီၤနၤသၣ်စံးဆၢဝဲ, “ယွၤပျၢ်နၤလၢနတၢ်ဒဲးဘးလီၤ. နတသံဘၣ်ဘၣ်.

လံာ်စီၤၡမူၤအ့လးခံဘ့ၣ်တဘ့ၣ် 24:17

စီၤဒၤဝံးထံၣ်ကလူးလၢအမၤသံပှၤဂီၢ်မုၢ်န့ၣ်ဒီးစံးဘၣ်ယွၤ, “ယမ့ၢ်ပှၤတဂၤလၢအတၢ်ကမၣ်အိၣ်လီၤ. ယမ့ၢ်ပှၤတဂၤလၢအမၤကမၣ်တၢ်လီၤ. ပှၤလၢအလီၤသးကညီၤတဖၣ်အံၤ မၤတ့ၢ်တၢ်မနုၤတမံၤလဲၣ်. နကြၢးစံၣ်ညီၣ်ယၤဒီးယပှၤဟံၣ်ဖိန့ၣ်လီၤ.”

လံာ်စီၤပၤအခီၣ်ထံးတဘ့ၣ် 8:35

ဖဲနတြီဃာ်တၢ်ဟဲစူၤ, မ့ၢ်လၢနပှၤဂီၢ်မုၢ်မၤတ့ၢ်တၢ်ဒဲးဘးထီ ဒါနၤအဃိ, ဒီးတုၤအဝဲသ့ၣ်ပီၢ်ယၢ်လီၤက့ၤအသးဒီးကွၢ်ဃီၤယွၤအတၢ်လုၢ် ဟံၣ်အံၤ, ဒီးဃ့ဘါထုကဖၣ်ဆူနအိၣ်လၢတၢ်ဆီၣ်လီၤသးအပူၤန့ၣ်,

လံာ်ကွဲးနီၣ်တၢ်အခီၣ်ထံးတဘ့ၣ် 21:7

တၢ်လၢအမၤတ့ၢ်အသးအံၤကစၢ်ယွၤတဘၣ်အသးဘၣ်အဃိ စံၣ်ညီၣ်တ့ၢ်အံၣ်စရ့လးန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 21:8

စီၤဒၤဝံးစံးဘၣ်ကစၢ်ယွၤ, “ယမၤဘၣ်တ့ၢ်တၢ်ဒဲးဘးလီၤပျံၤ လီၤဖုးတမံၤခီဖျိတၢ်မၤအံၤန့ၣ်လီၤ. ဝံသးစူၤပျၢ်ယတၢ်ကမၣ်တက့ၢ်. ယမၤဘၣ်တၢ်ဒ်ပှၤဟးဂီၤဖိတဂၤအသိးန့ၣ်လီၤ.”

လံာ်ကွဲးနီၣ်တၢ်ခံဘ့ၣ်တဘ့ၣ် 16:9

ယွၤကွၢ်ထံကွၢ်ဆးတၢ်လၢဟီၣ်ခိၣ်ဒီဘ့ၣ်ညါအဖီခိၣ်, ဒ်သိးအကဟ့ၣ်ဂံၢ်ဟ့ၣ်ဘါပှၤတဖၣ်လၢအအိၣ်ဒီးတၢ်သးတီဒီးအီၤ န့ၣ်လီၤ. နမၤတ့ၢ်လံတၢ်ဒ်ပှၤအမၢးတဂၤဒီးစးထီၣ်ခဲအံၤန့ၣ်နကဘၣ်ဒုး တၢ်ယၤတၢ်ထီဘိန့ၣ်လီၤ.”

လံာ်ကွဲးနီၣ်တၢ်ခံဘ့ၣ်တဘ့ၣ် 32:26

ဘၣ်ဆၣ်ဒီးလၢခံကတၢၢ်န့ၣ်, စီၤဃံးစကံယၤဒီးဝ့ၢ်ယရူၤရှလ့ၣ် အပှၤဂီၢ်မုၢ်ဆီၣ်လီၤအသး, ဒီးလၢတၢ်န့ၣ်အဃိ, တချုးဒံးဘၣ်လၢစီၤဃံးစကံယၤသံဝံၤန့ၣ်ယွၤတစံၣ် ညီၣ်ဘၣ်ပှၤဂီၢ်မုၢ်ဘၣ်လီၤ.

လံာ်စီၤယိၤဘး 7:21

နပျၢ်ယတၢ်ဒဲးဘးတသ့လၢၤဘၣ်ဧါ. နကွၢ်ကပာ်ကွံာ်တၢ်ကမၣ် လၢယမၤဘၣ်အီၤတသ့ဘၣ်ဧါ. တယံာ်ဘၣ်ဒီးယကအိၣ်ယဲလၢ ယသွၣ်ခိၣ်အပူၤဒီးဖဲနဃုယၤန့ၣ်ယတအိၣ်လၢၤဘၣ်.

စံးထီၣ်ပတြၢၤ 32:5

အန့ၣ်ဒီးယအၢၣ်လီၤအီလီၤယတၢ်ဒဲးဘးတဖၣ်လၢနၤ, ယတပာ်တဒၢယတၢ်မၤကမၣ်တၢ်တဖၣ်န့ၣ်ဘၣ်. ယပာ်လီၤယသးလၢယကအၢၣ်လီၤအီလီၤ ယတၢ်ဒဲးဘးလၢနၤ ဒီးနပျၢ်ကွံာ်ယတၢ်ဒဲးဘးခဲလၢာ်လီၤ. စ့လၤ

လံာ်တၢ်ဟးထီၣ်ကွံာ် 10:16

ဒီးစီၤပၤကိးန့ၢ်စီၤမိၤၡ့ဒီးစီၤအၤဟရိၣ်ချ့ချ့ကလဲာ်ဒီးစံးဝဲဒၣ်, “ယမၤဒဲးဘးဘၣ်ယွၤ, သုကစၢ်ယွၤ, ဒီးသုဝဲသ့ၣ်လံ.

တၢ်ကတိၤဒိ. 28:13

နမ့ၢ်ကျဲးစၢးပာ်ခူသူၣ်နတၢ်ဒဲးဘးတဖၣ်ဒီး, နတမၤန့ၢ်မၤနၢၤတၢ်လၢတၢ်အိၣ်မူအပူၤနီတစုဘၣ်. အၢၣ်လီၤဒီးညိကွံာ်အီၤတက့ၢ်. အန့ၣ်ဒီး, ကစၢ်ယွၤကဒုးနဲၣ်အတၢ်သးကညီၤလၢနၤလီၤ.

လံာ်ဟိၤၡ့ 14:2

ဟဲက့ၤဆူယွၤအအိၣ်ဒီးဒုးကဲထီၣ်တၢ်ထုကဖၣ်အံၤလၢတၢ်လုၢ်တၢ် ပာ်ဆူအအိၣ်တက့ၢ်. ပျၢ်လၢ်ဘၣ်ပတၢ်ဒဲးဘးတဖၣ်ခဲလၢာ်ဒီးတူၢ်လိာ်ပတၢ်ထုကဖၣ်, ဒီးပကစံးထီၣ်ပတြၢၤနၤဒ်ပအၢၣ်လီၤတ့ၢ်အသိးန့ၣ်လီၤ.

လံာ်ယိၤအ့လး 2:12

ဒီးယွၤစံးဝဲဒၣ်, ခဲကနံၣ်အံၤပီၢ်ယၢ်လီၤက့ၤသုသးနီၢ်နီၢ်, ဒီးဟဲက့ၤကဒါက့ၤဆူယအိၣ်, အိၣ်ဒီးတၢ်ဒုၣ်တၢ်အီၣ်တၢ်အီ, ဒီးတၢ်ဟီၣ်တၢ်ယၢၤဒီးသူၣ်အုးသးအုးန့ၣ်တက့ၢ်.

လံာ်တၢ်ဂံၢ် 12:11

စီၤအၤဟရိၣ်စံးဘၣ်စီၤမိၤၡ့, “ဝံသးစူၤ, တၢ်ဒိၣ်ဧၢ, တဘၣ်ဒုးတူၢ်ပှၤလၢတၢ်စံၣ်ညီၣ်အံၤလၢပတၢ်ဒဲးဘးအမၢး အဃိတဂ့ၤ.

လံာ်မၢ်ကူး 7:22

တၢ်အဲၣ်ဘၢမါအဲၣ်ဘၢဝၤ, တၢ်မၤတၢ်သူၣ်လီသးကွံတၢ်, တၢ်အၢတၢ်သီကိးကလုာ်ဒဲး, တၢ်လီတၢ်ဝ့ၤ, တၢ်တဃံတလၤ, တၢ်သးကါ, တၢ်ဒုၣ်ဒွဲၣ်စံးအၢ, တၢ်ပာ်ထီၣ်ထီသး, ဒီးတၢ်သူၣ်တဆးသးတဆးတဖၣ်လီၤ.

လံာ်ယိၤဟၣ် 1:29

မုၢ်ဆ့ၣ်ထီၣ်တနံၤစီၤယိၤဟၣ်ထံၣ်ဘၣ်ယ့ၣ်ၡူးဟဲဆူအအိၣ်ဒီး စံးဝဲ, “ကွၢ်ကွၢ်အဝဲမ့ၢ်ကစၢ်ယွၤအသိဖိလၢအစိာ်ထီၣ်ကွံာ် ပှၤဟီၣ်ခိၣ်ဖိအတၢ်ဒဲးဘးန့ၣ်လီၤ.

လံာ်ယိၤဟၣ် 8:9

ဖဲအဝဲသ့ၣ်နၢ်ဟူတၢ်အံၤဝံၤဒီးဟးထီၣ်ကွံာ်ဝဲတဂၤဘၣ်တဂၤ, ပှၤလၢအသးပှၢ်တဖၣ်ဟးထီၣ်လၢညါန့ၣ်လီၤ. ယ့ၣ်ၡူးအိၣ်တီၢ်ထဲတဂၤဧိၤဒီးပိာ်မုၣ်န့ၣ်အိၣ်ဆၢထၢၣ်ဒံးဒၣ် ဖဲန့ၣ်လီၤ.

လံာ်သိၣ်လီၤသီလီၤတၢ် 32:6

သုဝဲပှၤဟးဂီၤဖိ, ပှၤဂီၢ်မုၢ်လၢတဂိာ်တသီၣ်ဘၣ်တၢ်ဧၢ, တၢ်အံၤမ့ၢ်အမ့ၢ်ကျဲလၢသုကဘၣ်မၤဘၣ် ယွၤန့ၣ်ဧါ. အဝဲမ့ၢ်သုပၢ်, သုတၢ်တ့အကစၢ်, အဝဲဒုးကဲထီၣ်တ့သုလၢပှၤ တကလုာ်န့ၣ်လီၤ.

တံတူး 3:3

အဂ့ၢ်ဒ်လဲၣ်န့ၣ်, ပဝဲစ့ၢ်ကီးတဘျီန့ၣ်ပမ့ၢ်တ့ၢ်ပှၤဟးဂီၤဖိ, ပတစူၢ်တၢ်ဘၣ်, ဒီးပမၤကမၣ်တၢ်လီၤ. ပကဲတ့ၢ်ကုၢ်လၢတၢ်သူၣ်လီသးကွံဒီးတၢ်မၤမုာ်လၤသးဖှံ ပသးလၢတၢ်အကလုာ်ကလုာ်အပူၤန့ၣ်လီၤ. ပမၤလၢာ်တ့ၢ်ပမုၢ်နံၤတဖၣ်လၢတၢ်ဆၢအၢပှၤဂၤဒီးတၢ်သူၣ်က့ၣ် သးကါအပူၤလီၤ. ပှၤဂၤတဖၣ်သးဟ့ပှၤဒီးပသးဟ့အဝဲသ့ၣ် န့ၣ်လီၤ.

၁ ယိၤဟၣ် 1:9

ဘၣ်ဆၣ်ဒီး, ပမ့ၢ်တဲလီၤကျဲၤလီၤပတၢ်ဒဲးဘးတဖၣ်ဒီး, အဝဲဒၣ်ကတီဒီးအတၢ်အၢၣ်လီၤအီလီၤဒီးမၤတၢ်လၢအဘၣ် န့ၣ်လီၤ. အဝဲကပျၢ်ကွံာ်ပတၢ်ဒဲးဘးတဖၣ်ဒီး, မၤကဆှီထီၣ်ပှၤလၢပတၢ်ကမၣ်ခဲလၢာ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 13:13

စီၤၡမူၤအ့လးစံးဆၢဝဲဒၣ်, “တၢ်န့ၣ်မ့ၢ်တၢ်မၢးအတၢ်မၤ တမံၤလၢတၢ်ကမၤအီၤအဂီၢ်လီၤ. နတစူၢ်တ့ၢ်ယွၤအတၢ်မၤလိာ်လၢနကစၢ်ယွၤဟ့ၣ်လီၤတ့ၢ်နၤန့ၣ်ဘၣ်. နမ့ၢ်စူၢ်ဒီးအဝဲကပျဲနၤဒီးနစၢၤနသွဲၣ်တဖၣ်ပၢဘၣ် ကီၢ်အံၣ်စရ့လး လီၤထူလီၤယိာ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 24:5

ဘၣ်ဆၣ်ဒီးစးထီၣ်ဖဲန့ၣ်, စီၤဒၤဝံးအခီၣ်ၡ့ၣ်စးထီၣ်မၤတံာ်တာ်အီၤ,

လံာ်စီၤၡမူၤအ့လးအခီၣ်ထံးတဘ့ၣ် 24:6

ဒီးအဝဲစံးဘၣ်အပှၤတဖၣ်, “မ်ယွၤပၢၤဃးယၤလၢတၢ်မၤဆါဘၣ် ယကစၢ်, လၢယွၤဃုထၢအီၤဒ်စီၤပၤတဂၤအသိးန့ၣ်တက့ၢ်. တစဲးဖိဒၣ်လဲာ်ယတဘၣ်မၤဆါဘၣ်အီၤဘၣ်. အဂ့ၢ်ဒ်အံၤ, အဝဲမ့ၢ်စီၤပၤလၢအဘၣ်တၢ်ဃုထၢအီၤလၢယွၤလီၤ.”

လံာ်စီၤၡမူၤအ့လးအခီၣ်ထံးတဘ့ၣ် 26:21

စီၤစီလူးစံးဆၢဝဲဒၣ်, “ယမၤကမၣ်တ့ၢ်တၢ်လံ. ဟဲက့ၤကဒါက့ၤစီၤဒၤဝံး, ယဖိခွါဧၢ, ယတမၤဆါကဒီးနၤနီတစုလၢၤဘၣ်. အဂ့ၢ်ဒ်အံၤ, နပျဲပူၤဖျဲးယသးသမူလၢတနၤအံၤအဃိလီၤ. ယမ့ၢ်တ့ၢ်ပှၤအမၢးတဂၤလီၤ. ယမၤတ့ၢ်တၢ်အၢတၢ်သီဖးဒိၣ်လီၤ.”