လံာ်စီၤၡမူၤအ့လးခံဘ့ၣ်တဘ့ၣ် 22:48 - Sgaw Karen Common Bible

⁴⁸ အဝဲဟ့ၣ်ယၤတၢ်မၤနၢၤလၢယဒုၣ်ယဒါတဖၣ်အဖီခိၣ်, အဝဲဆီၣ်လီၤပှၤကလုာ်တဖၣ်လၢယဖီလာ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 22:48 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 18:19

အန့ၣ်ဝံၤဒီး, စီၤစၤဒိးအဖိခွါစီၤအဃံမ့ၤဧးစံးဘၣ်စီၤယိၤအာ်ဒ်အံၤ, “ပျဲယဃ့ၢ်ဆူစီၤပၤအအိၣ်ဃုာ်ဒီးတၢ်ကစီၣ်အဂ့ၤလၢ, ယွၤအုၣ်က့ၤခီၣ်က့ၤလံအီၤလၢအဒုၣ်အဒါတဖၣ်အစုပူၤလံန့ၣ်တ က့ၢ်.”

လံာ်စီၤၡမူၤအ့လးခံဘ့ၣ်တဘ့ၣ် 18:31

အန့ၣ်တစု, ပှၤကူၤၡးကုၢ်ဖိတဂၤဟဲတုၤဝဲဒီးစံးဘၣ်စီၤပၤ, “ယအိၣ်ဒီးတၢ်ကစီၣ်အဂ့ၤလၢနဲဒၣ်တၢ်ဒိၣ်ကစၢ်စီၤပၤအဂီၢ်န့ၣ်လီၤ. တနံၤအံၤယွၤဟ့ၣ်လီၤလံနၤလၢတၢ်မၤနၢၤကွံာ်ကယဲၢ်ပှၤတဖၣ်လၢ ပူထီၣ်ထီဒါနၤခဲလၢာ်န့ၣ်လံ.”

လံာ်စီၤၡမူၤအ့လးခံဘ့ၣ်တဘ့ၣ် 4:8

အဝဲသ့ၣ်က့ၤဟ့ၣ်ထီၣ်ခိၣ်သၣ်ဃံန့ၣ်ဆူစီၤပၤစီၤဒၤဝံးအအိၣ် ဖဲဝ့ၢ်ဃ့ဘြိၣ်, ဒီးစံးဘၣ်အီၤ, “အအံၤမ့ၢ်, နဒုၣ်နဒါစီၤစီလူးလၢအဃုမၤသံနၤ, အဖိခွါစီၤအံၤၡဘိၡ့း အခိၣ်န့ၣ်လီၤ. တနံၤအံၤယွၤဟ့ၣ်တၢ်ပျဲလၢကစၢ်စီၤပၤကဟ့ၣ်ကၣ် စီၤစီလူးဒီးအစၢၤအသွဲၣ်တဖၣ်အဂီၢ်န့ၣ်လီၤ.”

စံးထီၣ်ပတြၢၤ 110:1

ယွၤစံးဘၣ်ယကစၢ်စီၤပၤ, “ဆ့ၣ်နီၤလၢယစုထွဲ တုၤယပာ်နဒုၣ်နဒါတဖၣ်လၢ နခီၣ်ယီၢ်လီၢ်န့ၣ်တက့ၢ်.

စံးထီၣ်ပတြၢၤ 144:2

အဝဲမ့ၢ်ယလၢၢ်ဒီးယတိာ်, ယတၢးထီၣ်ထီ ဒီးပှၤမၤပူၤဖျဲးယၤ, ယကတီၤတဘ့ၣ်ဒီးပှၤလၢယသန့ၤယသးလၢအီၤ, ပှၤလၢအဆီၣ်လီၤပှၤဂီၢ်မုၢ်တဖၣ်လၢ ယဖီလာ်န့ၣ်လီၤ.

စံးထီၣ်ပတြၢၤ 94:1

ယွၤဧၢ, နမ့ၢ်ကစၢ်ယွၤလၢအသိၣ်ဃီၣ်တၢ်လီၤ. ပာ်ဖျါထီၣ်နတၢ်သးထီၣ်တက့ၢ်.

1 ကရံၣ်သူး 15:25

အဂ့ၢ်ဒ်အံၤ, ခရံာ်ကဘၣ်ပၢတၢ်တုၤလီၤလၢကစၢ်ယွၤမၤနၢၤ ကွံာ်ဒုၣ်ဒါခဲလၢာ်ဒီးပာ်အဝဲသ့ၣ်လၢအဝဲဒၣ်အခီၣ်ဖီလာ်တစုန့ၣ်လီၤ.

လံာ်သိၣ်လီၤသီလီၤတၢ် 32:35

ယွၤကဟ့ၣ်ကၣ်တၢ်ဒီးစံၣ်ညီၣ်အဝဲသ့ၣ်, တၢ်ဆၢကတီၢ်ကတုၤဝဲဖဲအဝဲသ့ၣ်ကဟးဂီၤကွံာ်, အဝဲသ့ၣ်အတၢ်ဘၣ်စံၣ်ညီၣ်ဃါမနၤအမုၢ်နံၤန့ၣ် ဘူးထီၣ်ဝဲလံ.

လံာ်စီၤၡမူၤအ့လးအခီၣ်ထံးတဘ့ၣ် 24:12

မ်ယွၤစံၣ်ညီၣ်တဲာ်တၢ်လၢနၤဒီးယၤအံၤမ့ၢ်မတၤတဂၤကမၣ်လဲၣ် န့ၣ်တက့ၢ်. မ်အဝဲသိၣ်ဃီၣ်နၤလၢနတၢ်မၤထီဒါယၤအဃိတက့ၢ်. အဂ့ၢ်ဒ်အံၤ, တမ့ၢ်ယကမၤဆါနၤဆံးကိာ်ဖိဒၣ်လဲာ်ဘၣ်.

လံာ်စီၤၡမူၤအ့လးအခီၣ်ထံးတဘ့ၣ် 25:30

ဒီးဖဲယွၤမၤတ့ၢ်ကယဲၢ်တၢ်အဂ့ၤခဲလၢာ်လၢအအၢၣ်လီၤတ့ၢ်နၤဒီး ဒုးကဲထီၣ်နၤလၢကီၢ်အံၣ်စရ့လးအစီၤပၤန့ၣ်,

လံာ်စီၤၡမူၤအ့လးအခီၣ်ထံးတဘ့ၣ် 25:39

တုၤစီၤဒၤဝံးနၢ်ဟူဘၣ်ဝဲလၢစီၤနၤဘလးသံန့ၣ်, အဝဲစံးဝဲ, “စံးထီၣ်ပတြၢၤယွၤတက့ၢ်. အဝဲဟ့ၣ်ကၣ်က့ၤလံ စီၤနၤဘလးလၢအမၤမဲာ်ဆှးယၤအဃိ, ဒီးပၢၤဃာ်ယၤလၢအမ့ၢ်အခ့ အပှၤ, လၢတၢ်မၤကမၣ်န့ၣ်လီၤ. ယွၤစံၣ်ညီၣ်လံစီၤနၤဘလးလၢအတၢ် အၢတၢ်သီအဃိလီၤ.”