လံာ်စီၤၡမူၤအ့လးခံဘ့ၣ်တဘ့ၣ် 21:7 - Sgaw Karen Common Bible

⁷ ဘၣ်ဆၣ်ဒီးမ့ၢ်လၢတၢ်အၢၣ်လီၤစီဆှံလၢအဝဲဒီးစီၤယိနၤသၣ် မၤတ့ၢ်ဝဲလၢတဂၤဒီးတဂၤအဘၢၣ်စၢၤအဃိ, စီၤဒၤဝံးပျဲပူၤဖျဲးစီၤမဖံၤဘိၤၡ့း, လၢအမ့ၢ်စီၤစီလူးအလံၤခွါစီၤယိနၤသၣ်အဖိခွါန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 21:7 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 16:4

စီၤပၤစံးဘၣ်စီၤစံဘၤ, “ကယဲၢ်တၢ်ကိးမံၤဒဲးလၢအဘၣ်ဃး ဒီးစီၤမဖံဘိၤၡ့းန့ၣ်မ့ၢ်နတၢ်လီၤ.” စီၤစံဘၤစံးဆၢဝဲဒၣ်, “ယမ့ၢ်နခ့နပှၤလီၤ. မ်ထီဘိယဒိးန့ၣ်ဘၣ်တၢ်ဒိၣ်ကစၢ်စီၤပၤအတၢ်ကွၢ်မဲာ်တက့ၢ်.”

လံာ်စီၤၡမူၤအ့လးခံဘ့ၣ်တဘ့ၣ် 19:25

ဖဲစီၤမဖံဘိၤၡ့းဟဲဝဲလၢဝ့ၢ်ယရူၤၡလ့ၣ်ဒ်သိးအကသဂၢၢ်စီၤပၤန့ၣ်, စီၤပၤစံးဘၣ်အီၤ, “စီၤမဖံဘိၤၡ့းဧၢ, နတလဲၤတ့ၢ်တၢ်ဒီးယၤဘၣ်. ဘၣ်မနုၤအဃိလဲၣ်.”

လံာ်စီၤၡမူၤအ့လးခံဘ့ၣ်တဘ့ၣ် 4:4

စီၤစီလူးအစၢၤအသွဲၣ်အဂၤတဂၤမ့ၢ်ဝဲ စီၤယိနၤသၣ်အဖိခွါ စီၤမဖံဘိၡ့းလၢအသးအိၣ်ဝဲယဲၢ်နံၣ်, ဖဲစီၤစီလူးဒီးစီၤယိနၤသၣ်ဘၣ်တၢ်မၤသံအီၤအခါန့ၣ်လီၤ. ဖဲတၢ်ကစီၣ်လၢအဝဲသ့ၣ်သံအဂ့ၢ်ဟဲတုၤဝဲဆူဝ့ၢ်ယံးစရ့လးန့ၣ်, ပှၤပိာ်မုၣ်လၢအအံးထွဲကွၢ်ထွဲအီၤစိာ်ထီၣ်အီၤဒီးထွးထီၣ်ဃ့ၢ်ဝဲ, ဘၣ်ဆၣ်မ့ၢ်လၢအမၤအသးချ့ဒံးချ့ဒူးကဲာ်ဆိးအဃိ, ဖိသၣ်န့ၣ်လီၤတဲာ်ဒီးအခီၣ်ဟးဂီၤကွံာ်ဝဲဒၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 9:1

ဘၣ်မုၢ်တနံၤန့ၣ်စီၤဒၤဝံးသံကွၢ်ဝဲ, “လၢစီၤစီလူးအပှၤဟံၣ်ဖိ ဃီဖိအကျါန့ၣ်မ့ၢ်ပှၤအိၣ်လီၤတဲာ်တ့ၢ်ဒံးတဂၤဂၤဧါ. မ့ၢ်အိၣ်ဒီး, ယသးအိၣ်ဒုးနဲၣ်ယတၢ်သးကညီၤဘၣ်အီၤလၢစီၤယိနၤ သၣ်အဃိန့ၣ်လီၤ.”

လံာ်စီၤၡမူၤအ့လးခံဘ့ၣ်တဘ့ၣ် 9:10

နဲဒၣ်, နဖိခွါတဖၣ်, ဒီးနကုၢ်နပှၤတဖၣ်ကထူဟီၣ်ခိၣ်ကဝီၤန့ၣ် လၢနကစၢ်စီၤစီလူးအဟံၣ်ဖိဃီဖိအဂီၢ်ဒီးဟဲစိာ်နုာ် တၢ်ကူးက့ၤအတၤသူတၤသၣ်တဖၣ်လၢကဟ့ၣ်အဝဲသ့ၣ်တၢ်အီၣ်တၢ်အီ အဂီၢ်န့ၣ်လီၤ. မ့မ့ၢ်စီၤမဖံဘိၤၡ့းအနီၢ်ကစၢ်ဒၣ်ဝဲန့ၣ်, ကမ့ၢ်ပှၤသမှံၤတဂၤလၢယတၢ်အီၣ်တၢ်အီအစီၢ်နီၤခိၣ်တဘိယူၢ်ဃီလီၤ.” (စီၤစံဘၤအိၣ်ဒီးအဖိခွါတဆံယဲၢ်ဂၤဒီးအခ့အပှၤအဂၤခံဆံ န့ၣ်လီၤ.)

လံာ်စီၤၡမူၤအ့လးခံဘ့ၣ်တဘ့ၣ် 9:6

ဖဲစီၤစီလူးအလံၤခွါ, စီၤယိနၤသၣ်အဖိခွါ, စီၤမဖံဘိၤၡ့းဟဲတုၤဝဲန့ၣ်, အဝဲတီၤလီၤလၢစီၤဒၤဝံး အမဲာ်ညါလၢတၢ်ယူးယီၣ်အပူၤလီၤ. စီၤဒၤဝံးစံးဝဲဒၣ်, “စီၤမဖံဘိၤၡ့းဧၢ,” ဒီးအဝဲဒၣ်စံးဆၢဝဲဒၣ်, “ကစၢ်ဧၢ, နကုၢ်နပှၤလီၤ.”

လံာ်စီၤၡမူၤအ့လးခံဘ့ၣ်တဘ့ၣ် 9:7

စီၤဒၤဝံးစံးဝဲဒၣ်, “ပျံၤတၢ်တဂ့ၤ. ယကသူၣ်ကညီၤသးကညီၤ နၤလၢနပၢ်စီၤယိနၤသၣ်အဃိန့ၣ်လီၤ. ယကဟ့ၣ်ကဒါက့ၤနၤဟီၣ်ခိၣ်ကဝီၤလၢအမ့ၢ်တ့ၢ်နဖုစီၤစီလူးအတၢ် ခဲလၢာ်ဒီးနကဘၣ်တၢ်တူၢ်လိာ်မုာ်နၤလၢယတၢ်အီၣ်အစီၢ်နီၤခိၣ် တဘိယူၢ်ဃီန့ၣ်လီၤ.”

လံာ်ပှၤစံၣ်တဲၤတဲလီၤတၢ် 8:2

မၤတၢ်လၢစီၤပၤစံးဘၣ်နၤတက့ၢ်. ဒီးမၤတၢ်အၢၣ်လီၤတဖၣ်ချ့ ဒံးချ့ဒူးဒီးကစၢ်ယွၤတဂ့ၤ.

လံာ်စီၤၡမူၤအ့လးအခီၣ်ထံးတဘ့ၣ် 18:3

စီၤယိနၤသၣ်မၤတၢ်ရ့လိာ်မုာ်လိာ်အထူအယိာ်အတၢ်ဆိၣ်ဒီးစီၤဒၤဝံး လၢအအဲၣ်ဘၣ်အီၤဒိၣ်နီၢ်မးအဃိန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 20:12

စီၤယိနၤသၣ်စံးဘၣ်စီၤဒၤဝံး, “မ်ယွၤ, ကစၢ်ယွၤကဲထီၣ်နၤဒီးယၤအပှၤအုၣ်အသးတက့ၢ်. ခဲမုၢ်ဆ့ၣ်, အဆၢကတီၢ်ဒ်အံၤဒီးပိာ်ထီၣ်အခံလၢခံတနံၤန့ၣ်, ယကသံကွၢ်ယပၢ်လီၤ. အတၢ်ပာ်သူၣ်ပာ်သးလၢနဖီခိၣ်မ့ၢ်ဂ့ၤဝဲ ဒီးယကဆှၢလီၤတၢ်ကတိၤလီၤ.

လံာ်စီၤၡမူၤအ့လးအခီၣ်ထံးတဘ့ၣ် 20:15

ဒုးနဲၣ်နတၢ်သးအိၣ်တၢ်ပာ်ကဲဒီးနတၢ်သူၣ်တီသးလိၤတမံၤဃီ ဆူယဟံၣ်ဖိဃီဖိအအိၣ်တဘိယူၢ်ဃီတက့ၢ်. ဒီးဖဲယွၤမၤဟးဂီၤကွံာ်ကယဲၢ်နဒုၣ်နဒါလၢလၢပှဲၤပှဲၤန့ၣ်,

လံာ်စီၤၡမူၤအ့လးအခီၣ်ထံးတဘ့ၣ် 20:17

မၤကဒီးတစု, စီၤယိနၤသၣ်မၢစီၤဒၤဝံးမၤတၢ်အၢၣ်လီၤအီ လီၤလၢကအဲၣ်အီၤလီၤ. အဂ့ၢ်ဒ်အံၤစီၤယိနၤသးအဲၣ်စီၤဒၤဝံးဒ်အအဲၣ်လီၤအသးဒၣ်ဝဲ အသိးလီၤ.

လံာ်စီၤၡမူၤအ့လးအခီၣ်ထံးတဘ့ၣ် 20:42

အန့ၣ်ဝံၤဒီးစီၤယိနၤသၣ်စံးဘၣ်စီၤဒၤဝံး, “ကစၢ်ယွၤအိၣ်ဒီးနၤလီၤ. ယွၤကမၤလီၤတံၢ်ဝဲလၢနၤဒီးယၤ, ဒီးနစၢၤနသွဲၣ်ဒီး, ယစၢၤယသွဲၣ်တဖၣ်ကဟံးဃာ်အတၢ်အၢၣ်လီၤစီ ဆှံလၢပမၤတ့ၢ်အီၤယၢ်ခီယၢ်ခီန့ၣ်လီၤ.” အန့ၣ်ဝံၤဒီးစီၤဒၤဝံးဟးထီၣ်ဝဲဒီး စီၤယိနၤသၣ်က့ၤကဒါက့ၤဆူဝ့ၢ်ပူၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 20:8

ဝံသးစူၤမၤဘျုးယၤလၢတၢ်တမံၤအံၤဒီးဟံးဃာ်တၢ်အၢၣ်လီၤစီဆှံလၢနမၤအီၤဒီးယၤတက့ၢ်. ဘၣ်ဆၣ်ဒီး, ယတၢ်ကမၣ်မ့ၢ်အိၣ်န့ၣ်မၤသံကွံာ်ယၤလၢနနီၢ်ကစၢ်ဒၣ်နဲတက့ၢ်. ဘၣ်မနုၤနကဘၣ်လဲၤကိးယၤဆူနပၢ်အအိၣ်ဒ်သိးကမၤသံယၤန့ၣ် လဲၣ်.”

လံာ်စီၤၡမူၤအ့လးအခီၣ်ထံးတဘ့ၣ် 23:18

ပှၤခံဂၤန့ၣ်မၤတၢ်ဒီတံၤဒီသကိးလိာ်အတၢ်အၢၣ်လီၤအီလီၤအစီအဆှံတမံၤလီၤ. စီၤဒၤဝံးအိၣ်ဝဲဖဲဃိရဲးဒီးစီၤယိၤနၤသၣ်က့ၤဆူအဟံၣ် လီၤ.

လံာ်စီၤၡမူၤအ့လးအခီၣ်ထံးတဘ့ၣ် 24:22

စီၤဒၤဝံးအၢၣ်လီၤဝဲလီၤ. အန့ၣ်ဝံၤဒီးစီၤစီလူးက့ၤကဒါ က့ၤဆူအဟံၣ်ဒီးစီၤဒၤဝံးဒီးအပှၤတဖၣ်က့ၤကဒါက့ၤဆူ အတၢ်အိၣ်ခူသူၣ်အလီၢ်န့ၣ်လီၤ.