လံာ်စီၤၡမူၤအ့လးခံဘ့ၣ်တဘ့ၣ် 22:20 - Sgaw Karen Common Bible

²⁰ အဝဲမၤစၢၤယၤလၢယကပူၤဖျဲးထီၣ်လၢတၢ်လီၤပျံၤလီၤဘၣ်ယိၣ် အပူၤန့ၣ်လီၤ. အဝဲအုၣ်က့ၤခီၣ်က့ၤယၤမ့ၢ်လၢအဝဲဘၣ်သူၣ်ဘၣ်သးယၤအဃိ န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 22:20 Iomraidhean Croise

လံာ်တၢ်ကဲထီၣ်အခီၣ်ထံး 26:22

ဒီးစီၤအံၤစဲးသုးယံၤကွံာ်အသးဖဲန့ၣ်ဒီးခူၣ်ထံပူၤအဂၤ တပူၤန့ၣ်လီၤ. ဒီးတၢ်ဂ့ၢ်လိာ်ဘီလိာ်တအိၣ်ဘၣ်လၢထံပူၤအံၤအဂ့ၢ်ဘၣ်လီၤ. ဒီးကိးဝဲထံပူၤအံၤအမံၤလၢ, “ရဃိဘိး” အခီပညီ, “တၢ်သဘျ့” န့ၣ်လီၤ. ဒီးစီၤအံၤစဲးစံးဝဲ, “ခဲကနံၣ်အံၤ, ယွၤဟ့ၣ်လံပှၤတၢ်သဘျ့လၢပကအိၣ်ကဆိးလၢကီၢ်အံၤအပူၤဒီး ပကဘီၣ်ထီၣ်ညီထီၣ်ဖဲအံၤန့ၣ်လီၤ.”

လံာ်စီၤၡမူၤအ့လးခံဘ့ၣ်တဘ့ၣ် 15:26

မ့မ့ၢ်အဝဲမ့ၢ်တဘၣ်သူၣ်ဘၣ်သးယၤဘၣ်ဒီး, ဂ့ၤလံ, အန့ၣ်တစုပျဲအဝဲမၤယၤဒ်အတၢ်ဘၣ်အသးအသိးန့ၣ်တက့ၢ်.”

လံာ်စီၤၡမူၤအ့လးခံဘ့ၣ်တဘ့ၣ် 22:37

နမၤလဲၢ်ထီၣ်ယခီၣ်ထွဲတၢ်အလီၢ်, ဒီးယခီၣ်တလီၤတလံာ်နီတဘျီဘၣ်.

လံာ်ကွဲးနီၣ်တၢ်အခီၣ်ထံးတဘ့ၣ် 4:10

ဘၣ်ဆၣ်စီၤယၤဘ့းဘါထုကဖၣ်တၢ်ဆူအံၣ်စရ့လးအကစၢ် ယွၤဒီးစံးဝဲ, “ကစၢ်ယွၤဧၢ, ဆိၣ်ဂ့ၤယၤဒီးဟ့ၣ်လဲၢ်ထီၣ်ယအိၣ်ယဆိးအလီၢ်တ က့ၢ်. အိၣ်ဒီးယၤဒီးတြီဃာ်န့ၢ်ယၤလၢကယဲၢ်တၢ်အၢတၢ်သီ တမံၤလၢ်လၢ်လၢကမၤဆူးဆါယၤန့ၣ်တက့ၢ်.” ဒီးကစၢ်ယွၤဟ့ၣ်အီၤတၢ်လၢအဃ့ဝဲဒၣ်န့ၣ်လီၤ.

စံးထီၣ်ပတြၢၤ 118:5

ယကိးထီၣ်ယွၤလၢယတၢ်ကိၢ်တၢ်ဂီၤအပူၤလီၤ. အဝဲဒၣ်စံးဆၢယၤဒီးမၤပူၤမၤဖျဲးယၤန့ၣ်လီၤ.

စံးထီၣ်ပတြၢၤ 147:11

မ့မ့ၢ်ယွၤမုာ်လၤဝဲလၢပှၤလၢအပျံၤအီၤ, ပှၤလၢအမုၢ်လၢ်တၢ်လၢ အတၢ်အဲၣ်ဂၢၢ်ကျၢၤအပူၤန့ၣ်လီၤ.

စံးထီၣ်ပတြၢၤ 149:4

အဂ့ၢ်ဒ်အံၤ, ယွၤဘၣ်အသးလၢအပှၤဂီၢ်မုၢ်လီၤ. မၤလၤကပီၤပှၤလၢအသူၣ်စူၤအသးစူၤ လၢတၢ်မၤနၢၤလီၤ.

စံးထီၣ်ပတြၢၤ 22:8

အဝဲသ့ၣ်စံးဝဲ, “နသန့ၤနသးလၢယွၤလီၤ. ဘၣ်မနုၤလၢအဝဲတမၤပူၤဖျဲးနၤလဲၣ်. ယွၤမ့ၢ်ဘၣ်သူၣ်ဘၣ်သးလၢနၤဒီး ဘၣ်မနုၤလၢအဝဲတမၤစၢၤနၤန့ၣ်လဲၣ်.”

စံးထီၣ်ပတြၢၤ 31:8

နတပျဲယဒုၣ်ယဒါသ့ၣ်တဖၣ်ဖီၣ်န့ၢ်ယၤဘၣ်. နဟ့ၣ်ယၤတၢ်သဘျ့လၢ ယကလဲၤဖဲယအဲၣ်ဒီးလဲၤဝဲအလီၢ်န့ၣ်လီၤ.

စံးထီၣ်ပတြၢၤ 31:9

ယွၤဧၢ, သူၣ်ကညီၤသးကညီၤယၤတက့ၢ်. အဂ့ၢ်ဒ်အံၤ, ယအိၣ်လၢ တၢ်ကိၢ်တၢ်ဂီၤအပူၤလီၤ. ယမဲာ်ချံလီၤဘှံးဝဲလၢ တၢ်ဟီၣ်တၢ်ယၢၤနးမးအဃိ ဒီးယလီၤဘှံးလီၤတီၤလၢာ်လၢာ်ဆ့ဆ့လီၤ.

လံာ်ယၡါယၤ 42:1

ယွၤစံးဝဲ, “အအံၤမ့ၢ်ယခ့ယပှၤလၢယဟ့ၣ်ဂံၢ်ဟ့ၣ်ဘါအီၤ, ပှၤတဂၤလၢယဃုထၢအီၤဒီးဘၣ်သူၣ်ဘၣ်သးယၤဒိၣ်မးန့ၣ်လီၤ. ယမၤပှဲၤအီၤဒီးယသးဒၣ်ယဲ, ဒီးအဝဲကဟဲစိာ်တၢ်စံၣ်ညီၣ်တီဆူ ပှၤကိးကလုာ်ဒဲးလီၤ.

လံာ်ဟိၤၡ့ 4:16

ကီၢ်အံၣ်စရ့လးအပှၤဂီၢ်မုၢ်အခိၣ်ကိၤဝဲထဲသိးကသ့ၣ်လၤတဖၣ်န့ၣ်လီၤ. ယလုၢ်အီၣ်အဝဲသ့ၣ်ဒ်သိဖိတဖၣ်အသိးလၢ တၢ်ပၢၤခိၣ်လၢအပှဲၤဒီးတပံၢ်တမါတဖၣ်အပူၤကသ့ဒ်လဲၣ်.

လံာ်မးသဲ 17:5

ဖဲအဝဲကတိၤဒံးတၢ်အဖၢမုၢ်န့ၣ်, တၢ်အၢၣ်လၢအကပီၤတလိၣ်ဟဲလီၤကဒုဘၣ်အဝဲသ့ၣ်, ဒီးတၢ်ကလုၢ်သီၣ်ထီၣ်လၢတၢ်အၢၣ်အပူၤဒီးစံး, “အအံၤမ့ၢ်ယဖိခွါဒၣ်ယဲလၢယအဲၣ်အီၤ, ဒီးဘၣ်ယသးလၢအီၤဒိၣ်မးလီၤ. ကနၣ်အကလုၢ်တက့ၢ်.”

လံာ်မးသဲ 27:43

အဝဲနာ်န့ၢ်ကစၢ်ယွၤဒီးစံးလီၤအသးလၢအမ့ၢ်ကစၢ်ယွၤအဖိခွါလီၤ. ဂ့ၤလံ. မ့မ့ၢ်ဒ်န့ၣ်ဒီးမ်ပကွၢ်သကိးတက့ၢ်. မ့ၢ်ယွၤကအဲၣ်ဒိး မၤပူၤဖျဲးအီၤခဲအံၤန့ၣ်ဧါ.”

လံာ်မးသဲ 3:17

အန့ၣ်ဒီး တၢ်အကလုၢ်သီၣ်ထီၣ်လၢမူခိၣ်ဒီးစံး, “အအံၤမ့ၢ်ယဖိခွါဒၣ်ယဲလၢယအဲၣ်အီၤဒီးဘၣ်သူၣ်ဘၣ် သးယၤဒိၣ်မးတဂၤလီၤ.”