လံာ်စီၤၡမူၤအ့လးခံဘ့ၣ်တဘ့ၣ် 23:16 - Sgaw Karen Common Bible

¹⁶ ဒီးပှၤသုးဖိမံၤဟူသၣ်ဖျါသၢဂၤ, လဲၤနုာ်ဖျိဆူၣ်ဝဲဆူပှၤ ဖလ့ၡသးဖိတဖၣ်သူၣ်ဒဲအလီၢ်, ဒၢၣ်ထီၣ်ထံလၢထံပူၤ, ဝံၤဒီးဟဲက့ၤစိာ်ဝဲဆူစီၤဒၤဝံးအအိၣ်န့ၣ်လီၤ. ဘၣ်ဆၣ်ဒီးအဝဲတအီဝဲဘၣ်. အခိၣ်တလိာ်, အဝဲလူလီၤဝဲဒ်တၢ်လုၢ်တၢ်ပာ်တမံၤအသိးလၢယွၤအဂီၢ်,

လံာ်စီၤၡမူၤအ့လးခံဘ့ၣ်တဘ့ၣ် 23:16 Iomraidhean Croise

လံာ်တၢ်ကဲထီၣ်အခီၣ်ထံး 35:14

ဖဲန့ၣ်, ဖဲတၢ်လီၢ်လၢကစၢ်ယွၤကတိၤတ့ၢ်တၢ်ဒီးအီၤန့ၣ်စီၤယၤ ကိာ်ပာ်လီၤတၢ်သ့ၣ်နီၣ်အလၢၢ်တဖျၢၣ်ဒီးပာ်စီဆှံ အီၤခီဖျိလူလီၤစပံးထံဒီးသ့ၣ်စၤယံးအသိလၢအဖီခိၣ်န့ၣ် လီၤ.

လံာ်စီၤၡမူၤအ့လးခံဘ့ၣ်တဘ့ၣ် 23:9

ပှၤခံဂၤတဂၤလၢပှၤမံၤဟူသၣ်ဖျါသၢဂၤအကျါန့ၣ်မ့ၢ်ဝဲ စီၤဒိဒိၤအဖိခွါစီၤအလၤဧစၢ်လၢပှၤအဃိဃးဖိအဒူၣ်ထၢတခီန့ၣ်လီၤ. တနံၤန့ၣ်, အဝဲဒီးစီၤဒၤဝံးတၤတၢ်ဒီးပှၤဖလ့ၡသးဖိတဖၣ်လၢ အပာ်ဖှိၣ်ထီၣ်အသးလၢတၢ်ဒုးတၢ်ယၤအဂီၢ်န့ၣ်လီၤ. ပှၤအံၣ်စရ့လးဖိတဖၣ်ဂုၤက့ၤဆူအလီၢ်ခံ,

လံာ်ကွဲးနီၣ်တၢ်အခီၣ်ထံးတဘ့ၣ် 11:18

ဒီးပှၤသုးဖိစဲၣ်နီၤသၢဂၤလဲၤခီဂာ်ဆူၣ်ပှၤဖလ့ၡသးဖိသူၣ် ဒဲအလီၢ်ဒီးဒၢၣ်န့ၢ်ထံတနီၤလၢထံပူၤ, ဒီးဟဲက့ၤစိာ်န့ၢ်စီၤ ဒၤဝံးန့ၣ်လီၤ. ဘၣ်ဆၣ်အဝဲတအီဝဲဒၣ်ဘၣ်. မ့မ့ၢ်လူလီၤကွံာ်ဝဲဒ်တၢ်လုၢ်ထီၣ်လၢယွၤအဂီၢ်အသိး,

လံာ်ပှၤစံၣ်တဲၤတဲလီၤတၢ် 4:12

တၢ်ဟဲထီဒါတမံၤလၢအမၤနၢၤပှၤအိၣ်ထဲတဂၤဧိၤန့ၣ်ပှၤခံဂၤ တြီဆၢဝဲသ့န့ၣ်လီၤ. ပျံၤပိၤအသးလၢပျံၤဖိသၢဘိန့ၣ်, တၢ်မၤတဲာ်အီၤကီလီၤ.

လံာ်သးသယုၢ်တၢ် 2:19

လၢမုၢ်နၤခီသီတနၤကျၢၤန့ၣ်ဂဲၤထၢၣ်ဝံၤ, ဂဲၤထၢၣ်ကဒီးခဲအံၤခဲအံၤလၢနကကိးပသူထီၣ်ဆူယွၤအအိၣ် တက့ၢ်. ဂၢ်လီၤနသး, ဒီးဃ့ကညးအီၤလၢကသူၣ်ကညီၤသးကညီၤနဖိတဖၣ်လၢ အသၣ်ဝံၤလီၤဒိတုၤကသံလၢကျဲကိးဘိဒဲးအသနၢၣ်တဖၣ်အဂီၢ်တက့ၢ်.

လံာ်တၢ်ဂံၢ် 28:7

လၢတၢ်လုၢ်စပံးထံဃုာ်ဒီးသိအခီၣ်ထံးတဒုအဂီၢ်န့ၣ်လူလီၤ စပံးထံတဟံၣ်လွံၢ်ပူတပူဖဲတၢ်လုၢ်လီၢ်အဖီခိၣ်န့ၣ်တက့ၢ်.

မၤတၢ် 20:24

ဘၣ်ဆၣ်ဒီး, တၢ်မၤနးမၤဖှီၣ်ယသးသမူတမ့ၢ်တၢ်အကါဒိၣ်လၢ ယဂီၢ်ဘၣ်. မ့မ့ၢ်အကါဒိၣ်ဝဲလၢယကမၤဝံၤယတၢ်မၤလၢကစၢ် ယ့ၣ်ၡူးဟ့ၣ်လီၤယၤ, လၢအမ့ၢ်ဝဲတၢ်အုၣ်သးလၢတၢ်သးခု အကစီၣ်ဘၣ်ဃးကစၢ်ယွၤအဘျုးအဖှိၣ်အဂ့ၢ်န့ၣ်လီၤ.

ရိမ့ၤ 5:7

ပှၤတဂၤကတူၢ်သံအသးလၢပှၤအတီအလိၤတဂၤအဂီၢ် န့ၣ်, မ့ၢ်တၢ်ကီတၢ်ခဲတမံၤလီၤ. ဘၣ်ဆၣ်ဒီးလၢပှၤအဂ့ၤ တဂၤအဂီၢ်န့ၣ်, ဘၣ်သ့ၣ်သ့ၣ်ပှၤကအိၣ်ဝဲတဂၤဂၤလၢ အတူၢ်သံအသးကဘူၣ်န့ၣ်လီၤ.

၂ ကရံၣ်သူး 5:14

ပဘၣ်တၢ်ပၢၤဃာ်ပှၤလၢခရံာ်အတၢ်အဲၣ်န့ၣ်လီၤ. အဂ့ၢ်မ့ၢ်လၢ, ခဲကနံၣ်အံၤ, ပပာ်သူၣ်ပာ်သးလၢပှၤတဂၤသံလၢပှၤခဲလၢာ် အဂီၢ်, အခီပညီမ့ၢ်ဝဲ, ပှၤကိးဂၤဒဲးသံဃုာ်ဒီးအီၤန့ၣ်လီၤ.

ဖံလံးပံၤ 2:17

ဘၣ်တဘၣ်, ယသးသမူအသွံၣ်ကဘၣ်တၢ်လူလီၤအီၤဒ် တၢ်လုၢ်တၢ်ပာ်လၢသုတၢ်စူၢ်တၢ်နာ်ဒၣ်ဝဲလုၢ်ထီၣ်တၢ်မၤဘူၣ် တမံၤအသိးဆူကစၢ်ယွၤအအိၣ်အဖီခိၣ်န့ၣ်လီၤ. တၢ်မ့ၢ်မၤအသးဒ်န့ၣ်ဒီးယသးခုယဲဒီးဟ့ၣ်နီၤလီၤယတၢ်သးခု ဒီးသုဝဲကိးဒံကိးဂၤဒဲးန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 19:5

အဝဲညိကွံာ်အသးသမူဖဲအမၤသံစီၤကၤလယးဒီးယွၤမၤနၢၤတၢ် ဖးဒိၣ်လၢကီၢ်အံၣ်စရ့လးအဂီၢ်လီၤ. ဖဲနထံၣ်တ့ၢ်တၢ်န့ၣ်ဒီးနသးခုလီၤ. အန့ၣ်ဒီး, ဘၣ်မနုၤအဃိခဲအံၤနအဲၣ်ဒိးမၤကမၣ်ပှၤအတၢ်ကမၣ်တအိၣ် ဘၣ်တဂၤဒီးမၤသံစီၤဒၤဝံးလၢတၢ်ဂ့ၢ်တၢ်ကျိၤတအိၣ်ဘၣ်အပူၤ န့ၣ်လဲၣ်.”

လံာ်စီၤၡမူၤအ့လးအခီၣ်ထံးတဘ့ၣ် 7:6

လၢတၢ်န့ၣ်အဃိအဝဲသ့ၣ်ပာ်ဖှိၣ်ထီၣ်အသးဖဲဝ့ၢ်မံးစပၤလီၤ. အဝဲသ့ၣ်ဒၢၣ်န့ၢ်ထံတနီၤဒီးလူလီၤအီၤဒ်တၢ်လုၢ်မၤဘူၣ်တမံၤ ဆူယွၤအအိၣ်ဒီးဒုၣ်တၢ်အီၣ်သ့တနံၤကျၢၤလီၤ. အဝဲသ့ၣ်စံး, “ပမၤတ့ၢ်တၢ်ဒဲးဘးထီဒါယွၤလီၤ.” (ဝ့ၢ်မံးစပၤန့ၣ်မ့ၢ်တၢ်လီၢ်လၢစီၤၡမူၤအ့လးမၤလိၤမၤဘၣ် တၢ်ဂ့ၢ်လိာ်ဘှီလိာ်တဖၣ်လၢပှၤအံၣ်စရ့လးဖိတဖၣ်အဘၢၣ်စၢၤန့ၣ်လီၤ.)