လံာ်စီၤၡမူၤအ့လးခံဘ့ၣ်တဘ့ၣ် 21:8 - Sgaw Karen Common Bible

⁸ ဘၣ်ဆၣ်ဒီး, အဝဲဟံးန့ၢ်စီၤစီလူးအဖိခွါခံဂၤ လၢစီၤအၤယၤအဖိမုၣ်နီၢ်ရံးစဖၤဆံးစၢ်န့ၢ်အီၤလၢအမ့ၢ်ဝဲ, စီၤအၢ်မိၤနံဒီးစီၤမဖံဘိၤၡ့းန့ၣ်လီၤ. အဝဲဟံးန့ၢ်စ့ၢ်ကီးစီၤစီလူးအဖိမုၣ်နီၢ်မ့ရာ်အဖိခွါယဲၢ် ဂၤလၢအဆံးစၢ်န့ၢ်ဝဲလၢစီၤဘၢ်စံးလဲအဖိခွါ စီၤဧ့ဒြံၤအ့လးလၢဝ့ၢ်မဃိလၤ အဂီၢ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 21:8 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 3:7

တနံၤန့ၣ်စီၤစီလူးအဖိခွါစီၤအံၤၡဘိးၡ့းပာ်တၢ်ကမၣ်လၢ စီၤအဘံန့ၢ်အလိၤလၢအမံဃုာ်ဒီးစီၤစီလူးအသံၣ်မါနီၢ်ရံးစဖၤ လၢအမ့ၢ်စီၤအၤယၤအဖိမုၣ်အဃိန့ၣ်လီၤ.

လံာ်စီၤပၤအခီၣ်ထံးတဘ့ၣ် 19:16

ဖှူစီၤနံၣ်ၡံၤအဖိခွါစီၤယ့ၤဟူဒ်ကီၢ်အံၣ်စရ့လးအစီၤပၤ ဒီးစီၤၡၤဖးလၢဝ့ၢ်အၤဘ့လးမဃိလံၤအဖိခွါစီၤအလံၤၡါဒ် သိးကကဲထီၣ်ဝံတဂၤလၢနလီၢ်တက့ၢ်.

လံာ်စီၤၡမူၤအ့လးအခီၣ်ထံးတဘ့ၣ် 14:49

စီၤစီလူးအဖိခွါတဖၣ်မ့ၢ်ဝဲ, စီၤယိနၤသၣ်, စီၤယံးၡဝံ, ဒီးစီၤမးလကံၡူၤန့ၣ်လီၤ. အဝဲအဖိမုၣ်လၢအဒိၣ်တဂၤန့ၣ်ဘၣ်တၢ်ကိးအမံၤလၢနီၢ်မ့ရ့ာ်, ဒီးအဖိမုၣ်အဆံးတဂၤမ့ၢ်နီၢ်မံၤကၤလးလီၤ.

လံာ်စီၤၡမူၤအ့လးအခီၣ်ထံးတဘ့ၣ် 18:19

ဘၣ်ဆၣ်ဒီးဖဲတၢ်ဆၢကတီၢ်တုၤဃီၤဝဲန့ၣ်လၢနီၢ်မ့ရ့ာ်ကဘၣ်တၢ် ဟ့ၣ်လီၤအီၤဆူစီၤဒၤဝံးအလီၢ်န့ၣ်, အဝဲဘၣ်တၢ်ဟ့ၣ်လီၤအီၤဆူပှၤတဂၤအမံၤမ့ၢ်ဝဲစီၤဧ့ဒြၤအ့လး အိၣ်လၢဝ့ၢ်အဃိလၤန့ၣ်လီၤ.