လံာ်စီၤၡမူၤအ့လးခံဘ့ၣ်တဘ့ၣ် 22:29 - Sgaw Karen Common Bible

²⁹ ယွၤဧၢ, နဲဒၣ်အံၤ, နမ့ၢ်ယတၢ်ကပီၤန့ၣ်လီၤ. နနီၣ်ကွံာ်ယတၢ်ခံးတၢ်နၤန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 22:29 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 21:17

ဘၣ်ဆၣ်ဒီးနီၢ်စရူယၤအဖိခွါစီၤအဘံၡဲၤဟဲမၤစၢၤစီၤဒၤဝံးဒီးဒုးပှၤဖးဒိၣ်တဂၤန့ၣ်, ဒီးမၤသံကွံာ်အီၤလီၤ. တုၤနုၤတစု, စီၤဒၤဝံးအပှၤတဖၣ်မၢစီၤဒၤဝံးအၢၣ်လီၤတၢ်လၢအဝဲတပိာ်လၢၤဘၣ်အဝဲသ့ၣ်အခံဆူ တၢ်ဒုးပျီအပူၤနီတစု ဘၣ်န့ၣ်လီၤ. အဝဲသ့ၣ်စံးဝဲဒၣ်, “နမ့ၢ်ကီၢ်အံၣ်စရ့လးအတၢ်မုၢ်လၢ် ဒီးပတအဲၣ်ဒိးလၢနကလီၤမၢ်ကွံာ်လၢပဂီၢ်ဘၣ်.”

လံာ်စီၤပၤအခီၣ်ထံးတဘ့ၣ် 11:36

ဘၣ်ဆၣ်ယကပျဲစီၤၡလိၤမိၤအဖိခွါပၢၤဃာ်ဒံးဒူၣ်တဒူၣ်, ဒ်သိးထီဘိယကအိၣ်ဒီးယခ့ယပှၤစီၤဒၤဝံးအစၢၤအသွဲၣ်တဂၤလၢ အပၢတၢ်လၢဝ့ၢ်ယရူၤၡလ့ၣ်, ဝ့ၢ်လၢယဃုထၢတ့ၢ်အီၤဒ်သိးတၢ်လီၢ်လၢတၢ်ကဘူၣ်ထီၣ်ဘါထီၣ်ယၤ အဂီၢ်အပူၤန့ၣ်လီၤ.

လံာ်စီၤယိၤဘး 29:3

အကတီၢ်ဖဲန့ၣ်ကစၢ်ယွၤအိၣ်ဒီးယၤထီဘိ, ဒီးဖဲယလဲၤခီဂာ်တၢ် ခံးတၢ်နၤအခါန့ၣ်ဟ့ၣ်ယၤတၢ်ကပီၤလီၤ.

စံးထီၣ်ပတြၢၤ 112:4

တၢ်ကပီၤကပီၤထီၣ်လၢ တၢ်ခံးကျါ လၢပှၤအဂ့ၤတဖၣ်အဂီၢ် လၢပှၤတဖၣ်လၢ အသူၣ်ကညီၤသးကညီၤတၢ် သးအိၣ်တၢ်ဒီး တီဝဲလိၤဝဲအဂီၢ်န့ၣ်လီၤ.

စံးထီၣ်ပတြၢၤ 18:28

မ့ၢ်လီၤ. နမၤကပီၤထီၣ်ယမ့ၣ်အူဒၢ, ယွၤယကစၢ်မၤကပီၤထီၣ်ယတၢ်ခံးန့ၣ်လီၤ.

စံးထီၣ်ပတြၢၤ 27:1

ယွၤမ့ၢ်ယတၢ်ကပီၤဒီးယတၢ်အုၣ်က့ၤခီၣ်က့ၤလီၤ. ယကပျံၤမတၤတဂၤလဲၣ်. ယွၤမ့ၢ်ယသးသမူအဂံၢ်အဘါလီၤ. ယကပျံၤမတၤတဂၤလဲၣ်.

စံးထီၣ်ပတြၢၤ 4:6

ပှၤအိၣ်ဝဲအါဂၤလၢအစံး, “အိ, မ့ၢ်မတၤကဒုးထံၣ်ပှၤ လၢတၢ်အဂ့ၤန့ၣ်လဲၣ်. ယွၤဧၢ, ကွၢ်လီၤပှၤလၢ တၢ်သူၣ်ကညီၤသးကညီၤအပူၤတက့ၢ်.”

စံးထီၣ်ပတြၢၤ 84:11

အဂ့ၢ်ဒ်အံၤ, ယွၤ, ကစၢ်ယွၤန့ၣ်မ့ၢ်မုၢ်, ဒီးကတီၤတဘ့ၣ်လီၤ. အဝဲဟ့ၣ်လီၤတၢ်ဘျုးတၢ်ဖှိၣ်ဒီး တၢ်လၤတၢ်ကပီၤလီၤ. တတြီဘၣ်တၢ်ဂ့ၤလၢပှၤလဲၤတၢ် တီတီလိၤလိၤတဖၣ်န့ၣ်နီတမံၤဘၣ်.

စံးထီၣ်ပတြၢၤ 97:11

တၢ်ကပီၤကပီၤထီၣ်ဝဲလၢပှၤတီပှၤလိၤအဂီၢ်, ဒီးတၢ်သူၣ်ခုသးခုလၢ ပှၤလၢအသူၣ်တီသးလိၤအဂီၢ်န့ၣ်လီၤ.

လံာ်ယၡါယၤ 50:10

သုဝဲခဲလၢာ်လၢအယူးယီၣ်ပာ်ဒိၣ်ယွၤ ဒီးစူၢ်အခ့အပှၤအတၢ်ကတိၤတဖၣ်န့ၣ်, ကျဲလၢသုပိာ်အီၤ, ကခံးဝဲနီၢ်နီၢ်လီၤ. ဘၣ်ဆၣ်ဒီး, ပာ်သုတၢ်နာ်လၢယွၤအပူၤ, ဒီးသန့ၤသုသးလၢသု ကစၢ်ယွၤန့ၣ်တက့ၢ်.

လံာ်မံကၤ 7:9

ပမၤတ့ၢ်တၢ်ဒဲးဘးထီဒါယွၤလီၤ. မၤသးဒ်န့ၣ်ဒီးခဲကနံၣ်အံၤပကဘၣ်တူၢ်အတၢ်သးဒိၣ်တစိၢ်တလီၢ် လီၤ. ဘၣ်ဆၣ်လၢခံကတၢၢ်န့ၣ်အဝဲဒၣ်ကလိာ်န့ၢ်ပကွီၢ်ဒီးမၤတၢ် စံၣ်ညီၣ်တီလၢပဂီၢ်လီၤ. အဝဲကဒုးဟဲထီၣ်ပှၤဆူတၢ်ကပီၤအပူၤ, ဒီးပကအိၣ်မူဒ်သိးပကထံၣ်ဘၣ်အတၢ်အုၣ်က့ၤခီၣ်က့ၤပှၤလီၤ.

လံာ်မၤလကံ 4:2

မ့မ့ၢ်သုဝဲ, ပှၤလၢအစူၢ်ယၤန့ၣ်, ယတၢ်အုၣ်က့ၤခီၣ်က့ၤအစိကမီၤ ကအိၣ်ထီၣ်လၢသုဖီခိၣ်ဒ်မုၢ်အသိးဒီးကဟဲစိာ်တၢ်မၤဘျါ က့ၤဒ်မုၢ်အတၢ်ကပီၤအယဲၤတဖၣ်အသိးန့ၣ်လီၤ. ဒီးသုကထူၣ်ဖျဲးဒီးသးဖှံဒ်ဂီၤ ဖံးဖိတဖၣ်လၢအဘၣ်တၢ်ပျၢ်ကွံာ်အီၤလၢအကရၢၢ်အသိးန့ၣ်လီၤ.

လံာ်ယိၤဟၣ် 12:46

ယဟဲနုာ်ဆူဟီၣ်ခိၣ်ချၢဒ်တၢ်ကပီၤအသိး, ဒ်သိးပှၤလၢအစူၢ်က့ၤနာ်က့ၤယၤတဂၤလၢ်လၢ်န့ၣ်, အသုတအိၣ်လၢၤလၢတၢ်ခံးကျါတဂ့ၤအဂီၢ်လီၤ.

လံာ်ယိၤဟၣ် 8:12

ယ့ၣ်ၡူးကတိၤကဒီးတၢ်ဒီးပှၤဖၤရံၤၡဲတဖၣ်ဒီးစံးဝဲ, “ယဲဒၣ်အံၤယမ့ၢ်ဟီၣ်ခိၣ်အတၢ်ကပီၤလီၤ. ပှၤလၢအပိာ်ယခံ တဂၤလၢ်လၢ်ကအိၣ်ဒီးတၢ်မူအတၢ်ကပီၤဒီးတဟးဘၣ်ဝဲ လၢတၢ်ခံးကျါနီတဘျီဘၣ်.”

လံာ်လီၣ်ဖျါ 21:23

ဝ့ၢ်န့ၣ်တလိၣ်ဘၣ်မုၢ်မ့ၢ်ဂ့ၤ, လါမ့ၢ်ဂ့ၤ, လၢအကကပီၤလီၤလၢ အလိၤအဂီၢ်ဘၣ်. အဂ့ၢ်ဒ်အံၤ, ကစၢ်ယွၤအလၤကပီၤကပီၤလီၤ လၢအလိၤ, ဒီးအမ့ၣ်အူဒၢန့ၣ်မ့ၢ်ဝဲသိဖိတဒုန့ၣ်လီၤ.