လံာ်စီၤၡမူၤအ့လးခံဘ့ၣ်တဘ့ၣ် 22:44 - Sgaw Karen Common Bible

⁴⁴ နအုၣ်က့ၤခီၣ်က့ၤယၤလၢယပှၤဂီၢ်မုၢ်လၢအပူထီၣ် ထီဒါယၤတဖၣ်အစုပူၤ, ဒီးဟံးဃာ်ဂၢၢ်ကျၢၤယတၢ်ပၢလၢပှၤကလုာ်တဖၣ် အဖီခိၣ်န့ၣ်လီၤ. ပှၤဂီၢ်မုၢ်လၢယတသ့ၣ်ညါတ့ၢ်အီၤတဖၣ်ခဲအံၤကဲထီၣ်ပှၤလၢယပၢ ဘၣ်အီၤတဖၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 22:44 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 19:14

စီၤဒၤဝံးအတၢ်ကတိၤတဖၣ်မၤန့ၢ်ကယဲၢ်ပှၤလၢကီၢ်ယူဒၤခဲလၢာ် အတၢ်သူၣ်တီသးရၤလၢာ်လၢာ်ဆ့ဆ့ဒီးအဝဲသ့ၣ်ဆှၢလီၤတၢ်ကစီၣ်လၢ, စီၤဒၤဝံးကဟဲက့ၤကဒါက့ၤဃုာ်ဒီးအပဒိၣ်ပပှၢ်ခဲလၢာ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 19:9

လၢထံကီၢ်ဒီတကီၢ်ညါန့ၣ် အဝဲသ့ၣ်ကဒဲကဒဲစးထီၣ်အ့ၣ်လိာ်အသးန့ၣ်လီၤ. အဝဲသ့ၣ်စံးလိာ်အသးတဂၤဒီးတဂၤဒ်အံၤ, “စီၤပၤဒၤဝံးမၤပူၤဖျဲးပှၤလၢပဒုၣ်ပဒါတဖၣ်အစုပူၤန့ၣ်လီၤ. အဝဲမၤပူၤဖျဲးတ့ၢ်ပှၤလၢပှၤဖလ့ၡသးဖိတဖၣ်အစုပူၤလီၤ. မ့မ့ၢ်ခဲကနံၣ်အံၤအဝဲထွးထီၣ်ဃ့ၢ်ကွံာ်လၢစီၤအးဘၡါလိၣ် အမဲာ်ညါဒီးဟးထီၣ်ကွံာ်လၢထံကီၢ်အပူၤလံ.

လံာ်စီၤၡမူၤအ့လးခံဘ့ၣ်တဘ့ၣ် 20:22

အန့ၣ်ဝံၤဒီး, ပိာ်မုၣ်န့ၣ်လဲၤဆူဝ့ၢ်အပှၤဂီၢ်မုၢ်အအိၣ်ဃုာ် ဒီးအဝဲအတၢ်ကူၣ်တၢ်ကျဲၤ, သတးဒီးအဝဲသ့ၣ်ကျီတဲာ်ကွံာ်စီၤၡဘၤအခိၣ်ဒီးကွံာ်ခီအီၤဆူ စီၤယိၤအာ်အအိၣ်လၢဝ့ၢ်ခိၣ်ဒူန့ၣ်လီၤ. စီၤယိၤအာ်အူထီၣ်ကွဲၤဒ်တၢ်ပနီၣ်တမံၤဒ်သိးအပှၤတဖၣ်ကဟးထီၣ် ကွံာ်လၢဝ့ၢ်န့ၣ်ဒီးအဝဲသ့ၣ်က့ၤကဒါက့ၤဆူဟံၣ်န့ၣ်လီၤ. ဒီးစီၤယိၤအာ်က့ၤကဒါက့ၤဆူဝ့ၢ်ယရူၤၡလ့ၣ်ဆူစီၤပၤအအိၣ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 3:1

တၢ်ဒုးတၢ်ယၤလၢသုးဖိတဖၣ်လၢအဆီၣ်ထွဲမၤစၢၤစီၤစီလူး အဒူၣ်ဖိထၢဖိဒီးသုးဖိတဖၣ်လၢအဆီၣ်ထွဲစီၤဒၤဝံးအဘၢၣ်စၢၤ န့ၣ်မၤအသးဆူညါဖးယံာ်န့ၣ်လီၤ. ဒ်စီၤဒၤဝံးအဂံၢ်အဘါဆူၣ်ထီၣ်ဆူၣ်ထီၣ်ဝဲဒၣ်အသိးန့ၣ်ပှၤလၢအထီဒါအီၤတဖၣ် အဂံၢ်အဘါစၢ်လီၤဝဲဒၣ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 5:1

တုၤနုၤတစု, ကယဲၢ်ကီၢ်အံၣ်စရ့လးအဒူၣ်တဖၣ်လဲၤဆူစီၤဒၤဝံး အအိၣ်လၢဝ့ၢ်ဃ့ဘြိၣ်ဒီးစံးဘၣ်အီၤ, “ပမ့ၢ်နသွံၣ်နထံ, နဖံးနညၣ်ဒၣ်နဲလီၤ.

စံးထီၣ်ပတြၢၤ 110:6

အဝဲကဟ့ၣ်လီၤတၢ်စံၣ်ညီၣ်လၢ ပှၤကလုာ်တဖၣ်အလိၤ ဒီးမၤပှဲၤတၢ်ဒုးပျီလၢတၢ်သံစိၣ်တဖၣ်, ဒီးကမၤနၢၤစီၤပၤတဖၣ်လၢအအိၣ်လၢ ဟီၣ်ခိၣ်ခဲလၢာ်န့ၣ်လီၤ.

စံးထီၣ်ပတြၢၤ 18:43

နမၤပူၤဖျဲးယၤလၢပှၤဂီၢ်မုၢ်လၢအပူထီၣ်တၢ်, ဒီးဒုးကဲထီၣ်ယၤပှၤပၢတၢ် လၢပှၤကလုာ်တဖၣ်အဖီခိၣ် ဒီးပှၤဂီၢ်မုၢ်လၢယတသ့ၣ်ညါတ့ၢ်ဘၣ်အီၤန့ၣ် မၤယတၢ်လီၤ.

စံးထီၣ်ပတြၢၤ 2:8

ဃ့တၢ်လၢယၤတက့ၢ်, ဒီးယကဟ့ၣ်နၤလၢ ပှၤကလုာ်ခဲလၢာ်လီၤ. ဟီၣ်ခိၣ်ဒီဘ့ၣ်ကမ့ၢ်နတၢ်လီၤ.

လံာ်ယၡါယၤ 55:4

ယဒုးကဲထီၣ်အီၤလၢခိၣ်နၢ်တဂၤဒီးပှၤကလုာ်တဖၣ်အသုးခိၣ်ဖးဒိၣ်, ဒီးခီဖျိအီၤန့ၣ်ယဒုးနဲၣ်အဝဲသ့ၣ်လၢ ယတၢ်စိတၢ်ကမီၤလီၤ.

လံာ်ယၡါယၤ 55:5

ခဲအံၤ, သုကကိးဖှိၣ်ထံဂုၤကီၢ်ဂၤအပှၤကလုာ်တဖၣ်လီၤ. တဘျီန့ၣ်, အဝဲသ့ၣ်တသ့ၣ်ညါသုဘၣ်. ဘၣ်ဆၣ်ဒီးခဲအံၤ, အဝဲသ့ၣ်ကဟဲဃ့ၢ် ပာ်ဖှိၣ်အသးဒီးသုလီၤ. ယၤ, ယွၤ, သုကစၢ်ယွၤ, အံၣ်စရ့လးအကစၢ်ယွၤစီဆှံ ကမၤကဲထီၣ်လိၣ်ထီၣ်တၢ်သ့ၣ်တဖၣ်အံၤခဲလၢာ်လီၤ. ယကဟ့ၣ်လီၤသုလၢတၢ်ဒိးဘၣ်တၢ်ယူးယီၣ် ဒီးတၢ်လၤကပီၤလီၤ.”

လံာ်ယၡါယၤ 60:12

ဘၣ်ဆၣ်ဒီးပှၤကလုာ်တဖၣ်လၢအတမၤနခ့နပှၤအတၢ်မၤန့ၣ် ကဘၣ်တၢ်မၤဟးဂီၤကွံာ်အီၤ လၢာ်လၢာ်ဆ့ဆ့န့ၣ်လီၤ.

လံာ်ယၡါယၤ 65:1

ယွၤစံးဝဲဒၣ်, “ယအိၣ်ကတဲာ်ကတီၤတ့ၢ်ယသးလၢယကစံးဆၢ ယပှၤဂီၢ်မုၢ်အတၢ်ထုကဖၣ်တဖၣ်, ဘၣ်ဆၣ်အဝဲသ့ၣ်တဃ့ဘါထု ကဖၣ်တၢ်ဘၣ်. ယအိၣ်ကတဲာ်ကတီၤယသးလၢအဝဲသ့ၣ် ကထံၣ်န့ၢ်ယၤအဂီၢ်, ဘၣ်ဆၣ်အဝဲသ့ၣ်တကျဲးစၢးဒၣ်လဲာ်ဘၣ်. ဖဲလၢယအိၣ်ကတဲာ်ကတီၤယသးထီဘိလၢယကစံးဆၢအဝဲသ့ၣ်, ယအိၣ်ဖဲအံၤလီၤ. ယကမၤစၢၤသုလီၤ, ဒၣ်လဲာ်န့ၣ်, ပှၤကလုာ်တဃ့ထုကဖၣ်တၢ်လၢယၤဘၣ်.

လံာ်ဒၤနံးယ့လး 7:14

အဝဲဘၣ်တၢ်ဟ့ၣ်လီၤအီၤလၢပှၤပၢတၢ်အစိကမီၤ, တၢ်လၤကပီၤ, ဒီးစီၤလိၣ်စီၤပၤအစိကမီၤ, ဒ်သိးကယဲၢ်ပှၤဂီၢ်မုၢ်လၢထံကီၢ်ခဲလၢာ်, ပှၤကိးကလုာ်ဒဲးဒီးပှၤကတိၤကျိာ်အကလုာ်ကလုာ်တဖၣ်ကမၤ အခ့အပှၤအတၢ်မၤန့ၣ်လီၤ. အစိအကမီၤကအိၣ်လီၤထူလီၤယိာ်, ဒီးအဘီအမုၢ်န့ၣ်အကတၢၢ်တအိၣ်ဘၣ်.

လံာ်ဟိၤၡ့ 2:23

ယကဒုးအိၣ်ဂၢၢ်ဆိးကျၢၤယပှၤဂီၢ်မုၢ်လၢထံကီၢ်အပူၤဒီးဒုး ဘီၣ်ထီၣ်ညီထီၣ်အီၤန့ၣ်လီၤ. ယကဒုးနဲၣ်ယတၢ်အဲၣ်ဆူပှၤတဖၣ်လၢအဘၣ်တၢ်ကိးအီၤလၢ “တၢ်တအဲၣ်အီၤ” အအိၣ်ဒီးဆူပှၤတဖၣ်လၢအဘၣ်တၢ်ကိးအီၤလၢ “တမ့ၢ်ယွၤအပှၤဂီၢ်မုၢ်ဘၣ်” အအိၣ်န့ၣ်လီၤ. ယကစံး, “သုမ့ၢ်ယပှၤဂီၢ်မုၢ်” ဒီးအဝဲသ့ၣ်ကစံးဆၢ, “နမ့ၢ်ပကစၢ်ယွၤ” န့ၣ်လီၤ.

ရိမ့ၤ 15:12

ဒီးမၤကဒီးတစု, ဝံယၡါယၤစံးဝဲ, စီၤယံးၡဲအစၢၤအသွဲၣ်ကဟဲတဂၤ, ယွၤကဒုးဂဲၤဆၢထၢၣ်အီၤလၢ ကပၢပှၤကလုာ်ဂၤတဖၣ်အဂီၢ်, ဒီးအဝဲသ့ၣ်ကပာ်အတၢ်မုၢ်လၢ်လၢအပူၤလီၤ.

ရိမ့ၤ 9:25

လၢလံာ်ဟိၤၡ့အပူၤယွၤစံးတၢ်ဒ်အံၤလီၤ. “ပှၤလၢအတမ့ၢ်ယပှၤဂီၢ်မုၢ်န့ၣ်, ယကကိးအီၤလၢ ‘ယပှၤဂီၢ်မုၢ်’ လီၤ. ပှၤတကလုာ်လၢယတအဲၣ်အီၤန့ၣ်, ယကကိးအီၤလၢ ‘ယတၢ်အဲၣ်ဒိၣ်’ န့ၣ်လီၤ (ဟိၤ ၂:၂၃).

လံာ်သိၣ်လီၤသီလီၤတၢ် 28:13

ယွၤ, သုကစၢ်ယွၤကဒုးကဲထီၣ်သုလၢပှၤခိၣ်ပှၤနၢ်လၢပှၤကလုာ် တဖၣ်အဖီခိၣ်ဒီးတမ့ၢ်ဘၣ်ပှၤတဖုလၢအပိာ်ပှၤအခံဘၣ်န့ၣ်လီၤ. သုမ့ၢ်စူၢ်ကယဲၢ်အဝဲအတၢ်မၤလိာ်တဖၣ်လၢယဟ့ၣ်လီၤသုတနံၤအံၤ လၢတၢ်သးတီန့ၣ်, ထီဘိသုကဘီၣ်ထီၣ်ညီထီၣ်ဒီးတဆံးလီၤစှၤလီၤနီတစုဘၣ်န့ၣ် လီၤ.

လံာ်လီၣ်ဖျါ 11:15

အန့ၣ်ဝံၤဒီး, ကလူးနွံဂၤတဂၤအူထီၣ်အကွဲၤ, ဒီးတၢ်ကလုၢ်တဖၣ်သီၣ်ထီၣ်ဖးဒိၣ်လၢမူခိၣ်, ဒီးစံးဝဲဒၣ်, “ခဲကနံၣ်အံၤ, တၢ်စိကမီၤဘၣ်ဃးဒီးတၢ်ပၢဘၣ်ဟီၣ်ခိၣ်မ့ၢ် ပကစၢ်ဒီးအမ့းၡံအၤအတၢ်, ဒီးအဝဲဒၣ်ကပၢတၢ်လီၤထူလီၤ ယိာ်လီၤ.”