လံာ်စီၤၡမူၤအ့လးခံဘ့ၣ်တဘ့ၣ် 23:5 - Sgaw Karen Common Bible

⁵ ဒီးတၢ်န့ၣ်မ့ၢ်ကစၢ်ယွၤကဆိၣ်ဂ့ၤယစၢၤယသွဲၣ်တဖၣ် ဒ်လဲၣ်ဒ်လဲၣ်အဂ့ၢ်, မ့ၢ်လၢအဝဲမၤတ့ၢ်တၢ်အၢၣ်လီၤအီလီၤအထူအယိာ်တမံၤဒီးယၤ, ဒီးတၢ်အၢၣ်လီၤခံခီယၢ်ခီတမံၤလၢအဟးဂီၤကွံာ်အီၤတသ့ဘၣ်, တၢ်အၢၣ်လီၤတမံၤလၢတၢ်လဲလိာ်ကွံာ်တသ့ဘၣ်န့ၣ်လီၤ. တၢ်န့ၣ်မ့ၢ်တၢ်ခဲလၢာ်လၢယမိၢ်န့ၢ်သးလီၤအီၤန့ၣ်လီၤ. တၢ်န့ၣ်ကမ့ၢ်ယတၢ်မၤနၢၤ, ဒီးကစၢ်ယွၤကမၤလၢထီၣ်ပှဲၤထီၣ်အီၤသပှၢ်တၢၢ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 23:5 Iomraidhean Croise

လံာ်တၢ်ကဲထီၣ်အခီၣ်ထံး 9:16

တုၤတၢၢ်ကွဲၤဖျါထီၣ်လၢတၢ်အၢၣ်အကျါန့ၣ်ဒီးယကထံၣ်တၢ်အံၤဒီး သ့ၣ်နီၣ်ထီၣ်က့ၤတၢ်အၢၣ်လီၤအီလီၤလီၤထူလီၤယိာ်လၢယမၤဒီး ကယဲၢ်တၢ်မူတၢ်သါခဲလၢာ်လၢဟီၣ်ခိၣ်ဖီခိၣ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 12:10

ခဲကနံၣ်အံၤ, လၢစိၤကိးစိၤဒဲးအပူၤ, နစၢၤနသွဲၣ်တနီၤကသံဝဲလၢတၢ်သံဆူၣ်သံစိးတမံၤ, မ့ၢ်လၢနတစူၢ်ယၤဘၣ်ဒီးနဟံးန့ၢ်စီၤအူၤရံယၤအမါ အဃိန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 13:14

ဘၣ်ဆၣ်ဒီးအဝဲတကနၣ်ဘၣ်ပိာ်မုၣ်န့ၣ်ဘၣ်. ဒီးမ့ၢ်လၢအဝဲအဂံၢ်အဘါဆူၣ်န့ၢ်ပိာ်မုၣ်န့ၣ်အဃိ အဝဲမၤနၢၤကွံာ်အီၤဒီးမၤဆူၣ်မၤစိးအီၤန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 13:28

ဒီးမၤလိာ်ပိာ်လီၤအခ့အပှၤတဖၣ်ဒ်အံၤ, ဖဲစီၤအၤမနိၣ် မုာ်လၤလၢတၢ်အီစပံးထံအါမးအခါန့ၣ်, ပာ်သူၣ်ပာ်သး, ဒီးတုၤယဟ့ၣ်လီၤယကလုၢ်န့ၣ်, မၤသံကွံာ်အီၤတက့ၢ်. ပျံၤတၢ်တဂ့ၤ. ယကဟံးန့ၢ်မူဒါလၢယနီၢ်ကစၢ်ဒၣ်ယဲလီၤ. အိၣ်ဒီးတၢ်သးဒူဒီးမၤသုသးယၢ်တံၢ်ယၢ်တၢၤတဂ့ၤ.

လံာ်စီၤၡမူၤအ့လးခံဘ့ၣ်တဘ့ၣ် 18:14

စီၤယိၤအာ်စံးဝဲဒၣ်, “ယတမၤလၢာ်အါထီၣ်ယတၢ်ဆၢကတီၢ်ဒီးနၤနီတစဲးလၢၤဘၣ်.” အဝဲစိာ်ထီၣ်ဘီသၢဘ့ၣ်ဒီးဆဲးနုာ်အီၤဆူစီၤအးဘၡါလိၣ်အသးနါပှၢ်အပူၤ, ဖဲအဝဲမူဒံးဝဲအဖၢမုၢ်ဒီးအိၣ်လီၤစဲၤဝဲလၢသ့ၣ်သ့ထိးဖၣ် အလိၤအခါန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 7:12

ဖဲနသံဒီးဘၣ်တၢ်ခူၣ်လီၤကွံာ်နၤဃုာ်ဒီးနမိၢ်ပၢ်ဖံဖုလၢ ပျၢၤတဖၣ်န့ၣ်, ယကဒုးကဲထီၣ်နဖိခွါတဖၣ်အကျါတဂၤ လၢစီၤပၤဒီးဒုးဆူၣ်ထီၣ်အဘီအမုၢ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 7:18

တုၤနုၤတစု, စီၤပၤစီၤဒၤဝံးလဲၤနုာ်ဆူယွၤအဒဲစီဆှံလၢ ယွၤအိၣ်ဝဲဆိးဝဲအပူၤ, ဆ့ၣ်နီၤဝဲဒီးဘါထုကဖၣ်ဝဲ, “ယွၤ, ပၢဘၣ်တၢ်ခဲလၢာ်ကစၢ်ဧၢ, ယၤမ့ၢ်ဂ့ၤ, ယပှၤဟံၣ်ဖိဃီဖိမ့ၢ်ဂ့ၤ, တကြၢးဘၣ်ဒီးတၢ်လၢနမၤတ့ၢ်အီၤလၢယဂီၢ်န့ၣ်ဘၣ်.

လံာ်စီၤပၤအခီၣ်ထံးတဘ့ၣ် 1:5

ဒီးခဲအံၤမ့ၢ်လၢစီၤအးဘၡါလိၣ်သံလံအဃိ, စီးဒၤဝံးဒီးနီၢ်ဃးကံၤအဖိခွါစီၤအဒိနံၤယၤမ့ၢ်ဖိခွါ အဒိၣ်ကတၢၢ်လၢဖိလၢအအိၣ်မူတ့ၢ်တဖၣ်အကျါန့ၣ်လီၤ. အဝဲသူၣ်ဆူၣ်သးဂဲၤလၢကကဲထီၣ်ဘၣ်စီၤပၤဒိၣ်မးလီၤ. လၢအကစၢ်ဒၣ်ဝဲအဂီၢ်, အဝဲကတဲာ်ကတီၤလ့ၣ်ကဟၣ်တဖၣ်, ကသ့ၣ်တဖၣ်ဒီးပှၤလၢအကလဲၤယုၤဒီးကဟုကယာ်အီၤယဲၢ်ဆံဂၤန့ၣ် လီၤ.

လံာ်စီၤပၤအခီၣ်ထံးတဘ့ၣ် 11:38

နမ့ၢ်စူၢ်ယၤလၢလၢပှဲၤပှဲၤ, အိၣ်မူလၢယတၢ်သိၣ်တၢ်သီ တဖၣ်အပူၤဒီးမၤန့ၢ်ယတၢ်ဘၣ်သူၣ်ဘၣ်သးနၤခီဖျိမၤတၢ်လၢယမၤ လိာ်နၤ, ဒ်ယခ့ယပှၤစီၤဒၤဝံးမၤတ့ၢ်ဝဲအသိးန့ၣ်ဒီးယကအိၣ်ဒီးနၤထီ ဘိန့ၣ်လီၤ. ယကဒုးကဲထီၣ်နၤလၢကီၢ်အံၣ်စရ့လးအစီပၤ, ဒီးသပှၢ်ကတၢၢ်နစၢၤနသွဲၣ်တဖၣ်ကပၢဘၣ်တၢ်လၢနလီၢ်ခံ, ဒ်ယမၤတ့ၢ်တၢ်လၢစီၤဒၤဝံးအဂီၢ်အသိးန့ၣ်လီၤ.

လံာ်စီၤပၤအခီၣ်ထံးတဘ့ၣ် 12:14

ဒ်ပှၤသးစၢ်တဖၣ်အတၢ်ဟ့ၣ်ကူၣ်အီၤအသိးန့ၣ်လီၤ. အဝဲစံးဝဲဒၣ်, “ယပၢ်ပာ်လီၤတ့ၢ်တၢ်ဝံဃၢယိးဃၢတဖၣ်လၢသု လိၤဒီးယကမၤဃၢအါထီၣ်အီၤနးန့ၢ်အလီၢ်တက့ၢ်လီၤ. အဝဲဖျ့သုလၢနီၣ်ဖျ့တဖၣ်မ့မ့ၢ်ယဲဒၣ်အံၤယကတီၢ်သုလၢနီၣ် တီၢ်ကသ့ၣ်န့ၣ်လီၤ.”

စံးထီၣ်ပတြၢၤ 111:9

အဝဲမၤထူၣ်ဖျဲးအပှၤဂီၢ်မုၢ်, ဒီးမၤတၢ်အၢၣ်လီၤအီလီၤအထူအယိာ်တမံၤဒီး အဝဲသ့ၣ်န့ၣ်လီၤ. အမံၤန့ၣ်မ့ၢ်ဝဲတၢ်စီဆှံ ဒီးတၢ်လီၤပျံၤအလီၢ်န့ၣ်လီၤ.

စံးထီၣ်ပတြၢၤ 119:81

ယွၤဧၢ, ယလီၤဘှံးယဲလၢယအိၣ်ခိးကွၢ်လၢ် နတၢ်အုၣ်က့ၤခီၣ်က့ၤယၤန့ၣ်လီၤ. ယပာ်ယတၢ်နာ်လၢနကလုၢ်နကထါအပူၤန့ၣ်လီၤ.

စံးထီၣ်ပတြၢၤ 27:4

ယဃ့တ့ၢ်ယွၤလၢတၢ်တမံၤအဂီၢ်, ယဆၢန့ၢ်ဘၣ်ထဲတၢ်တမံၤဧိၤ, ဒ်သိးယကအိၣ်ကဆိးဘၣ်လၢယွၤအဟံၣ်ပူၤတစိၤဒၣ်ယၤ, လၢယကထံၣ်ဘၣ်ယွၤအတၢ်ဂ့ၤတၢ်ဝါ ဒီးဃ့န့ၢ်ယွၤအတၢ်ပၢတၢ်ဆှၢန့ၣ်လီၤ.

စံးထီၣ်ပတြၢၤ 62:2

ယလၢၢ်ဒီးတၢ်အုၣ်က့ၤခီၣ်က့ၤယၤ, ယတၢးထီၣ်ထီန့ၣ်မ့ၢ်ထဲအဝဲဒၣ်ဧိၤလီၤ. ယတဟူးတဝးဘၣ်နီတစဲးဘၣ်.

စံးထီၣ်ပတြၢၤ 89:3

နစံးတ့ၢ်နဲ, “ယမၤတ့ၢ်တၢ်အၢၣ်လီၤဒီးယပှၤဃုထၢဖိတဂၤ, ယဆိၣ်တၢ်ဒီးယခ့ယပှၤစီၤဒၤဝံးလၢ,

လံာ်ယၡါယၤ 11:1

အစီၤလိၣ်စီၤပၤအတၢ်လီၤစၢၤလီၤသွဲၣ်လၢစီၤဒၤဝံးန့ၣ်လီၤ ဂာ်ဒ်သ့ၣ်တထံးလၢအဘၣ်တၢ်ကူာ်လီၤကွံာ်အီၤအသိးလီၤ. ဘၣ်ဆၣ်ဒီး, ဒ်သ့ၣ်ဒ့အသီတဖၣ်ဟဲဒိးပဒုၣ်ထီၣ်ဝဲလၢသ့ၣ်ခိၣ် ဆၢၣ်အလိၤအသိးန့ၣ်, စီၤပၤအသီတဂၤကဟဲအိၣ်ထီၣ်ဝဲလၢစီၤဒၤ ဝံးအစၢၤအသွဲၣ်တဖၣ်အကျါန့ၣ်လီၤ.

လံာ်ယၡါယၤ 27:6

မုၢ်နံၤတဖၣ်လၢအကဟဲအပူၤန့ၣ်, ကီၢ်အံၣ်စရ့လးအပှၤဂီၢ်မုၢ် လၢအဟဲလီၤစၢၤလၢစီၤယၤကိာ်, ကစဲၤလီၤအဂံၢ်ဒ်သ့ၣ်တထံး အသိးဒီးအဝဲသ့ၣ်ကဘိၣ်ထီၣ်ဆှိးထီၣ်ဒီးဟီၣ်ခိၣ်ကပှဲၤဒီးတၤ သၣ်လၢအဟ့ၣ်ထီၣ်ဝဲလီၤ.

လံာ်ယၡါယၤ 4:2

တၢ်ဆၢကတီၢ်ဟဲဝဲဖဲယွၤကပျဲတၢ်မုၢ်တၢ်ဘိဒီးသ့ၣ်ကိးထံးဒဲး လၢကီၢ်ပူၤကဒိၣ်ထီၣ်ဒီးဃံလၤဝဲလီၤ. ကယဲၢ်ပှၤအံၣ်စရ့လးဖိခဲလၢာ်လၢအမူဒံးတဖၣ်ကသူၣ်မုာ်သးခုဝဲ ဒီးပာ်ကဖၢလၢအသးလၢဟီၣ်ခိၣ်ဟ့ၣ်ထီၣ်ဝဲအတၤသူတၤသၣ် တဖၣ်အဃိလီၤ.

လံာ်ယၡါယၤ 54:10

ကစၢၢ်ကလိဒီးတၢ်လူၢ်တဖၣ်ကလီၤပှီၢ်ကွံာ်ဝဲ, မ့မ့ၢ်ယတၢ်အဲၣ်သုတကတၢၢ်နီတစုဘၣ်. ယကဟံးဃာ်ဂၢၢ်ကျၢၤယတၢ် အၢၣ်လီၤဘၣ်ဃးတၢ်ဃူတၢ်ဖိးန့ၣ်လီၤစိၤလီၤထီလီၤ.” ယွၤလၢအအဲၣ်သုစံးဝဲဒ်န့ၣ်လီၤ.

လံာ်ယၡါယၤ 55:3

ဒိကနၣ်ခဲအံၤ, ယပှၤဂီၢ်မုၢ်သ့ၣ်ဧၢ, ဒီးဟဲဆူယအိၣ်တက့ၢ်. ဟဲဆူယအိၣ်ဒီးသုကန့ၢ်ဘၣ်တၢ်မူလီၤ. ယကမၤတၢ်အၢၣ်လီၤအီလီၤအထူအယိာ်ဒီးသု ဒီးဟ့ၣ်သုတၢ်ဆိၣ်ဂ့ၤတဖၣ်လၢယအၢၣ်လီၤတ့ၢ်စီၤဒၤဝံးန့ၣ်လီၤ.

လံာ်ယၡါယၤ 61:8

ယွၤစံးဝဲဒၣ်, “ယအဲၣ်တၢ်စံၣ်ညီၣ်တီဒီးယသးဟ့တၢ်မၤအၢမၤနး ဒီးတၢ်မၤကမၣ်တၢ်လီၤ. ယကဟ့ၣ်ဘျုးက့ၤယပှၤဂီၢ်မုၢ်လၢ တၢ်သူၣ်တီသးရၤအပူၤ ဒီးမၤတၢ်အၢၣ်လီၤအီလီၤအထူအယိာ်တမံၤဒီး အဝဲသ့ၣ်လီၤ.

လံာ်ယၡါယၤ 7:14

ဂ့ၤလံ. ယွၤအကစၢ်ဒၣ်ဝဲကဟ့ၣ်သုတၢ်ပနီၣ်တမံၤလီၤ. ပိာ်မုၣ်သးစၢ်တဂၤလၢအဒၢထီၣ်ဝဲန့ၣ်ကအိၣ်ဒီးအဖိခွါတဂၤ ဒီးကယုၢ်န့ၢ်အမံၤဝဲလၢ “ဧံးမၤနူၤအ့လး” လီၤ.

လံာ်ယံးရမံယၤ 32:40

ယကမၤတၢ်အၢၣ်လီၤအီလီၤ အထူအယိာ်တမံၤဒီး အဝဲသ့ၣ်န့ၣ်လီၤ. ယတဆိကတီၢ်ယတၢ်မၤဂ့ၤ တဖၣ်တၢ်လၢ အဝဲသ့ၣ်အဂီၢ်နီတစုဘၣ်, ဒီးယကမၤပှဲၤ အဝဲသ့ၣ် အသးဒီး တၢ်ပျံၤယၤဒ်သိး အဝဲသ့ၣ်အသုတဃၣ်ကွံာ်အသးလၢ ယၤနီတစုတဂ့ၤအဂီၢ်န့ၣ်လီၤ.

လံာ်ယံးရမံယၤ 33:21

ဒ်န့ၣ်အသိး, ယမၤတ့ၢ်စ့ၢ်ကီး တၢ်အၢၣ်လီၤအီလီၤတမံၤဒီး ယခ့ယပှၤစီၤဒၤဝံး, လၢထီဘိအဝဲကအိၣ်ဒီး အစၢၤအသွဲၣ် တဂၤ လၢကကဲစီၤပၤအဂီၢ်, ဒီးယမၤတၢ်အၢၣ်လီၤအီလီၤတမံၤဒီး ပှၤလုၢ်တၢ်အခိၣ်တဖၣ်လၢ လ့ၤဝံအဒူၣ်တခီလၢ ထီဘိအဝဲ သ့ၣ်ကမၤယတၢ်မၤန့ၣ်လီၤ. ဒီးတၢ်အၢၣ်လီၤအီလီၤတဖၣ်အံၤ တၢ်မၤဟးဂီၢ်အီၤတန့ၢ်ဘၣ်နီတစုဘၣ်.

လံာ်ယဃ့းစက့လး 37:26

ယကမၤတၢ်အၢၣ်လီၤတမံၤဒီးအဝဲသ့ၣ်လၢကဟ့ၣ်တၢ်အုၣ်ခီၣ်သး လၢအဝဲသ့ၣ်အတၢ်ဘံၣ်တၢ်ဘၢအစိၤစိၤအဃၣ်ဃၣ်အဂီၢ်န့ၣ်လီၤ. ယကမၤကျၢၤအဝဲသ့ၣ်ဒီးဒုးအါထီၣ်အဝဲသ့ၣ်အနီၣ်ဂံၢ်ဒီးပာ်ယတၢ် လုၢ်ဟံၣ်လၢအဝဲသ့ၣ်အကီၢ်ပူၤ, ဖဲတၢ်လုၢ်ဟံၣ်န့ၣ်ကအိၣ်ဝဲဖဲန့ၣ် လီၤစိၤလီၤထီန့ၣ်လီၤ.

လံာ်ဧၤမိၣ် 9:11

ယွၤစံးဝဲဒၣ်, မုၢ်တနံၤဟဲဝဲ, ဖဲယကမၤအိၣ်ထီၣ်က့ၤစီၤဒၤဝံးအဘီအမုၢ်လၢအလီၤဂာ်ဝဲဒ်ဟံၣ် တဖျၢၣ်လၢအလီၤပှီၢ်ကွံာ်ဆူတၢ်ဟးဂီၤတဖၣ်အပူၤအသိးန့ၣ်လီၤ. ယကဘှီက့ၤအဒူၣ်တဖၣ်ဒီးမၤကျၢၤထီၣ်အီၤလီၤ. ယကသူၣ်ထီၣ်ကဒါက့ၤအီၤဒီးပာ်က့ၤဒ်လၢပျၢၤအသိးန့ၣ်လီၤ.

မၤတၢ် 13:34

ဒီးအဝဲအံၤမ့ၢ်တၢ်လၢကစၢ်ယွၤစံးတ့ၢ်ဝဲဘၣ်ဃးဒီးတၢ် ဒုးဂဲၤဆၢထၢၣ်က့ၤအီၤလၢတၢ်သံ, လၢအတသံလၢၤနီတစုဘၣ်န့ၣ်လီၤ. ‘ယကဟ့ၣ်သုတၢ်ဆိၣ်ဂ့ၤအစီအဆှံ ဒီးအဂၢၢ်အကျၢၤ လၢယအၢၣ်လီၤအီလီၤတ့ၢ်စီၤဒၤဝံးလၢ ယကဟ့ၣ်အီၤန့ၣ်လီၤ.’

ဧ့ၤဘြံၤ 13:20

ကစၢ်ယွၤဒုးဂဲၤထၢၣ်သမူထီၣ်က့ၤကစၢ်ယ့ၣ်ၡူးလၢအမ့ၢ် ပှၤကွၢ်သိဖးဒိၣ်လၢအတူၢ်သံအသးလၢအသိတဖၣ်အဂီၢ် ဒီးခီဖျိတၢ်အံၤန့ၣ်, တၢ်အၢၣ်လီၤအီလီၤအထူအယိာ်ဘၣ်တၢ်ဃံၤဃာ်အီၤန့ၣ်လီၤ.

ဧ့ၤဘြံၤ 6:19

ပအိၣ်ဒီးတၢ်မုၢ်လၢ်အံၤဒ်ပသးသမူအနီၣ်သက့ၤအသိးလီၤ. တၢ်မုၢ်လၢ်အံၤမ့ၢ်တၢ်လၢအလီၤတံၢ်ဒီးဂၢၢ်ဝဲကျၢၤဝဲ ဒီးလဲၤနုာ်ပၢၢ်တုၤလၢတၢ်စီဆှံအလီၢ်ဖျိကွံာ်ယၣ်ဘျးလီၤအသး,

လံာ်စီၤၡမူၤအ့လးအခီၣ်ထံးတဘ့ၣ် 2:35

ယကဃုထၢထီၣ်ပှၤလုၢ်တၢ်အခိၣ်တဂၤလၢအသူၣ်ကတီသးကလိၤဒီးယၤ ဒီးမၤကယဲၢ်တၢ်ကိးမံၤလၢယအဲၣ်ဒိးအကမၤဝဲဒၣ်န့ၣ်လီၤ. ယကဟ့ၣ်အီၤလၢအစၢၤအသွဲၣ်တဖၣ်လၢအကမၤတၢ်လၢ စီၤပၤလၢယဃုထၢထီၣ်အီၤအမဲာ်ညါန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 25:28

တၢ်ဒိၣ်ဧၢ, ဝံသးစူၤပျၢ်ကယဲၢ်တၢ်လၢယမၤကမၣ်ဘၣ်တ့ၢ်အီၤတမံၤလၢ်လၢ်န့ၣ်တက့ၢ်. ယွၤကဒုးကဲထီၣ်နၤဒီးနစၢၤနသွဲၣ်တဖၣ်စ့ၢ်ကီးလၢစီၤပၤလီၤ. အဂ့ၢ်ဒ်အံၤ, နဒုးအတၢ်ဒုးတဖၣ်ဒီးလၢနအိၣ်မူဒံးအမုၢ်နံၤတဖၣ် န့ၣ်နတဘၣ်မၤတၢ်အၢတၢ်သီနီတမံၤဘၣ်လီၤ.