လံာ်စီၤၡမူၤအ့လးခံဘ့ၣ်တဘ့ၣ် 23:1 - Sgaw Karen Common Bible

¹ စီၤယံးၡဲအဖိခွါစီၤဒၤဝံးမ့ၢ်တ့ၢ်ပှၤတဂၤလၢကစၢ်ယွၤပာ်ထီၣ်ထီအီၤ, ပှၤတဂၤလၢစီၤယၤကိာ်အကစၢ်ယွၤဃုထၢတ့ၢ်အီၤလၢကကဲထီၣ်စီၤပၤ, ဒီးပှၤတဂၤလၢအထုးထီၣ်တၢ်သးဝံၣ်အမုာ်တဖၣ်လၢကီၢ်အံၣ်စရ့လးအဂီၢ်လီၤ. တၢ်လၢလံာ်အံၤတဖၣ်အံၤမ့ၢ်စီၤဒၤဝံးအတၢ်ကတိၤလၢခံကတၢၢ်တဖၣ် န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 23:1 Iomraidhean Croise

လံာ်တၢ်ကဲထီၣ်အခီၣ်ထံး 49:1

စီၤယၤကိာ်ကိးဃီၤအဖိခွါတဖၣ်ဒီးစံးဝဲ, “ပာ်ဖှိၣ်သုသးဝးတ ရံးယၤ, ဒီးယကတဲသုတၢ်ကမၤအသးဒီးသုဆူညါန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 22:34

အဝဲမၤကျၢၤယခီၣ်ဒ်တၤယုၢ်တဒုအခီၣ်အသိး, အဝဲပၢၤဃးယၤပူၤပူၤဖျဲးဖျဲးလၢကစၢၢ်တဖၣ် အဒီခိၣ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 22:51

ကစၢ်ယွၤဟ့ၣ်တၢ်မၤနၢၤဖးဒိၣ်ဆူအစီၤပၤအအိၣ်, အဝဲဒုးနဲၣ်အတၢ်အဲၣ်ဂၢၢ်ကျၢၤဆူပှၤတဂၤလၢအဃုထၢတ့ၢ်ဝဲဒၣ်, ဆူစီၤဒၤဝံးဒီးအဝဲအစၢၤအသွဲၣ်ထီဘိတပယူာ်ဃီ န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 16:7

တၢ်န့ၣ်မ့ၢ်တၢ်ဆၢကတီၢ်အဆိကတၢၢ်လၢစီၤဒၤဝံးစးထီၣ်ဟ့ၣ်စီၤ အၤစာ်ဒီးအပှၤလ့ၤဝံဖိကဒဲကဒဲတဖၣ်အမူအဒါလၢတၢ်သးဝံၣ်စံး ထီၣ်ပတြၢၤယွၤအဂီၢ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 16:9

သးဝံၣ်စံးထီၣ်ပတြၢၤယွၤ, တဲတၢ်လီၤလးတဖၣ်လၢအဝဲမၤတ့ၢ်ဝဲန့ၣ်တက့ၢ်.

စံးထီၣ်ပတြၢၤ 2:6

အဝဲစံးဝဲ, “ယပာ်ထီၣ်ယစီၤပၤလၢ ယကစၢၢ်စီဆှံစံယိၣ်အလိၤလံ.”

စံးထီၣ်ပတြၢၤ 72:20

စီၤယံးၡဲအဖိခွါစီၤဒၤဝံးအတၢ်ထုကဖၣ်န့ၣ်ဝံၤလံ.

စံးထီၣ်ပတြၢၤ 89:20

ယထံၣ်န့ၢ်ယခ့ယပှၤစီၤဒၤဝံး, ယဖှူအီၤလၢယသိစီဆှံ,

စံးထီၣ်ပတြၢၤ 89:21

ဒ်သိးယစုကအိၣ်ဂၢၢ်ဆိးကျၢၤဒီးအီၤထီဘိ, ဒီးယစုဒုၣ်ကဒုးဆူၣ်ထီၣ်အီၤစ့ၢ်ကီးန့ၣ်လီၤ.

လံာ်ဧၤမိၣ် 6:5

ဒ်စီၤဒၤဝံးမၤတ့ၢ်ဝဲအသိးသုအဲၣ်ဒိးကွဲးကဲထီၣ်တၢ်သးဝံၣ် တဖၣ်ဒီးဒ့အီၤလၢတနၢ်တဖၣ်န့ၣ်လီၤ.

လံာ်လူၤကၣ် 20:42

အဂ့ၢ်ဒ်အံၤ, စီၤဒၤဝံးအနီၢ်ကစၢ်ဒၣ်ဝဲစံးဝဲဖဲလံာ်စံးထီၣ်ပတြၢၤအပူၤ, ‘ကစၢ်စံးဘၣ်ယကစၢ် ဆ့ၣ်နီၤဖဲအံၤလၢယစုထွဲတကပၤ

လံာ်လူၤကၣ် 24:44

အန့ၣ်ဝံၤဒီး စံးဘၣ်အဝဲသ့ၣ်, “တၢ်သ့ၣ်တဖၣ်အံၤမ့ၢ်ဒၣ်တၢ်တဖၣ်လၢ ယစံးဘၣ်တ့ၢ်သုဖဲယအိၣ်ဒံးယဲဒီးသုအဆၢကတီၢ်န့ၣ်လီၤ. တၢ်ခဲလၢာ်လၢအဘၣ်တၢ်ကွဲးတ့ၢ်အသးလၢယဂ့ၢ်ဖဲစီၤမိၤၡ့အတၢ်သိၣ်တၢ်သီ အလံာ်တဖၣ်အပူၤ, ဝံအတၢ်ကွဲးတဖၣ်, ဒီးလံာ်စံးထီၣ်ပတြၢၤတဖၣ်အပူၤန့ၣ်, ကဘၣ်လၢထီၣ်ပှဲၤထီၣ်ဝဲဒၣ်လီၤ.”

လံာ်သိၣ်လီၤသီလီၤတၢ် 33:1

တၢ်တဖၣ်အံၤမ့ၢ်တၢ်ဆိၣ်ဂ့ၤတဖၣ်လၢကစၢ်ယွၤအပှၤကညီ စီၤမိၤၡ့တဲဖျါထီၣ်ဝဲလၢကီၢ်အံၣ်စရ့လးအပှၤဂီၢ်မုၢ်အဂီၢ် တချုးလၢအဝဲသံဒံးဘၣ်န့ၣ်လီၤ.

ကလီးစဲ 3:16

ခရံာ်အတၢ်ကစီၣ်မ်အမူလၢသုပူၤထူးထူးတီၤတီၤတက့ၢ်. သိၣ်လိသီလိဒီးသိၣ်က့ၤသီက့ၤလိာ်သုသးလၢတၢ်ကူၣ် သ့ကူၣ်ဘၣ်အပူၤတက့ၢ်. သးဝံၣ်ထါစံးထီၣ်ပတြၢၤဒီးထါသးဝံၣ်, ဒီးတၢ်ဘူၣ်တၢ်ဘါအတၢ်သးဝံၣ်အိၣ်ဒီးတၢ်စံးဘျုးစံးဖှိၣ် ကစၢ်ယွၤလၢသုသူၣ်ကံၢ်သးလဲအပူၤတက့ၢ်.

ယၤကိာ် 5:13

ပှၤလၢသုကျါတဂၤဂၤဘၣ်တၢ်ကီတၢ်ခဲဧါ. အဝဲကြၢးဃ့ဘါထုကဖၣ်တၢ်လီၤ. မ့ၢ်အသူၣ်ဖှံသးညီတဂၤဂၤဧါ. အဝဲကြၢးသးဝံၣ်စံးထီၣ်ပတြၢၤကစၢ်ယွၤလီၤ.

လံာ်စီၤၡမူၤအ့လးအခီၣ်ထံးတဘ့ၣ် 17:12

စီၤဒၤဝံးမ့ၢ်, ပှၤအ့ဖရၤသးဖိလၢဝ့ၢ်ဘ့ၤသလ့ဃ့ၣ်, ကီၢ်ယူဒၤအပူၤ, စီၤယံးၡဲအဖိခွါန့ၣ်လီၤ. စီၤယံးၡဲအဖိခွါအိၣ်ဃိးဂၤဒီးဖဲစီၤစီလူးကဲစီၤပၤ န့ၣ်, စီၤယံးၡဲမ့ၢ်ပှၤသးပှၢ်တဂၤလံန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 18:7

လၢတၢ်သဂၢၢ်မၤလၤကပီၤအမူးန့ၣ်ပိာ်မုၣ်တဖၣ်သးဝံၣ်ထီၣ်ဝဲ, “စီၤစီလူးမၤသံတ့ၢ်ပှၤအကထိတဖၣ်, မ့မ့ၢ်စီၤဒၤဝံးမၤသံ ပှၤအကလးတဖၣ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 2:10

ယွၤအဒုၣ်အဒါတဖၣ်န့ၣ်ကဘၣ်တၢ်မၤ ဟးဂီၤကွံာ်အီၤလီၤ. အဝဲကမၤသီၣ်, လီသီၣ်လီသဲထီဒါအဝဲသ့ၣ်လၢမူခိၣ်လီၤ. ယွၤကစံၣ်ညီၣ်ဟီၣ်ခိၣ်ဒီဘ့ၣ်ညါလီၤ. အဝဲကဟ့ၣ်လီၤတၢ်စိတၢ်ကမီၤလၢအစီၤပၤတဖၣ်လီၤ. အဝဲကမၢအစီၤပၤလၢအဃုထၢဝဲန့ၣ်မၤန့ၢ်မၤနၢၤတၢ်န့ၣ်လီၤ.