လံာ်စီၤၡမူၤအ့လးခံဘ့ၣ်တဘ့ၣ် 23:10 - Sgaw Karen Common Bible

¹⁰ ဘၣ်ဆၣ်အဝဲဆၢထၢၣ်ဂၢၢ်ကျၢၤဝဲဒီးဒုးပှၤဖလ့ၡသးဖိတဖၣ် တုၤလၢအစုလီၤဘှါဒိၣ်မး, တုၤဒၣ်လဲာ်အစုလၣ်လၢအစှီၤဃးနးန့ၣ်အိၣ်ဃံးတံာ်အသးဒီးသလၣ် ထီၣ်က့ၤဝဲလၢကပျဲကွံာ်နးတန့ၢ်ဘၣ်လီၤ. ယွၤအိၣ်ဒီးတၢ်မၤနၢၤဖးဒိၣ်လၢမုၢ်တနံၤန့ၣ်လီၤ. တၢ်န့ၣ်ဝံၤအလီၢ်ခံ, ပှၤအံၣ်စရ့လးဖိတဖၣ်ဟဲက့ၤကဒါက့ၤဆူ တၢ်လီၢ်ဖဲစီၤအလၤဧစၢ်အိၣ်ဝဲဒီးဟံးန့ၢ်ကွံာ်ပှၤသံတဖၣ်အစုကဝဲၤန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 23:10 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 23:12

ဘၣ်ဆၣ်ဒီးစီၤၡးမၤဆၢထၢၣ်ဂၢၢ်ကျၢၤဖဲအလီၢ်လၢပျီပူၤ, တြီၤဆၢခီဆၢတၢ်ဒီးမၤသံကွံာ်ပှၤဖလ့ၡသးဖိတဖၣ်န့ၣ်လီၤ. ယွၤအိၣ်ဒီးတၢ်မၤနၢၤဖးဒိၣ်လၢမုၢ်တနံၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 5:1

ပှၤစူၤရံဖိအသုးမုၢ်, အသုးခိၣ်ကျၢၢ်စီၤနဧၤမၣ်, ဘၣ်တၢ်ပာ်ကဲအီၤဒိၣ်ဒိၣ်မုၢ်မုၢ်, ဒီးပာ်လုၢ်ဒိၣ်ပှ့ၤဒိၣ်အီၤ လၢကီၢ်စူၤရံအစီၤပၤ, မ့ၢ်လၢခီဖျိစီၤနဧၤမၣ်အဃိန့ၣ်, ယွၤဟ့ၣ်ကီၢ်စူၤရံအသုးမုၢ်တဖၣ်လၢတၢ်မၤနၢၤအဃိန့ၣ်လီၤ. အဝဲမ့ၢ်ပှၤသုးဖိလၢအဂံၢ်ဆူၣ်ဘါဆူၣ်တဂၤ, ဘၣ်ဆၣ်အဝဲဘၣ်တၢ်ဆါအၢလၢအလီၤပျံၤလီၤဖုးတမံၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 11:13

အဝဲဒုးတၢ်လၢစီၤဒၤဝံးအဂီၢ်ထီဒါပှၤဖလ့ၡသးဖိတဖၣ်ဖဲ တၢ်ဒုးလၢပၤစဒၤမံၣ်န့ၣ်လီၤ. ဖဲပှၤအံၣ်စရ့လးဖိစးထီၣ်ဃ့ၢ်ထီၣ်ကွံာ်ဝဲန့ၣ်အဝဲအိၣ်ဝဲဖဲ ဘုမုယီၤအပျီတဘ့ၣ်အပူၤ,

စံးထီၣ်ပတြၢၤ 108:13

ပကမၤတၢ်ဒီး တၢ်ဂံၢ်ဆူၣ်ဘါဆူၣ်လၢ ယွၤလီၤ. အဂ့ၢ်ဒ်အံၤ, အဝဲဒၣ်န့ၣ် ကယီၢ်တံၢ်လီၤ ပဒုၣ်ပဒါလီၤ.

စံးထီၣ်ပတြၢၤ 144:10

နဟ့ၣ်တၢ်မၤနၢၤဆူစီၤပၤတဖၣ်, ဒီးမၤပူၤဖျဲးနခ့နပှၤစီၤဒၤဝံးန့ၣ်လီၤ.

စံးထီၣ်ပတြၢၤ 68:12

“စီၤပၤတဖၣ်ဒီး အသုးမုၢ်တဖၣ်ဃ့ၢ်ကွံာ်ဝဲ, ဃ့ၢ်ကွံာ်ဝဲ,” ဒီးပိာ်မုၣ်လၢအအိၣ်ဒၣ်တၢ်လၢဟံၣ်ပူၤန့ၣ် နီၤဖးတၢ်ဂုာ်န့ၢ်,

လံာ်ယၡါယၤ 53:12

မၤသးဒ်န့ၣ်ဒီး, ယကဟ့ၣ်အီၤတၢ်လၤတၢ်ကပီၤအလီၢ်တတီၤ, တၢ်လီၢ်တတီၤလၢပှၤအဒိၣ်စိဒိၣ်ကမီၤတဖၣ်အကျါလီၤ. အဝဲဟ့ၣ်လီၤကွံာ်အသးလၢတၢ်သးအိၣ်အပူၤ ဒီးတူၢ်သကိးတၢ်ဒီးတၢ်ဘူၣ်တၢ်တီၢ်လၢအလီၤဘၣ်ပှၤ အၢပှၤသီတဖၣ်န့ၣ်လီၤ. အဝဲဟံးန့ၢ်ပှၤတၢ်ဒဲးဘးဖိအါဂၤအလီၢ်ဒီးဘါထုကဖၣ်ဝဲလၢ အဝဲသ့ၣ်အတၢ်ဒဲးဘးကဘၣ်တၢ်ပျၢ်အီၤအဂီၢ်လီၤ.”

ရိမ့ၤ 15:18

ယကအိၣ်ဒီးတၢ်သးဒူဒီးကတိၤထဲတၢ်ဂ့ၢ်ဘၣ်ဃးတၢ်လၢခရံာ် မၤတ့ၢ်ဝဲခီဖျိယၤဒ်သိးယကဆှၢပှၤကလုာ်ဂၤတဖၣ်ဆူတၢ်စူၢ် ကစၢ်ယွၤခီဖျိယတၢ်ကတိၤဒီးယတၢ်မၤ,

၂ ကရံၣ်သူး 4:5

အဂ့ၢ်ဒ်အံၤ, တမ့ၢ်ပစံၣ်တဲၤတဲလီၤပနီၢ်ကစၢ်ဒၣ်ဝဲအဂ့ၢ် ဘၣ်. မ့ၢ်ပစံၣ်တဲၤတဲလီၤယ့ၣ်ၡူးခရံာ်ဒ်ကစၢ်, ဒီးပနီၢ်ကစၢ်ဒၣ်ပဝဲဒ်သုခ့သုပှၤတဖၣ်လၢယ့ၣ်ၡူးအဃိ အသိးန့ၣ်လီၤ.

လံာ်စီၤယိၤၡူ 10:10

ဒီးယွၤဒုးလီၤဘၣ်တၢ်ပျံၤတၢ်ဖုးလၢပှၤအမိၢ်ဖိတဖၣ်အလိၤဖဲ အထံၣ်ဘၣ်အံၣ်စရ့လးအသုးမုၢ်န့ၣ်လီၤ. ပှၤအံၣ်စရ့လးဖိ တဖၣ်မၤသံကွံာ်အဝဲသ့ၣ်ဖဲဝ့ၢ်ကံးဘိၣ်ဒီးလူၤလီၤအဝဲသ့ၣ် လၢကျဲလဲၤဆူဝ့ၢ်ဘ့ၤသဃိရိၣ်, ဒီးကျီကွံာ်အီၤပၢၢ်လၢဝ့ၢ်ဧစ့ ကၤဒီးဝ့ၢ်မးက့ဒၤန့ၣ်လီၤ.

လံာ်စီၤယိၤၡူ 10:42

ဒီးစီၤယိၤၡူမၤန့ၢ်စီၤပၤတဖၣ်အံၤခဲလၢာ်ဃုာ်ဒီးအထံအကီၢ်တဘျီဃီ, မ့ၢ်လၢယွၤအံၣ်စရ့လးအကစၢ်ယွၤဒုးတၢ်လၢ အံၣ်စရ့လးအဂီၢ်အဃိန့ၣ်လီၤ.

လံာ်စီၤယိၤၡူ 11:8

ဒီးယွၤဟ့ၣ်လီၤအဝဲသ့ၣ်လၢအံၣ်စရ့လးဖိအစုပူၤဒီးဘၣ်တၢ်ကျီ သံကွံာ်အီၤဒီးလူၤအီၤပၢၢ်တုၤလၢဝ့ၢ်စံဒိၣ်ဖးဒိၣ်ဒီး ဝ့ၢ်မံးစြဖိးမၤယံၣ်လၢကလံၤစိးတကပၤ, ဒီးပၢၢ်တုၤလၢမံးစပၤ တၢ်ပၢၤခိၣ်ကစၢၢ်ကဆူးလၢမုၢ်ထီၣ်တကပၤန့ၣ်လီၤ. တၢ်ဒုးမၤအသးတုၤလၢဒုၣ်ဒါတအိၣ်မူလၢၤနီတဂၤဘၣ်န့ၣ်လီၤ.

လံာ်ပှၤစံၣ်ညီၣ်ကွီၢ် 15:14

ဖဲအဝဲတုၤဃီၤဆူဝ့ၢ်လ့ၤဃံန့ၣ်ပှၤဖလ့ၡသးဖိတဖၣ်ဟဲဃ့ၢ်ဆူအအိၣ်, ဒီးကိးပသူထီၣ်ဝဲလီၤ. သတူၢ်ကလာ်ယွၤအစိကမီၤမၤဆူၣ်ထီၣ်အဂံၢ်အဘါ ဒီးအဝဲမၤထီၣ်တဲာ်ကွံာ်ပျံၤတဖၣ်လၢအစၢဃာ်အစုဒုၣ်စုတီၤ, ဒ်လုၣ်ဖျ့လၢမ့ၣ်အူအီၣ်ကွံာ်အီၤအသိးလီၤ.

လံာ်ပှၤစံၣ်ညီၣ်ကွီၢ် 15:18

တုၤနုၤတစု, စီၤၡံၣ်ၡိၣ်အသးသူထံနးမးအဃိအဝဲကိးထီၣ်ယွၤ ဒီးစံး, “နဟ့ၣ်ယၤလၢတၢ်မၤနၢၤဖးဒိၣ်အံၤ, ဒီးခဲအံၤမ့ၢ်ယကဘၣ်သံ လၢယသးသူထံအဃိဒီးဘၣ်တၢ်ဖီၣ်န့ၢ်ယၤလၢပှၤဖလ့ၡသးဖိ လၢတစူၢ်တနာ်ယွၤတဖၣ်န့ၣ်ဧါ.”

လံာ်စီၤၡမူၤအ့လးအခီၣ်ထံးတဘ့ၣ် 11:13

ဘၣ်ဆၣ်ဒီးစီၤစီလူးစံးဝဲ, “တနံၤအံၤတၢ်တဘၣ်မၤသံကွံာ် ကွံာ်ပှၤနီတဂၤဘၣ်. အဂ့ၢ်ဒ်အံၤ, အဝဲအံၤမ့ၢ်မုၢ်တနံၤလၢယွၤအုၣ်က့ၤခီၣ်က့ၤကီၢ် အံၣ်စရ့လးန့ၣ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 14:23

အဝဲသ့ၣ်ဒုးတၢ်ကျဲဒီဘိဖျိကွံာ်ဝ့ၢ်ဘ့ၤသအၤဝ့ၣ်လီၤ. ယွၤအုၣ်က့ၤခီၣ်က့ၤကီၢ်အံၣ်စရ့လးလၢမုၢ်နံၤအဝဲန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 14:6

စီၤယိနၤသၣ်စံးဘၣ်ပှၤသးစၢ်ပိာ်ခွါတဂၤန့ၣ်, “မ်ပလဲၤခီဃီၤဆူပှၤတစူၢ်တနာ်ယွၤ, ပှၤဖလ့ၡသးဖိတဖၣ် အသူၣ်ဒဲလီၢ်တက့ၢ်. ဘၣ်သ့ၣ်သ့ၣ်ယွၤကမၤစၢၤပှၤလီၤ. အဝဲမ့ၢ်မၤစၢၤပှၤဒီးဖဲန့ၣ်ပမ့ၢ်အိၣ်စှၤဂၤသနာ်က့, တၢ်လၢအကတြီအီၤ ဒ်သိးကဟ့ၣ်ပှၤတၢ်မၤနၢၤန့ၣ်တအိၣ်ဘၣ်နီတမံၤဘၣ်.”

လံာ်စီၤၡမူၤအ့လးအခီၣ်ထံးတဘ့ၣ် 17:53

ဖဲပှၤအံၣ်စရ့လးဖိတဖၣ်ဟဲက့ၤလၢအတၢ်လူၤကျီပှၤဖလ့ၡသးဖိ တဖၣ်န့ၣ်, အဝဲသ့ၣ်ဂုာ်န့ၢ်ပှၤဖလ့ၡသးဖိအသူၣ်ဒဲလီၢ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 19:5

အဝဲညိကွံာ်အသးသမူဖဲအမၤသံစီၤကၤလယးဒီးယွၤမၤနၢၤတၢ် ဖးဒိၣ်လၢကီၢ်အံၣ်စရ့လးအဂီၢ်လီၤ. ဖဲနထံၣ်တ့ၢ်တၢ်န့ၣ်ဒီးနသးခုလီၤ. အန့ၣ်ဒီး, ဘၣ်မနုၤအဃိခဲအံၤနအဲၣ်ဒိးမၤကမၣ်ပှၤအတၢ်ကမၣ်တအိၣ် ဘၣ်တဂၤဒီးမၤသံစီၤဒၤဝံးလၢတၢ်ဂ့ၢ်တၢ်ကျိၤတအိၣ်ဘၣ်အပူၤ န့ၣ်လဲၣ်.”