လံာ်စီၤၡမူၤအ့လးခံဘ့ၣ်တဘ့ၣ် 23:14 - Sgaw Karen Common Bible

¹⁴ အကတီၢ်ဖဲန့ၣ်, စီၤဒၤဝံးအိၣ်ဝဲလၢတိာ်ခၢၣ်သနၢၣ်တဖျၢၣ်အပူၤ ဒီးပှၤဖလ့ၡသးဖိတဖုမၤန့ၢ်ကွံာ်ဝ့ၢ်ဘ့ၤသလ့ဃ့ၣ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 23:14 Iomraidhean Croise

လံာ်တၢ်ကဲထီၣ်အခီၣ်ထံး 35:19

ဖဲနီၢ်ရၤဃ့လးသံဝဲန့ၣ်, ဘၣ်တၢ်ခူၣ်လီၤအီၤဖဲကျဲလဲၤဆူ ဝ့ၢ်အ့ဖရးသးအကပၤလၢခဲအံၤဘၣ်တၢ်သ့ၣ်ညါအီၤလၢဝ့ၢ်ဘ့ၤသလ့ ဃ့ၣ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 5:17

ပှၤဖလ့ၡသးဖိတဖၣ်ဘၣ်တၢ်တဲဘၣ်အီၤလၢစီၤဒၤဝံး ဘၣ်တၢ်ဒုးကဲထီၣ်အီၤလၢကီၢ်အံၣ်စရ့လးအစီၤပၤအဃိ, အဝဲသ့ၣ်အသုးမုၢ် ဟးထီၣ်ဒ်သိးကဟဲဃုဖီၣ်စီၤဒၤဝံးအဂီၢ်န့ၣ်လီၤ. ဖဲစီၤဒၤဝံးနၢ်ဟူဘၣ်တၢ်ဂ့ၢ်အံၤန့ၣ်, အဝဲလဲၤဆူတၢ်လီၢ်တပူၤဖဲတၢ်မၤခၢၣ်သနၢၣ်အီၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 12:16

ဘၣ်တဘျီပှၤတဖုလၢဘံၣ်ယၤမံၣ်အဒူၣ်ဒီးယူဒၤအဒူၣ်အကျါလဲၤဆူ စီၤဒၤဝံးအအိၣ်, ဖဲအဝဲအိၣ်ဝဲဆိးဝဲလၢတိာ်ပူၤအခါန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 10:5

အန့ၣ်ဝံၤဒီးနကလဲၤဆူကစၢ်ယွၤအကစၢၢ်အအိၣ်လၢဝ့ၢ်ကံးဘဧးအပူၤ ဖဲပှၤဖလ့ၡသးဖိတဖၣ်သူၣ်ဒဲအလီၢ်အိၣ်ဝဲတတီၤန့ၣ်လီၤ. ဖဲတၢ်လဲၤနုာ်လီၤဆူဝ့ၢ်အကျဲစၢၤန့ၣ်နကထံၣ်လိာ်ဒီးဝံတဖု ဟဲလီၤလၢတၢ်လုၢ်လီၢ်အိၣ်လၢကစၢၢ်လိၤန့ၣ်ဒ့ဒီးသီတူၢ်တဖၣ်, ပှီၢ်ဒၢတဖၣ်, အူပံတဖၣ်ဒီးမၤသီၣ်စှၢၢ်စှံးတဖၣ်န့ၣ်လီၤ. အဝဲသ့ၣ်ကဂဲၤကလံာ်ဒီးကိးပသူဝဲလီၤ.

လံာ်စီၤၡမူၤအ့လးအခီၣ်ထံးတဘ့ၣ် 13:23

ပှၤဖလ့ၡသးဖိတဖၣ်ဆှၢလီၤပှၤသုးဖိတဖုလၢကဒီဒၣ်အိၣ်ပှိၤ ဝ့ၢ်မံးကမၣ်အကျဲန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 13:4

ကယဲၢ်ပှၤအံၣ်စရ့လးဖိတဖၣ်ဘၣ်တၢ်တဲဘၣ်အီၤလၢစီၤစီလူးမၤသံကွံာ် ပှၤဖလ့ၡသးဖိအသုးခိၣ်ဒိၣ်ဒီးလၢပှၤဖလ့ၡသးဖိ တဖၣ်သးဟ့အဝဲသ့ၣ်အဂ့ၢ်န့ၣ်လီၤ. လၢတၢ်န့ၣ်အဃိပှၤဂီၢ်မုၢ်စံးဆၢတၢ်ကိးဒ်သိးကပာ်ဖှိၣ်အသး ဃုာ်ဒီးစီၤစီလူးဖဲဝ့ၢ်ကံးလကၤလးန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 14:6

စီၤယိနၤသၣ်စံးဘၣ်ပှၤသးစၢ်ပိာ်ခွါတဂၤန့ၣ်, “မ်ပလဲၤခီဃီၤဆူပှၤတစူၢ်တနာ်ယွၤ, ပှၤဖလ့ၡသးဖိတဖၣ် အသူၣ်ဒဲလီၢ်တက့ၢ်. ဘၣ်သ့ၣ်သ့ၣ်ယွၤကမၤစၢၤပှၤလီၤ. အဝဲမ့ၢ်မၤစၢၤပှၤဒီးဖဲန့ၣ်ပမ့ၢ်အိၣ်စှၤဂၤသနာ်က့, တၢ်လၢအကတြီအီၤ ဒ်သိးကဟ့ၣ်ပှၤတၢ်မၤနၢၤန့ၣ်တအိၣ်ဘၣ်နီတမံၤဘၣ်.”

လံာ်စီၤၡမူၤအ့လးအခီၣ်ထံးတဘ့ၣ် 22:1

စီၤဒၤဝံးဃ့ၢ်ထီၣ်ကွံာ်လၢကီၢ်ကၤသးအဝ့ၢ်ပူၤဒီးလဲၤဆူ လ့ကအိတခါလၢအဘူးဒီးဝ့ၢ်ဧးဒူးလၣ်လီၤ. ဖဲအဒီပုၢ်ဝဲၢ်တဖၣ်ဒီးအဟံၣ်ဖိဃီဖိလၢအအိၣ်လီၤတဲာ်တဖၣ်နၢ်ဟူလၢအအိၣ်ဖဲန့ၣ်ဒီးအဝဲသ့ၣ်လဲၤမၤသကိးတၢ်ဒီးအီၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 24:22

စီၤဒၤဝံးအၢၣ်လီၤဝဲလီၤ. အန့ၣ်ဝံၤဒီးစီၤစီလူးက့ၤကဒါ က့ၤဆူအဟံၣ်ဒီးစီၤဒၤဝံးဒီးအပှၤတဖၣ်က့ၤကဒါက့ၤဆူ အတၢ်အိၣ်ခူသူၣ်အလီၢ်န့ၣ်လီၤ.