လံာ်စီၤၡမူၤအ့လးခံဘ့ၣ်တဘ့ၣ် 23:15 - Sgaw Karen Common Bible

¹⁵ စီၤဒၤဝံးသးသယုၢ်ဘၣ်အအိၣ်အဆိးအလီၢ်ဒီးစံးဝဲ, “ယဆၢမးလၢပှၤတဂၤဂၤကဟဲဒၢၣ်ဒုးအီယၤထံလၢထံပူၤတပူၤ လၢအအိၣ်ဖဲဝ့ၢ်ဘ့ၤသလ့ဃ့ၣ်အကျဲစၢၤတြဲၤခီၣ်ထံးန့ၣ်လီၤ.”

လံာ်စီၤၡမူၤအ့လးခံဘ့ၣ်တဘ့ၣ် 23:15 Iomraidhean Croise

လံာ်တၢ်ကဲထီၣ်အခီၣ်ထံး 35:19

ဖဲနီၢ်ရၤဃ့လးသံဝဲန့ၣ်, ဘၣ်တၢ်ခူၣ်လီၤအီၤဖဲကျဲလဲၤဆူ ဝ့ၢ်အ့ဖရးသးအကပၤလၢခဲအံၤဘၣ်တၢ်သ့ၣ်ညါအီၤလၢဝ့ၢ်ဘ့ၤသလ့ ဃ့ၣ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 23:16

ဒီးပှၤသုးဖိမံၤဟူသၣ်ဖျါသၢဂၤ, လဲၤနုာ်ဖျိဆူၣ်ဝဲဆူပှၤ ဖလ့ၡသးဖိတဖၣ်သူၣ်ဒဲအလီၢ်, ဒၢၣ်ထီၣ်ထံလၢထံပူၤ, ဝံၤဒီးဟဲက့ၤစိာ်ဝဲဆူစီၤဒၤဝံးအအိၣ်န့ၣ်လီၤ. ဘၣ်ဆၣ်ဒီးအဝဲတအီဝဲဘၣ်. အခိၣ်တလိာ်, အဝဲလူလီၤဝဲဒ်တၢ်လုၢ်တၢ်ပာ်တမံၤအသိးလၢယွၤအဂီၢ်,

လံာ်ကွဲးနီၣ်တၢ်အခီၣ်ထံးတဘ့ၣ် 11:17

စီၤဒၤဝံးသးသယုၢ်အဟံၣ်ဒီးစံးဝဲ, “ယအဲၣ်ဒိးမးလၢပှၤတဂၤ ဂၤကဟဲစိာ်န့ၢ်ယၤထံအီတခွးလၢထံပူၤလၢအအိၣ်ဖဲ ဝ့ၢ်ဘ့ၤသလ့ဃ့ၣ်အတြဲၤကပၤန့ၣ်လီၤ.”

စံးထီၣ်ပတြၢၤ 119:81

ယွၤဧၢ, ယလီၤဘှံးယဲလၢယအိၣ်ခိးကွၢ်လၢ် နတၢ်အုၣ်က့ၤခီၣ်က့ၤယၤန့ၣ်လီၤ. ယပာ်ယတၢ်နာ်လၢနကလုၢ်နကထါအပူၤန့ၣ်လီၤ.

စံးထီၣ်ပတြၢၤ 63:1

ကစၢ်ယွၤဧၢ, နမ့ၢ်ယကစၢ်ယွၤ ဒီးယသးသယုၢ်ဘၣ်နၤလီၤ. ယနီၢ်ဒီတဂၤညါဆၢန့ၢ်ဘၣ်နၤ ဒ်ကီၢ်လၢအဃ့စိၢ်ဃ့ထီဒီး ထံတအိၣ်ဘၣ်အသိးန့ၣ်လီၤ. ယသးအံၤသူအသးလၢနၤလီၤ.

လံာ်ယၡါယၤ 41:17

ဖဲယပှၤဂီၢ်မုၢ်လိၣ်ဘၣ်ဒီးဃုဝဲထံအဆၢကတီၢ် ဒီးဖဲအကိာ်ယူၢ်တဖၣ်ဃ့ထီဝဲလၢတၢ်သူအသးလၢထံအဃိန့ၣ်, ယၤ, ယွၤအံၤယကစံးဆၢအဝဲသ့ၣ်အတၢ်ထုကဖၣ်လီၤ. ယၤ, အံၣ်စရ့လးအကစၢ်ယွၤအံၤယတလဲၤသဒၣ်အဝဲသ့ၣ်နီတစုဘၣ်.

လံာ်ယၡါယၤ 44:3

ယကဟ့ၣ်လီၤထံဆူကီၢ်လၢအသးသူထံ, ဒီးဒုးယွၤလီၤထံကျိတဖၣ်လၢဟီၣ်ခိၣ်လၢအဃ့ထီအလိၤန့ၣ် လီၤ. ယကလူလီၤဂၢ်လီၤယသးလၢသုဖိတဖၣ်အဖီခိၣ်, ဒီးယတၢ်ဆိၣ်ဂ့ၤလၢသုစၢၤသုသွဲၣ်တဖၣ်အလိၤလီၤ.

လံာ်ယိၤဟၣ် 4:10

ယ့ၣ်ၡူးစံးဆၢတၢ်ဒီးစံးဘၣ်အီၤ, “နမ့ၢ်သ့ၣ်ညါတ့ၢ်ကစၢ်ယွၤ အတၢ်ဟ့ၣ်ဒီးပှၤလၢအဃ့အီနၤလၢထံတဂၤမ့ၢ်မတၤလဲၣ်န့ၣ်, နကဃ့တၢ်လၢအီၤဒီးအဝဲကဟ့ၣ်နၤထံလၢအဟ့ၣ် တၢ်မူန့ၣ်လီၤ.

လံာ်ယိၤဟၣ် 4:14

မ့မ့ၢ်ပှၤတဂၤလၢ်လၢ်လၢအအီထံလၢယကဟ့ၣ်အီအီၤန့ၣ်, အသးတသူထံနီတဘျီလၢၤဘၣ်. ထံလၢယကဟ့ၣ်အီၤန့ၣ်, ကကဲထီၣ်ထံထီၣ်ပၢၢ်လၢအပူၤလၢကဟ့ၣ်ထီၣ်တၢ်မူ အထံဒီးတၢ်မူအထူအယိာ်န့ၣ်လီၤ.”

လံာ်ယိၤဟၣ် 7:37

ဒီးလၢဘူၣ်လၢခံကတၢၢ်တနံၤ ဒီးအကါဒိၣ်ကတၢၢ်တနံၤ န့ၣ်, ယ့ၣ်ၡူးဆၢထၢၣ်ဒီးကတိၤတၢ်လၢအကလုၢ်ဖးဒိၣ်ဒီးစံးဝဲ, “ပှၤတဂၤလၢ်လၢ်လၢတၢ်သူအသးလၢထံန့ၣ်မ် အဟဲဆူယအိၣ်ဒီးအီထံတက့ၢ်.”