လံာ်စီၤၡမူၤအ့လးခံဘ့ၣ်တဘ့ၣ် 22:47 - Sgaw Karen Common Bible

⁴⁷ ယွၤမူဝဲ, မ်ပှၤလၢအကဟုကယာ်ယၤဘၣ်တၢ်စံးထီၣ်ပတြၢၤ အီၤတက့ၢ်. ဘိးဘၣ်သ့ၣ်ညါကစၢ်ယွၤလၢအဆူၣ်ဝဲ, ယွၤလၢအအုၣ်က့ၤခီၣ်က့ၤယၤတဂၤအတၢ်ဒိၣ်တၢ်မုၢ် န့ၣ်တက့ၢ်.

လံာ်စီၤၡမူၤအ့လးခံဘ့ၣ်တဘ့ၣ် 22:47 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 22:3

ယကစၢ်ယွၤမ့ၢ်ယတၢ်ဒီဒၣ်အိၣ်ပှိၤ, ဒီးဃုာ်ဒီးအီၤန့ၣ်ယပူၤဖျဲးယဲလီၤ. အဝဲဒီဒၣ်အိၣ်ပှိၤယၤဒ်ကတီၤတဘ့ၣ်အသိး, အဝဲဒီဒၣ်ယၤဒီးပာ်ယၤပူၤဒုၣ်ပူၤဒါန့ၣ်လီၤ. အဝဲမ့ၢ်ပှၤအုၣ်က့ၤခီၣ်က့ၤယၤ, အဝဲဒီဒၣ်အိၣ်ပှိၤယၤဒီးအုၣ်က့ၤခီၣ်က့ၤယၤလၢ တၢ်စုဆူၣ်ခီၣ်တကးအပူၤန့ၣ်လီၤ.

လံာ်စီၤယိၤဘး 19:25

အဂ့ၢ်ဒ်အံၤ, ယသ့ၣ်ညါလၢယပှၤပှ့ၤက့ၤယၤတဂၤမူဝဲ, ဒီးလၢခံကတၢၢ်န့ၣ်ကဂဲၤဆၢထၢၣ်အုၣ်အသးလၢယဂီၢ်လၢ ဟီၣ်ခိၣ်အံၤန့ၣ်လီၤ.

စံးထီၣ်ပတြၢၤ 89:26

အဝဲဒၣ်ကကိးထီၣ်ဆူယအိၣ် “နဲဒၣ်အံၤနမ့ၢ်ယပၢ်, ယကစၢ်ယွၤ, ဒီးတၢ်အုၣ်က့ၤခီၣ်က့ၤယၤအလၢၢ်လီၤ.”

စံးထီၣ်ပတြၢၤ 89:27

ဒီးယကပာ်အီၤလၢယဖိခွါဝဲၢ်ကိ, ပှၤအဒိၣ်ကတၢၢ်လၢ စီၤပၤခဲလၢာ်အကျါန့ၣ်လီၤ.

လံာ်တၢ်ဟးထီၣ်ကွံာ် 15:2

ယွၤမ့ၢ်ပှၤအိၣ်ပှိၤယၤလၢအဂံၢ်အဘါဆူၣ်လီၤ. အဝဲမ့ၢ်ပှၤတဂၤလၢအအုၣ်က့ၤခီၣ်က့ၤယၤလီၤ. အဝဲမ့ၢ်ယကစၢ်ယွၤဒီးယကစံးထီၣ်ပတြၢၤအီၤ, မ့ၢ်ယပၢ်အကစၢ်ယွၤဒီးယကသးဝံၣ်ထီၣ်အတၢ်ဒိၣ်တၢ်ထီအဂ့ၢ်လီၤ.

လံာ်လူၤကၣ် 1:47

ယသူၣ်ခုသးခုယဲလၢကစၢ်ယွၤ, ယတၢ်အုၣ်က့ၤခီၣ်က့ၤကစၢ်တဂၤအဃိလီၤ.