လံာ်စီၤၡမူၤအ့လးခံဘ့ၣ်တဘ့ၣ် 23:8 - Sgaw Karen Common Bible

⁸ ပှၤတဖၣ်အံၤမ့ၢ်စီၤဒၤဝံးအပှၤသုးဖိတဖၣ်လၢအမံၤဟူသၣ်ဖျါ န့ၣ်လီၤ. အခီၣ်ထံးတဂၤမ့ၢ်ဝဲ, စီၤယိစဘးဘၡဘး လၢတၤဃမိၣ်န့ၣ်လီၤ. အဝဲမ့ၢ်ပှၤအခိၣ်လၢပှၤသၢဂၤအကျါတဂၤဒီး အဝဲဒုးတၢ်ဒီးအဘီထီဒါပှၤအဂၤဃိးကယၤဒီးမၤသံကွံာ်အဝဲသ့ၣ် ခဲလၢာ်လၢတၢ်ဒုးတဘျီအပူၤန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 23:8 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 10:7

စီၤဒၤဝံးနၢ်ဟူဘၣ်တၢ်ဂ့ၢ်န့ၣ်ဒီးဆှၢလီၤစီၤယိၤအာ်ထီဒါ အဝဲသ့ၣ်ဃုာ်ဒီးသုးမုၢ်ဒီတဖုညါန့ၣ်လီၤ.

လံာ်စီၤပၤအခီၣ်ထံးတဘ့ၣ် 1:8

မ့မ့ၢ်ပှၤလုၢ်တၢ်အခိၣ်စီၤစၤဒိး, စီၤဘနါယၤလၢအမ့ၢ်စီၤ ယဟိၤယဒါအဖိခွါ, ဝံနၤသၣ်, စီၤၡံမံၤ, စီၤရ့ဧံၤဒီးစီၤဒၤဝံးအပှၤခိးအသးသမူသ့ၣ်တဖၣ်တအိၣ်လၢ စီၤအဒိနံၤယၤအအိၣ်တကပၤဘၣ်.

လံာ်ကွဲးနီၣ်တၢ်အခီၣ်ထံးတဘ့ၣ် 11:10

အအံၤမ့ၢ်တၢ်ကွဲးနီၣ်ကွဲးဃါဘၣ်ထွဲဒီးစီၤဒၤဝံးအပှၤသုး ဖိအမံၤဟူသၣ်ဖျါတဖၣ်န့ၣ်လီၤ. အဝဲသ့ၣ်တဖၣ်ဃုာ်ဒီးပှၤအံၣ်စရ့လးဖိအိၣ်လီၤတဲာ်တဖၣ်န့ၣ်, မၤစၢၤသကိးစီၤဒၤဝံးဒ်သိးကကဲထီၣ်ဘၣ်စီၤပၤအဂီၢ်ဒ်ယွၤ အၢၣ်လီၤတ့ၢ်အသိးဒီးအဝဲသ့ၣ်ပၢၤဃာ်အဘီအမုၢ်ဒ်သိးကအိၣ်ဂၢၢ် အိၣ်ကျၢၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 27:1

အအံၤမ့ၢ်တၢ်ကွဲးနီၣ်ဘၣ်ထွဲဒီးပှၤအံၣ်စရ့လးဖိ, အဟံၣ်ဖိဃီဖိအခိၣ်တဖၣ်ဒီးဒူၣ်ထၢအခိၣ်အနၢ်တဖၣ်ဒီး အဝဲသ့ၣ်အပဒိၣ်ပပှၢ်တဖၣ်လၢအပၢဆှၢတ့ၢ်ဘီမုၢ်အတၢ်ဖံးတၢ်မၤန့ၣ်လီၤ. တလါစုာ်စုာ်လၢတနံၣ်အတီၢ်ပူၤန့ၣ်, ပှၤခံကလးလွံၢ်ကထိဂၤ တကရူၢ်စုာ်စုာ်လၢအလီၤဆီလိာ်အသးန့ၣ်, ဘၣ်ဟံးန့ၢ်မူဒါလၢအဝဲန့ၣ်အသုးခိၣ်ဖးဒိၣ်အတၢ်ပၢဆှၢအဖီ လာ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 27:2

သုးခိၣ်ဖးဒိၣ်တဖၣ်လၢတလါဘၣ်တလါအတၢ်ရဲၣ်တၢ်ကျဲၤမ့ၢ်ဒ်လာ် အံၤအသိးလီၤ. တၢတလါ, စီၤစးဘဒံၤအ့လးအဖိခွါစီၤယၤၡၤဘၣ်.

လံာ်ကွဲးနီၣ်တၢ်အခီၣ်ထံးတဘ့ၣ် 27:32

စီၤပၤစီၤဒၤဝံးအဖါတံၢ်စီၤယိၤနၤသၣ်မ့ၢ်တ့ၢ်ပှၤဟ့ၣ်ကူၣ် ဟ့ၣ်ဖးတၢ်သ့ဂ့ၤဒိၣ်မးတဂၤဒီးပှၤသ့လံာ်သ့လဲၢ်ဂ့ၤဂ့ၤ ကလဲာ်တဂၤန့ၣ်လီၤ. အဝဲဒီးစီၤဃၤကမိၣ်အဖိခွါစီၤယဃံအ့လးမ့ၢ်ပှၤအခိၣ်အဒိၣ် ကတၢၢ်လၢအကွၢ်ထွဲစီၤပၤအဖိခွါတဖၣ်အတၢ်မၤလိမၤဒိးန့ၣ်လီၤ.

လံာ်ပှၤစံၣ်ညီၣ်ကွီၢ် 15:15

တုၤနုၤတစု, အဝဲထံၣ်န့ၢ်ကသ့ၣ်ယီၤသံတယံာ်ဒံးဘၣ်အခၣ်ဃံတဘိ န့ၣ်လီၤ. အဝဲထၢထီၣ်ဝဲဒီးမၤသံကွံာ်ပှၤတကထိဂၤန့ၣ်လီၤ.