လံာ်စီၤၡမူၤအ့လးခံဘ့ၣ်တဘ့ၣ် 22:42 - Sgaw Karen Common Bible

⁴² အဝဲသ့ၣ်ဃုတၢ်မၤစၢၤဘၣ်ဆၣ်ဒီးပှၤလၢကမၤပူၤဖျဲး အဝဲသ့ၣ်တအိၣ်နီတဂၤဘၣ်. အဝဲသ့ၣ်ကိးထီၣ်ဆူယွၤအအိၣ်, ဘၣ်ဆၣ်ဒီးအဝဲတစံးဆၢဝဲဒၣ် ဘၣ်.

လံာ်စီၤၡမူၤအ့လးခံဘ့ၣ်တဘ့ၣ် 22:42 Iomraidhean Croise

လံာ်စီၤယိၤဘး 27:9

တုၤတၢ်ကိၢ်တၢ်ဂီၤဟဲတုၤဘၣ်အီၤန့ၣ်ဒီးမ့ၢ်ကစၢ်ယွၤကနၢ် ဟူအတၢ်ကိးထီၣ်န့ၣ်ဧါ.

တၢ်ကတိၤဒိ. 1:28

တုၤနုၤတစုသုကကိးထီၣ်တၢ်ကူၣ်သ့, ဘၣ်ဆၣ်ဒီးယတစံးဆၢတၢ်ဘၣ်. သုကဃုယၤလၢတၢ်လီၢ်ကိးပူၤဒဲး, ဘၣ်ဆၣ်ဒီးသုတထံၣ်ဘၣ်ယၤဘၣ်.

လံာ်ယၡါယၤ 1:15

ဒီးတုၤသုယူာ်ထီၣ်သုစုလၢတၢ် ထုကဖၣ်အပူၤဒီး, ယတကွၢ်သုဘၣ်. သုဘါထုကဖၣ်ထဲထဲအံၤနာ်က့, ယတဒိကနၣ်ဘၣ်. အဂ့ၢ်ဒ်အံၤ, သုစုတဖၣ်ပှဲၤဒီးတၢ်သွံၣ်လီၤ.

လံာ်ယၡါယၤ 17:7

ဖဲမုၢ်နံၤန့ၣ်ဟဲဝဲဒီးပှၤကဃၣ်အသးလၢတၢ်မၤစၢၤအဂီၢ် ဆူအတၢ်ဘၣ်တ့အကစၢ်, ကီၢ်အံၣ်စရ့လးအကစၢ်ယွၤစီဆှံ အအိၣ်န့ၣ်လီၤ.

လံာ်ယၡါယၤ 17:8

အဝဲသ့ၣ်တသန့ၤလၢၤအသးလၢတၢ်လုၢ်လီၢ်တဖၣ်လၢ အဘှီထီၣ်ဝဲလၢအစုဒၣ်ဝဲမ့ၢ်ဂ့ၤ, တနာ်လၢၤအစုအတၢ်ဖံးတၢ် မၤဒၣ်ဝဲလၢအမ့ၢ်တၢ်ပနီၣ်တဖၣ်ဘၣ်ဃးကစၢ်မုၣ် အၡ့ရၤဒီးတၢ်လုၢ်လီၢ်တဖၣ်လၢတၢ်လုၢ်ထီၣ်တၢ်နၢ မူလၢမ့ၣ်အူမ့ၢ်ဂ့ၤဘၣ်န့ၣ်လီၤ.

လံာ်ယဃ့းစက့လး 20:3

အဝဲစံးဝဲဒၣ်, “ပှၤကညီလၢအသံသ့ဧၢ, ကတိၤတၢ်ဒီးပှၤတဖၣ် အံၤဒီးတဲဘၣ်အဝဲသ့ၣ်လၢယွၤပၢဘၣ်တၢ်ခဲလၢာ်ကစၢ်စံးဝဲဒၣ်, သုဟဲဒ်သိးသုကသံကွၢ်ယတၢ်ဘၣ်သး, မ့ၢ်စ့ၢ်ဧါ. ဒ်ယမ့ၢ်သပှၢ်ကတၢၢ်ကစၢ်ယွၤလၢအမူဝဲတဂၤအသိး, ယစံးယဲ, ယတမၢသုသံကွၢ်ယၤလၢတၢ်နီတမံၤဘၣ်. ယၤ, ယွၤ, ပၢဘၣ်တၢ်, ကစၢ်ကတိၤလံတၢ်လံ.

လံာ်မံကၤ 3:4

အကတီၢ်တုၤဝဲလၢသုကကိးထီၣ်တၢ်ဆူယွၤအအိၣ်, ဘၣ်ဆၣ်ဒီးအဝဲတစံးဆၢသုဘၣ်. တဒိကနၣ်ဘၣ်သုတၢ်ထုကဖၣ်ဘၣ်. အဂ့ၢ်ဒ်အံၤ, သုမၤတ့ၢ်တၢ်အၢတၢ်သီလံ.

လံာ်စီၤၡမူၤအ့လးအခီၣ်ထံးတဘ့ၣ် 28:6

မၤသးဒ်န့ၣ်ဒီး, အဝဲသံကွၢ်ယွၤလၢကဘၣ်မၤတၢ်မနုၤလဲၣ်န့ၣ်လီၤ. ဘၣ်ဆၣ်ဒီးလၢတၢ်မံမီၢ်မ့ၢ်ဂ့ၤ, လၢအူရံၣ်ဒီးတူမံၢ်မ့ၢ်ဂ့ၤ, ခီဖျိဝံတဖၣ်မ့ၢ်ဂ့ၤန့ၣ်, ယွၤတစံးဆၢအီၤနီတမံၤဘၣ်.