လံာ်စီၤၡမူၤအ့လးခံဘ့ၣ်တဘ့ၣ် 23:20 - Sgaw Karen Common Bible

²⁰ ပှၤကၤဘစ့လးဖိစီၤယဟိၤယဒါအဖိခွါစီၤဘနါယၤမ့ၢ်ပှၤသုး ဖိအမံၤဟူသၣ်ဖျါအဂၤတဂၤန့ၣ်လီၤ. အဝဲမၤတ့ၢ်တၢ်မၤအဒူအဃိအါမး, အိၣ်ဃုာ်ဒီးတၢ်မၤသံကွံာ်ပှၤမိၤအးဖိအသုးဖိအဂ့ၤကတၢၢ်ခံဂၤန့ၣ်လီၤ. တဘျီဖဲမူခိၣ်ဖီလီၤဝဲတနံၤန့ၣ်, အဝဲလဲၤလီၤဝဲဆူတၢ်ပူၤ တပူၤဒီးမၤသံကွံာ်ခ့ယုၢ်တဒုန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 23:20 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 1:23

စီၤစီလူးဒီးစီၤယိနၤသၣ်မ့ၢ်ပှၤလီၤလးဒီးပှၤလီၤအဲၣ် လီၤကွံတဖၣ်လီၤ. မူသကိးဒ်သိးသိးသံသကိးဝဲဒ်သိးသိးန့ၣ်လီၤ. မ့ၢ်ပှၤချ့န့ၢ်ဒံးလံာ်ကြီကြာ်တဖၣ်ဒီးအဂံၢ်အဘါဆူၣ် န့ၢ်ဒံးခ့ယုၢ်တဖၣ်တက့ၢ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 20:23

စီၤယိၤအာ်မ့ၢ်ကီၢ်အံၣ်စရ့လးအသုးမုၢ်အသုးခိၣ်ကျၢၢ်န့ၣ်လီၤ. စီၤယဟိယဒါအဖိခွါစီၤဘနါယၤမ့ၢ်ပှၤအခိၣ်လၢအကွၢ်ထွဲ ပှၤခိးစီၤဒၤဝံးအသးသမူတဖၣ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 23:19

အဝဲမ့ၢ်ပှၤမံၤဟူသၣ်ဖျါအဒိၣ်ကတၢၢ်လၢပှၤသၢဆံအကျါဒီးကဲ ထီၣ်ဝဲပှၤအခိၣ်န့ၣ်လီၤ. ဘၣ်ဆၣ်ဒီးအမံၤတဟူထဲသိးဒီးပှၤသၢဂၤန့ၣ်ဘၣ်.

လံာ်စီၤၡမူၤအ့လးခံဘ့ၣ်တဘ့ၣ် 23:21

အဝဲမၤသံကွံာ်စ့ၢ်ကီးပှၤအဲၤကူပတူးဖိတဂၤ, လၢအမ့ၢ်ပှၤတဂၤလၢအနီၢ်ကစၢ်ဖးဒိၣ်အိၣ်ဒီးအဘီတဘ့ၣ် လၢအစိာ်ဃးဝဲဒ်အစုကဝဲၤအသိးန့ၣ်လီၤ. စီၤဘနါယၤဒုးအီၤလၢအနီၣ်တီၢ်ဒီးဂုာ်န့ၢ်ဘီတဘ့ၣ်န့ၣ်ချ့သဒံး လၢပှၤအဲၤကူပတူးဖိအစုပူၤဒီးမၤသံကွံာ်အီၤလၢဘီ န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 23:22

တၢ်တဖၣ်န့ၣ်မ့ၢ်တၢ်မၤအဒူအဃိၤတဖၣ်လၢစီၤဘနါယၤ, လၢအမ့ၢ်ပှၤအဂၤသၢဆံအကျါတဂၤမၤတ့ၢ်ဝဲန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 8:18

စီၤယဟိယဒါအဖိခွါစီၤဘနါယၤမ့ၢ်ပှၤအခိၣ်လၢပှၤပၢၤစီၤဒၤ ဝံးအသးသမူတဖၣ်အဂီၢ်န့ၣ်လီၤ. စီၤဒၤဝံးအဖိခွါတဖၣ်မၤန့ၢ်လီၢ်ဒိၣ်လၤထီလၢပဒိၣ်ပပှၢ်တဖၣ် အကျါန့ၣ်လီၤ.

လံာ်စီၤပၤအခီၣ်ထံးတဘ့ၣ် 1:26

ဘၣ်ဆၣ်တၢ်ဒိၣ်ဧၢ, အဝဲတကွဲဝဲယၤမ့ၢ်ဂ့ၤ, ပှၤလုၢ်တၢ်အခိၣ်စီၤ စၤဒိးမ့ၢ်ဂ့ၤ, စီၤဘနါယၤမ့ၢ်ဂ့ၤ, စီၤၡလိၤမိၤမ့ၢ်ဂ့ၤန့ၣ် ဘၣ်.

လံာ်စီၤပၤအခီၣ်ထံးတဘ့ၣ် 1:38

လၢတၢ်န့ၣ်အဃိစီၤစၤဒိး, စီၤနၤသၣ်, စီၤဘနါယၤဒီးစီၤပၤ အခ့အပှၤတဖၣ်ဒုးဒိးထီၣ်စီၤၡလိၤမိၤလၢစီၤပၤဒၤဝံးအကသ့ၣ် လၤဒီးလဲၤယုၤဒီးကဟုကယာ်အီၤတုၤလီၤဆူကံဃိၣ်အထံမူ ထီၣ်ပၢၢ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 1:8

မ့မ့ၢ်ပှၤလုၢ်တၢ်အခိၣ်စီၤစၤဒိး, စီၤဘနါယၤလၢအမ့ၢ်စီၤ ယဟိၤယဒါအဖိခွါ, ဝံနၤသၣ်, စီၤၡံမံၤ, စီၤရ့ဧံၤဒီးစီၤဒၤဝံးအပှၤခိးအသးသမူသ့ၣ်တဖၣ်တအိၣ်လၢ စီၤအဒိနံၤယၤအအိၣ်တကပၤဘၣ်.

လံာ်စီၤပၤအခီၣ်ထံးတဘ့ၣ် 2:46

အန့ၣ်ဝံၤဒီး, စီၤပၤဟ့ၣ်လီၤအကလုၢ်ဆူစီၤဘနါယၤ, ဒီးအဝဲဟးထီၣ်လဲၤမၤသံကွံာ်စီၤၡံမံၤန့ၣ်လီၤ. ဒီးဘီမုၢ်အိၣ်ဂၢၢ်ဆိးကျၢၤဝဲခဲကနံၣ်အံၤ, လၢစီၤၡလိၤမိၤအစုပူၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 12:8

အအံၤမ့ၢ်ပှၤသုးဖိလၢအမံၤဟူသၣ်ဖျါဒီးအိၣ်ဒီးအတၢ်လဲၤခီ ဖျိသ့ၣ်တဖၣ်လၢပှၤကးအဒူၣ်ဖိအကျါလၢအပာ်ဖှိၣ်အသးဒီးစီၤဒၤဝံး အသုးမုၢ်ဖဲအဝဲအိၣ်ဝဲဆိးဝဲလၢတိာ်လၢပှၢ်လၢ်ကျါန့ၣ်လီၤ. အဝဲသ့ၣ်မ့ၢ်ပှၤသ့ပှၤဘၣ်လၢကတီၤဒီးဘီသ့ၣ်တဖၣ်, ဒီးမ့ၢ်ပှၤတဖၣ်လၢအမဲာ်အိၣ်ဖျါလီၤပျံၤဒ်ခ့ယုၢ်တဖၣ်အသိးပှၤ လဲၤတၢ်ချ့ဒ်တၤဟိစဘံလၢကစၢၢ်လိၤအသိးန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 18:17

စီၤယဟိယဒါအဖိခွါစီၤဘနါယၤမ့ၢ်ပှၤအခိၣ်တဂၤလၢအခိးစီၤ ဒၤဝံးအသးသမူဒီးစီၤပၤဒၤဝံးအဖိခွါတဖၣ်ဒိးန့ၢ်တ့ၢ်လီၢ် ဒိၣ်လၤထီတဖၣ်လၢအဝဲအတၢ်မၤအပူၤန့ၣ်လီၤ.

လံာ်တၢ်ဟးထီၣ်ကွံာ် 15:15

ခိၣ်နၢ်တဖၣ်လၢကီၢ်အဒိၣ်အပူၤန့ၣ်ပျံၤတၢ်နးနးကလဲာ်, ကီၢ်မိၤအးအပှၤဂံၢ်ဆူၣ်ဘါဆူၣ်တဖၣ်ကနိးကစုာ်ဝဲ, ဒီးပှၤဂီၢ်မုၢ်လၢကီၢ်ကနၤဧၣ်အတၢ်သူၣ်ဒူသးဒူ လီၤမၢ်ကွံာ်လီၤ.

လံာ်စီၤယိၤၡူ 15:21

ဝ့ၢ်တဖၣ်လၢအဘၣ်ဃးဒီးပှၤယူဒၤဖိအဒူၣ် လၢကလံၤထံးကတၢၢ်ဆူကီၢ်အဒိၣ်အကီၢ်ဆၢန့ၣ်မ့ၢ်ဝဲဘစ့လး, ဧ့စ့ၢ်, ဒီးယၤကူၢ်,