လံာ်စီၤၡမူၤအ့လးခံဘ့ၣ်တဘ့ၣ် 23:23 - Sgaw Karen Common Bible

²³ အဝဲမ့ၢ်ပှၤဖျိးစိလၢအဝဲသ့ၣ်အကျါ, ဘၣ်ဆၣ်ဒီးအမံၤတဟူသၣ်တဖျါထဲသိးဒီးပှၤသၢဂၤန့ၣ်ဘၣ်. စီၤဒၤဝံးပာ်အီၤဒ်သုးဖိလၢအခိးအဝဲအသးသမူတဖၣ်အခိၣ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 23:23 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 20:23

စီၤယိၤအာ်မ့ၢ်ကီၢ်အံၣ်စရ့လးအသုးမုၢ်အသုးခိၣ်ကျၢၢ်န့ၣ်လီၤ. စီၤယဟိယဒါအဖိခွါစီၤဘနါယၤမ့ၢ်ပှၤအခိၣ်လၢအကွၢ်ထွဲ ပှၤခိးစီၤဒၤဝံးအသးသမူတဖၣ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 23:22

တၢ်တဖၣ်န့ၣ်မ့ၢ်တၢ်မၤအဒူအဃိၤတဖၣ်လၢစီၤဘနါယၤ, လၢအမ့ၢ်ပှၤအဂၤသၢဆံအကျါတဂၤမၤတ့ၢ်ဝဲန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 23:24

ပှၤအဂၤတဖၣ်လၢပှၤအခိၣ်အဂၤသၢဆံအကျါန့ၣ်အိၣ်ဃုာ်ဒီး စီၤယိၤအာ်အဒီပုၢ်ဝဲၢ်စီၤဧစၤအ့လး, ပှၤဝ့ၢ်ဘ့ၤသလ့ဃ့ၣ်ဖိစီၤဒိဒိၤအဖိခွါစီၤအ့လယၤနၣ်,

လံာ်စီၤၡမူၤအ့လးခံဘ့ၣ်တဘ့ၣ် 8:8

အဝဲဟဲက့ၤစိာ်စ့ၢ်ကီးတၢ်ပီးတၢ်လီအနီၣ်ဂံၢ်အါအါဂီၢ်ဂီၢ် လၢဝ့ၢ်ဘ့ၤကၤဒီးဝ့ၢ်ဘ့ၤရိသဲၤ, ဝ့ၢ်တဖၣ်လၢစီၤဟးဒးဧ့စ့ၢ်ပၢဘၣ်ဝဲအပူၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 27:6

အဝဲမ့ၢ် ပှၤသၢဆံ အခိၣ်တဂၤန့ၣ်လီၤ. (အဖိခွါစီၤဧၤမံစဘးထီၣ် က့ၤအလီၢ်ဒ်ကရူၢ်အသုးခိၣ်ဖးဒိၣ်န့ၣ်လီၤ).

လံာ်ပှၤစံၣ်တဲၤတဲလီၤတၢ် 4:12

တၢ်ဟဲထီဒါတမံၤလၢအမၤနၢၤပှၤအိၣ်ထဲတဂၤဧိၤန့ၣ်ပှၤခံဂၤ တြီဆၢဝဲသ့န့ၣ်လီၤ. ပျံၤပိၤအသးလၢပျံၤဖိသၢဘိန့ၣ်, တၢ်မၤတဲာ်အီၤကီလီၤ.

လံာ်စီၤၡမူၤအ့လးအခီၣ်ထံးတဘ့ၣ် 22:14

စီၤအဃံၤမ့လ့းစံးဆၢဝဲဒၣ်, “စီၤဒၤဝံးမ့ၢ်သုးခိၣ်သုး နၢ်တဂၤလၢအသူၣ်တီသးလိၤဒီးနၤလၢနဒိးန့ၢ်ဘၣ်အီၤန့ၣ်လီၤ. အဝဲမ့ၢ်နမာ်ဒၣ်နဲဒီးပှၤပၢၤနသးသမူတဖၣ်အခိၣ်, ဒီးဘၣ်တၢ်ပာ်ကဲအီၤဒိၣ်မးလၢပှၤကိးဂၤလၢအအိၣ်လၢစီၤပၤအနူၢ်ပူၤစီၤပူၤလီၤ.